Efɛɛzi minin 5:16 - LAWA A BOO SONBORE

¹⁶ Bɛ̀ sii sonbore zɛnaa ǹ pàã tá ka lon biikoo mɛn li, ka zɛnaa. A giala, lɛawaan mɛnɛn bɛ́ wɔ tá ǹ nɛ, ǹ tá baraa.

LAWA A BOO SONBORE 2011

¹⁶ Bɛ̀ sii sonbore zɛnaa ǹ pàã tá ka lon biikoo mɛn li, ka zɛnaa. A giala, lɛawaan mɛnɛn bɛ́ wɔ tá ǹ nɛ, ǹ tá baraa.

Efɛɛzi minin 5:16 ပူးပေါင်းရင်းမြစ်များ

Siin Giala 29:7

Zakɔba wusoo á pɛ ǹ nɛ: «Ka ga, wasa á tɔn gole bɔrɔ. Tɔɔn lɛn lɛ sɔkɔn biikoo tɔn dɔ wa. Ka ǹ gɔ mu ni, ka ǹ loo ka wo ǹ kaa buu ganaa.»

Loen 37:19

Bɛ̀ nɔmaa biikoo dɔ, sìi á re ǹ kuĩ wa. Bɛ̀ bòo kɔ lɛawaan mɛnɛn li, ǹsɛn tá re kiɛ̃.

Boo-laakalaali 11:2

Ka bɛ dɔ nɛ, n gɔn màn gii kɔn ka min gigiã nɛ, a giala, koe sii mɛn bɛ́ boe la, a n zɛnaa kanaa kɛ nɛ, n ba bɛ doɛ̃ wa.

Boo-laakalaali 12:1

Sɛnɛ n tɔntɔraabaa biikoo li, n yiri kɔ ka n diɛ wole ne, bɛ̀ koe lɛawaan kɛn nə baa doe, ka lɛ̀n kɛn nɛ, ń die pii mà ǹ sii ba nsɛ-a wa.

Boo-laakalaali 9:10

N bɛ́ re dí mɛn tumaa nyɛɛ, bɛ kũ ka n foo ne. A giala, n bɛ́ re woe bǎã mɛn nɛ, geren piɛ lɛ, dí ba walan wa, taasiɛ banban wa, doɛ̃ laanka sii-doɛ̃ banban wa.

Amɔɔsi 5:13

Bɛ lɛ n ke, min mɛn bɛ́ sii doɛ̃, á soɛ, ǹ dɛnaa nə n lɛ tã. A giala, biikoo lɛ baraa kɔ!

Matiə 25:17

A sana kuturu paa kɔ min mɛn la, bɛ dɔ́ woo pii kɔ ka a wɔ-n miɛ̃, á sana kuturu paa kɔsɔ yɛ á tí a ganaa.

Zaã a sɛ́wɔ 12:35

Yezu tɔ́n pɛ ǹ nɛ: «Wɔlɔ fúlu tá ka bii bɔrɔ, sɛnɛ, a die beleboe wa. Wɔlɔ fúlu bɛ́ ka li ǹ mɛn waáraa, ka tɔ wɔ bɛa biikoo li, màn mɛn bɛ́ toɛ, wɔlɔ tì baran da ka tɔwaa wa. A giala, min mɛn bɛ́ tɔ we wɔlɔ tì li, bɛa dɛnaa ba a din a woo ǹ bǎã doɛ̃ wa.

Rɔmu minin 13:11

Ka sii lɛ zɛnaa miɛ̃, a giala, wɔ bɛ́ biikoo mɛn nɛ sisia, ka á doɛ̃. Kaa yoo a bɔ nyuù-n biikoo lɛ n ke koe! Sonbore ne, kirisibaa lɛ wɔlɔ kunu kɔ wɔ ganaa pelo, á la wɔa golee Lawa li giala koe waáraa nɛ.

Korɛnti1 7:26

Foo-ziziɛ̃ ǹ sii mɛn bɛ́ die minbuiin ganaa sisia, man taasɛ, máa bɛ̀ giĩ goã a ná a lɔ siɛ wa, bɛ á soɛ.

Galaasi minin 1:4

Yezu Krita lɛ na á n din kɔ wɔa sii baraan lɛa, màn mɛn bɛ́ toɛ, a wɔ kirisibaa sisia a kanaa babaraa kɛ ganaa. Bɛ na á n zɛnaa, á kɔnpɛ wɔ Di Lawa din foo sii ni.

Galaasi minin 6:10

A bɛ́ miɛ̃, bɛ̀ wɔ á boe la biikoo woo biikoo li, wɔ toa wɔ sii bǐɛ̃ zɛnaa min tumaa nɛ, sanparɛ min mɛnɛn bɛ́ wɔ dɔɔ̃nɔn lɛa goleemali gɔ́ɔ̃ nɛ.

Efɛɛzi minin 6:13

Bɛ lɛ a lɛa, ka Lawa a ziabaa ǹ mànan tumaa gũ ka gɔn kanna. Màn mɛn bɛ́ toɛ, bɛ̀ lɛawaa baraa kɛ́ dɔ, yǎa kaa zɔ́ɔ kɛ da yoo ka gialaa, ka boo la ka n gòãn doa a ganaa. Ka á re zia biɛ a ganaa miɛ̃ yǎa a woe nyɛɛ, ka á re goɛ̃ ka dinin giã ǹ gɔn taãn la ka bɛ nɛ.

Efɛɛzi minin 6:15

Ka din kɔ sii ganaa baa kɔsɔn lɛa, ka ǹ wɔ ka gòãn ganaa, ka là nyantoro yɛ ǹ Boo Tii Kɔɔ̃n kɛ pɛ nɛ.

Kolɔɔsi minin 4:5

Ka tɔ wɔ ka sii-doɛ̃ nɛ, Lawa-nyankɔle baãnaan wɔ a paǹ li. Ka dɔ biikoo sonbore gogoonmaa ganaa.