Efɛɛzi minin 5:17 - LAWA A BOO SONBORE

¹⁷ Bɛ lɛ a lɛa, ka baran goã yiri baãnaan lɛa wa. Sɛnɛ, ka n doa, Dɛnaa bɛ́ giɛ li mà ka sii zɛnaa lɔn, ka bɛ giala ma.

LAWA A BOO SONBORE 2011

¹⁷ Bɛ lɛ a lɛa, ka baran goã yiri baãnaan lɛa wa. Sɛnɛ, ka n doa, Dɛnaa bɛ́ giɛ li mà ka sii zɛnaa lɔn, ka bɛ giala ma.

Efɛɛzi minin 5:17 ပူးပေါင်းရင်းမြစ်များ

Zɔbu 28:28

Bɛ kio á tɔ́n pɛ minbuiin nɛ nɛ: «N nyɛ́ɛ baa Dɛnaa Lawa nɛ, bɛ lɛ n sii-doɛ̃ lɛa, n nə n nyɛnaa sii baraa nɛ, bɛ n yiridɛnaabaa lɛa.»

Loen 111:10

Sii-doɛ̃ nə n giala koe ka nyɛ́ɛ baa Dɛnaa Lawa yii-n ni. Min mɛnɛn tumaa bɛ́ zɛnɛɛ miɛ̃, bɛn man sii-dɔ̃li taãnan lɛa. Gugurubaa n Dɛnaa Lawa wɔ lɛa yǎa duduu.

Loen 119:27

N doree boon kɛn nyaa ma nɛ, ma ǹ giala ma. Ma á re n taasɛ ka n sii dadaran kɛn nɛ.

Suusun 14:8

Min mɛn bɛ́ boe a din la, a nə n yiri koɛ a din a zɛnaa ǹ sii li, sii-dɔ̃li ni. Min mɛn yiri bɛ́ á nyaabaa, a nə́ ǹ miãn siɛ̃. Baãnaa nɛ.

Suusun 2:5

Bɛ̀ n bɛ tumaa zɛnaa, n tá re nyɛɛbaa Lawa-n giala miɛ, n tá re Lawa doɛ̃.

Suusun 23:23

Sonbore pii, n nyan sã wa. Ga sii-doɛ̃ li, doɛ̃ nɛ ka yiridɛnaabaa nɛ.

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Zaã a sɛ́wɔ 7:17

Bɛ̀ min mɛn tá li a Lawa foo sii zɛnaa, bɛa dɛnaa á die doɛ̃ bɛ̀ maa doɛ̃ lɛ n boe Lawa li, hinlaa masɛ dinmaa li.

Rɔmu minin 12:2

Ka baran tɔ wɔ, a kɔnpɛ ka kanaa minin sii zɛnaan nɛ wa. Ka toa Lawa ka bɔyaa, a yiri dii kɔ ka la, màn mɛn bɛ́ toɛ, ka Lawa dùũ sii dɔ̃, bɛ giala mà sii bǐɛ̃, sii mɛn bɛ́ kɔɔ̃n a ganaa, sii mɛn lɛ piɛ̃ bɛ́ nɛ.

Efɛɛzi minin 5:15

Ka n yiri kɔ kaa giã ǹ gɔn li parsiini. Ka baran n dinin nyaa ka yiri baãnaan bɛ́ lɔn wa, sɛnɛ, ka n dinin nyaa ka sii-dɔ̃lin bɛ́ lɔn.

Timəə dí-pɛn 4:6

Ka bɛa boon lɛn tamaa, ka kɔ ǹ lɛ. A giala, bɛ lɛ n die kaa sii-doɛ̃ laanka kaa yiridɛnaabaa nyɛɛ tɔrɔ kɔsɔn manɛ, ǹ mɛnɛn bɛ́ re landa boon kɛn lɛn tumaa miɛ. Maǹ die pii: – Tɔrɔn kɛn gigiãbaa lɛ! Sii-doɛ̃ laanka yiri tá ǹ lon dɛ!

Kolɔɔsi minin 1:9

Bɛ lɛ nɛ, a kũ boo kɛ lɛ a miɛ pinaa ganaa kaa wɔ gɔn la, wɔ ǹ Lawa nyankoe kaa lɛa biikoo tumaa li. Wɔ ǹ Lawa nyankoe wáa a sii-doɛ̃ kɔ ka la parsiini, a yiri kɔɔ̃n kɔ ka la, a din a Yiri Fu barka nɛ, a toa ka a din dùũ siin dɔ̃.

Kolɔɔsi minin 4:5

Ka tɔ wɔ ka sii-doɛ̃ nɛ, Lawa-nyankɔle baãnaan wɔ a paǹ li. Ka dɔ biikoo sonbore gogoonmaa ganaa.

Tesaloniki1 5:18

Ka barka da Lawa-n sii din tumaa a lɛa, a giala, Lawa n giɛ li mà ka bɛ lɛ zɛnaa, kaa tá kun Yezu Krita-n gɔ́ɔ̃ nɛ.

Piɛrɛ1 4:2

Biikoo gialakun mɛn bɛ́ ka gɔn, ka n die zɛnɛɛ kanaa, ka baran bɛ zɛnaa doo a kɔnpɛ ka minbuiinin dùũ sii babaraan kɛn nɛ wa, sɛnɛ, ka zɛnaa a kɔnpɛ ka Lawa dùũ ni.