Efɛɛzi minin 4:31 - LAWA A BOO SONBORE

³¹ Ka toa kɔkɔsɛbaa ǹ sii tumaa wɔlɔ lui ka ganaa, min koa ma gɔ́ɔ̃-n nɛ, foo-yoo baraa tumaa nɛ, paparaan nɛ ka sɔ-kɔn nɛ. Ka n bɔ baraabaa sii tɔrɔ tumaa wɔlɔ li.

LAWA A BOO SONBORE 2011

³¹ Ka toa kɔkɔsɛbaa ǹ sii tumaa wɔlɔ lui ka ganaa, min koa ma gɔ́ɔ̃-n nɛ, foo-yoo baraa tumaa nɛ, paparaan nɛ ka sɔ-kɔn nɛ. Ka n bɔ baraabaa sii tɔrɔ tumaa wɔlɔ li.

Efɛɛzi minin 4:31 ပူးပေါင်းရင်းမြစ်များ

Siin Giala 27:41

Ezawu Zakɔba baa zɔ́ɔ, ǹ di a lɛn bǐɛ̃ bíi li lɛ taman yii. Á pɛ a din gɔ́ɔ̃-n kɛnɛn: «Maa díi lɛ a gɛ̀ dɔ á nya. Bɛa pinaa, man die ma diɛ̃ Zakɔba dii.»

Siin Giala 37:21

Urubɛn nə́ ǹ boo lɛ ma, á ga Zozɛfu kanbaa ǹ gɔn li ǹ ganaa. Á tɔ́n pɛ ǹ nɛ: «Wɔ baran a nyin bɔ wa.

Siin Giala 37:4

Ǹ golon lɛn nə́ yɛ, mà Zozɛfu sii a kɔɔ̃nɛ ǹsɛn di lɛ ganaa, á la ǹsɛn tumaa nɛ. Ǹ golon lɛn nə́ da ǹ gɔ́ɔ̃ nɛ, ǹ boo la ǹ nə́ boo da-n doo ka bɔlɔ bǐɛ̃-n wa.

Siin Giala 4:8

Ǹ kɔn pinaa, Kanyɛ nə́ ǹ diɛ̃ Abeli lɛ bíi á pɛ nɛ mà a daa ǹ nə n ta don. Ǹ bɛ́ ǹ nə́ dɔ don, Kanyɛ yoo á mɛ ǹ diɛ̃ Abeli la, á dɛ á da tán.

Samayeli2 13:22

Abusalɔn boo goon da ǹ dɔɔ̃n Amnɔn nɛ doo wa. A pɛ mà á siĩn wa, a pɛ mà á baraa wa. A giala, Abusalɔn na á goã biɛ zɔ́ɔ ǹ miãnɛn Tamaara lɛ a ziziɛ̃ taman yii.

Samayeli2 19:27

A ná a lɛ si: «Maa dɛnaagiĩ kii, maa dí-nyali na á ma yiri sã. Bɛ̀ bɛ lɛ bie wa, man má goã, máa man die maa dundun dan kuĩ ma kɛkɛrɛ da a dɔ̀ɔ̃ nɛ, ma dii la, ma wo kunun n ni. A giala, ma gòã lɛ a toɛ ma á tɔ we wa.

Samayeli2 19:43

Zudaa minin lɛn tumaa tɔ́n pɛ Izirayeli minin lɛn manɛ. Dɔɔ̃nbaa tá wɔsɛn laanka kii lɛ bii á la ka nɛ. Wàa na á baa kasɛn foo á yui bɛ taman yii. Kii lɛ na á màn-bii kɔ wɔsɛn la wɔ́ bii? Kii lɛ na á màn bɔ á kɔ wɔsɛn la?

Loen 101:5

Min mɛn bɛ́ n duri, ǹ miãn tɔ ziziɛ̃, ma tá re barka boe bɛa dɛnaa-n ka lenlen. Min mɛn bɛ́ n din gole koe, a n giɛ ǹ miãn-a màn kooron lɛa, ma ba boe la ma bɛa dɛnaa a sii si ma ganaa wa.

Loen 140:11

Toa tɛ nàn nə kaa ǹ la, ǹ nyɛnaa ǹ nə ǹ zũ tɛ-n, n nə ǹ zũ nyankɔrɔ zuzulu kɛ nɛ, ǹ baran boo la ǹ soo duduu wa.

