Efɛɛzi minin 5:2 - LAWA A BOO SONBORE

² Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

LAWA A BOO SONBORE 2011

² Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Efɛɛzi minin 5:2 ပူးပေါင်းရင်းမြစ်များ

Siin Giala 8:21

Dɛnaa bɛa wúlu màn gìĩ kɔ́ɔ̃n lɛ ma, á tɔ́n pɛ a din gɔ́ɔ̃ nɛ kɛnɛn: «Ma a re lɛn pipiã bíi tán li doo duduu, minbuiin nɛ a zɛnaa ǹ sii taman yii wa. Minbuiin nɛ n yui tán ka sii baraa zɛnaa nɛ a foo-n sɛn, sɛnɛ, ma a re dɔlɔ boe màn yiikoonaa tumaa ganaa doo duduu, ka ma bɛ́ má zɛnaa lɔn wa.

Bɔ bɛ̀rɛbaa nɛ 29:18

N sère gɔ̀lɔ̀ lɛ tumaa tã wúlu bɔ ǹ bǎã lɛ nɛ, a goã *wúlu màn tiɛ̃ lɛa Dɛnaa wɔ lɛa. Wúlu màn tiɛ̃ wole ne, a gìĩ n kɔɔ̃n masɛ Dɛnaa ganaa.

Bɔ bɛ̀rɛbaa nɛ 29:25

N wusoo n bɔ ǹ gɔnɔn nɛ, n tã wúlu bɔ ǹ bǎã lɛ nɛ, kun ka wúlu màn tiɛ̃ wole kɛ nɛ, ǹ gìĩ kɔɔ̃n kɔ masɛ din Dɛnaa ganaa. Wúlu màn tiɛ̃ wole ne, a gìĩ á kɔɔ̃n masɛ din Dɛnaa ganaa.

Lawa a wúlu-bɔlen 1:13

Ǹ na a nànan laanka a kèrèn pii, wúlu-bɔle lɛ goon tɔn nə ǹ nyaa Dɛnaa Lawa nɛ. Bɛ kio, a tɔn na a tumaa tã wúlu bɔ ǹ bǎã lɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 1:17

Ǹ bàan lɛ yu kɔn paa, ǹ nə́ ǹ ba niɛ̃ ǹ bɔ kɔn wa. Bɛ kio, wúlu-bɔle lɛ da wúlu bɔ ǹ bǎã lɛ a tɛ gɔnɔn lɛn la a tã. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 1:9

Ǹ na a nànan laanka a kèrèn pii, wúlu-bɔle lɛ goon tɔn na a tumaa tã wúlu bɔ ǹ bǎã lɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 3:16

Wúlu-bɔle lɛ die a bɛ tumaa tã wúlu bɔ ǹ bǎã lɛ lalan. Wúlu màn tiɛ̃ nɛ, a gìĩ n kɔɔ̃nɛ. Màn nyɔɔ tumaa n doe Dɛnaa Lawa ganaa.

Amɔɔsi 5:21

Kaa zɔ́nɔn kɛn lɛn bɛ̀ ká n zɛnaa, ma ba ǹ li wa, ǹ tìĩ bɔ ma nyin ni. Kaa lɛ-sɔkɔnɔn kɛn bɛ̀ ka ǹ wɔ, á ma gɔ̀nɔn bɔ.

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Zaã a sɛ́wɔ 13:34

«Man dí-pɛ dii koe ka la: Ka kɔn narɛ. Masɛ ka narɛ lɔn, ka dɔn nə kɔn narɛ miɛ̃.

Zaã a sɛ́wɔ 6:51

Masɛ n yiikoonaabaa kɔ ǹ buuru lɛa, á n toa lon á gisĩ tán. Min mɛn bɛ́ re bɛa buuru lɛ soɛ̃, bɛa dɛnaa n goɛ̃ a yii n koo yǎa duduu. Buuru mɛn dɔ bɛ́ masɛ á re koe, masɛ din gɔ̀nɔn siĩ ni, á n kɔ, màn mɛn bɛ́ toɛ, kanaa minin nə yiikoonaabaa yɛ.

Rɔmu minin 15:16

A giala, Lawa na á ma bíi, mà ma Yezu Krita lɛ boo da tɔrɔ kɔsɔn bii. Mà ma Lawa a Boo Tii Kɔɔ̃n kɛ pɛ ǹ nɛ, màn mɛn bɛ́ toɛ, ma boo la ma ǹ kɔ Lawa la, ǹ nə́ kɔɔ̃n a ganaa. Man bɛa dí lɛ nyɛɛ ka wúlu-bɔle bɛ́ *wúlu màn koe Lawa la lɔn. Yiri Fu lɛ n toɛ, Lawa boo la a lɛ kɔ ǹ ganaa.

