Efɛɛzi minin 6:12 - LAWA A BOO SONBORE

¹² A giala, wɔ bie yɔ boe kɔn ka minbuiinin ni wa. Sɛnɛ, màn pàãdɛnan laanka ǹ goledɛnan mɛnɛn bɛ́ yii ná a ba ǹ ganaa wa, wɔ n yɔ boe kɔn ka bɛn laanka nɔ̀ɔn babaraan nɛ. Ǹsɛn lɛn man lon laanka tán biin ni, ǹ nə́ pàã la wɔlɔ tì kanaa kɛ-n kanna.

LAWA A BOO SONBORE 2011

¹² A giala, wɔ bie yɔ boe kɔn ka minbuiinin ni wa. Sɛnɛ, màn pàãdɛnan laanka ǹ goledɛnan mɛnɛn bɛ́ yii ná a ba ǹ ganaa wa, wɔ n yɔ boe kɔn ka bɛn laanka nɔ̀ɔn babaraan nɛ. Ǹsɛn lɛn man lon laanka tán biin ni, ǹ nə́ pàã la wɔlɔ tì kanaa kɛ-n kanna.

Efɛɛzi minin 6:12 ပူးပေါင်းရင်းမြစ်များ

Zɔbu 2:2

Dɛnaa Lawa nɔ̀n da la: «Ma n boe maa kəni?» Zɔ́ɔ lɛ Dɛnaa Lawa lɛ si: «Man má woo n bibiə̃ kanaa, má kɔɔ̃naa wɔ.»

Matiə 16:17

Yezu tɔ́n pɛ a dɔ nɛ: – Zonaasi a nɛgiĩ Simɔn ganaa, n wɔ na á bǐɛ̃ kɔ. A giala minbuiin nɛ bie á kɛ nyaa n nɛ wa, ma Di Lawa na á nyaa n nɛ.

Marki 4:19

sɛnɛ, kanaa sii a taasiɛn nɛ, naforo a lɛn bebele sii laanka foo sii tɔrɔ kɔsɔn man we ǹ ne, ǹ Lawa a boo lɛ kũ, ǹ baa nɛ-kɔbaã wole lɛa ka da nɛ-kɔbaã wole bɛ́ lɔn.

Luku 13:24

– Ka n doa, màn mɛn bɛ́ toɛ, ka wɔ ka kiɛnlɛ boɛɛn kɛ nɛ. A giala, man pii ka nɛ, min gigiã á re giɛ li, mà ǹ wɔ, ǹ ba re boe la wa.

Luku 22:53

Ma bɛ́ kun ka nɛ baraabaraa Lawa a kion ka ma kũ wa. Sɛnɛ sisia, biikoo kɛ na á n koa ka nɛ, a na á n koa wɔlɔ tì goledɛnaa Sɛtaan dɔ nɛ.»

Zaã a sɛ́wɔ 12:31

Lawa n die kiri kuri kanaa lɛ la sisia. Sisia kəni, kanaa lɛ a mìilandɛnaa a bɔ a daa biikoo n ke.

Zaã a sɛ́wɔ 14:30

Ma a die boo gigiã diɛ ka nɛ kɛ kio doo wa, a giala, kanaa lɛ a mìilandɛnaa lɛ á die. A wɔlɔ yii masɛ wɔ ganaa wa,

Zaã a sɛ́wɔ 16:11

Á kiri-kurii ǹ la, a giala kiri nə́ n kuru kanaa kɛ a mìilandɛnaa la gɔrɔ.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Rɔmu minin 8:38

Má waa la taãn-taãnɛ, máa màn kɔ́n ba boe la, a Lawa kurəə wɔ narɛɛ ganaa wa. Gɛ̀ a boe la wa, ka yiikoonaabaa nɛ, lon a dia dí-a wolen ne, ka lon màn pàãdɛnan laanka ǹ goledɛnan kɔn ba boe la wa. Pelo màn kɔ́n laanka biɛ̃ ǹ wɔ kɔ́n ba boe la wa.

