Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efɛɛzi minin 6:18 - LAWA A BOO SONBORE

18 Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.

အခန်းကိုကြည့်ပါ။ ကော်ပီ

LAWA A BOO SONBORE 2011

18 Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.

အခန်းကိုကြည့်ပါ။ ကော်ပီ




Efɛɛzi minin 6:18
51 ပူးပေါင်းရင်းမြစ်များ  

N too die a goã n dí-nyali lɛ laanka n zaman Izirayeli minin lɛn gòã-kũ li. Bɛ̀ ǹ nə́ n nyankɔ ka màn woo màn nɛ, a kɔ ǹ la.


Salomɔn bɛ́ á bɛa siin kɛn lɛn tumaa nyankɔ Dɛnaa Lawa lon, á gòã-kũ da a ganaa á nya ǹ mɛn waáraa, á yoo á n bɔ tán Dɛnaa Lawa a wúlu bɔ ǹ bǎã lɛ yɔrɔ-a. A na á goã a musi lɛn la tán wúlu bɔ ǹ bǎã lɛ nɛ, a gɔnɔn nə́ dia-n lon.


Ma gòã-kũ da Dɛnaa Lawa ganaa siin mɛnɛn lɛn lɛa bɛn die ǹ goã wɔa Lawa, Dɛnaa Lawa lɛ yiri ni, penleen laanka tèlò-n, màn mɛn bɛ́ toɛ, a n dɔ a dí-nyali lɛ laanka a din a zaman Izirayeli minin lɛn lɛ, a kɔnpɛ ka ǹ babaraa a laadoo siin ni.


Dɛnaa Lawa pɛ nɛ: – N ma nyankɔ, ń gòã-kũ da ma ganaa màn mɛn a lɛa, má ma. Kion ke ń dɔ ma tɔ la, man die n din nyɛɛ bɛ lɛ-n miɛ̃ duduu. Má á re giɛ a walan parsiini.


Pàãyiidɛnaa a sii tá re min baraa a foo kɔɔ̃nbaa biɛ? Á re Lawa nyankoe biikoo tumaa li?


LOE-saalin goledɛnaa loe mɛn lɔ tùtu wuu li. Davida a loe.


Ka n zɔ̃ ka n bɔ ma li, ka sii baraa-zɛnaalin lɛn tumaa. A giala, Dɛnaa Lawa maa wuu lɛ ma.


Dɛnaa Lawa, koe biikoo li, manə n bɔyɛɛ die n din li. Bɛ̀ ń dɔlɔ bɔ ǹ ganaa, manə n nyankoe ka lɛn basiɛ̃ nɛ.


Á n toa ǹ dan gɔ́ɔ̃ nɛ á ǹ dɔɔ̃n lɛ a bǎã si. A bɛ́ á gole kɔ, á yɔ bɔ kɔn Lawa nɛ.


Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.


Sɛnɛ bɛ̀ á n bɔ Lawa nyankɔ laanka lɛ-sɔɔ nɛ, min ba boe la a nɔ̀ɔnɔn kɛn tɔrɔ loo ǹ woo wa.]»


Ka n yii toa koo, ka Lawa nyankɔ, màn mɛn bɛ́ toɛ, ka baran mɛnaa damagɔ́ɔ̃ li ǹ sii-n wa. Sii sonbore zɛnaa ǹ foo tá minbuiin nɛ lon, sɛnɛ, a zɛnaa ǹ pàã na a ba a lon wa.


Ka yiri bɔ ka dinin li, ka n mìi saa lon, a giala, ka a biikoo doɛ̃ wa.


Ka n yii toa koo, ka Lawa nyankɔ, màn mɛn bɛ́ toɛ, ka baran mɛnaa damagɔ́ɔ̃ li ǹ sii-n wa. Sii sonbore zɛnaa ǹ foo tá minbuiin nɛ lon, sɛnɛ, a zɛnaa ǹ pàã na a ba a lon wa.»


Sɛnɛ, ka n yii dɔraa, ka Lawa nyankɔ biikoo tumaa waáraa, màn mɛn bɛ́ toɛ, pàã yɛ ka lon, ka n bɔ bɛa biɛ̃ ǹ siin kɛn lɛn nɛ, ka boo la ka golee biɛ̃ ka foo tãbaa nɛ Min a Nɛgiĩ yɔrɔ-a kiri kuru ǹ bǎã nɛ.»


Á pɛ ǹ nɛ: «Wàa na á baa ka á nyuù we? Ka yoo ka Lawa nyankɔ, màn mɛn bɛ́ toɛ, ka nyan mɛnaa damagɔ́ɔ̃li ǹ sii-n wa.»


Lɔn kɔnɔn dɔn nə́ goã kunun ǹ ni, Yezu din a náa Mariya nɛ ka Yezu ǹ dɔɔ̃nɔn nɛ. Ǹ tumaa na á goã bɛ̀ ǹ nə n lɛ kaa kun, ǹ Lawa nyankɔ.


Á goã Lawa a sii kuĩ ka a foo ne, a laanka a kion minin tumaa goã woe Lawa guguru koe lɛsɔkɔn bǎã nɛ. A din goã Zuifu lɛa wa, sɛnɛ, á goã bǐɛ̃ gigiã zɛnɛɛ Zuifun doobaan manɛ, á goã Lawa nyankoe dɔn biikoo tumaa li.


