Efɛɛzi minin 5:15 - LAWA A BOO SONBORE

¹⁵ Ka n yiri kɔ kaa giã ǹ gɔn li parsiini. Ka baran n dinin nyaa ka yiri baãnaan bɛ́ lɔn wa, sɛnɛ, ka n dinin nyaa ka sii-dɔ̃lin bɛ́ lɔn.

LAWA A BOO SONBORE 2011

¹⁵ Ka n yiri kɔ kaa giã ǹ gɔn li parsiini. Ka baran n dinin nyaa ka yiri baãnaan bɛ́ lɔn wa, sɛnɛ, ka n dinin nyaa ka sii-dɔ̃lin bɛ́ lɔn.

Efɛɛzi minin 5:15 ပူးပေါင်းရင်းမြစ်များ

Samayeli2 24:10

Davida bɛ́ á zaman lɛ nimi miɛ̃, bɛ kio, a foo ná a din zɛ̀rɛ baa. Á tɔ́n pɛ Dɛnaa Lawa nɛ: «Ma sii mɛn zɛnaa, sii baraa gole gole ne. Kanna kəni, Dɛnaa Lawa, masɛ nə n nyankoe, bǐɛ̃ kɔ n kiɛ̃ maa sii baraa kɛ la, a giala, gàãnaabaa ǹ sii din taãn nə ka kɛ nɛ má zɛnaa.»

Zɔbu 2:10

Ǹ zuũ lɛ tɔ́n a lɛ si: «Ma n boo diɛ ka baãnaa bɛ́ lɔn. Nsɛ mà lɔn! Lawa bǐɛ̃ baa wɔsɛn manɛ, wɔ bɛ si. Bɛ̀ a baraa-n kəni, wɔ nə n piã ka bɛ nɛ?» Bɛa sii lɛ tumaa gɔ́ɔ̃ nɛ, Zɔbu nə n lɛ bũ á boo basaã kɔn da wa.

Loen 73:22

ma din baãnaan, ma a sii kɔn giala miɛ wa, man má goã ka tɔɔ bɛ́ lɔn n yɔrɔ-a.

Bɔ bɛ̀rɛbaa nɛ 23:13

«Ma bɛ́ má màn mɛn tumaa pɛ ka nɛ, ka n yiri kɔ bɛ li, ka zɛnaa tɛrɛɛnɛ. Ka baran lawa kɔsɔn nyankɔ wa, min baran ǹ tɔn dinin ma ka lɛ-n wa.

Suusun 14:8

Min mɛn bɛ́ boe a din la, a nə n yiri koɛ a din a zɛnaa ǹ sii li, sii-dɔ̃li ni. Min mɛn yiri bɛ́ á nyaabaa, a nə́ ǹ miãn siɛ̃. Baãnaa nɛ.

Suusun 15:21

Baãnaa foo n kɔɔ̃nɛ ka gaãnaabaa ǹ sii zɛnaa nɛ. Sɛnɛ, min mɛn bɛ́ yiridɛnaa lɛa, a n tɔ we zii pepere la.

Matiə 10:16

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

Matiə 25:2

Ǹ min sooro n baãnaan lɛa, sooro kɛ dɔ n yiridɛnan lɛa.

Matiə 27:24

Pilati bɛ́ á dɔ̃, mà asɛ a die boe la a sii kɔ́n zɛnaa wa, mà màn nə́ tɔn miɛ zaman lɛ a lala diɛ li, á mu saa, á n gɔn pii zaman lɛ yɔrɔ-a, á pɛ: «Ma gòɛ̃ ba giĩ kɛ a gɛ̀ sii-n wa! Ka dinin mìi gɔ́ɔ̃ ǹ sii ni!»

Matiə 27:4

á pɛ ǹ nɛ: «Maa zɛ̀rɛ baãnaa kɔ ka la ke, má sii baraa zɛnaa!» Ǹ nə́ tɔ́n pɛ nɛ: «Wɔsɛn wàa n sii n bɛ nɛ? N din mìi gɔ́ɔ̃ ǹ sii ni!»

