Efɛɛzi minin 4:28 - LAWA A BOO SONBORE

²⁸ Bɛ̀ min mɛn tá wurumu biɛ, a wurumubaa lɛ da, a dí nya ka a din gɔnɔn nɛ, a n din too ne peperebaa la, a màn yɛ a doobaan dɔn gɔ.

LAWA A BOO SONBORE 2011

²⁸ Bɛ̀ min mɛn tá wurumu biɛ, a wurumubaa lɛ da, a dí nya ka a din gɔnɔn nɛ, a n din too ne peperebaa la, a màn yɛ a doobaan dɔn gɔ.

Efɛɛzi minin 4:28 ပူးပေါင်းရင်းမြစ်များ

Zɔbu 34:32

Mà asɛ bɛ́ a tɔn màn mɛn dɔ̃ wa, mà Lawa din bɛ nyaa asɛ nɛ. Mà bɛ̀ asɛ sii baraa zɛnaa lɛlɛ, mà asɛ a tii a ganaa doo wa.

Bɔ bɛ̀rɛbaa nɛ 20:15

- N baran wurumu baa wa.

Bɔ bɛ̀rɛbaa nɛ 20:17

- N yii baran bɔ min kɔsɔ gɔn màn kɔ́n li wa. N yii baran bɔ a kion li wa. N yii baran bɔ a lɔ li wa, a baran bɔ a dí-nyali giĩdɛnan laanka lɔdɛnan li wa. N yii baran bɔ a dii li ka a dundun ni wa.»

Bɔ bɛ̀rɛbaa nɛ 21:16

«Bɛ̀ min min koã, á sã hinlaa maǹ nə́ kũ a gɔn, ǹ bɛa min-koãli lɛ dɛ a gã.

Suusun 13:11

Naforo mɛn bɛ́ yii bǎã goon ne, bɛ n nyɛɛ fufuu. Ǹ mɛn yɛ boɛ boɛ, bɛ n woe nyɛɛnɛ.

Suusun 14:23

Min mɛn bɛ́ dí nyɛɛ parsiini, a na a là yii. Sɛnɛ, min mɛn bɛ́ ń parɛɛ boo kooro diɛ ganaa, a n die goɛ̃ doobaa lɛa duduu.

Suusun 21:26

Baraabaraa, a foo n wuu pii, sɛnɛ, min sonbore n bǐɛ̃ biɛ a ná a nɔmɛɛ wa.

Suusun 28:13

Min mɛn bɛ́ a siɛ̃n duri, a sii a bǐɛ̃ koe wa. Min mɛn bɛ́ a siɛ̃n doɛ̃, a nə́ ǹ toɛ walan, maǹ makara boe bɛ ganaa.

Suusun 30:9

Taãn nɛ, bɛ̀ má pàãma baa á la yii ni, ma á boe la man piã n nɛ ma pɛ: «Die n ka Dɛnaa Lawa nɛ?» Bɛ̀ má doobaa baa á la yii ni, ma á boe la ma wurumu baa, ma maa Lawa tɔ ziziɛ̃.

Suusun 31:20

A nə n doe nɔmaa-wɔlen lɛ, a n doobaan goe.

Zeremii 7:9

Ka ǹ wurumu biɛ, ka n gɛ̀ dii, ka n naarɛbaa zɛnɛɛ, ka nə n liɛ soɛ la, ka n da yon gìĩ kɔɔ̃n koe *Baali la, ka bɛ kaa lawa tiin mɛnɛn doɛ̃ wa ka n koe bɛn lɛ.

Ozee 4:2

Maǹ lɛn baraa bíi kɔn li, soɛ boe kɔn nɛ, gɛ̀ dii, wurumu biɛ, naarɛbaa zɛnɛɛ. Kakaarɛbaa kɛ din la yii ni, maǹ kɔn ka gɛ̀ dɛ-n miɛ̃ duduu.

Zakarii 5:3

Lon a dia dí-a wole lɛ tɔn pɛ ma-n kɛnɛn: – Lɛn baraa mɛn bɛ́ re n bíi gána tumaa li, bɛ lɛ n ka kɛ nɛ. Sɛ́wɔ munii lɛ a yɔrɔ goon la, a n kiɛ̃ nɛ mà wurumu tumaa n die n lui ǹ nə n bɔ gána lɛ nɛ. A yɔrɔ goon kɛ dɔ la, a n kiɛ̃ nɛ mà min mɛnɛn bɛ́ n liɛ soɛ la, mà ǹ tá re bɛn dɔn lui ǹ nə ǹ bɔ gána lɛ nɛ.

