Efɛɛzi minin 6:11 - LAWA A BOO SONBORE

¹¹ Lawa bɛ́ ziabaa ǹ mànan mɛnɛn koe ka la, ka tumaa bɛn kaa ka ganaa, màn mɛn bɛ́ toɛ, ka boo la ka yɔ bɔ *Sɛtaan a minin bebere ǹ yirin kɛn ganaa.

LAWA A BOO SONBORE 2011

¹¹ Lawa bɛ́ ziabaa ǹ mànan mɛnɛn koe ka la, ka tumaa bɛn kaa ka ganaa, màn mɛn bɛ́ toɛ, ka boo la ka yɔ bɔ *Sɛtaan a minin bebere ǹ yirin kɛn ganaa.

Efɛɛzi minin 6:11 ပူးပေါင်းရင်းမြစ်များ

Nehemii 4:13

Má tɔ́n pɛ goledɛnan lɛn manɛ kəni, ka sii yɔrɔ-bɔlen laanka zaman gialakun lɛ nɛ: «Di lɛ pàã á gole, wɔ n wɔ́ n pɛsɛ̃ kungɔn lɛ ganaa, wɔ wɔlɔ n lui-n kɔn ganaa.

Marki 13:22

A giala, min tɛn tá re die a soɛ kuru mà asɛ n Minin Nyin-sili lɛa, min tɛn dɔ á re die a soɛ kuru mà asɛ n Lawa a boo gii-dali lɛa. Ǹ tá re sii a kɔnbɔn laanka kaãbaa ǹ sii kakan zɛnɛɛ ǹ minin yiri sã nɛ. Bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Rɔmu minin 13:12

Tèlò lɛ wɔlɔ lui, lɛ̀ a waa diri. Ka daa wɔ n na, wɔ n bɔ wɔlɔ tì siin ganaa, wɔ wɔlɔ fúlu sii zɛnaa a ziabaa ǹ mànan wɔ wɔ ganaa.

Rɔmu minin 13:14

Ka Dɛnaa Yezu *Krita pàã wɔ ka ganaa, ka baran ka dinin kɔ gɔ̀nɔn foo siin kɛn la, ka ǹ bɔlɔ sɛ̀-mui siin kɛn zɛnaa wa.

Korɛnti1 10:13

Ka damagɔ́ɔ̃li ǹ siin mɛnɛn yɛ, bɛn man nə́ n zɛnaa minbuiinin man miɛ̃ lɛlɛndun. Lawa n bɔlɔgoondɛnaa lɛa. A re toɛ damagɔ́ɔ̃li la ka pàã yii-n wa. A din tá re pàã koe ka la, ka boo la ka damagɔ́ɔ̃li lɛ si ka ganaa, ka tɔn pàã yɛ ka soo a nɛ.

Korɛnti2 10:4

Haayii, wɔsɛn ziabaa ǹ mànan bie kanaa a minbuiinin wɔn lɛa wa, sɛnɛ, ǹ pàã n boe Lawa li, ǹ nə́ Lawa a zɔ́ɔn sii ziziɛ̃. Min mɛnɛn bɛ́ taasiɛ gole we ǹ dinin ganaa, maǹ bɛn taasiɛ ziziɛ̃.

Korɛnti2 11:3

Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.

Korɛnti2 2:11

màn mɛn bɛ́ toɛ, *Sɛtaan nyan boo wɔ la wa. A giala, wɔ tá a nya ǹ dí doɛ̃.

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Korɛnti2 6:7

ka sonbore pɛ nɛ, Lawa din a boo sii la pàã nɛ. Maa ziabaa ǹ màn nə ka sii pepere ne. Man miɛ min ganaa ka bɛ nɛ, man ma din dɔ lɛduĩ ka bɛ nɛ.

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Efɛɛzi minin 4:24

Lawa foo sii dii mɛn zɛnaa a din a kɔnboe lɛa, ka kɔ bɛ lɛ. Ka á re min peperen biɛ, ka min sonboren baa ka sonbore barka nɛ.

Efɛɛzi minin 6:13

Bɛ lɛ a lɛa, ka Lawa a ziabaa ǹ mànan tumaa gũ ka gɔn kanna. Màn mɛn bɛ́ toɛ, bɛ̀ lɛawaa baraa kɛ́ dɔ, yǎa kaa zɔ́ɔ kɛ da yoo ka gialaa, ka boo la ka n gòãn doa a ganaa. Ka á re zia biɛ a ganaa miɛ̃ yǎa a woe nyɛɛ, ka á re goɛ̃ ka dinin giã ǹ gɔn taãn la ka bɛ nɛ.

Kolɔɔsi minin 3:10

ká dùũ sii diin saa, Lawa din nə ǹ mɛnɛn zɛnaa. Bɛa dùũ sii diin kɛn lɛn, Lawa nə ǹ gialaa tetele miɛ̃, mà ǹ nə n baa ka a din wɔn bɛ́ lɔn, màn mɛn bɛ́ toɛ, ka asɛ Lawa dɔ̃ taãn-taãnɛ.

Tesaloniki1 5:8

Sɛnɛ, wɔsɛn mɛnɛn bɛ́ tɔ we penleen ne, wɔ toa wɔ yii goã kɔɔ̃nɛ. Golee Lawa li laanka kɔn-narɛɛ doamaa nɛ a goã wɔ lon, bɛ wɔ tamaa ka zia-baali a dɔnkɛ bɛ́ tamaɛ lɔn; foo-doa mɛn bɛ́ wɔ lon wáa wɔ á die kirisibaa yii, bɛ dɔ́ goã wɔ lon ka zia-baali a bafolo bɛ́ goɛ̃ a mìi-a lɔn.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Zaaki 4:7

A bɛ́ miɛ̃, ka n dinin boɛɛn kɔ Lawa nɛ. Sɛnɛ, ka golee *Sɛtaan yɔrɔ-a ka n gòãn doa a ganaa. Bɛ̀ ka bɛ zɛnaa, á die woe sɔsɔɔ a n bɔ ka li.

Piɛrɛ1 5:8

Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.

Zude 1:24

Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.

Sii-nyaan 2:24

«Sɛnɛ, kasɛn Tiatiirin Lawa a sɔmɔ min gialakunun nə́ goã doa-n kɔn ka minin daraa ǹ yiri baraa kɛ-n wa. Minin kɛn bɛ́ mànan mɛnɛn bíi Sɛtaan a sii-durii zuzulun, kasɛn nə n daraa bɛn ganaa wa. Man pii ka nɛ, máa ma a re sii kɔsɔ diɛ kasɛn mìi-n doo wa.

Sii yɔrɔ-bɔlen 3:2

A na á goã giɛ kɛ dinsɔɔ̃ li: Zia bɛ́ màn mɛn lɛa, Izirayeli tɔrɔn lɛn nɛnyaanan nə n daraa a ganaa ǹ dɔ̃, sanparɛ ǹ mɛnɛn lɛn dinin bɛ́ ǹ màn kɔn dɔ̃ zia a sii gɔ́ɔ̃-n lɛlɛ wa.