Loen 15:3

A ba min tɔ baraa pii wa, a ba sii baraa zɛnɛɛ ǹ miãn man wa, a ba ǹ miã tɔ pɔpɔsɛ wa.

Loen 37:8

Foo-yoo lɛ da, n kakaarɛbaa toa walan. Bɛ̀ n foo busu, bɛ lɛ n die ka sii baraa zɛnaa nɛ.

Loen 50:20

Ma n giɛ̃ tán, n tá n dɔɔ̃n tɔ pii minin ni, n nə n din dannɛ tɔ ziziɛ̃ minin li.

Loen 64:3

Baraa-zɛnaalin man nə́ n giala kaa kun, min baraan man gɔn diɛ ma ganaa, ma kanbaa ǹ ganaa.

Suusun 10:12

Min mɛn bɛ́ ǹ miã tìĩ n boe n ne, bɛ n yui ka zia nɛ. Sɛnɛ kɔn-narɛɛ n toɛ n nə n miã sãn toa nɛ.

Suusun 10:18

Min mɛn bɛ́ zɔ́ɔbaa duri, min naarɛ nɛ. Min mɛn bɛ́ soɛ diɛ ǹ miãn la, baãnaa nɛ.

Suusun 14:17

Min mɛn foo bɛ́ yui fufuu, a n sii kooron zɛnɛɛ. Min mɛn bɛ́ n din biɛ yiridɛnaa lɛa, a nə n din tìĩ boe.

Suusun 18:8

Lɛ-fuubaali a boon lɛn man kɔɔ̃n ka màn paparɛ bɛ́ lɔn. Maǹ lɛ koe ǹ ganaa fufuu.

Suusun 19:12

Kii a foo-yoo na á kɔnbɔ ka yàra a lɛbaa nɛ, sɛnɛ, a sonborebaa n ka pele bɛ́ lɔn buu ganaa.

Suusun 25:23

Piɛ̃ mɛn bɛ́ woe lɛ̀giala-n, bɛ n die ka là nɛ. Soɛ n die ka n miãn foo yoo ne.

Suusun 26:20

Bɛ̀ gɔn banban, tɛ n nimi. Bɛ̀ tenten banban, zia n nyɛɛ.

Suusun 29:22

Foo goledɛnaa n zia yiɛ, a n sii baraa gigiã zɛnɛɛ.

Suusun 29:9

Bɛ̀ sii-dɔ̃li á kiri we kɔn ka baãnaa nɛ, a foo á boe la a yoo hinlaa a yaa wɔ, sɛnɛ a ba n boe a-n wa.

Boo-laakalaali 7:9

N foo baran saa lɛlɛ, a yoo wa, a giala foo yoo na á n yu baãnaan la.

Zeremii 6:28

Ǹ tumaa n gòãn dii wolen lɛa, Ǹ foo n kaka. Maǹ soɛ diɛ kɔn la. Ǹ sii a kakabaa n ka zan hinlaa fɔlɔ wɔ bɛ́ lɔn. Ǹ tumaa n basaã-kɔle lɛa.

Zeremii 9:4

Didie nə ǹ miã siɛ̃, Min kɔn ba sonbore pii wa. Ǹ tumaa lɛ muĩ soɛ nɛ. Ǹ nya ǹ dí n ka sii baraa nɛ.

Nya ǹ dín 21:30

Kiwi lɛ tumaa nə́ n lɔlɔkɔn, ǹ nə́ baa si ǹ nə́ daa. Ǹ nə́ Pooli kũ ǹ nə́ baã ǹ nə́ bɔ Lawa a kion, ǹ ná a kiɛnlɛn tã fufuu gɔrɔ.

Rɔmu minin 3:14

Liɛ minin li laanka boo baraa diɛ dinsɔɔ̃ n boe ǹ lɛ-n.

Korɛnti1 14:20

Ma dɔɔ̃nɔn lɛn, sii-doɛ̃ wɔ paǹ li, ka baran n dinin baa nɛnyaanan lɛa wa. Ka goã nɛnyaanan lɛa sii bɔnɛɛ wɔ paǹ li, sɛnɛ, sii-doɛ̃ wɔ paǹ li, ka toa ka goã min golen lɛa.