Luku 19:8

Zaase golee Dɛnaa lɛ yɔrɔ-a, á pɛ nɛ: «Mìinaa, á ke, man die ma gɔn màn a talɛɛ koe doobaan la. Masɛ min mɛnɛn bebele lɛlɛ má wɔrɔ si ǹ la, man die didie wɔ doo koe la yǎa gunyin sii.»

Luku 3:8

Ka zɛnaa ǹ siin zɛnaa, ǹ mɛnɛn bɛ́ nyɛɛ mà ka kaa giã ǹ gɔn bɔyaa. Ka ǹ taasɛ mà Abrahamu bɛ́ ka digolo lɛa, mà sii kɔ́n ba boe la a ka yɛ wa. Ka baran n dinin bebele wa! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

Zaã a sɛ́wɔ 12:6

Zudaasi bɛ́ á bɛ pɛ, a bie ka a nə n gɔ́ɔ̃ bii doobaan sii-n wa, sɛnɛ, wurumu ni. A giala, a din na á goã wɔrɔ koɛ. Bɛ̀ ǹ nə́ wɔrɔ mɛn kaa màn nɛ, a n bɛ koɛ̃.

Zaã a sɛ́wɔ 13:29

Ǹ wɔrɔ màn bɛ́ á goã Zudaasi din gɔn, bɛ lɛ nɛ, ǹ tɛn goã taasɛ, mà Yezu na á pɛ nɛ mà a wo ǹsɛn laadoo màn pii zɔ́n lɛ taman yii, hinlaa, mà a màn kɔ́n kɔ doobaan la.

Rɔmu minin 12:13

Ka n doa ka Lawa-nyankɔlen laadoo bǐɛ̃ kɔ, ka tiin kũ doɛ̃ sɔnbɔraanɛ.

Korɛnti1 4:12

Wɔ dinin man dí nyɛɛ wɔ nɔmaa, wɔ tɔn màn-bii yɛ. Bɛ̀ ǹ tá sɔ koe wɔ ganaa, wɔ ǹ barka diɛ ǹ ganaa. Bɛ̀ ǹ tá boe wɔ yii ni, wɔ n sii wɔ ganaa.

Korɛnti2 8:12

A giala, bɛ̀ n màn kɔ ka yiri sonbore ne, màn mɛn bɛ́ n gɔn ń bǐɛ̃ baa nɛ, Lawa n bɛ sii, ǹ mɛn bɛ́ a ba n gɔn wa, a laadoo ba bɛ ganaa wa.

Korɛnti2 8:2

Damagɔ́ɔ̃li fuu nyaa ǹ golee Lawa li wolen man taãn-taãnɛ. Sɛnɛ, ǹ foo kɔɔ̃n kɔ gole kɔ, ǹ nə́ n dinin nyaa ka bǐɛ̃baa ǹ foo ne, ǹ laanka ǹ doobaabaa baraa kɛ nɛ.

Galaasi minin 6:10

A bɛ́ miɛ̃, bɛ̀ wɔ á boe la biikoo woo biikoo li, wɔ toa wɔ sii bǐɛ̃ zɛnaa min tumaa nɛ, sanparɛ min mɛnɛn bɛ́ wɔ dɔɔ̃nɔn lɛa goleemali gɔ́ɔ̃ nɛ.

Timote1 6:18

A pɛ ǹ nɛ, mà ǹ sii bǐɛ̃ zɛnaa, ǹ naforodɛnan baa sii sonbore zɛnaa gɔ́ɔ̃ nɛ. Ǹ toa bǐɛ̃baa ǹ foo yɛ ǹ lon, ǹ min kɔsɔn gɔ ka màn nɛ.

Tiitii 3:14

Wɔ dɔn Lawa-nyankɔlen lɛn doamaa nɛ ǹ nə n daraa dí sonbore nyali taãnbaa lɛ ganaa. Màn mɛn bɛ́ toɛ, ǹ boo la ǹ laadoo taãnan saa ǹ bɔ kɔn la. Bɛa yɔrɔ kɛ la, ǹ tá kanaa ba re goɛ̃ là ná a ba a ganaa wa.

Tiitii 3:8

Bɛ lɛ n boo taãn lɛa, min nə́ boe la, a n foo doa a ganaa. Man giɛ li, máa n bɛ lɛ pɛ n laa parsiini, ń giɛ golee Lawa li wolen tá n tele, ǹ dí sonboren nyali taãnan baa. Màn mɛn bɛ́ siĩni, a là n minbuiinin ganaa, bɛ lɛ n ka bɛ nɛ.