Bɔ bɛ̀rɛbaa nɛ 1:7 - LAWA A BOO SONBORE

⁷ Izirayeli minin lɛn nə́ nɛnyaanan yɛ, ǹ nə́ mɔnaa Ezipti gána lɛ nɛ, ǹ pàã gole kɔ parsiini.

LAWA A BOO SONBORE 2011

⁷ Izirayeli minin lɛn nə́ nɛnyaanan yɛ, ǹ nə́ mɔnaa Ezipti gána lɛ nɛ, ǹ pàã gole kɔ parsiini.

Bɔ bɛ̀rɛbaa nɛ 1:7 ပူးပေါင်းရင်းမြစ်များ

Siin Giala 1:20

Lawa tɔ́n wusoo á pɛ kɛnɛn doo: «Màn yiikoonaa gigiã yɛ bǎã tumaa a mu li, bàanan dɔn nə piɛ̃ ǹ wo lon.»

Siin Giala 1:28

Lawa barka da ǹ ganaa, á pɛ ǹ nɛ kɛnɛn: «Ka nɛnyaanan yɛ, ǹ mɔnaa, ǹ tán pã, ǹ giã a mìi la. Ǹ goã kɔ̀ mu li ǹ zɔ̀n mìi la, ka bàanan laanka màn yiikoonaa mɛn tumaa bɛ́ tɔ we tán la.»

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Siin Giala 13:16

Má á re n tɔrɔ mɔnɛɛ ka tán tii bɛ́ lɔn. Tán tii bɛ́ mɔnaa-n lɔn, min ná a boe la á nimii wa, n dɔ tɔrɔ n die mɔnɛɛ miɛ̃, min ná a boe la a nimi wa.

Siin Giala 15:5

Bɛ kio, á Abramu kũ á soo-n kanaa, á pɛ nɛ: «Ga lon, bɛ̀ ń tá boe la n leeren kɛn nimi, n nə ǹ nimi. N dɔ tɔrɔn man die mɔnɛɛ miɛ̃, min ba re boe la, a ǹ nimi a ǹ lɛ yɛ wa.»

Siin Giala 17:16

Ma á re barka we a nɛ, ma á re toɛ n nɛgiĩ yɛ la dinin. Ma á re barka we a nɛ, a tɔrɔn tá re gána tumun biɛ. Tɔrɔ gigiã a kiin tá re boe a tɔrɔn bii.»

Siin Giala 22:17

ma á re barka we n ne, ma n tɔrɔn mɔnaa, ka lon a leeren laanka kɔ̀ mu lɛ-a ǹ nyɔɔsɔ̃ bɛ́ lɔn. N tɔrɔn tá re ǹ zɔ́ɔn giã ǹ bǎã sii ǹ la.

Siin Giala 26:22

Á n zɔ̃ á n bɔ walan, á tù kɔsɔ fɔ̃, liere nə n kɔ bɛ ganaa wa. Á bɛ bíi Rehobɔti (bɛ giala mà "Màn-dali"), a giala, a na á goã pii: «Kanna, Dɛnaa màn da wɔsɛn bǎã li, màn mɛn bɛ́ toɛ, wɔ màn yɛ gána lɛ nɛ.»

Siin Giala 26:4

Ma á die a tɔrɔn mɔnɛɛ, ka lon a leeren bɛ́ lɔn, ma bǎãn kɛn lɛn tumaa kɔ ǹ la. Kanaa a tɔrɔn tumaa á die lɛn bǐɛ̃ bíi kɔn li, ǹ pɛ: «Lawa die a barka wɔ n nɛ, ka Abrahamu tɔrɔn wɔ bɛ́ lɔn.»

Siin Giala 28:14

N tɔrɔn tá re mɔnɛɛ ka tán tii bɛ́ lɔn. N gána á die gole koe, a wo lɛ̀giala laanka lɛ̀nyɛɛn li, a wo gɔsɛ a lɛ̀gɔn laanka gusin a lɛ̀gɔn la. Kanaa a tɔrɔn tumaa wɔ á re bǐɛ̃ koe, n din wɔ laanka n tɔrɔn wɔ gɔ́ɔ̃ nɛ.

Siin Giala 35:11

Lawa pɛ-n doo: «Man Lawa Pàãyiidɛnaa lɛa. Ma á die toɛ n nɛ gigiã yɛ, n tɔrɔ mɔnaa ǹ gána baa. Ń tá re tɔrɔ gigiã a díi biɛ. KIIN tá re boe n tɔrɔn bii.

Siin Giala 46:3

Lawa tɔ́n pɛ nɛ: «Masɛ n Lawa lɛa, n di bɛ́ á goã Lawa mɛn guguru koe. Ezipti gána a woo baran nyɛ́ɛ da n ganaa wa, a giala, ma á re n tɔrɔn mɔnɛɛ walan.