Rɔmu minin 4:25

A na á toa Yezu lɛ gã, màn mɛn bɛ́ toɛ, a wɔa sii baraan tuturu. A na á ná a yii kaa á bɔ geren bii, màn mɛn bɛ́ toɛ, a wɔa zɛ̀rɛn nya, wɔ boo la, wɔ n baa min peperen lɛa a din yɔrɔ-a.

Rɔmu minin 8:3

Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.

Rɔmu minin 8:37

Sɛnɛ, bɛ lɛ din tumaa gɔ́ɔ̃ nɛ, Krita mɛn wɔ narɛ, bɛ lɛ n wɔ biɛ gɔ̀lɔ̀n lɛa, wɔ́ la gɔ̀lɔ̀n dinin manɛ.

Korɛnti1 16:14

Ka sii tumaa zɛnaa ka kɔn-narɛɛ nɛ.

Korɛnti1 5:7

Ka bɛa sii baraa zɛnaa ǹ yɔ bù zizi kɛ bɔ ka bɔ ka bii, ń giɛ ka á *yoreen koe. Buuru yia mɛn bɛ́ yɔ bù ná a ba li wa, á n buuru yia dii lɛa, ka goã bɛ lɛa. A taãnbaa li, ka n bɛ lɛ din lɛa gɔrɔ. Wɔa *kiɛ̃mala ǹ zɔ́n nə́ n giala kɔ, a giala, maǹ nə́ wúlu bɔ ka Krita nɛ, wɔa kiɛ̃mala ǹ zɔ́n sère nɛ lɛa.

Korɛnti2 2:14

Barka tá Lawa ganaa! A giala, a din nə wɔ kiɛ kun ka Krita a gɔ̀lɔ̀-baalin ni, wɔa tá kun ka Krita-n kɛ pàã ganaa. A n dí nyɛɛ ka wɔ nɛ, ń giɛ ǹ tá Krita doɛ̃ bǎã tumaa nɛ, ń giɛ dɔn Krita boo gìĩ kɔɔ̃n kɛ dɔ kaa bǎã tumaa nɛ.

Korɛnti2 2:15

A bɛ́ miɛ̃, wɔ ǹ ka nyɔɔ gìĩ kɔɔ̃n bɛ́ lɔn, Krita n koe Lawa la *wúlu màn lɛa. Wɔ ǹ bɛ lɛ lɛa kirisibaalin laanka papaã wolen dɔn yii li.

Korɛnti2 8:9

A giala, ka á wɔa Dɛnaa Yezu *Krita a bǐɛ̃baa ǹ gɔn doɛ̃: asɛ mɛn bɛ́ pàãma lɛa, á n din baa doobaa lɛa kaa lɛa, a boo la a kasɛn baa pàãman lɛa, ka a doobaabaa lɛ nɛ.

Galaasi minin 1:4

Yezu Krita lɛ na á n din kɔ wɔa sii baraan lɛa, màn mɛn bɛ́ toɛ, a wɔ kirisibaa sisia a kanaa babaraa kɛ ganaa. Bɛ na á n zɛnaa, á kɔnpɛ wɔ Di Lawa din foo sii ni.

Galaasi minin 2:20

Ma yii bɛ́ koo ke, masɛ din yii bie koo doo wa, Krita yii n koo ma nɛ. A giala, maa tá kanaa ke kanna, ma yii n koo golee Lawa a Nɛgiĩ li gɔ́ɔ̃ nɛ. Asɛ lɛ na á ma narɛ, á n din nyin kɔ maa lɛa.

Efɛɛzi minin 1:4

Wɔa tá kun ka Krita-n lɛ a lɛa nɛ, Lawa wɔ bɔ a din wɔn lɛa, bɛ̀ a bɛ́ a tɔn kanaa zɛnaa wa. A n mà wɔ goã min sonboren lɛa a din yɔrɔ-a, zɛ̀rɛ ná a ba wɔ ganaa wa. A din a kɔn-narɛɛ gɔ́ɔ̃ nɛ,

Efɛɛzi minin 3:17

A die a toa doo, Krita goã ka foo ne goleemali pàã ganaa. A die a toa dɔn ka gòã wɔ tán kaka kɔn-narɛɛ gɔ́ɔ̃ nɛ.

Efɛɛzi minin 3:19

Krita a kɔn-narɛɛ mɛn dɔ bɛ́ gole á la sii-doɛ̃ tumaa nɛ, a die a toa ka bɛ dɔ dɔ̃, ń giɛ Lawa mɛn bɛ́ a nyɛɛ duduu wa ka pã ka bɛ nɛ.

Efɛɛzi minin 4:15

Sɛnɛ, bɛ̀ wɔ á sonbore kɛ nyɛɛ ka kɔn-narɛɛ nɛ, wɔ á re gole koe yɔrɔ tumaa la. Màn tá re miɛ wɔa tá kun ka Krita-n li, asɛ mɛn bɛ́ gɔ̀nɔn lɛ mìi lɛa.