Matiə 8:4

Bɛ kio, Yezu tɔ́n pɛ nɛ: «N too kɔ doɛ̃, n nyan toa n kɛ laakalaa min kɔ́n yii-n wa. Wo n din nya wúlu-bɔle ne, bɛ ga n ganaa bɔrɔ, bɛ kio, Lawa wúlu mɛn boo da Muizu ni, n bɛ lɛ bɔ n nyaa min din tumaa nɛ mà n busu nya.»

Luku 24:25

Yezu tɔ́n pɛ ǹ nɛ: «Yiribaãnaan lɛn, ka a lɛ koe Lawa a boo gii-dalin lɛn boo ganaa fufuu wa.

Korɛnti1 14:20

Ma dɔɔ̃nɔn lɛn, sii-doɛ̃ wɔ paǹ li, ka baran n dinin baa nɛnyaanan lɛa wa. Ka goã nɛnyaanan lɛa sii bɔnɛɛ wɔ paǹ li, sɛnɛ, sii-doɛ̃ wɔ paǹ li, ka toa ka goã min golen lɛa.

Galaasi minin 3:1

Galaasi yiriwɛɛnaan lɛn! Die na á kɔnkoãbaa zɛnaa ka nɛ? A da yaa, ǹ nə́ Yezu *Krita a dere gɔn ganaa boo kɛ da ka yii-n foaãnɛ.

Galaasi minin 3:3

Ka ǹ yiriwɛɛnaan lɛa miɛ̃ ya? Ka ǹ ká a giala kɔ ka Lawa a Yiri Fu ni. Ka n zoɛ̃ mà ka a giala-nyɔmɔɔ kanna ka ka dinin gɔ̀nɔn foo sii ni?

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Efɛɛzi minin 5:33

Ta á n baa lɔn, ka gogoonmaa doamaa nɛ, a na a lɔ narɛ ka a bɛ́ a din narɛ lɔn, lɔ gogoonmaa dɔ doamaa nɛ a ǹ zuũ guguru kɔ.

Filipi minin 1:27

Sɛnɛ, giã ǹ gɔn mɛn bɛ́ woe kun ka Krita a Boo Tii Kɔɔ̃n kɛ nɛ, ka toa ka kɔ bɛ lɛ. Ka bɛ nɛ, ta má daa n yii kɔ ka li, ta ma banban, Boo Tii Kɔɔ̃n bɛ́ goleemali mɛn koe, a n siĩni ma ka boo ma, mà ka tá bɛ gɔ́ɔ̃-n taãn-taãnɛ, mà ka n kun ka taasiɛ goon ne, ka n yɔ boe kun ka foo goon ne.

Kolɔɔsi minin 1:9

Bɛ lɛ nɛ, a kũ boo kɛ lɛ a miɛ pinaa ganaa kaa wɔ gɔn la, wɔ ǹ Lawa nyankoe kaa lɛa biikoo tumaa li. Wɔ ǹ Lawa nyankoe wáa a sii-doɛ̃ kɔ ka la parsiini, a yiri kɔɔ̃n kɔ ka la, a din a Yiri Fu barka nɛ, a toa ka a din dùũ siin dɔ̃.

Kolɔɔsi minin 4:5

Ka tɔ wɔ ka sii-doɛ̃ nɛ, Lawa-nyankɔle baãnaan wɔ a paǹ li. Ka dɔ biikoo sonbore gogoonmaa ganaa.

Tesaloniki1 5:15

Ka yiri bɔ, min kɔ́n baran sii baraa saraa ka sii baraa-n wa. Ka n doa ka sii bǐɛ̃ zɛnaa kɔn nɛ biikoo tumaa li, ka zɛnaa min tumaa dɔ nɛ.

Timote1 6:9

Sɛnɛ, min mɛnɛn bɛ́ giɛ màndɛnaabaa li, damagɔ́ɔ̃li ǹ kan lɛ n bɛn kuĩ. Baãnaabaa ǹ foo sii naarɛ gigiã nə ǹ kuĩ. Bɛn lɛn man minin ziziɛ̃, ǹ bɔ̀n da ǹ ganaa.

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Zaaki 3:13

Die n sii doɛ̃ ka bii, yiri ná a lon? Bɛa dɛnaa na a sii-doɛ̃ lɛ nyaa ka a tɔ wɔ ǹ gɔn sonbore ne, ka din-gisiĩ ni a zɛnaa ǹ siin gɔ́ɔ̃ nɛ.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.