Efɛɛzi minin 5:11 - LAWA A BOO SONBORE

¹¹ Ka baran kaa sii kaa kun ka wɔlɔ tì a sii kooron kɛn nɛ wa, ka bɛa sii kooron kɛn lɛn kaa wɔlɔ fúlu li dinin.

LAWA A BOO SONBORE 2011

¹¹ Ka baran kaa sii kaa kun ka wɔlɔ tì a sii kooron kɛn nɛ wa, ka bɛa sii kooron kɛn lɛn kaa wɔlɔ fúlu li dinin.

Efɛɛzi minin 5:11 ပူးပေါင်းရင်းမြစ်များ

Siin Giala 20:16

Bɛ kio, á pɛ Saaraa nɛ: «Á ke, man die wɔrɔ we duu goon koe n miãgiĩ lɛ la. Bɛ n die goɛ̃ sii a kɔnboe lɛa, nyɛɛ n tá kun wolen tumaa nɛ, mà n zɛ̀rɛ bie ka sii kɛ lɛ-n wa.»

Loen 141:5

Min pepere á boe la a ma dɛ, a ma doroo ka giaárabaa nɛ. Sɛnɛ, min baraan kɛn giaárabaa ǹ siin kɛn, ma ba bɛn li wa. Man Lawa nyankoe dinin, máa Lawa ma kanbaa ǹ baraabaa kɛ ganaa.

Suusun 1:10

Maa nɛ, bɛ n miã baraan tá zoɛ̃ li ǹ nə n da sii baraa nɛ, n piã.

Suusun 1:31

Kaa giã ǹ gɔn lɛ a siin man die kuĩ ka dinin mìi ni. Kaa sii yɔrɔ bɔn kɛn, ǹ tìĩ á re boe ka nyin ni kusikusi.

Suusun 13:18

Min mɛnɛn bɛ́ n piɛ̃ ka doroo ne, doobaabaa laanka sìi n bɛn wɔ lɛa. Sɛnɛ, min mɛnɛn bɛ lɛ koe doroon ganaa, yii gugurubaa n bɛn wɔ lɛa.

Suusun 15:12

Din koa wole a lɛ koe gɔn waa ma-n ganaa wa. A ba n mɔrɛ sii-dɔ̃li ganaa wa.

Suusun 19:25

Bɛ̀ n yaa wɔ minin ganaa wole dɛ, bɛ á re doroo koe baãnaa la. Boo da yiridɛnaa nɛ, n bɛ́ li n daraa sii mɛn ganaa, á re bɛ giala miɛ.

Suusun 25:12

Min mɛn bɛ́ n too koe doɛ̃, sii-dɔ̃li a doroo ǹ boon ka sana zan bɛ́ lɔn a yii li, hinlaa ka bɔlɔ-a gii bɛ́ lɔn sana yoreen lɛa.

Suusun 28:4

Min mɛnɛn bɛ́ ǹ ba koe dí-pɛn lɛ wa, maǹ min baraan laakalɛ. Sɛnɛ, min mɛnɛn bɛ́ koe dí-pɛn lɛ, bɛn manə n gòãn dii ǹ ganaa.

Suusun 29:1

Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Izayii 29:21

ǹ nə́ soɛ diɛ ǹ miãn la, ǹ nə́ kan koe kiri-kuruli ni, ǹ nə́ toɛ ǹ nə́ yii tì-a kuĩ, bɛn wɔ n die goɛ̃ ka gɛ̀ nɛ.

Zeremii 15:17

Ma bie giã-n tán yaa wɔ ma-a wolen bii, ma á sàn koe wa. Sɛnɛ, ń ma da giã tiãlɛa ganaa ka pàã nɛ, a giala, ń ma gɔ́ɔ̃ pã ka foo yoo ne.

Lawa a wúlu-bɔlen 19:17

Min kɔn baran ǹ dɔɔ̃n da a gɔ́ɔ̃-n wa. Sɛnɛ, bɛ̀ n dɔɔ̃n sii la, n baran toa wa, a zɛ̀rɛ baa, màn mɛn bɛ́ toɛ, a sii baraa lɛ a guĩ baran goã nsɛ mìi-n wa.

Matiə 18:15

«Bɛ̀ n dɔɔ̃n nə́ wɔ n zɛ̀rɛ nɛ, wo dɔ a li, n dinsɔɔ̃ ka a dinsɔɔ̃, n na a sã pɛ nɛ. Bɛ̀ a ná a zɛ̀rɛ si, a na á wusoo á n dɔɔ̃n baa.

Luku 3:19

A din biikoo kɛ lɛ dɔ li, á kii Erɔdi zɛ̀rɛ baa, a giala, Erɔdi na á n diɛ̃giĩ a lɔ Erɔdiadi si, ka bɛ dɔ nɛ, á sii kɔkɔrɔ gigiã kɔsɔn zɛnaa.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Rɔmu minin 13:12

Tèlò lɛ wɔlɔ lui, lɛ̀ a waa diri. Ka daa wɔ n na, wɔ n bɔ wɔlɔ tì siin ganaa, wɔ wɔlɔ fúlu sii zɛnaa a ziabaa ǹ mànan wɔ wɔ ganaa.

