Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efɛɛzi minin 4:25 - LAWA A BOO SONBORE

25 Bɛ lɛ a lɛa, ka soɛ-bɔ toa walan. Didie sonbore pɛ ǹ miã nɛ, a giala mà wɔ tumaa n gɔ̀nɔn goon a gùn lɛa.

အခန်းကိုကြည့်ပါ။ ကော်ပီ

LAWA A BOO SONBORE 2011

25 Bɛ lɛ a lɛa, ka soɛ-bɔ toa walan. Didie sonbore pɛ ǹ miã nɛ, a giala mà wɔ tumaa n gɔ̀nɔn goon a gùn lɛa.

အခန်းကိုကြည့်ပါ။ ကော်ပီ




Efɛɛzi minin 4:25
42 ပူးပေါင်းရင်းမြစ်များ  

Giĩ zizi lɛ tɔ́n pɛ nɛ: «Masɛ dɔ n Lawa a boo gii-dali lɛa, ka n dɔ bɛ́ lɔn. Dɛnaa Lawa lon a dia dí-a wole goon dia die pii ma nɛ mà man lɛ goa, n nə n ta kun ka masɛ-n piɛ, n die n màn bii, n mu mi.» Sɛnɛ giĩ zizi Lawa a boo gii-dali lɛ na á goã á soɛ bɔ nɛ.


Ma kanbaa soɛ zii ganaa. N din bǐɛ̃ kɔ, n nə n landa boon kɛn dɔ̃ ǹ yiri kɔ ma la.


Min mɛn a tɔ wɔ ǹ gɔn bɛ́ pepere, a n sii pepere zɛnɛɛ, a n sonbore pii ká a bɛ́ taasɛ lɔn, bɛa dɛnaa nɛ.


Hee, min kaka, wàa na á baa, n tá n din kalɛɛ sii baraa zɛnaa a lɛa? Lawa a kɔn-narɛɛ gole ke, lɛawaa tumaa wɔ nɛ.


Ka baran n too kɔ soɛ boon ganaa wa. Ka baran zɛ̀rɛbaãnaa hinlaa min pepere dɛ a gã wa. A giala, masɛ a sonbore koe bɛa sii kɛ lɛ miã a zɛnaali la wa.


Min mɛn bɛ́ sonbore pii, a nə n doe kiri a peperebaa lɛ. Min mɛn bɛ́ siére baraa pii, a n màn diɛ siɛ̃ li.


Sonbore n duduu wɔ lɛa. Sɛnɛ, soɛ n beleboe yii-tã a buĩ dinsɔɔ̃.


Soɛ-bɔli tìĩ n boe ne Dɛnaa Lawa nyin ni. Sɛnɛ min mɛnɛn bɛ́ sonbore pii, bɛn sii n kɔɔ̃n a ganaa.


Min mɛn bɛ́ sii zɛnɛɛ fufuu a foo na á kuĩ wa, bɛ lɛ n die doobaa biɛ.


N nyan nə n miã zɛ̀rɛ baa mìi na a ba la wa. Soɛ bɔ sii ni n ganaa?


Taãn nɛ, man sonbore pii. A giala, soɛ boon tumaa tìĩ n boe-n ma nɛ.


Izirayeli minin paǹ li, Dɛnaa Lawa pɛ: «Maǹ maa zaman lɛa taãn-taãnɛ, maa nɛnyaanan manɛ. Ǹ ba re ma yiri siɛ̃ wa.» Á n baa ǹ kirisibaali lɛa.


Gána lɛ a nyɛɛnaandɛnan nə́ ǹ zaman sã, ǹ bɛ́ min mɛnɛn nyɛɛnɛ, ǹ nə́ bɛn bɔ̀n baa.


Maǹ lɛn baraa bíi kɔn li, soɛ boe kɔn nɛ, gɛ̀ dii, wurumu biɛ, naarɛbaa zɛnɛɛ. Kakaarɛbaa kɛ din la yii ni, maǹ kɔn ka gɛ̀ dɛ-n miɛ̃ duduu.


Ka baran wurumu baa wa, ka baran kɔn yiri sã wa, ka baran soɛ dɔ bɔ kɔn nɛ wa.


Ka doamaa bɛ nɛ ka kɔ gɔn waa ǹ boon mɛnɛn lɛ, ǹ nə́ ke: Ka sonbore pɛ kɔn nɛ. Ka kiri pepere wɔ kiri wɔ ǹ bǎãn nɛ, ǹ mɛn bɛ́ là nyantoro koe.


Ka bɛ́ nɛn bɛ̀ ka n lɛ sɔɔ lɛ̀ a mui siibaa ǹ wɔ kɛ li, a soorobaa ǹ wɔ nɛ, a sɔbaabaa ǹ wɔ nɛ ka a fùbaa ǹ wɔ nɛ, bɛn tá re n bɔyɛɛ ǹ zɔ́n lɛawaan baa, piɛ̃-n ka nyɛnyaa laanka foo kɔɔ̃n nɛ, Zudaa minin ganaa. «Sɛnɛ, ka sonbore laanka là nyantoro narɛ.»


Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.


Bɛa yɔrɔ kɛ lɛ la, wɔsɛn mɛnɛn bɛ́ gigiã, wɔa kaa kun ka Krita-n lɛ a lɛa nɛ, wɔ á gɔ̀nɔn goon lɛa. Wɔ tumaa n doa-n kɔn ganaa ka min gùn bɛ́ lɔn.


