Efɛɛzi minin 5:25 - LAWA A BOO SONBORE

²⁵ Giĩn lɛn, ka dɔn nə kaa lɔn narɛ, ka Krita bɛ́ á Lawa a sɔmɔ narɛ lɔn. A na á n din nyin kɔ a lɛa,

LAWA A BOO SONBORE 2011

²⁵ Giĩn lɛn, ka dɔn nə kaa lɔn narɛ, ka Krita bɛ́ á Lawa a sɔmɔ narɛ lɔn. A na á n din nyin kɔ a lɛa,

Efɛɛzi minin 5:25 ပူးပေါင်းရင်းမြစ်များ

Siin Giala 2:24

Bɛ lɛ na á toa, giĩ á re n niɛ a n bɔ ǹ di laanka ǹ dan ganaa, a n doa kɔn ka a lɔ nɛ, ǹ nə n baa goon.

Siin Giala 24:67

Izaaki Rebeka kũ á woo-n zìã nɛ, ǹ dan Saaraa bɛ́ á giã ǹ mɛn nɛ. Rebeka Izaaki a lɔ baa. Izaaki narɛ, a foo basã bɛ gɔ́ɔ̃ nɛ ǹ dan a gɛ̀ lɛ kio.

Samayeli2 12:3

Màn kɔn goã doobaa lɛ gɔn duduu wa, bɛ̀ á n bɔ sère luun boɛɛn goon toto dinsɔɔ̃ nɛ, á goã á pii. A na á goã bɛ lɛ toe. Sère luun lɛ na á goã gole koe a gɔn, kun ka a din a nɛnyaanan dɔn nɛ. Doobaa lɛ goã màn mɛn bii, a din ni a dɔ́ goã bii. A goã màn mɛn mii, a din ni a dɔ́ goã mii. A na á goã wɛɛ tán a kolo-n, a na á goã ka a nɛlɔ din bɛ́ lɔn.

Loe kɔɔ̃n kɔɔ̃n 1:11

Wɔ n die too kaaranan zɛnɛɛ ka sana nɛ, wɔrɔ konkoron nə́ ǹ ganaa, wɔ ǹ kɔ n la.

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Zaã a sɛ́wɔ 6:51

Masɛ n yiikoonaabaa kɔ ǹ buuru lɛa, á n toa lon á gisĩ tán. Min mɛn bɛ́ re bɛa buuru lɛ soɛ̃, bɛa dɛnaa n goɛ̃ a yii n koo yǎa duduu. Buuru mɛn dɔ bɛ́ masɛ á re koe, masɛ din gɔ̀nɔn siĩ ni, á n kɔ, màn mɛn bɛ́ toɛ, kanaa minin nə yiikoonaabaa yɛ.

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Galaasi minin 1:4

Yezu Krita lɛ na á n din kɔ wɔa sii baraan lɛa, màn mɛn bɛ́ toɛ, a wɔ kirisibaa sisia a kanaa babaraa kɛ ganaa. Bɛ na á n zɛnaa, á kɔnpɛ wɔ Di Lawa din foo sii ni.

Galaasi minin 2:20

Ma yii bɛ́ koo ke, masɛ din yii bie koo doo wa, Krita yii n koo ma nɛ. A giala, maa tá kanaa ke kanna, ma yii n koo golee Lawa a Nɛgiĩ li gɔ́ɔ̃ nɛ. Asɛ lɛ na á ma narɛ, á n din nyin kɔ maa lɛa.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Efɛɛzi minin 5:24

Bɛ lɛ nɛ, lɔn man kɔnboe ǹ nə ǹ zuũn lɛ si sii tumaa gɔ́ɔ̃ nɛ, ka Lawa a sɔmɔ bɛ́ Krita lɛ sii lɔn.

Efɛɛzi minin 5:28

Giĩ n kɔnboe a na a lɔ narɛ ka bɛa yɔrɔ kɛ nɛ, ka a din gɔ̀nɔn bɛ́ lɔn. Bɛ̀ min mɛn tá a lɔ narɛ, bɛ na a dinmaa narɛ.

Efɛɛzi minin 5:33

Ta á n baa lɔn, ka gogoonmaa doamaa nɛ, a na a lɔ narɛ ka a bɛ́ a din narɛ lɔn, lɔ gogoonmaa dɔ doamaa nɛ a ǹ zuũ guguru kɔ.

Kolɔɔsi minin 3:19

Giĩn lɛn, ka kaa lɔn lɛn narɛ, ka baran kakaarɛ kɔ ǹ ganaa wa.

Timote1 2:6

Asɛ lɛ na á n din kɔ minbuiin tumaa nyin si ǹ giɔ̀mɔ lɛa. A na á bɛ zɛnaa á kɔnpɛ ka a biikoo ne.

Piɛrɛ1 3:7

Kasɛn dɔn, giĩn lɛn, a din yɔrɔ kɛ lɛ la, ka dɔn nə goã kun kaa lɔn nɛ, ka n doɛ̃ mà pàã ba ǹ lon ka kaa wɔ bɛ́ lɔn wa. Ka ǹ guguru kɔ, a giala, ǹ dɔn doamaa nɛ, ǹ Lawa a bǐɛ̃baa ǹ nyin nyabaã kɛ lɛ yɛ kun ka nɛ. Ka zɛnaa miɛ̃, màn mɛn bɛ́ toɛ, màn kɔ́n baran ka sàabaa Lawa-nyankɔ ganaa wa.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.