Bɔ bɛ̀rɛbaa nɛ 10:21 - LAWA A BOO SONBORE

²¹ Dɛnaa pɛ Muizu ni: «N gɔn saa lon, màn mɛn bɛ́ toɛ, wɔlɔ tii Ezipti gána lɛ paǹ tumaa nɛ. Wɔlɔ tii yǎa minin nə n gɔn talɛɛ.»

LAWA A BOO SONBORE 2011

²¹ Dɛnaa pɛ Muizu ni: «N gɔn saa lon, màn mɛn bɛ́ toɛ, wɔlɔ tii Ezipti gána lɛ paǹ tumaa nɛ. Wɔlɔ tii yǎa minin nə n gɔn talɛɛ.»

Bɔ bɛ̀rɛbaa nɛ 10:21 ပူးပေါင်းရင်းမြစ်များ

Zɔbu 5:14

Ta lɛ̀ na á waa, ǹsɛn man wɔlɔ tì li. Ta penleen tiɛɛ̃n nɛ, ǹsɛn manə n gɔn tatalɛɛ ka tèlò ne.

Loen 105:28

Á wɔlɔ tì dia, á tán tii ni, min kɔn nə n piã ka a boo lɛ-n wa.

Loen 35:6

Dɛnaa Lawa, bɛ̀ n lon a dia dí-a wole lɛ tá ǹ lui, zii tii ǹ ganaa, n na a zɔrɔn kɔ ǹ gòã li.

Loen 78:49

A foo busu Ezipti minin kɛn li á la yii ni. A foo bɛ́ á yoo a là n kakaɛ̃, á daa bɔ̀n da ǹ ganaa.

Bɔ bɛ̀rɛbaa nɛ 7:19

Dɛnaa pɛ Muizu ni: «A pɛ Aarɔn nɛ, mà a bàlà lɛ saa, a n gɔn saa lon a dia Ezipti gána a tà mu la, ka a piɛɛrɛnɛn tumaa nɛ, mu bɛ́ bǎã mɛn tumaa nɛ, ǹ tumaa mà baa. Mà goã Ezipti gána lɛ a bǎã tumaa nɛ, á goã a mànan tumaa gɔ́ɔ̃ nɛ, gɔn wɔn nɛ ka kɔlɔ wɔn nɛ.»

Bɔ bɛ̀rɛbaa nɛ 9:22

Dɛnaa pɛ Muizu-n kəni: «N gɔn saa lon, màn mɛn bɛ́ toɛ, la gii kaa màn tumaa la Ezipti gána kɛ nɛ, a minbuiinin ni, a tɔɔn nɛ ka a màn-kɔsiɛ din tumaa nɛ.»

Suusun 4:19

Sɛnɛ, min mɛnɛn bɛ́ sii baraa zɛnɛɛ, bɛn wɔ n wɔlɔ tì lɛa ka tèlò bɛ́ lɔn. Màn mɛn bɛ́ re ǹ boe a ǹ daa, ǹ yii ba bɛ-a wa.

Boo-laakalaali 2:14

Sii-dɔ̃li tá giɛ tán, gàãnaa n tɔ we wɔlɔ tì li. Sɛnɛ masɛ á doɛ̃, máa a din sii goon lɛ n die ǹ dinin paanan yii.

Boo-laakalaali 6:4

A giala, bɛa nɛ gere kɛ lɛ na á daa kooro, a n woe wɔlɔ tì li, a boo na á nya.

Ezekieli 32:7

Bɛ̀ ń nə́ n yii nimi ǹ mɛn pinaa, ma á re pìi koe lon kɛ lɛ. Ma á re wɔlɔ tii leeren ganaa, ma á re labara koe wasa lɛ, mui dɔ a re folon kiɛ wa.

Matiə 27:45

Wasa bɛ́ á dɔ baã bii, wɔlɔ tii gána lɛ paǹ din tumaa nɛ yǎa biikoo sɔɔ, wasa lɛ kanɛɛ a biikoo li.

Marki 15:33

Wasa bɛ́ á dɔ baã bii, wɔlɔ tii gána paǹ din tumaa ganaa yǎa biikoo sɔɔ, wasa lɛ kanɛɛ a biikoo li.