Korɛnti1 15:50

Ma dɔɔ̃nɔn lɛn, ma bɛ́ boo mɛn pii ka nɛ, bɛ á ke: màn mɛn nə n zɛnaa siĩ lɛa ka mà nɛ, bɛ gii ba *Lawa a kiibaa ǹ bǎã-n wa. Màn mɛn dɔ bɛ́ giɛ̃, bɛ gii ba nyin nyabaã kɛ-n ma.

Korɛnti2 11:14

Bɛ kɔ́n ba min tɔwɛɛ wa, a giala, *Sɛtaan dinmaa á boe la, a n din baa lon a dia dí-a wole tɛ fúludɛnaa lɛa.

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Efɛɛzi minin 1:21

A na á koa lon màn pàãdɛnan tumaa mìi la, ka ǹ goledɛnan nɛ. Tɔ mɛn bɛ́ boe la a tá n koe pelo a kanaa kɛ nɛ, ka kanaa kɛ-n die, a na á koa bɛ tumaa mìi la.

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Efɛɛzi minin 2:2

Ka ǹ ká goã bɛ lɛ gɔ́ɔ̃-n lɛlɛ, bɛ̀ ka bɛ́ tɔn koe kanaa kɛ a zɛnaa ǹ siin lɛ. Kanaa lɛ a goledɛnaa mɛn bɛ́ kii lɛa lon laanka tán biin ni, yiri lɛa dí nyɛɛ Lawa bɔlɔ-tiilin bii, ka ǹ ká goã bɛ bɔlɔ sii.

Efɛɛzi minin 3:10

A na á bɛ zɛnaa, màn mɛn bɛ́ toɛ, lon màn pàãdɛnan laanka ǹ goledɛnan na a sii-doɛ̃ gole kɛ dɔ̃ kanna, ka a sɔmɔ kɛ barka nɛ.

Kolɔɔsi minin 1:13

Sonbore, Lawa na á wɔ bɔ wɔlɔ tì a goledɛnaa *Sɛtaan pàã giulun, á wɔ kaa a din a Nɛgiĩ narɛɛ wole kɛ a kiibaa nɛ.

Kolɔɔsi minin 2:15

Bɛa yɔrɔ kɛ lɛ la, Lawa na á lon màn pàãdɛnan laanka a goledɛnan pàã nya. A na á sìi da ǹ ganaa buə̃buə̃ ne, á ǹ kũ ka kòso nɛn bɛ́ lɔn, á ǹ kaa kun ka zaman kɛ nɛ, woe gɔ̀lɔ̀baa ǹ da-zii we a Nɛgiĩ ni.

Timote2 2:5

Bɛ̀ minin tá n zoɛ̃ kɔn ka baa nɛ, a din goon ne. Bɛ̀ ń baa-sili mɛn yaa gɛ̀lɛ yii, a na á baa si á kɔnpɛ ka a yɔrɔ nɛ.

Ebrəə 12:1

Bɛa siére zaman gole kɛ lɛ tá wɔ lɛnpɛnɛ, ǹ nə́ ǹ golee Lawa li sii nyɛɛ wɔ nɛ. Bɛ lɛ-n kəni, màn mɛn tumaa bɛ́ wɔa tɔ-wɔ sàabiɛ, ka daa wɔ n piã bɛ nɛ, ka sii baraa kɛ dɔ nɛ n pɛnɛ wɔ ganaa fufuu. Ka daa, baa si a kɔn daa mɛn nə n nyaa wɔ nɛ, wɔ bɛ si ka sii simaa nɛ.

Ebrəə 12:4

Ka dɔn ziabaa lɛ gɔ́ɔ̃ nɛ, sii baraa-zɛnaalin ganaa, ka tɔn yɔ bɔ á woo dɔ gɛ̀ ganaa wa.

Piɛrɛ1 3:22

Yezu Krita lɛ woo lon dɔn, á giã-n Lawa gusin. Lon a dia dí-a wolen ne, ka lon màn goledɛnan laanka a pàãdɛnan tumaa na a din lɛ bɔlɔ sii.