Efɛɛzi minin 5:8 - LAWA A BOO SONBORE

⁸ Ka ǹ ka goã wɔlɔ tì li lɛlɛ, sɛnɛ, ka ǹ wɔlɔ fúlu li kanna kaa kaa kun ka Dɛnaa-n pàã ganaa. Bɛ lɛ taman yii, ka toa ka goã wɔlɔ fúlu minin lɛa.

LAWA A BOO SONBORE 2011

⁸ Ka ǹ ka goã wɔlɔ tì li lɛlɛ, sɛnɛ, ka ǹ wɔlɔ fúlu li kanna kaa kaa kun ka Dɛnaa-n pàã ganaa. Bɛ lɛ taman yii, ka toa ka goã wɔlɔ fúlu minin lɛa.

Efɛɛzi minin 5:8 ပူးပေါင်းရင်းမြစ်များ

Loen 74:20

Ga n din a lɛ-kɔ kɛ ganaa. Minin manə n duri gána lɛ a wɔlɔ tì bǎãn nɛ, ǹ tá basaã koe kɔn nɛ.

Izayii 2:5

Ka zii saa, Zakɔba a sumu minin lɛn, wɔ tɔ wɔ Dɛnaa Lawa a wɔlɔ fúlu li!

Izayii 42:16

Yii tere-an bɛ́ ǹ ba zii mɛn doɛ̃ wa, man diɛ ǹ kiɛ bɛ la. Man die ǹ kiɛ tɔ wɔ ganaa zii la, zii mɛn bɛ ǹ ba doɛ̃ wa. Man die tèlò bɔyɛɛ ma baa wɔlɔ fúlu lɛa ǹ nyɛɛnɛ. Ǹ bɛ́ n gòã niɛ̃ màn mɛn ganaa, man bɛ boe ma bɔ ǹ nyɛɛnɛ. Ma sii mɛn taasɛ, a din nə ke. Ma a re wusii ma kio-n wa.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 49:9

n pɛ kòso nɛn manɛ, ka min mɛnɛn bɛ́ wɔlɔ tì li: «Ka soo ka da wɔlɔ fúlu li.» Ǹ tá re màn-bii yii zii gialaa, ǹ màn bii tentenen tumaa mìi ni.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 9:2

Dɛnaa Lawa, n nə́ ǹ kã ka foo kɔɔ̃nbaa nɛ, ǹ foo kɔɔ̃n kɔ á la yii ni. Maǹ nə n nyɛnyɛɛ n yɔrɔ-a, ka ǹ bɛ́ n nyɛnyɛɛ kaa-piɛ waáraa lɔn. Maǹ foo kɔɔ̃nbaa ǹ lɛ dii, ka ǹ bɛ́ bɔ zia la ǹ mànan gii lɔn.

Zeremii 13:16

A laan bɛ̀ a n tèlò diɛ kɔ ganaa, bɛ̀ ka n gòã na kɔlɔ ganaa kele mìi ni, ka gugurubaa da Dɛnaa Lawa, kaa Lawa tɔ la. Ka nə n yii diɛ penleen la, sɛnɛ Dɛnaa Lawa n bɔyɛɛ a baa wɔlɔ tì biribiri lɛa, a n furuməə gole koe lɛ.

Matiə 3:8

Ka a zɛnaa ǹ siin zɛnaa, màn mɛnɛn bɛ́ nyɛɛ mà ka kaa giã ǹ gɔn bɔyaa.

Matiə 4:16

Tɔrɔ mɛn nə́ ke tɔ we wɔlɔ tì li, bɛ á re wɔlɔ fúlu gole yii. Min mɛnɛn bɛ́ gána tì ni, geren piɛ, wɔlɔ fúlu á re boe bɛn manɛ.

Luku 1:79

Min mɛnɛn bɛ́ wɔlɔ tì li, ǹ nə́ nyɛ́ɛ biɛ gɛ̀ nɛ, a n wɔlɔ fúlu kiɛ bɛn ganaa. A n là nyantoro zii nyɛɛ wɔ nɛ.»

Luku 16:8

Goledɛnaa lɛ dí mìilandɛnaa sii kɔkɔrɔ-zɛnaali kɛ lɛ para pɛ, a giala mà á dí nya ka yiridɛnaabaa nɛ. Sonbore, min mɛnɛn bɛ́ kanaa kɛ lɛ wɔn lɛa, bɛn man yiri boe ǹ sii zɛnaan gɔ́ɔ̃ nɛ ǹ dinin biin ni á la tɛ fúlu nɛn kɛn manɛ.

Zaã a sɛ́wɔ 1:9

Bɛa Boo kɛ lɛ n wɔlɔ fúlu taãn lɛa, á daa kanaa gɔ́ɔ̃ nɛ, a n minbuiin din tumaa yii buĩ.