Luku 23:44

Wasa a dɔ baã bii waáraa, wasa papaã. Wɔlɔ yoo á tii kanaa bǎã din tumaa nɛ, yǎa á woo dɔ biikoo sɔɔ.

Timəə dí-pɛn 1:30

Kaa Lawa, Dɛnaa Lawa mɛn lɛ á ke ka nyɛɛnaan boe, bɛ lɛ á re zia biɛ kaa lɛa, ka a bɛ́ á zɛnaa ka-n lɔn, ka dinin yii ni, Ezipti gána nɛ,

Timəə dí-pɛn 28:29

Ka á re n gòã tatalaɛ zii li penleen tiɛɛ̃n ka yii tere-a wɔ bɛ́ lɔn, sɛnɛ, ka a re zii yii wa. Kaa nya ǹ dí kɔn ba re bǐɛ̃ koe wa. Maǹ die goɛ̃ mɛnɛɛ ka la miɛ̃ duduu bɛ̀ ǹ ka gɔn mànan si ka la, min dɔ ná a re yii a n dɔ ka lɛ wa.

Timəə dí-pɛn 4:34

Lawa mɛn kɔsɔ na á ná a minin si ǹ zɔ́ɔn la lɛn zɔɔ̃, ka kaa wɔ kɛ bɛ́ lɔn? A na á fuu nya kaa zɔ́ɔn lɛn manɛ, á kaãbaa ǹ sii dadaran nya ǹ nɛ, á zia baa ǹ ganaa, á sii kakan zɛnaa á pàã nyaa ǹ nɛ, á nyɛ́ɛ da ǹ ganaa. Kaa Lawa, Dɛnaa Lawa na á bɛ lɛ tumaa zɛnaa kaa lɛa, Ezipti gána nɛ, ka dinin yii ni.

Piɛrɛ2 2:17

Bɛa minin-daraali soɛ-bɔlen kɛn lɛn man goon ka mu yalan nɛ, mu ba ǹ nɛ wa. Maǹ ka labaran mɛnɛn bɛ́ piɛ̃ nə́ ǹ goɛ kiɛ̃ ǹ nɛ. Nɔmaa ǹ bǎãn mɛnɛn bɛ́ wɔlɔ tì lɛa taãn-taãnɛ, Lawa n bɛn koɛ ǹ nɛ.

Piɛrɛ2 2:4

Lon a dia dí-a wolen mɛnɛn nə sii baraa zɛnaa, Lawa bɛn dinin toa wa. A na á ǹ kaa papaã ǹ bǎã wɔlɔ tì kɛ li, ǹ nə́ kòso-n walan, n yii diɛ kiri-kurii pinaa kɛ la.

Zude 1:13

Bɛa minin kɛn lɛn man ka yìsi mu a bìn-diɛ gàãnaa bɛ́ lɔn, yìsi mu bɛ́ woe lɔn a kaã gɔgɔrɛ toa walan, ǹ nya ǹ dín là n ka ǹ dinin sìi ni. Maǹ goon ka leeren bibiə̃ wolen kɛn nɛ, Lawa na á ǹ koa wɔlɔ tì biribiri kɛ wɔn lɛa yǎa duduu.

Zude 1:6

Ka n yiri kɔ kɛ dɔ nɛ, lon a dia dí-a wolen mɛnɛn bɛ́ ǹ giã ǹ dia dí-a wolebaa-n wa, ǹ nə́ ǹ bǎã toa walan, Lawa na á bɛn gisĩ á ǹ kaa wɔlɔ tì li, á fɔlɔ biɛn kaa ǹ ganaa. Maǹ die goɛ̃ bɛ-n duduu yǎa kiri kuru ǹ lɛawaa gole kɛ a pinaa.

Sii-nyaan 8:12

Lon a dia dí-a wole siibaa ǹ wɔ dɔ tɔ́n a bɛn pɛ. Wasa laanka mui ka leeren talakɔn sɔɔbaa ǹ wɔ gã, ǹ folon dɔ a talakɔn sɔɔbaa ǹ wɔ nimi. Bɛ tɔ́n toa baayɛlɛ ka tèlò a talakɔn sɔɔbaa ǹ wɔ́ goã wɔlɔ tì lɛa.