Bɔ bɛ̀rɛbaa nɛ 12:16 - LAWA A BOO SONBORE

¹⁶ Lɛawaa bibinaa lɛ li, ka tá re n lɛ soekɔn ka Lawa guguru kɔ. A lɛawaa sɔbaabaa ǹ wɔ pinaa doo, ka wusoo ka zɛnaa miɛ̃. Bɛa lɛawaan kɛn lɛn li, min baran dí kɔ́n nya wa, yǎa kaa màn-bii dinsɔɔ̃, bɛ á boe la a n zɛnaa.

LAWA A BOO SONBORE 2011

¹⁶ Lɛawaa bibinaa lɛ li, ka tá re n lɛ soekɔn ka Lawa guguru kɔ. A lɛawaa sɔbaabaa ǹ wɔ pinaa doo, ka wusoo ka zɛnaa miɛ̃. Bɛa lɛawaan kɛn lɛn li, min baran dí kɔ́n nya wa, yǎa kaa màn-bii dinsɔɔ̃, bɛ á boe la a n zɛnaa.

Bɔ bɛ̀rɛbaa nɛ 12:16 ပူးပေါင်းရင်းမြစ်များ

Bɔ bɛ̀rɛbaa nɛ 16:23

Muizu tɔ́n pɛ ǹ nɛ: «Dɛnaa na á bɛ lɛ pɛ, biɛ̃ n *susu ǹ pii lɛa, Dɛnaa din a lɛawaa nɛ. Màn mɛn bɛ́ kɔrɛ ǹ wɔ lɛa, ka bɛ kɔrɛ pelo, ka a pipi ǹ wɔ pipi. A giala mɛn bɛ́ goɛ̃, ka bɛ tamaa yǎa baayɛlɛ.»

Bɔ bɛ̀rɛbaa nɛ 16:29

Ka ga a ganaa, Dɛnaa susu ǹ pii kɔ ka la, bɛ lɛ nɛ, lɛawaa sɔrɔbaa ǹ wɔ pinaa ke, a n lɛawaa paa màn-bii koe ka la. Didie giã a bǎã nɛ. Min kɔ́n baran soo a n bɔ a piɛ lɛawaa sɔbaabaa ǹ wɔ pinaa kɛ-n wa.»

Bɔ bɛ̀rɛbaa nɛ 16:5

Lɛawaa sɔrɔbaa ǹ wɔ pinaa, bɛ̀ ǹ nə́ woo ǹ màn-bii goa lɛ zɛnaa, ǹ tá re yii a la baraabaraa wɔ a goa lɛ nɛ gunyin paa.»

Bɔ bɛ̀rɛbaa nɛ 20:10

Sɛnɛ, lɛawaa sɔbaabaa ǹ wɔ pinaa ke, Dɛnaa lɛ, n Lawa lɛa, bɛa susu ǹ pii n ka bɛ nɛ. N din baran dí kɔ́n nya wa, n nɛnyaanan baran nya wa, a giĩdɛnan laanka a lɔdɛnan nɛ, n dí-nyalin ni, a giĩdɛnan laanka a lɔdɛnan nɛ, n tɔɔn baran nya wa, haalɛ gùli mɛn bɛ́ ka li.

Bɔ bɛ̀rɛbaa nɛ 34:18

«Ka toa ka *yɔ bùbaã buuru zɔ́n kɛ tamaa ka zɛnaa. Lɛawaa sɔbaa gɔ́ɔ̃ nɛ, ka yɔ bùbaã buuru sɔ̃. Ka zɛnaa a kɔnpɛ biikoo kɛ lɛ nɛ, má pɛ ka nɛ. Mui bibinaa nɛ, a giala, ka n ka soo Ezipti gána nɛ, mui bibinaa kɛ lɛ nɛ.

Izayii 1:13

Kaa Lawa gɔ ǹ màn ke, ka n susu ka bɛa koe ne. A là banban. A tɛmaa gìĩ kɔɔ̃n ke, bɛ tìĩ bɔ ma nyin ni. A giala, kaa mui dii zɔ́nɔn kɛn bɛ̀ ka ǹ zɛnaa, kaa susu ǹ piin kɛn nɛ, ka kaa zɔ́n dadaraan kɛn nɛ, ka n sii baraan zɛnɛɛ bɛn li. Ma a bɛ sii ma ganaa duduu wa.

