Efɛɛzi minin 6:17 - LAWA A BOO SONBORE

¹⁷ Bɛ din tumaa kio, ka lɛ kɔ Lawa a minin kirisibaa kɛ ganaa, ka bɛ baa ziabaa ǹ bafolo lɛa. Yiri Fu bɛ́ Lawa a boo mɛn diɛ ka nɛ, ka bɛ baa gɔya sa lɛa.

LAWA A BOO SONBORE 2011

¹⁷ Bɛ din tumaa kio, ka lɛ kɔ Lawa a minin kirisibaa kɛ ganaa, ka bɛ baa ziabaa ǹ bafolo lɛa. Yiri Fu bɛ́ Lawa a boo mɛn diɛ ka nɛ, ka bɛ baa gɔya sa lɛa.

Efɛɛzi minin 6:17 ပူးပေါင်းရင်းမြစ်များ

Samayeli2 22:36

N din nə́ n kirisibaa kɔ ma la goóro lɛa. N din gɔn na á n dɔ ma lɛ. N din a bǐɛ̃baa kɛ na á màn da ma li.

Izayii 49:2

Á maa boo baa gɔya sa lɛ-bɔle lɛa, Á ma duru a gɔn wúlu li. Á ma baa kiɛ lɛ pɛpɛnɛ lɛa, á ma duru a kòã nɛ.

Izayii 59:17

A na á peperebaa wɔ a din ganaa ziabaa ǹ dɔnkɛ lɛa. Á kirisibaa ǹ kòlo fu wɔ a mìi ganaa. Á gɛ̀ dòo bɔ ǹ dɔnkɛ wɔ a din ganaa. Mɔnaa mɛn bɛ́ a ganaa pipiãbaa ǹ mɔnaa nɛ.

Ozee 6:5

Bɛ lɛ na á toa, má maa boo gii-dalin dia, ǹ nə́ daa boo dɔdɔrɔ ka ganaa, má ka dɛ ka ma lɛ gɔ́ɔ̃ ǹ boon ne. Maa kiri n foaã ka tɛ fúlu bɛ́ lɔn.

Zakarii 4:6

Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li. «Dí ke n gɔn, n din a foo tãbaa hinlaa n pàã kɛ bie die toɛ n boo la n nya wa, sɛnɛ, ma din yiri kɛ nɛ, Dɛnaa Lawa Pàãyiidɛnaa n pii miɛ̃.»

Matiə 4:4

Yezu tɔ́n pɛ nɛ: – A tá kiɛ̃-n Lawa a boo-n kɛnɛn: «Màn-bii dinsɔɔ̃ bie minbuiin nɛ toe wa. Boo woo boo tá boe Lawa lɛ-n, bɛ lɛ n min toe.»

Matiə 4:7

Yezu tɔ́n pɛ nɛ: – Lawa a boo lɛ pɛ dɔn: «N baran n da n Dɛnaa Lawa gɔ́ɔ̃ li wa.»

Efɛɛzi minin 5:26

a ná a *yoreen kɔ ka *batɛmu da ǹ mu ni, ka boo-n kun ni, ń giɛ á boe la a tá Lawa wɔ biɛ.

Tesaloniki1 5:8

Sɛnɛ, wɔsɛn mɛnɛn bɛ́ tɔ we penleen ne, wɔ toa wɔ yii goã kɔɔ̃nɛ. Golee Lawa li laanka kɔn-narɛɛ doamaa nɛ a goã wɔ lon, bɛ wɔ tamaa ka zia-baali a dɔnkɛ bɛ́ tamaɛ lɔn; foo-doa mɛn bɛ́ wɔ lon wáa wɔ á die kirisibaa yii, bɛ dɔ́ goã wɔ lon ka zia-baali a bafolo bɛ́ goɛ̃ a mìi-a lɔn.

Ebrəə 4:12

Sonbore, Lawa a boo lɛ n boo yiikoonaa lɛa, pàã dɔ tá a nɛ, á lɛ boe á la gɔya paǹan paanan lɛbɔle tumaa nɛ. A n we min ni taãn-taãnɛ, yǎa a telenboen laanka yiri toɛ̃ kɔn, yǎa a gù kòròn laanka sɛwɔ toɛ̃ kɔn. A n min dùũ laanka a taasiɛ bǐɛ̃ boe kɔn lɛ ka a baraa nɛ.

Ebrəə 6:5

Ǹ nə́ yɛ ǹ dinin foo ne, mà Lawa a boo á kɔɔ̃nɛ, mà pàã tá *Lawa a kiibaa lɛ nɛ.

Sii-nyaan 1:16

Leere sɔbaa na a gusin a gɔn nɛ, gɔya sa lɛn paanan lɛbɔle n soe a lɛ-n. A yɔrɔ goã tɛ pii ka penleen a wasa bɛ́ lɔn.

Sii-nyaan 12:11

Wɔ dɔɔ̃nɔn nə́ gɔ̀lɔ̀baa yɛ ka Sère Nɛ mà kɛ pàã nɛ, ka ǹ siérebaa ǹ boo pàã nɛ. Haalɛ ta maǹ giɛ̃ bɛa lɛa, ǹ tá lɛ koe bɛ ganaa á la ǹ yiikoonaabaa nɛ.

Sii-nyaan 19:15

Gɔya sa lɛbɔle-a n soe a lɛ-n, a n die tɔrɔ din tumaa dii ka bɛ nɛ. A n die ǹ lɛduĩ ka fɔlɔ bàbàla nɛ, a foo-yoo gole kɛ gɔ́ɔ̃ nɛ, a n die tɔrɛ ǹ la, ká ǹ bɛ́ rezɛ̃ tɔrɛ yala-n lɔn.

Sii-nyaan 2:16

Wusoo n sii baraan kio. Bɛ̀ bɛ bie wa, ma á re die n tɔwɛɛ sisia, ma zia baa bɛa minin kɛn lɛn ganaa ka gɔya sa kɛ-n soe ma lɛ-n.

Samayeli1 17:5

Zan bafolo na á goã a mìi ganaa, ziabaa ǹ dɔnkɛ mɛn goã a ganaa, zan nɛ, a lalan nə́ kóo lɛa, a gugurubaa goã á dɔ kilo pɔsɔrɔ ka sɔbaa kɛ miã.

Samayeli1 17:58

Sayulu tɔ́n nɔ̀n da la: «Tɔntɔraagiĩ, die a nɛ n ka n nɛ?» Davida pɛ nɛ: «N dí-nyali Zesee mɛn nə́ ke Bɛtlehɛmu min lɛa, bɛa nɛ n ka ma nɛ.»