Piɛrɛ bɛ́ kòso-n, Lawa a sɔmɔ minin kɛn man nə́ goã Lawa nyankoe a lɛa parsiini.


Wɔsɛn dininmaan kɛn tá re woe nyɛɛnɛ, wɔ n dinin kɔ Lawa nyankɔ la, ka Lawa a boo pɛ kɛ a dí ni.»


Ka n nyɛnyɛɛ kaa foo-doa kɛ a lɛa. Ka n doa ka fuu si ka ganaa. Ka Lawa nyankɔ ka baran nɔmaa wa.


Ka doamaa bie ka nyɛ́ɛ baa doo wa. Lawa ná a din Yiri kɔ ka la. Bɛ n nyɛɛ mà ka ba bɛ̀rɛn lɛa wa, sɛnɛ, ka na a nɛnyaanan lɛa. Bɛ̀ wɔ á n lɛ dii Lawa ganaa wáa «Wɔa Díi!»,


Wɔ bɛ́ na a nɛ taãnan lɛa, bɛ lɛ nɛ, Lawa ná a Nɛgiĩ Yiri dia wɔ foo ne. Bɛ lɛ n pii wɔ gɔ́ɔ̃ nɛ mà "Wɔa Díi".


Bɛ lɛ n ke, bɛ̀ ma á maa Lawa nyankoe kaa lɛa lɔn, man barka diɛ Lawa-n baraabaraa ka a lɛa.


Ka laanka gialakunun kɛn tumaa nɛ, kaa tá kun ka Krita-n a lɛa, ka dɔn gii n bɛa kion kɛ lɛ nɛ. A n miɛ̃, màn mɛn bɛ́ toɛ, Lawa bɛ́ kion mɛn nɛ ka a din a Yiri Fu ni, ka bɛa kion lɛ baa taãn-taãnɛ.


Bɛ̀ á n baa miɛ̃, Lawa a kɔn-narɛɛ lɛ bɛ́ gole á la yii-n lɔn, ka á re boe la ka bɛ dɔ̃. Ka laanka Lawa a zaman tumaa á die a pəməbaa doɛ̃, a sasabaa nɛ, ka a wo lon ne, ka a zuzulubaa nɛ.


Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.


Ka Lawa nyankɔ masɛ dɔ a lɛa, bɛ̀ ma á boo diɛ, Lawa boo peperen wɔ ma lɛ-n, man bɔlɔ pɛ ka foo tãbaa nɛ, minin nə boo la, ǹ Boo Tii Kɔɔ̃n a sii-durii kɛ dɔ̃.


Biikoo tumaa li, bɛ̀ ma á Lawa nyankoe ka tumaa a lɛa, man koe ka foo kɔɔ̃n nɛ.


Ka baran n gɔ́ɔ̃ bii ka sii kɔ́n nɛ wa. Sɛnɛ, ka laadoo bɛ́ màn mɛn ganaa, ka a nyankɔ Lawa la, ka a gòã kũ, ka barka da nɛ.


Biikoo tumaa li, bɛ̀ wɔ á Lawa nyankoe kaa lɛa, wɔ n barka diɛ wɔa Dɛnaa Yezu Krita ǹ Di Lawa nɛ.


Wɔ́ kaa golee Yezu Krita li lɛ boo ma, ka kaa Lawa a minin tumaa narɛɛ kɛ nɛ.


Ka n doa Lawa-nyankɔ ganaa, ka n yii dɔraa bɛ gɔ́ɔ̃ nɛ, bɛ̀ ka n barka diɛ Lawa nɛ.


Bibinaa kəni, man kɛ koe dí lɛa: Man máa minin nə ǹ laadoo siin pɛ Lawa nɛ. Máa ǹ na a nyankɔ, ǹ gòã-kũ da a ganaa, ǹ barka da nɛ min tumaa a lɛa,


Ma á barka diɛ Lawa-n parsiini, man dí nyɛɛ a din lɛ-n ka gɔ́ɔ̃ fubaa nɛ, ka ma digolon bɛ́ ǹ nə́ zɛnaa lɔn. Bɛ̀ ma á Lawa nyankoe lɔn baraabaraa nɛ, penleen ka tèlò ne, ma á n boo diɛ a nɛ, man barka diɛ nɛ.


Yezu lɛ bɛ́ kanaa ǹ mɛn waáraa, Lawa mɛn bɛ́ boe la, a na a kirisibaa gɛ̀ ganaa, a na á bɛ lɛ nyankɔ ka lɛn gole ne, ka yii mu ni. Lawa ná a lɛ si a doroo Lawa-n lɛ a lɛa.


Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.


Sɛnɛ, maa giaáran lɛn, kasɛn nə ga wo-nyɛɛn li kaa goleemali sonbore kɛ gɔ́ɔ̃ nɛ. Ka Lawa nyankɔ ka Yiri Fu pàã nɛ.


Anɛɛ Lawa nyankɔ á belebɔ nɛ Dɛnaa Lawa yɔrɔ-a. Bɛa biikoo li, Elii goã giɛ a lɛ ganaa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