Efɛɛzi minin 4:32 - LAWA A BOO SONBORE

³² Ka min bǐɛ̃ baa kɔn ganaa ka foo sonbore ne. Ka sii toa kɔn nɛ, ka Lawa bɛ́ á toa wɔ-n lɔn Krita wɔbaa gɔ́ɔ̃ nɛ.

LAWA A BOO SONBORE 2011

³² Ka min bǐɛ̃ baa kɔn ganaa ka foo sonbore ne. Ka sii toa kɔn nɛ, ka Lawa bɛ́ á toa wɔ-n lɔn Krita wɔbaa gɔ́ɔ̃ nɛ.

Efɛɛzi minin 4:32 ပူးပေါင်းရင်းမြစ်များ

Samayeli2 7:21

N din boo mɛn da, ma sii dɔ bɛ́ kɔɔ̃nɛ n ganaa lɔn, bɛ lɛ na á toa ń sii gole kɛ zɛnaa ń nyaa ma nɛ.

Loen 112:9

A nə n gɔn lɛ buĩ á doobaan goe ka màn nɛ. A sii pepere zɛnaa n goɛ̃ yǎa duduu. A n die tɔ golebaa yii, ka gugurubaa nɛ.

Loen 145:9

Dɛnaa Lawa n bǐɛ̃ koe min tumaa ganaa, a na a màn-zɛnaan tumaa narɛ.

Suusun 12:10

Min pepere tá n yiri koɛ a tɔɔn li. Sɛnɛ min baraa ba makara goon din doɛ̃ wa.

Suusun 19:11

Yiridɛnaa foo á yui naanaa wa. Ǹ bɛ́ baraa mɛn zɛnɛɛ nɛ, bɛ toa walan nə gugurubaa koe la.

Suusun 19:22

N bɛ́ zoɛ̃ li mà n min goã ka yɔrɔ mɛn nɛ, bɛ n ka sonborebaa nɛ. Doobaa á soɛ soɛ-bɔli ni.

Izayii 57:1

Maǹ min peperen nyin boe, min kɔn dɔ ba n yiri koɛ li wa. Min sonboren man papaɛ̃, min kɔn ná a doɛ̃ mà maǹ nə́ papaã ǹ nə́ n bɔ nɔmaa li wa,

Zeremii 38:12

Etiopii min Ebɛdi-Melɛki tɔn pɛ Zeremii ni: «Mɔnaa kunun kɛn wɔ n nyàan giulun, n tɔn biɛn lɛn da la.» Zeremii dɔ zɛnaa miɛ̃.

Matiə 6:12

Wɔ zɛ̀rɛn toa wɔ nɛ, ka wɔ dɔn bɛ́ wɔ miãn wɔn toɛ ǹ nɛ lɔn.

Marki 11:25

Bɛ̀ ka golee lon ka á Lawa nyankoe, a da yaa sii tá ka laanka min bii, ka toa ǹ dɛnaa nɛ, màn mɛn bɛ́ toɛ ka Di Lawa ka dɔn sii baraan toa ka nɛ. [

Luku 1:78

A giala, wɔa Lawa á wɔ narɛ, a piɛ̃maa-n ka bǐɛ̃baa nɛ. A bǐɛ̃baa n wɔlɔ fúlu lɛa, kiɛ wɔ ganaa ka wasa bɛ́ lɔn.

Luku 11:4

Wɔa sii baraan toa wɔ nɛ, a giala wɔ dɔn dininmaan tá wɔ miãn tumaa zɛ̀rɛn toɛ ǹ nɛ. Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa.»

Luku 17:4

Ta gunyin sɔbaa nɛ lɛawaa goon gɔ́ɔ̃ nɛ, á sã á wɔ n lon, bɛ̀ á lɛ kɔ á wusoo á daa n li gunyin sɔbaa, á pɛ n nɛ mà asɛ sã, mà n kaarɛ, a sãn toa nɛ.