Buuru goon bɛ́ na a tan; wɔ tumaa n kaa-n kun gɔ̀nɔn goon toto lɛa. A giala, wɔ tumaa gii na a din buuru goon kɛ lɛ nɛ.


Má n din laakalaa Tiiti yɔrɔ-a kaa lɛa, sɛnɛ, ka sìi da ma ganaa wa. A giala, ma goã sonbore pii ka-n baraa-n lɔn, a din yii goon ne, ma din laakalaa ǹ boo mɛn da Tiiti yɔrɔ-a, bɛ dɔ́ yɛ pepere.


Sɛnɛ, bɛ̀ wɔ á sonbore kɛ nyɛɛ ka kɔn-narɛɛ nɛ, wɔ á re gole koe yɔrɔ tumaa la. Màn tá re miɛ wɔa tá kun ka Krita-n li, asɛ mɛn bɛ́ gɔ̀nɔn lɛ mìi lɛa.


Ka goã gɔ̀nɔn foo siin mɛnɛn zɛnɛɛ, kaa giã ǹ gɔn zizi kɛ nɛ, ka n bɔ bɛn wɔlɔ li. Bɛa gɔ̀nɔn foo siin kɛn lɛn man nə́ goã ka siɛ̃, ǹ nə́ ka ziziɛ̃.


Ka toa kɔkɔsɛbaa ǹ sii tumaa wɔlɔ lui ka ganaa, min koa ma gɔ́ɔ̃-n nɛ, foo-yoo baraa tumaa nɛ, paparaan nɛ ka sɔ-kɔn nɛ. Ka n bɔ baraabaa sii tɔrɔ tumaa wɔlɔ li.


Sɛnɛ kanna, ka n piã ka bɛa sii kɛ lɛ din tumaa nɛ: Ka n piã ka foo-busii ni, ka foo-yoo ne, ka baraabaa nɛ, ka baran toa sɔ-kɔ laanka sìi boon nə bɔ ka lɛ-n wa.


Ka baran soɛ bɔ kɔn nɛ doo wa, a giala, ká n sɔlɔ ká n bɔ kaa dùũ sii zizin kɛn laanka ǹ sii-zɛnaan tumaa nɛ,


A na á n koa dɔn naarɛbaalin taman yii, ka giĩ ga kɔn li wolen ne, bɛ̀rɛ-sãlin ni, soɛ-bɔlen ne. Min mɛnɛn bɛ́ n lɛ koe ka sii ni, bɛ̀ ǹ wusoo ǹ kio, bɛn nɛ ka min mɛnɛn tumaa bɛ́, ǹ zɛnaa ǹ sii a kɔnpii ka daraa sonbore kɛ-n wa.


Soɛ-bɔlen mɛnɛn bɛ́, ǹ yiri ná a ba ǹ goe sii-n doo wa, maǹ die n siɛ bɛn lɛn minin yiri sã ǹ boo li ǹ papaã.


Ǹ dinin Krɛtin bɛ́ min mɛnɛn bíi Lawa a boo gii-dalin, bɛn goon na á pɛ mà Krɛtin man soɛ-bɔlen lɛa lɛlɛndun, ǹ nə́ don màn babaraan lɛa. Mà maǹ yoobaalin lɛa, ǹ nə́ n taasɛ màn-bii dinsɔɔ̃ ganaa.


ń giɛ yiri doa nyin nyabaã ganaa kɛ á goɛ̃ ǹ li. Lawa mɛn bɛ́ a soɛ boe wa, a din na á lɛ kɔ wɔ la ka bɛa nyin nyabaã kɛ lɛ nɛ, bɛ̀ kanaa tɔn nə n giala kɔ wa.


Bɛa siére zaman gole kɛ lɛ tá wɔ lɛnpɛnɛ, ǹ nə́ ǹ golee Lawa li sii nyɛɛ wɔ nɛ. Bɛ lɛ-n kəni, màn mɛn tumaa bɛ́ wɔa tɔ-wɔ sàabiɛ, ka daa wɔ n piã bɛ nɛ, ka sii baraa kɛ dɔ nɛ n pɛnɛ wɔ ganaa fufuu. Ka daa, baa si a kɔn daa mɛn nə n nyaa wɔ nɛ, wɔ bɛ si ka sii simaa nɛ.


Bɛ lɛ taman yii, sii mɛn tumaa bɛ́ *gɔ̀ loe min ganaa, ka n bɔ bɛ wɔlɔ li, ka nya ǹ dí babaraa tumaa nɛ. Lawa na a boo mɛn wɔ ka foo ne, ka lɛ kɔ bɛ ganaa ka din-gisiĩ ni, a giala, á boe la a ka kirisibaa.


Haya, ka baraabaa tɔrɔ tumaa kaa, ka soɛ tɔrɔ tumaa nɛ, ká bɔlɔ paa pɛ tɔrɔ tumaa nɛ. Ka foo wuu pɛ kaa, ká kɔn tɔ ziziɛ̃ nɛ.


Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»


Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.


Sansɔn pɛ nɛ: «Biɛ diin mɛnɛn bɛ́ ǹ tɔn dí kɔn nya ǹ nɛ wa, bɛ̀ ǹ nə́ masɛ yii ka bɛn nɛ kakaka, ma pàã n nyɛɛ, man bɔyaa man baa ka minbuiin nɛ gialakunun kɛn bɛ́ lɔn.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