Zaã a sɛ́wɔ 12:35

Yezu tɔ́n pɛ ǹ nɛ: «Wɔlɔ fúlu tá ka bii bɔrɔ, sɛnɛ, a die beleboe wa. Wɔlɔ fúlu bɛ́ ka li ǹ mɛn waáraa, ka tɔ wɔ bɛa biikoo li, màn mɛn bɛ́ toɛ, wɔlɔ tì baran da ka tɔwaa wa. A giala, min mɛn bɛ́ tɔ we wɔlɔ tì li, bɛa dɛnaa ba a din a woo ǹ bǎã doɛ̃ wa.

Zaã a sɛ́wɔ 12:36

Wɔlɔ fúlu bɛ́ ka li ǹ mɛn waáraa, ka golee bɛ lɛ li, màn mɛn bɛ́ toɛ, ka n baa minin lɛa, min mɛnɛn bɛ́ tɔ we wɔlɔ fúlu li.» Bɛa boon lɛn diɛ kio, Yezu kiɛ̃ á n bɔ ǹ li, á n duru ǹ la.

Zaã a sɛ́wɔ 12:46

Man má daa kanaa kɛ gɔ́ɔ̃ nɛ, ka wɔlɔ fúlu bɛ́ lɔn, màn mɛn bɛ́ toɛ, bɛ̀ min mɛn golee masɛ li, bɛa dɛnaa baran goã wɔlɔ tì li doo wa.

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Nya ǹ dín 17:30

Á ke, Lawa ga bɛa sii-doɛ̃baã biikoon kɛn ganaa wa. Sɛnɛ, sisia a n pii min din tumaa nɛ, bǎã tumaa nɛ, mà ǹ doamaa nɛ ǹ nə n bɔyaa ǹ golee asɛ li.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Rɔmu minin 1:21

Ta ǹ nə́ Lawa dɔ̃, ǹ na a guguru kɔ Lawa lɛa wa, ǹ barka dɔ da-n wa. Ǹ taasiɛn nə́ kooro baa, ǹ nə́ n piã ka sii giala miɛ nɛ, ǹ gɔ́ɔ̃ tii.

Rɔmu minin 13:12

Tèlò lɛ wɔlɔ lui, lɛ̀ a waa diri. Ka daa wɔ n na, wɔ n bɔ wɔlɔ tì siin ganaa, wɔ wɔlɔ fúlu sii zɛnaa a ziabaa ǹ mànan wɔ wɔ ganaa.

Rɔmu minin 2:19

Nsɛ n pii, mà nsɛ n yii tere-an nyɛɛnaan sabɔle lɛa, mà nsɛ n wɔlɔ tìdɛnan wɔlɔ fúlu lɛa,

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Korɛnti2 6:14

Ka nyan toa ka kaa sii kaa kun ka goleemali baãnaan nɛ wa. Ǹ minbaa a kɔnpii ka kaa wɔ-n wa. Kaa-kun mɛn nə màn pepere laanka màn baraa bii ni? Wɔlɔ fúlu n siɛ lɔn a n kaa kun ka wɔlɔ tì ni?

Galaasi minin 5:25

Yiri Fu bɛ́ á nyin dii kɔ wɔ la, yǎa wɔ toɛ a wɔa giã ǹ gɔn dɔ tele.

Efɛɛzi minin 2:2

Ka ǹ ká goã bɛ lɛ gɔ́ɔ̃-n lɛlɛ, bɛ̀ ka bɛ́ tɔn koe kanaa kɛ a zɛnaa ǹ siin lɛ. Kanaa lɛ a goledɛnaa mɛn bɛ́ kii lɛa lon laanka tán biin ni, yiri lɛa dí nyɛɛ Lawa bɔlɔ-tiilin bii, ka ǹ ká goã bɛ bɔlɔ sii.

Efɛɛzi minin 4:18

ǹ yiri n tiɛ̃ nɛ. Lawa bɛ́ nyin mɛn koe, ǹ gii kɔ́n ba bɛ-n wa. A giala mà yiri baãnaan manɛ, ǹ foo laa ka kaka.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Efɛɛzi minin 6:12

A giala, wɔ bie yɔ boe kɔn ka minbuiinin ni wa. Sɛnɛ, màn pàãdɛnan laanka ǹ goledɛnan mɛnɛn bɛ́ yii ná a ba ǹ ganaa wa, wɔ n yɔ boe kɔn ka bɛn laanka nɔ̀ɔn babaraan nɛ. Ǹsɛn lɛn man lon laanka tán biin ni, ǹ nə́ pàã la wɔlɔ tì kanaa kɛ-n kanna.

Kolɔɔsi minin 1:12

ka boo la ka barka da Díi Lawa nɛ ka foo kɔɔ̃n nɛ. Lawa mɛn bɛ́ á zii bũ ka nɛ, a bɛ́ màn mɛn koɛ a minin manɛ, a din a wɔlɔ fúlu kɛ nɛ, a die a toa ka kaa wɔ gii yɛ bɛ nɛ.

Kolɔɔsi minin 1:13

Sonbore, Lawa na á wɔ bɔ wɔlɔ tì a goledɛnaa *Sɛtaan pàã giulun, á wɔ kaa a din a Nɛgiĩ narɛɛ wole kɛ a kiibaa nɛ.

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.