Korɛnti1 5:8

Ka daa wɔ zɔ́n lɛ zɛnaa ka buuru ni, ǹ mɛn bɛ́ yɔ bù ná a ba li wa, wɔ nyan zɛnaa ka yɔ bù zizi-n li wa. Bɛ giala mà wɔ n kɔnboe, wɔ sii baraa laanka din kũ doɛ̃baã siin kɛn kaa, wɔ goã yoreenbaa laanka sonbore gɔ́ɔ̃ nɛ.

Korɛnti2 12:20

Nyɛ́ɛ n ma ganaa, máa kɔntan ma a re die ka yiɛ, ka ma bɛ́ giɛ li lɔn wa, ka dɔn nə́ ka a re ma yii, ka ka bɛ́ giɛ li lɔn wa. Nyɛ́ɛ n ma ganaa, máa ma nyan da yaa bɛ̀ zian tá ka bii, ka foo wuu-pɛ nɛ, foo-yoo ne, ka miã lɔ zuũbaa nɛ, sɔ-kaa kɔn la nɛ, ka boo giməə da kɔn ganaa nɛ, din-koa nɛ, ka sii-lɔlɔkɔn nɛ.

Galaasi minin 5:20

dì wúlu bɔ nɛ, ka dagòã si ni. Minbuiinin man zɔ́ɔbaa we kɔn ganaa, ǹ nə́ zian diɛ kɔn ganaa, ǹ foo n wuu pii, foo-yoo la ǹ yii ni, ka miã lɔ zuũbaa nɛ. Maǹ nə n niniɛ kɔn tanlɛ tanlɛ, ǹ nə́ kurun lɛa yɔ boe kɔn ganaa.

Efɛɛzi minin 4:22

Ka goã gɔ̀nɔn foo siin mɛnɛn zɛnɛɛ, kaa giã ǹ gɔn zizi kɛ nɛ, ka n bɔ bɛn wɔlɔ li. Bɛa gɔ̀nɔn foo siin kɛn lɛn man nə́ goã ka siɛ̃, ǹ nə́ ka ziziɛ̃.

Efɛɛzi minin 4:25

Bɛ lɛ a lɛa, ka soɛ-bɔ toa walan. Didie sonbore pɛ ǹ miã nɛ, a giala mà wɔ tumaa n gɔ̀nɔn goon a gùn lɛa.

Efɛɛzi minin 4:26

Bɛ̀ ka foo yoo, ka nyan sii baraa zɛnaa wa. Ka nyan toa ka foo goã yoo ne a wasa mɛ-n wa.

Kolɔɔsi minin 3:19

Giĩn lɛn, ka kaa lɔn lɛn narɛ, ka baran kakaarɛ kɔ ǹ ganaa wa.

Kolɔɔsi minin 3:8

Sɛnɛ kanna, ka n piã ka bɛa sii kɛ lɛ din tumaa nɛ: Ka n piã ka foo-busii ni, ka foo-yoo ne, ka baraabaa nɛ, ka baran toa sɔ-kɔ laanka sìi boon nə bɔ ka lɛ-n wa.

Timote1 3:11

Ǹ lɔn dɔn doamaa nɛ ǹ yii goã guguru. Ǹ baran goã minin tɔ-ziziɛ̃lin lɛa duduu wa. Ǹ goã din-kũlin lɛa, bɔlɔ pepere-pɛlen lɛa sii tumaa gɔ́ɔ̃ nɛ.

Timote1 3:3

A doamaa bie a goã duvɛ̃ mii a la a din ni wa, a baran goã kakaarɛ wa, sɛnɛ, a goã min basiɛ̃ lɛa, sabara-baali lɛa. A baran n là kakã wɔrɔ sii li wa.

Timote1 5:13

Ka bɛ dɔ nɛ, dí bɛ́ a ba ǹ gɔn wa, maǹ kiɛnlɛn koe kɔn. Ǹ dí nyabaã kɛ dinsɔɔ̃ bie wa, sɛnɛ, maǹ nə n lɛ dɔ we boo tumaa nɛ, ta ǹ mɛn ba ǹ bǎã-n wa. Boo mɛn ba da ǹ boo lɛa wa, maǹ bɛ diɛ.

Timote2 2:23

Sɛnɛ, n nyan lɛ kɔ yiri baãnaan liere kɔ kooron kɛn ganaa wa. N doɛ̃ mà bɛn lɛn man die ka zia nɛ.

Timote2 3:3

ǹ tá re kakaarɛ koe, ǹ ba re min makara doɛ̃ wa. Ǹ tá re kɔn tɔ ziziɛ̃ wolen biɛ, ǹ ba re n dinin kuĩ wa. Ǹ tá re baraa koe, sii bǐɛ̃ a die kɔɔ̃n koe ǹ ganaa wa.

