Bɔ bɛ̀rɛbaa nɛ 12:23 - LAWA A BOO SONBORE

²³ Dɛnaa á re boe Ezipti gána gɔ́ɔ̃ nɛ, a dɔlɔ bɔ a ganaa, á re mà lɛ yii kaa kiɛnlɛ-a ǹ gɔnɔn ganaa, a lon laanka a wàã li ǹ wɔn nɛ. Bɛ lɛ a lɛa, Dɛnaa á re kiɛ̃ kiɛnlɛ lɛ lɛ-a, a re toɛ bɔ̀n-dali lɛ wɔ kaa kionən ne, a bɔ̀n da wa.

LAWA A BOO SONBORE 2011

²³ Dɛnaa á re boe Ezipti gána gɔ́ɔ̃ nɛ, a dɔlɔ bɔ a ganaa, á re mà lɛ yii kaa kiɛnlɛ-a ǹ gɔnɔn ganaa, a lon laanka a wàã li ǹ wɔn nɛ. Bɛ lɛ a lɛa, Dɛnaa á re kiɛ̃ kiɛnlɛ lɛ lɛ-a, a re toɛ bɔ̀n-dali lɛ wɔ kaa kionən ne, a bɔ̀n da wa.

Bɔ bɛ̀rɛbaa nɛ 12:23 ပူးပေါင်းရင်းမြစ်များ

Samayeli2 24:16

Lon a dia dí-a wole nə́ n gɔn saa á dia Zeruzalɛmu la, mà a n die basaã koe ne. Dɛnaa Lawa bɛ́ a ba li doo a bɛa basaã lɛ kɔ a wo-n nyɛɛn wa, á tɔ́n pɛ lon a dia dí-a wole lɛ nɛ basaã koe zaman lɛ bii: «Kɛ á boe! Kanna kəni, wusoo ka n gɔn nɛ.» Bɛa biikoo li bɛ̀ Dɛnaa Lawa a dia dí-a wole lɛ n golee ne kunu Zebuzun giĩ Arabunaa kɛa *belee duwəə ǹ bǎã kɛ li.

Zɔbu 14:13

E, bɛ̀ ma n lɛ koe dinin n ma duru geren piɛ, n ma lɛ tã walan, yǎa n busii kɛ nyɛɛ, yǎa bɛ̀ n yiri gisĩ ma nɛ biikoo mɛn li.

Bɔ bɛ̀rɛbaa nɛ 11:4

Muizu pɛ: – Dɛnaa n pii kɛnɛn: «Làan biikoo li, ma á re boe Ezipti gána gɔ́ɔ̃ nɛ,

Bɔ bɛ̀rɛbaa nɛ 12:7

Ka a mà bɔ, ka bɛ́ re a siĩ soɛ̃ kion mɛn nɛ, ka bɛa mà lɛ lɔ kion lɛ a kiɛnlɛ gɔnɔn ganaa, a wàã li ǹ wɔ màn paa kɛ laanka lon wɔ kɛ nɛ.

Izayii 26:20

Maa zaman, wo piɛ, n nə n kiɛnlɛn tã n kio. N duru boɛɛnɛ, n toa Dɛnaa Lawa a foo-yoo kɛ kiɛ̃.

Izayii 37:36

Dɛnaa Lawa a lon a dia dí-a wole soo, á min duu paabiɛ ka pɔkiwisi ka sooro (185 000) dɛ Asiirii minin giã ǹ bǎã nɛ. A lɛawaa baayɛlɛ, sɔraasin lɛn nə́ yoo. Á ke, bɛ̀ geren nə́ ke tán bǎã yii ni.

Ezekieli 9:4

á pɛ nɛ: «Kiɛ̃ n nə n bibiə̃ Zeruzalɛmu kiwi lɛ gɔ́ɔ̃ nɛ. Giĩn mɛnɛn bɛ́ gini, ǹ nə́ wuu pii sii bɔbɔnɛɛn kɛn tumaa taman yii minin nə́ zɛnɛɛ kiwi lɛ gɔ́ɔ̃ nɛ, nyaǹ da bɛa giĩn lɛn nyanlɛ ganaa.»

Ezekieli 9:6

Min golen ne, giĩ tenən ne, nɛniɛ tenən ne, nɛnyaanan laanka lɔn nɛ, ka ǹ tumaa dɛ lenlen. Sɛnɛ, nyaǹ lɛ bɛ́ min woo min ganaa, ka nyan toa ka n mɔrɔ bɛ-a wa. Ka a giala kɔ maa kion lɛ ganaa.» Min goleen mɛnɛn bɛ́ kiãn lɛa ǹ nə́ goã Lawa a kion lɛ yɔrɔ-a, ǹ ná a giala kɔ ǹ nə́ bɛn dɛ.

Korɛnti1 10:10

Wɔ nyan gungunun si dɔn, ka ǹ dɔn min tɛnɛn bɛ́ ǹ nə́ gungunun si lɔn wa. Bɛ lɛ a lɛa nɛ, lon a dia dí-a wole mɛn bɛ́ gɛ̀ dii, bɛ nə́ ǹ tumaa dɛ ǹ nə́ gã.

Ebrəə 11:28

Golee Lawa li na á toa, á *kiɛ̃mala ǹ zɔ́n kɛ a zɛnaa giala kɔ. Á pɛ mà ǹ mà pɛpɛsɛ̃ kiɛnlɛn ganaa, màn mɛn bɛ́ toɛ, Lawa a bɔ̀n-dali kɛ baran n gɔn da Izirayeli minin nɛgiĩ bibinaa kɔ́n ganaa wa.

Ebrəə 12:24

Ká n mɔrɔ Yezu ganaa, asɛ mɛn bɛ́ á lɛ kɔ kɔn la dii lɛ a zɛlɛ baa. Ka ǹ ká n mɔrɔ a mà kɛ ganaa min pii, mà mɛn bɛ́ dí gole nyɛɛ á la Abeli wɔ nɛ.

Sii-nyaan 7:3

«Ka n dinin kũ. Tán nɛ, yìsi mu gole ne hinlaa dan nɛ, ka nyan sii kɔ́n zɛnaa bɛn man bɔrɔ wa, yǎa wɔsɛn nə nyaǹ kiɛ̃ wɔa Lawa a dí-nyalin nyanlɛ ganaa wɔ nya.»

Sii-nyaan 9:4

Ǹ nə́ pɛ ǹ nɛ, mà ǹ nyan toa ǹ basaã kɔ buu kɔ́n nɛ wa, ǹ nyan toa ǹ basaã kɔ da laanka màn zumii kɔ́n nɛ wa. Sɛnɛ, minin mɛnɛn bɛ́ Lawa a nyaǹ ná a kiɛ̃ nɛ ǹ nyanlɛ-a wa, mà ǹ basaã kɔ bɛn nɛ.