Efɛɛzi minin 4:9 - LAWA A BOO SONBORE

⁹ Bɛ tumaa kio, "Á dii lon" giala mà wàa? Bɛ n zoɛ̃ mà a pɛ, mà a na á gisĩ tán a zuzulubaa ǹ bǎã-n bɔrɔ.

LAWA A BOO SONBORE 2011

⁹ Bɛ tumaa kio, "Á dii lon" giala mà wàa? Bɛ n zoɛ̃ mà a pɛ, mà a na á gisĩ tán a zuzulubaa ǹ bǎã-n bɔrɔ.

Efɛɛzi minin 4:9 ပူးပေါင်းရင်းမြစ်များ

Siin Giala 11:5

Minin lɛn bɛ́ kiwi mɛn laanka sanabolo mɛn doe, Dɛnaa gisĩ á ga a ganaa.

Loen 139:15

Ma wen ba durii ni n ganaa wa. A giala n din nə ń ma zɛnaa bǎã durii ni, ń ma gùn wɔwɔ kɔn lɛ maa náa gɔ́ɔ̃ nɛ.

Loen 63:9

Man die damɛ n din lɛ ganaa ka ma foo tumaa nɛ, n din pàã kɛ n ma tamaɛ. N din nə ma tamaɛ ka n gusin a gɔn kɛ nɛ.

Loen 8:5

minbuiin nɛ n wàa lɛa kəni, n tɔn nə n yiri koa li? A n wàa lɛa, n tá giɛ a walan?

Bɔ bɛ̀rɛbaa nɛ 19:20

Dɛnaa gisĩ Sinayii kele lɛ mìi ni, á n toa walan á lɛ dia la. Muizu dii.

Suusun 30:4

Die na á dii lon á wusoo á gisĩ? Die na á piɛ̃ kũ ka a gɔn nɛ? Die na á mɔnaa pɛnɛ mu ganaa? Die na á n yiin doa tán gèlè tumaa la? Ǹ dɛnaa tɔ n die? A nɛgiĩ tɔ n die? N tá bɛ doɛ̃?

Izayii 44:23

Nsɛ, lon, loe lɔ ka foo kɔɔ̃n nɛ. Nsɛ, tán giulun, n lɛn saa lon, a giala, Dɛnaa Lawa na á sii zɛnaa. Kasɛn kelen laanka dan kɛn nɛ daã nɛ, ka n lɛ dɛ ka foo kɔɔ̃n nɛ. A giala, Dɛnaa Lawa ná a zaman kirisibaa, a ná a tɔ golebaa nyaa Izirayeli gána nɛ.

Ezekieli 31:14

«Bɛ na á n zɛnaa, màn mɛn bɛ́ toɛ, da mɛn bɛ́ ǹ nə́ mu kiɛ a ganaa á n boe, bɛ baran n din saa lon, ka a mìi la daa a dɔ labaran ganaa wa. Ka bɛ dɔ nɛ, ta mu na á la a yii ni, a baran n saa din gole kɔ li, a n din soɛ kɔ ǹ miãn man wa. A giala, dan nɛ ka minbuiinin ni, ǹ tumaa n die giɛ̃, ǹ tumaa n die woe tán giulun, minbuiinin woo ǹ bǎã kɛ nɛ yala-n.»

Matiə 12:40

Zonaasi bɛ́ á lɛawaa sɔɔ laanka tèlò sɔɔ zɛnaa zɔ̀ gole gɔ́ɔ̃-n lɔn, Min a Nɛgiĩ dɔ n die lɛawaa sɔɔ laanka tèlò sɔɔ zɛnɛɛ yala-n miɛ̃.

Zaã a sɛ́wɔ 20:17

Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»

Zaã a sɛ́wɔ 3:13

A giala, min kɔ́n dii lon á wusoo á gisĩ tán wa, bɛ̀ á n bɔ Min a Nɛgiĩ ni, asɛ nə́ n toa lon á gisĩ tán.

Zaã a sɛ́wɔ 6:33

A giala, màn mɛn bɛ́ á bɔ lon á daa yiikoonaabaa kɔ kanaa minin la, Lawa a buuru lɛ n ka bɛ nɛ.»

Zaã a sɛ́wɔ 6:38

A giala, ma bie má n toa lon má gisĩ ma din foo sii zɛnaa a lɛa wa, min mɛn bɛ́ á ma dia, man má daa bɛ lɛ foo sii zɛnaa.

Zaã a sɛ́wɔ 6:41

A kũ bɛ lɛ ganaa, Zuifun nə́ mɛ la ǹ nə́ boo zùzùũ da Yezu wɔ a paǹ li, a giala a na á pɛ mà asɛ n buuru lɛa, màn mɛn nə́ n toa lon á gisĩ tán.

Zaã a sɛ́wɔ 6:51

Masɛ n yiikoonaabaa kɔ ǹ buuru lɛa, á n toa lon á gisĩ tán. Min mɛn bɛ́ re bɛa buuru lɛ soɛ̃, bɛa dɛnaa n goɛ̃ a yii n koo yǎa duduu. Buuru mɛn dɔ bɛ́ masɛ á re koe, masɛ din gɔ̀nɔn siĩ ni, á n kɔ, màn mɛn bɛ́ toɛ, kanaa minin nə yiikoonaabaa yɛ.

Zaã a sɛ́wɔ 6:58

Buuru mɛn lɛ bɔ lon á daa, a din lɛ n ke. Bɛ̀ min mɛn bɛa buuru lɛ sɔ̃, bɛa dɛnaa yii á die goɛ̃ koo yǎa duduu. Ka digolon nə́ buuru tɔrɔ kɔ́n sɔ̃ lɛlɛ, sɛnɛ, ǹ nə́ gã. A laanka bɛa goon wa.»

Zaã a sɛ́wɔ 6:62

Bɛ̀ ka Min a Nɛgiĩ yɛ dii a lɛlɛ a giã ǹ bǎã-n dɔn, ka tɔn nə n baa lɔn?

Zaã a sɛ́wɔ 8:14

Yezu tɔ́n pɛ ǹ nɛ: «Sonbore ne, masɛ n siére biɛ masɛ din wɔ gɔn la, sɛnɛ, ma bɛ́ màn mɛn pii, taãn nɛ. A giala, ma tá ma din a bɔ ǹ bǎã doɛ̃, ma tá maa woo ǹ bǎã dɔ doɛ̃. Sɛnɛ, kasɛn kɛn, ka a maa bɔ ǹ bǎã doɛ̃ wa, ka a maa woo ǹ bǎã dɔ doɛ̃ wa.

Ebrəə 2:7

Ń ná a kiɛɛrɛ kɔ á la lon a dia dí-a wolen manɛ, ń gugurubaa laanka siĩnbaa kɔ la,

Ebrəə 2:9

Sɛnɛ, wɔ yii n kɛ ganaa Yezu lɛ wɔ paǹ li: «Biikoo boɛɛn gɔ́ɔ̃ nɛ, Lawa ná a kiɛɛrɛ kɔ, á la lon a dia dí-a wolen manɛ,» màn mɛn bɛ́ toɛ, Lawa a bǐɛ̃baa barka nɛ, a gã minbuiin nɛ tumaa a lɛa. Sɛnɛ kanna, wɔ yii na a ganaa doo, wáa Lawa «gugurubaa laanka zín kɔ la» a gɛ̀-wɔ lɛ a lɛa.