Tiitii 1:7

Lawa a sɔmɔ nyɛɛnaan-bɔle doamaa nɛ, a ga Lawa a sɔmɔ mànan walan. Bɛ lɛ n toɛ, a doamaa bie lɛ pɔrɔ ǹ bǎã kɔ́n yɛ a wɔ paǹ li wa. A nyan din gole-kɔle baa wa, a nyan foo yoo fufuu wole baa wa, a nyan yɔ-mili baraa baa wa, a nyan zia-dali baa wa, a nyan ga là babaraa li wole baa wa.

Tiitii 2:3

A din goon ne, a pɛ lɔ zizin dɔn manɛ, mà ǹ nə n dinin kũ ka min sonboren wɔ bɛ́ lɔn. Ǹ doamaa bie ǹ minin yiri ziziɛ̃ ǹ boon pɛsɛ̃ wa, ǹ nyan duvɛ̃ a bɛ̀rɛn baa wa. Ǹ doamaa nɛ, ǹ yiri sonbore kɔ ǹ miãn la,

Zaaki 1:19

Ka dɔ̃, ma dɔɔ̃n narɛɛ wolen lɛn, didie doamaa nɛ a n too kɔ doɛ̃, min kɔ́n baran n lɛ fuu kɔ a boo da wa, min kɔ́n foo baran yoo fufuu wa.

Zaaki 3:14

Sɛnɛ, bɛ̀ foo a wuu pɛ babaraa laanka zɔɔ̃ kɔn-a ǹ taasiɛ ka gɔ́ɔ̃ pã, ka nyan soɛ bɔ ka n dinin baa sii doɛ̃ wolen lɛa, a da yaa sonbore ná a ba ka lon wa.

Zaaki 4:11

Dɔɔ̃nɔn lɛn, ka nyan lɛ pɔrɔ kɔn ganaa wa. Bɛ̀ min mɛn tá lɛ pɔrɛɛ ǹ miã ganaa, hinlaa bɛ̀ á zɛ̀rɛ koɛ a ganaa, bɛa dɛnaa n lɛ pɔrɛɛ Lawa a dí-pɛ ganaa, á n zɛ̀rɛ koɛ a ganaa. A da yaa, bɛ̀ n tá zɛ̀rɛ koɛ Lawa a dí-pɛ ganaa, n bie a tamaali lɛa doo wa, sɛnɛ, a zɛ̀rɛ baali nə n ne.

Piɛrɛ1 2:1

Haya, ka baraabaa tɔrɔ tumaa kaa, ka soɛ tɔrɔ tumaa nɛ, ká bɔlɔ paa pɛ tɔrɔ tumaa nɛ. Ka foo wuu pɛ kaa, ká kɔn tɔ ziziɛ̃ nɛ.

Zaã1 3:12

Kanyɛ mɛn bɛ́ á goã Sɛtaan Baraa kɛ wɔ lɛa, wɔ doamaa bie wɔ goã ka bɛ bɛ́ lɔn wa. Asɛ lɛ na á ǹ diɛ̃ dɛ á gã. A na á ǹ diɛ̃ lɛ dɛ wàa mɛn a lɛa? A giala, a din a nya ǹ dín nə́ goã babaraa, ǹ diɛ̃ lɛ wɔn nə́ pepere.

Zaã1 3:15

Bɛ̀ min mɛn dɔɔ̃n tìĩ á boe-n a nyin ni, bɛ n gɛ̀-dɛle lɛa. Ka á doɛ̃ dɔn, mà nyin nyabaã ba gɛ̀-dɛle kɔ́n lon ma.

Sii-nyaan 12:10

Má lɛn gole goon ma, boe lon, a n pii: «Sisia wɔa Lawa na á gɔ̀lɔ̀baa yɛ! A ná a din pàã nyaa, a ná a kiibaa saa. Sisia, a bɛ́ á min mɛn bɔ á baa kii lɛa, pàã n bɛ gɔn! A giala wɔ dɔɔ̃nɔn biɛ-kɔle na á fɔ̃, asɛ mɛn bɛ́ á goã ǹ biɛ koe tèlò-n ka baayɛlɛ nɛ, wɔa Lawa yɔrɔ-a, ǹ nə́ bɔ lon ǹ nə́ zũ tán.