Rɔmu minin 16:17

Ma dɔɔ̃nɔn lɛn, man ka nyankoe taãn-taãnɛ, min mɛnɛn bɛ́ toɛ̃-kɔn we Lawa-nyankɔlen bii, ǹ nə́ ǹ yiri siɛ̃ ǹ tá ǹ papaɛ̃, ka n dinin kũ bɛn ganaa. Ka n daraa Lawa a boo mɛn ganaa, bɛa minin kɛn lɛn da ǹ boon laanka ǹ minin daraa ǹ siin man zia biɛ bɛa boo kɛ lɛ ganaa. Ka n na ka n bɔ bɛa minin kɛn lɛn ganaa.

Rɔmu minin 6:21

Ka ǹ ká wàa là yɛ kəni? Pelo, bɛa siin kɛn lɛn man sìi diɛ ka ganaa, a giala, ǹ giala-nyɔmiɛ n ka gɛ̀ nɛ.

Galaasi minin 6:8

Bɛ̀ min màn da á kɔnpɛ ka a gɔ̀nɔn foo sii ni, gɔ̀nɔn foo sii bɛ́ màn mɛn koe, a n die bɛ kuri: Gɛ̀ nɛ. Sɛnɛ, bɛ̀ min màn da á kɔnpɛ ka Yiri Fu foo sii ni, Yiri Fu bɛ́ màn mɛn koe, a n die bɛ kuri: nyin nyabaã nɛ.

Efɛɛzi minin 4:22

Ka goã gɔ̀nɔn foo siin mɛnɛn zɛnɛɛ, kaa giã ǹ gɔn zizi kɛ nɛ, ka n bɔ bɛn wɔlɔ li. Bɛa gɔ̀nɔn foo siin kɛn lɛn man nə́ goã ka siɛ̃, ǹ nə́ ka ziziɛ̃.

Efɛɛzi minin 5:12

Bɛa minin kɛn lɛn bɛ́ sii mɛn zɛnɛɛ ka durii ni, a pɛ á sìi diɛ dinin.

Efɛɛzi minin 5:7

Ka nyan toa, ka kaa sii kɔ́n kaa kun ka bɛa minin kɛn lɛn nɛ wa.

Kolɔɔsi minin 1:12

ka boo la ka barka da Díi Lawa nɛ ka foo kɔɔ̃n nɛ. Lawa mɛn bɛ́ á zii bũ ka nɛ, a bɛ́ màn mɛn koɛ a minin manɛ, a din a wɔlɔ fúlu kɛ nɛ, a die a toa ka kaa wɔ gii yɛ bɛ nɛ.

Tesaloniki1 5:7

Min mɛnɛn bɛ́ nyuù we, bɛn man nyuù we tèlò-n, min mɛnɛn bɛ́ yɔ liɛ ǹ dinin manɛ, bɛn man yɔ liɛ ǹ dinin man tèlò-n.

Tesaloniki2 3:14

Wɔ bɛ́ boo mɛn pii sɛ́wɔ kɛ nɛ, bɛ̀ min mɛn ba sii wa, ka n yiri koa bɛa dɛnaa li, ka baran n mɔrɔ a ganaa duduu wa, màn mɛn bɛ́ toɛ, sìi kũ.

Tesaloniki2 3:6

Dɔɔ̃nɔn lɛn, min mɛnɛn bɛ́ ǹ ba woe sii yɔrɔ li wa, wɔ doroon mɛnɛn kɔ ka la, ǹ nə́ ǹ ba tɔ we á kɔnpii ka bɛn nɛ wa, wɔ ǹ pii wɔ á laɛ ka ganaa ka wɔa Dɛnaa Yezu Krita tɔ nɛ, wáa ka n wɔlɔ lui bɛn ganaa.

Timote1 5:20

Ǹ mɛnɛn bɛ́ sii baraan zɛnɛɛ, yiɛ ǹ ganaa min tumaa yɔrɔ-a, màn mɛn bɛ́ toɛ nyɛ́ɛ gialakunun kũ.

Timote1 5:22

N baran saa lɛlɛ, n nə n gɔn da min kɔ́n la fufuu, n Lawa a sɔmɔ dí kɔ la wa. N baran n sii wɔ min kɔsɔ a sii baraa-n wa. N din tamaa *yoreen ne.

Timote1 6:5

ka liere bibiɛn nɛ. Ǹ yiri tumaa ziziɛ̃, ǹ ba sonbore doɛ̃ doo wa. Maǹ taasɛ mà golee Lawa li lɛ n ga màn li ǹ sii lɛa.

Timote2 3:5

Ǹ tá re n dinin biɛ Lawa a zii tɔ-wɔlen lɛa, sɛnɛ, màn mɛn bɛ́ a zii tɔ-wɔ lɛ a pàã koe ǹ la, ǹ ba re bɛ sii wa. Haya, n bɔ bɛ miã minin kɛn wɔlɔ li ka lenlen!

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.

Tiitii 2:15

N doamaa nɛ n minin daraa bɛa yɔrɔ kɛ lɛ la. N nə ǹ foo taã, n zɛ̀rɛdɛnan zɛ̀rɛ baa. Bɛ zɛnaa ka n parsii din tumaa nɛ. Min kɔ́n dɔ nyan sàn kɔ n nɛ wa.

Sii-nyaan 18:4

Má lɛn kɔsɔ ma boe lon pii: – Lawa a minin lɛn, ka soo ka n bɔ kiwi kɛ nɛ, ń giɛ koe mɛn bɛ́ re ǹ yii, ka gii baran yɛ bɛ laanka ǹ sii baraan kɛn nɛ wa.