Lawa a wúlu-bɔlen 23:21

Bɛa pinaa kɛ lɛ nɛ, ka kɔn bii, ka n lɛ sɔkɔn, ka masɛ guguru kɔ. Ka bɛ́ dín mɛnɛn nyɛɛ babaraa, ka nyan toa ka bɛ kɔn nya bɛa pinaa wa. Bɛ lɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ba n bɔyɛɛ wa, ta ka n giã-n bǎã mɛn nɛ.

Lawa a wúlu-bɔlen 23:27

A din mui sɔbaabaa ǹ wɔ lɛ a lɛawaa fùbaa ǹ wɔ pinaa, bɛ n sii baraa sawaa ǹ wúlu bɔ ǹ lɛawaa gole lɛa. Ka n lɛ sɔkɔn bɛa pinaa, ka n lɛ sɔɔ, ka wúlu mànan tã masɛ Dɛnaa Lawa wɔ lɛa, ka ma guguru kɔ.

Lawa a wúlu-bɔlen 23:35

A lɛawaa bibinaa pinaa, ka n lɛ sɔkɔn, ka masɛ guguru kɔ. Ka bɛ́ dín mɛnɛn nyɛɛ babaraa, ka nyan toa ka bɛ kɔn nya bɛa pinaa wa.

Minin nimi 28:18

Zɔ́n lɛ a giala kɔ pinaa, ka die ka n sɔkɔn ka Dɛnaa Lawa guguru kɔ, ka n ka a n gɔn diɛ dí kaka kɔn-a wa.

Minin nimi 28:25

A lɛawaa sɔbaabaa ǹ wɔ, ka wusoo ka n sɔkɔn ka Lawa guguru kɔ, ka n ka a n gɔn diɛ dí kaka kɔn-a wa.

Minin nimi 28:26

*«Kaa-piɛ zɔ́n pinaa, bɛ̀ ka tá die kaa wuru màn lɛ bibinaa koe Dɛnaa Lawa la, ka die ka n sɔkɔn ka Dɛnaa Lawa lɛ guguru kɔ, ka ka a n gɔn diɛ dí kaka kɔn-a wa.

Minin nimi 29:1

«Lɛ̀ a mui sɔbaabaa ǹ wɔ a giala kɔ pinaa, ka n sɔkɔn ka Dɛnaa Lawa guguru kɔ. Ka baran n gɔn da dí kaka ganaa bɛa pinaa kɛ lɛ-n wa. Bɛnɛn pɛ ǹ zɔ́n nɛ.

Minin nimi 29:12

«Lɛ̀ a mui sɔbaabaa ǹ wɔ lɛ a lɛawaa fulusoorobaa ǹ wɔ pinaa, ka n sɔkɔn ka masɛ Dɛnaa Lawa guguru kɔ. Ka baran n gɔn da dí kaka kɔn ganaa wa. Ka zɔ́n zɛnaa lɛawaa sɔbaa, ka masɛ Dɛnaa Lawa guguru kɔ nɛ.

Zaã a sɛ́wɔ 19:31

Kiɛ̃mala ǹ zɔ́n na á goã ka biɛ̃ nɛ. Zuifun ba li gere goã dere ǹ gɔn ganaa *susu ǹ pii pinaa wa, a giala, lɛawaa gole ne a tɔ-a. Bɛ lɛ nɛ, ǹ nə́ Pilati nyankɔ mà a toa ǹsɛn nə ǹ gòãn yiɛ ń giɛ ǹ tá giɛ̃ fufuu, ǹsɛn nə ǹ bɔ ǹ nə n bɔ dere ǹ gɔn ganaa.

Timəə dí-pɛn 16:8

Lɛawaa sɔrɔ gɔ́ɔ̃ nɛ, yɔ bù bɛ́ a ba buuru mɛn li wa, ka bɛ sɔ̃. A lɛawaa sɔbaabaa ǹ wɔ pinaa, ka n lɛ sɔkɔn kaa Lawa, Dɛnaa Lawa lɛ tɔ-bɔ a lɛa. Ka nyan toa ka dí kɔn nyan bɛa pinaa wa.