Bɔ bɛ̀rɛbaa nɛ 1:14 - LAWA A BOO SONBORE

¹⁴ Ǹ nə́ kanaa tìĩ bɔ ǹ nyin ni ka dí babaraa nɛ: tii miɛ̃ nɛ, toopaa boe ne ka wuru dí tumaa nyɛɛ nɛ. Maǹ nə́ nɔmaa ǹ dí tumaa da ǹ mìi-n ka baraabaa nɛ.

LAWA A BOO SONBORE 2011

¹⁴ Ǹ nə́ kanaa tìĩ bɔ ǹ nyin ni ka dí babaraa nɛ: tii miɛ̃ nɛ, toopaa boe ne ka wuru dí tumaa nyɛɛ nɛ. Maǹ nə́ nɔmaa ǹ dí tumaa da ǹ mìi-n ka baraabaa nɛ.

Bɔ bɛ̀rɛbaa nɛ 1:14 ပူးပေါင်းရင်းမြစ်များ

Siin Giala 15:13

Dɛnaa tɔ́n pɛ nɛ: «A dɔ̃ taãnɛ, mà n tɔrɔn tá re giɛ̃ gána kɔ́n nɛ, gána mɛn bɛ́ a ba ǹ wɔ lɛa wa. Min kɔsɔn tá re ǹ biɛ bɛ̀rɛn lɛa, ǹ fuu nyaa ǹ nɛ lɛ̀ biɛsii (400) gɔ́ɔ̃ nɛ.

Kiin1 12:14

Min tenən lɛn nə yiri mɛn kɔ la, a na á boo da ka zaman lɛ nɛ, á kɔnpɛ ka bɛ nɛ: «Maa díi guĩ guguru da ka mìi ni, masɛ n die màn diɛ bɛa guĩ lɛ li, maa díi na á ka duwəə ka sɛ̌n nɛ, masɛ n die ka duwii ka sɔsɔrɔ kiɛdɛnan nɛ.»

Loen 129:1

Wo Zeruzalɛmu loe. A kũ maa tenmaa waáraa ganaa, ǹ nə́ bɔ ma yii-n parsiini. Izirayeli minin, ka bɛ lɛ pɛ:

Loen 68:13

Ǹ nə́ pɛ: Maǹ baa sii. KIIN laanka zia-baalin man baa sii, ǹ si. Lɔn mɛnɛn nə goã piɛ, bɛn man kion màn sonboren kɛn goɛ zia mànan lɛa.

Loen 81:6

A din na á bɛa sii zɛnaa ǹ gɔn pɛ, á da Zozɛfu a minin mìi ni, bɛ̀ a bɛ́ á yoo Ezipti gána gialaa ǹ mɛn waáraa. Man lɛn kɔn miɛ̃, boo diɛ ma nɛ, sɛnɛ, ma a lɛn lɛ doɛ̃ wa. Á n pii kɛnɛn:

Bɔ bɛ̀rɛbaa nɛ 1:11

Bɛ lɛ taman yii, Ezipti minin lɛn nə́ kənən koa ǹ mìi la, maǹ nə ǹ kaa pàã dí nyɛɛ ganaa. Ǹ nə́ màn-bii koa ǹ kiwin dɔ Ezipti gána a kii *Faarahɔn nɛ, Pitomu laanka Ramusɛsi kiwin kɛn manɛ.

Bɔ bɛ̀rɛbaa nɛ 1:13

Bɛ lɛ a lɛa, ǹ nə́ bɔ Izirayeli nɛnyaanan lɛn yii ni, ka n pɛ mà bɛ̀rɛn manɛ.

Bɔ bɛ̀rɛbaa nɛ 1:15

Nɛ-yole min paa na á goã *Ebrəə minin lɛn li, goon tɔ na á goã Sifra, goon kɛ dɔ tɔ n Puha. Ezipti gána a kii lɛ pɛ bɛn manɛ:

Bɔ bɛ̀rɛbaa nɛ 2:23

A bɛ́ á belebɔ bɛ kio, Ezipti gána a kii lɛ gã. Izirayeli nɛnyaanan lɛn bɛ́ nɔmaa gɔ́ɔ̃ nɛ, ǹ nə́ gini, ǹ nə́ n lɛ dɛ. Bɛa bɛ̀rɛbaa lɛ gɔ́ɔ̃ nɛ, ǹ nyankɔ dii á dɔ Lawa ganaa.

Bɔ bɛ̀rɛbaa nɛ 20:2

«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Bɔ bɛ̀rɛbaa nɛ 6:9

Muizu boo lɛ da miɛ̃ Izirayeli nɛnyaanan lɛn manɛ, sɛnɛ, ǹ nə n too kɔ a lon wa, a giala, ǹ tá bɛ̀rɛbaa-n lɛ na á goã ǹ foo ziziɛ̃ parsiini.

Suusun 28:15

Nyɛɛnaadɛnaa baraa mɛn bɛ́ boe doobaa zaman yii ni, bɛ n goon ka yàra mɛn bɛ́ wɔɔsiɛ̃, ka gòon màn gole mɛn bɛ́ parɛ.

Izayii 10:24

Bɛ lɛ nɛ, Dɛnaa Lawa Pàãyiidɛnaa n kɛ pii: «Maa zaman, kasɛn mɛnɛn bɛ́ giã-n Siɔn, ka nyan nyɛ́ɛ baa Asiirii gána-n wa. A n ka duwii ka sɛ̌n nɛ, a na a dɔ̀rɔ̀ siɛ ka li, ka Ezipti minin kɛn nə goã zɛnɛɛ ka-n lɛlɛ lɔn.