Luku 6:35

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Luku 6:37

«Ka baran ka miãn zɛ̀rɛ baa wa, Lawa a re ka zɛ̀rɛ biɛ wa. Ka baran dɔlɔ da kɔn mìi-n wa, Lawa a re dɔlɔ diɛ ka mìi-n wa. Ka zɛ̀rɛn toa kɔn nɛ, Lawa á die ka zɛ̀rɛn toɛ ka nɛ.

Nya ǹ dín 28:2

Gána lɛ a minin nə́ n da wɔ lɛ sɔnbɔraanɛ. La bɛ́ kiɛ, nyan nə́ boe, ǹ nə́ tɛ gole koa, ǹ nə́ wɔ kaa tán wɔ́ a lɛnpɛnɛ.

Rɔmu minin 12:10

Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka n zɔɔ̃ kɔn ka kɔn guguru kɔ nɛ.

Korɛnti1 13:4

Kɔn-narɛɛ n toɛ min nə n foo kũ, a sii n kɔɔ̃nɛ, a yii ná a mimini wa. A toɛ min nə n din kalaa wa, a toɛ a n din koa wa.

Korɛnti2 2:10

Bɛ̀ ka min a sã ǹ sii toa nɛ, masɛ dɔ n toɛ ǹ dɛnaa nɛ. A giala, bɛ̀ sii tan má n kɔnboe ma toa, man toɛ ka dinin lɛa *Krita yɔrɔ-a,

Korɛnti2 2:7

Bɛ lɛ nɛ sisia, ka bǐɛ̃ kɔ ka a sii toa nɛ, ka a foo taã, ń giɛ foo-ziziɛ̃ gole nyan saa a bɔ a yiri la wa.

Korɛnti2 6:6

Man maa Lawa a dí-nyalibaa nyɛɛ ka maa *yoreenbaa nɛ, maa màn-doɛ̃ nɛ, ka maa foo-kũ ni, ka maa min bǐɛ̃baa nɛ. Man nyɛɛ dɔn ka Yiri Fu pàã nɛ, ka maa minin narɛ taãn-taãn nɛ,

Efɛɛzi minin 5:1

Ka bɛ́ n Lawa a nɛnyaanan lɛa a n ka narɛ, ka n doa ka a din lɛn zɔɔ̃.

Zaaki 5:11

Wɔ nə ǹ laakalɛɛ, a giala, ǹ nə́ sii si ǹ ganaa. Táa ka Zɔbu a sii simaa boo ma. Dɛnaa màn mɛn kɔ la bɛ kio, táa ka á bɛ dɔ doɛ̃. A giala, Dɛnaa a bǐɛ̃baa laanka a makara-doɛ̃ á gole.

Piɛrɛ2 1:7

Ka dɔɔ̃nbaa a kɔn kũ doɛ̃ naa nyɛ́ɛ baa Lawa-n lɛ ganaa. Bɛ din tumaa kio kəni, ka kɔn-narɛɛ naa dɔɔ̃nbaa a kɔn kũ doɛ̃ kɛ ganaa.

Zaã1 1:9

Sɛnɛ, bɛ̀ wɔ á wɔa sii baraan pii Lawa nɛ, a din nə bɔlɔgoondɛnaa lɛa, a n pepere dɔn. Á re wɔa sii baraan toɛ wɔ nɛ, a wɔ yoreen kɔ sii baraa tumaa ganaa.

Zaã1 2:12

Maa nɛnyaanan lɛn, man sɛ́wɔ diɛ ka la, a giala, kaa sii baraan nə́ n toa ka nɛ Krita tɔ ganaa.

Uruti 2:20

Naomii tɔ́n pɛ ǹ manaa lɛ nɛ: «Dɛnaa Lawa die a barka da n ganaa asɛ mɛn bɛ́ a ba a makara-doɛ̃ kɛ toɛ walan yiikoonaan wɔ paǹ li wa, a toɛ walan geren dɔn wɔ paǹ li wa.» Bɛ kio, Naomii pɛ nɛ: «Bɛa giĩ lɛn wɔsɛn dinin min taãn lɛa, wɔsɛn sii n doe a din lɛ ganaa.»