Efɛɛzi minin 4:2

Ka goã din boɛɛn-kɔlen lɛa, ka foo n basiɛ̃nɛ, sii simaa wolen lɛa baraabaraa. Ka kɔn a sii si ka ganaa ka kɔn-narɛɛ nɛ.

Efɛɛzi minin 5:15

Ka n yiri kɔ kaa giã ǹ gɔn li parsiini. Ka baran n dinin nyaa ka yiri baãnaan bɛ́ lɔn wa, sɛnɛ, ka n dinin nyaa ka sii-dɔ̃lin bɛ́ lɔn.

Efɛɛzi minin 5:25

Giĩn lɛn, ka dɔn nə kaa lɔn narɛ, ka Krita bɛ́ á Lawa a sɔmɔ narɛ lɔn. A na á n din nyin kɔ a lɛa,

Timəə dí-pɛn 27:6

Ka kaa Lawa, Dɛnaa Lawa a wúlu bɔ ǹ bǎã lɛ dɔ ka kɔlɔ lɛpiɛ̃n nɛ, bɛ̀ ka *wúlu màn tã la a wɔ lɛa.

Filipi minin 4:18

Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.

Kolɔɔsi minin 3:14

Bɛ din tumaa kio, ka toa kɔn-narɛɛ goã ka foo ne, a giala, kɔn-narɛɛ lɛ n toɛ, Lawa a bǐɛ̃ màn gialakun kɛ lɛ yii lɛ pã sɔnbɔraanɛ.

Tesaloniki1 4:9

Ka laadoo ba a ganaa doo min sɛ́wɔ dia ka la, a dɔɔ̃nɔn kɔn-narɛɛ boo da ka-n wa. A giala, ka dininmaan nə́ n daraa kɔn-narɛɛ ganaa Lawa li.

Timote1 2:6

Asɛ lɛ na á n din kɔ minbuiin tumaa nyin si ǹ giɔ̀mɔ lɛa. A na á bɛ zɛnaa á kɔnpɛ ka a biikoo ne.

Timote1 4:12

N nyan toa min kɔ́n nə n yii puusə kɔ n nɛnyaanbaa kɛ taman yii wa. Sɛnɛ, da ǹ boo ne, tɔ wɔ ǹ gɔn nɛ, kɔn-narɛɛ nɛ, goleemali laanka *yoreenbaa nɛ, toa n goã bɛn yɔrɔ-nyaali lɛa golee Lawa li wolen manɛ.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Ebrəə 8:3

Wúlu-bɔlen kiã tumaa na á n koa, mà a gɔ ǹ mànan laanka wúlu mànan kɔ Lawa la. Bɛ lɛ nɛ, wɔ dɔn wúlu-bɔlen kiã lɛ doamaa nɛ, a màn kɔ́n yɛ a kɔ Lawa la.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Ebrəə 9:23

Bɛ̀ lon mànan kɛn nyínin tá yoreen koe, ka bɛa landa siin kɛn barka nɛ, a doamaa nɛ, lon mànan dininmaan lɛn dɔn nə yoreen kɔ, ka wúlu mànan kɔsɔn barka nɛ, wúlu mànan mɛnɛn bɛ́ soɛ gialakun kɛ tumaa nɛ.

Ebrəə 9:26

Bɛ̀ Krita na á baa miɛ̃, bɛ̀ a kũ kanaa giala-koe ganaa, bɛ̀ a doamaa nɛ a fuu yɛ gunyin damata. Sonbore, Krita na á zɛnaa gunyin goon toto, giala-nyɔmiɛ biikoo kɛ li, á daa, á sii baraa nya ka a din kɔ wúlu màn lɛa barka nɛ.

Piɛrɛ1 4:8

Sii mɛn bɛ́ ka doamaa-n ka da sii tumaa nyɛɛnɛ, bɛ n ka kɛ nɛ: Ka kɔn narɛ ka ka foo din tumaa nɛ. A giala, kɔn-narɛɛ á pìi koe sii baraa gigiã lɛ.

Zaã1 3:16

Kɔn-narɛɛ bɛ́ màn mɛn lɛa, wɔ ǹ doɛ̃ kɛ lɛ li: Krita na á n din nyin kɔ wɔa lɛa. Wɔ dɔn doamaa nɛ wɔ n nyin kɔ wɔ dɔɔ̃nɔn lɛa.

Zaã1 3:23

A bɛ́ màn mɛn pii wɔ-n dí lɛa, bɛ á ke: Wɔ golee a Nɛgiĩ Yezu Krita tɔ li, wɔ kɔn narɛ, ka Krita bɛ́ á pɛ wɔ-n dí lɛa lɔn.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.