Siin Giala 47:27

Zakɔba giã Ezipti gána nɛ, Gosɛnɛ tán la. A tɔrɔn lɛn nə́ tándɛnan baa, ǹ nə́ nɛnyaanan yɛ, ǹ nə́ mɔnaa parsiini.

Siin Giala 48:16

Lon a dia dí-a wole mɛn bɛ́, á ma kirisibaa sii baraa tumaa ganaa, a din die a barka da nɛgininin kɛn ganaa. Lawa toa ma tɔ nə n bíi ka ǹsɛn lɛn barka nɛ, ka ma di gole Abrahamu laanka ma di Izaaki wɔ bɛ́ n bíi lɔn. Lawa die a n tɔrɔ mɔnaa gána lɛ nɛ.

Siin Giala 48:4

Á pɛ ma-n kɛnɛn: «Ma á re n buluboe, ma n nɛnyaanan mɔnaa, ma n baa tɔrɔ gigiã lɛa. Ma á re gána kɛ lɛ koe n tɔrɔn la, a ǹ wɔ baa duuduu.

Siin Giala 9:1

Lawa barka wɔ Nowee laanka a nɛnyaanan nɛ, á pɛ ǹ nɛ kɛnɛn: «Ka nɛnyaanan yɛ, ka mɔnaa, ka tán pã.

Nehemii 9:23

Ń nə́ ǹ nɛnyaanan mɔnaa ka lon a leeren bɛ́ lɔn. N goã ń pɛ ǹ digolon manɛ, mà ǹ wo gána mɛn lɛ si, ǹ baa ǹ wɔ lɛa, ń wɔ ǹ nɛ walan.

Loen 105:24

Lawa ná a zaman lɛ mɔnaa parsiini, á pàã kɔ ǹ la, á la ǹ zɔ́ɔ Ezipti minin kɛn wɔ nɛ.

Loen 107:38

Lawa n barka diɛ ǹ ganaa, màn nə miɛ̃ ǹ li, ǹ nə́ mɔnɛɛ, Lawa a toɛ màn nə n bɔ ǹ tɔɔn lɛ wa.

Bɔ bɛ̀rɛbaa nɛ 1:12

Sɛnɛ, ǹ bɛ́ giɛ li mà ǹ màn da Izirayeli nɛnyaanan lɛn nɔmaa li ǹ mɛn waáraa, bɛa biikoo lɛ din ni, màn nə́ miɛ̃ ǹ mɔnaa li, ǹ nə́ bǎã siɛ. Ǹ sii goã nyɛ́ɛ diɛ Ezipti minin ganaa.

Bɔ bɛ̀rɛbaa nɛ 12:37

Izirayeli nɛnyaanan lɛn nə́ soo Ramusɛsi kiwi, ǹ nə́ woo Sukɔti. Ǹ nə́ woo dɔ giĩ duu biɛsɔrɔ (600.000) kɛ miã, nɛnyaanan nə́ ǹ ba a-n wa.

Bɔ bɛ̀rɛbaa nɛ 5:5

Ebrəən lɛn bɛ́ ǹ nə́ mɔnaa kanna, ka n giɛ li, ka ǹ dí kɛ a nyɛɛ sàabaa kənlə!»

Ezekieli 16:7

Ma din nə má n da gole kɔ ganaa, ka da ten bɛ́ lɔn. N gole kɔ n woo lon, n siĩn kɔ n la yii ni. N nyɔn nə́ bɔ, ka pã n ganaa. Sɛnɛ, mɔnaa goã n ganaa wa, n gɔ̀nɔn kooro na á goã nɛ.

Nya ǹ dín 13:17

Wɔsɛn Izirayeli minin Lawa lɛ na á wɔsɛn digolon yii gɔgɔɔ̃. Wɔsɛn tɔrɔ minin lɛn bɛ́ Ezipti gána nɛ, á màn da ǹ li ǹ nə́ gigiã kɔ. Bɛ kio, á ǹ bɔ bɛa gána lɛ nɛ ka a din pàã nɛ.

Timəə dí-pɛn 10:22

Ka digolon bɛ́ woe Ezipti, bɛ̀ man min pɔsɔbaa dinsɔɔ̃. Sɛnɛ, sisia, kaa Lawa, Dɛnaa Lawa á ke á ka mɔnaa, ka lon a leeren bɛ́ lɔn.

Timəə dí-pɛn 26:5

Bɛ kio kəni, a golee a Lawa, Dɛnaa Lawa yɔrɔ-a a pɛ kɛnɛn: «Ma digolo na á goã Aramu tɔrɔ lɛa n binbirin boe. Á woo Ezipti gána nɛ, á giã walan gùlibaa nɛ, kun ka minin kɛn nɛ ǹ nə́ goã diɛ zii. Ǹ goã tɛ dinin wa. A bɛ́ walan, a minin lɛn nə́ mɔnaa, ǹ nə́ gána gole baa, pàã nə́ ǹ lon.