Izayii 14:6

Bàlà kɛ lɛ na á goã tɔrɔn dii biikoo tumaa li, ka foo-yoo gole ne, ǹ yɔyɔrɛ, nɔmaa diɛ ǹ mìi ni.

Izayii 51:23

Min mɛnɛn bɛ́ boe n yii ni, man die paan lɛ we bɛn gɔn. Maǹ nə́ goã pii n ganaa kɛnɛn: «Waa tán, wɔ tɔ wɔ n la!» N dɔ̀ɔ̃ na á goã kiɛ̃ ǹ bǎã lɛa, zii lɛa ǹ nə́ tɔ we la.

Izayii 52:5

Bɛ gɔ́ɔ̃-n sisia, bɛa là n ka wáa nɛ masɛ ganaa? Dɛnaa Lawa a da ǹ boo ne. Ǹ nə́ woo maa zaman lɛ nɛ kòso nɛn lɛa kooro. Min mɛnɛn bɛ́ ǹ mìi la, maǹ nə n lɛ dii, ǹ nə́ sɔ kiɛ ma la duduu, Dɛnaa Lawa a da ǹ boo ne.

Izayii 58:6

Lɛ sɔɔ mɛn bɛ́ kɔɔ̃n ma ganaa, á ke: Ǹ mɛnaa min mɛnɛn la, ka bɛn si ka ǹ kaa. Zǔu mɛn bɛ ǹ wìi li, ka bɛ bɔ ka bɔ ǹ ganaa. Ǹ bɛ́ min mɛnɛn nɔmɛɛ, ka bɛn si ka ǹ kaa. Sii mɛn tumaa bɛ́ ǹ biɛ bɛ̀rɛn lɛa, ka bɛ yii sàabaa.

Lawa a wúlu-bɔlen 25:43

Min doamaa bie a pàã nyaa ǹ nɛ, a kakaarɛ kɔ ǹ ganaa wa. Ka zɛnaa miɛ̃ ka nyaa, mà ka tá nyɛ́ɛbiɛ kaa Lawa nɛ.

Lawa a wúlu-bɔlen 25:46

Bɛ kio, ka á re ǹ toɛ kaa nɛnyaanan manɛ kíɛ̃ lɛa, màn mɛn bɛ́ toɛ, ǹ nə ǹ dɔn wɔ baa. Ǹ tá boe la ǹ goã ǹ bɛ̀rɛn lɛa yǎa duduu. Sɛnɛ, ka dinin Izirayeli minin kɛn, ka baran pàã nyaa kɔn nɛ wa, ka baran kakaarɛ kɔ kɔn ganaa wa.

Lawa a wúlu-bɔlen 25:53

Bɛ̀ tii Izirayeli min mɛn pii ka bɛa yɔrɔ lɛ nɛ, a doamaa nɛ a saraa lɛ̀ woo lɛ̀. Ka dinin Izirayeli minin lɛn dɔn baran toa, bɛa tii lɛ pàã nyaa ka dinin Izirayeli min ni, a kakaarɛ kɔ a ganaa wa.

Misee 3:3

A n goon ka ka n ma tɔrɔ minin lɛn siĩ soɛ̃. A n goon ka ka n ká ǹ ki bɔ, ka ǹ wen yiyiɛ, ka siĩ din bɛ́ ǹ tá kukuri, bɛ̀ ǹ kaa kùsì-n lɔn, ka siĩ bɛ́ ǹ tá kukuri, bɛ̀ ǹ kaa fɔlɔ donkolon ne lɔn, ka n ká ma tɔrɔn lɛn baa miɛ̃.

Nahumu 3:14

Ninivu minin lɛn, zɔ́ɔn tá re die ka lɛnpɛnɛ. Ka mu si ka koa ka li. Ka màn da kaa kungɔnɔn pàã li. Ka gì mà, ka kaa kungɔnɔn tɔrɔ.

Minin nimi 20:15

Wɔ digolon man nə́ goã ǹ nə́ woo Ezipti gána-n lɛlɛ, wɔ́ goã walan wɔ́ belebɔ. Sɛnɛ, Ezipti minin lɛn nə́ bɔ wɔ yii ni, wɔ laanka wɔ digolon lɛn nɛ.

Nya ǹ dín 7:19

Bɛa kii kɛ lɛ yiri baraa bɔ, mà a n wɔsɛn tɔrɔ papaɛ̃ nɛ. Á baa pàã lɛa wɔsɛn digolon ganaa, mà ǹ nə ǹ nɛnyaan tintiɛ̃nɛn zũ, màn mɛn bɛ́ toɛ, ǹ baran la wa.

Nya ǹ dín 7:34

Sonbore, má maa tɔrɔ lɛ a nɔmaa yɛ Ezipti gána nɛ, má a ginii lɛ dɔ ma, man gisĩ má n die sii sii la. Sisia Muizu, woo. Masɛ n die n diɛ Ezipti gána nɛ.»

Timəə dí-pɛn 26:6

Sɛnɛ, Ezipti minin lɛn nə́ bɔ wɔ yii ni, ǹ nə́ wɔ kaa dí kaka nyɛɛ ganaa, ǹ nə́ doobaabaa kaa wɔ ganaa.

Timəə dí-pɛn 4:20

Sɛnɛ, kasɛn, Dɛnaa Lawa na á ka waa á ka bɔ Ezipti gána nɛ, nɔmaa kaka bii, màn mɛn bɛ́ toɛ, ka asɛ din wɔn baa, ka ka á ke a lɛa lɔn pelo.

Uruti 1:20

Sɛnɛ, asɛ na á goã pii ǹ ni: «Ka baran masɛ bíi Naomii doo wa, ka ma bíi Maaraa, a giala, Pàãyiidɛnaa na á kanaa kɔsɛ masɛ ganaa á la yii ni.