Efɛɛzi minin 4:18 - LAWA A BOO SONBORE

¹⁸ ǹ yiri n tiɛ̃ nɛ. Lawa bɛ́ nyin mɛn koe, ǹ gii kɔ́n ba bɛ-n wa. A giala mà yiri baãnaan manɛ, ǹ foo laa ka kaka.

LAWA A BOO SONBORE 2011

¹⁸ ǹ yiri n tiɛ̃ nɛ. Lawa bɛ́ nyin mɛn koe, ǹ gii kɔ́n ba bɛ-n wa. A giala mà yiri baãnaan manɛ, ǹ foo laa ka kaka.

Efɛɛzi minin 4:18 ပူးပေါင်းရင်းမြစ်များ

Loen 74:20

Ga n din a lɛ-kɔ kɛ ganaa. Minin manə n duri gána lɛ a wɔlɔ tì bǎãn nɛ, ǹ tá basaã koe kɔn nɛ.

Izayii 25:7

Bɛa kele lɛ la, foo-ziziɛ̃ mɛn bɛ́ koe-n tɔrɔn tumaa lɛ, yɔrɔ-kɔsiɛ mɛn bɛ́ koe-n gánan tumaa lɛ, á re bɛ boe a bɔ ǹ lɛ.

Ezekieli 14:5

Man die zɛnɛɛ miɛ̃ màn mɛn bɛ́ toɛ ma Izirayeli minin lɛn kũ ǹ dinin taasiɛ ganaa, a giala, ǹ tumaa nə́ n na ǹ nə́ n bɔ ma ganaa, ǹ dìn lɛn taman yii.

Lawa a wúlu-bɔlen 11:16

kɔnaason ne, kɔlɔ nɛ, mu li ǹ sɛ́wɔ nɛ, baafɔɔ tɔrɔ tumaa nɛ,

Matiə 13:15

A giala minin kɛn foo laa, ǹ nə́ n too tã, ǹ nə́ n yii tã, bɛ bie wa ǹ yii á die wɔlɔ yii, ǹ too á die boo miɛ, ǹ yiri á die a giala miɛ, ǹ wusoo ǹ da Lawa li, Lawa dɔ á die ǹ busu nyɛɛ ǹ foo ne, sɛnɛ, bɛ bɛ́ a bie ǹ yii li ǹ sii lɛa wa.»

Marki 3:5

Ǹ baãnaabaa lɛ taman yii, Yezu foo busu ǹ li, á n yii saa á ga ǹ ganaa, a yɔrɔ kɔsɛ parsiini. Á tɔ́n pɛ giĩ lɛ nɛ: «N gɔn lɛ bɔ kɔn.» Á bɔ kɔn, a gɔn wusoo á bǐɛ̃ kɔ.

Zaã a sɛ́wɔ 12:40

«Lawa na á ǹ yiin tã, màn mɛn bɛ́ toɛ, ǹ baran wɔlɔ yɛ wa. Á ǹ yiri tã, màn mɛn bɛ́ toɛ, ǹ baran boo giala ma wa, màn mɛn bɛ́ toɛ, ǹ baran ǹ lɛ-mui sii kaa ǹ wusoo ǹ da masɛ Lawa li wa. Bɛ̀ maǹ kiɛ, bɛ̀ má ǹ busu nya!»

Nya ǹ dín 17:30

Á ke, Lawa ga bɛa sii-doɛ̃baã biikoon kɛn ganaa wa. Sɛnɛ, sisia a n pii min din tumaa nɛ, bǎã tumaa nɛ, mà ǹ doamaa nɛ ǹ nə n bɔyaa ǹ golee asɛ li.

Nya ǹ dín 3:17

Ma dɔɔ̃nɔn lɛn ganaa, sonbore, ma á doɛ̃ máa sii doɛ̃baã na á toa, ka laanka kaa goledɛnan nə́ bɛa nɔmaa kɛ lɛ da Yezu mìi ni.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Rɔmu minin 11:25

Ma dɔɔ̃nɔn lɛn, man giɛ li ma sii-durii goon nyaa ka nɛ, màn mɛn bɛ́ toɛ, ka baran ka dinin baa sii-dɔ̃lin lɛa wa. Sonbore ne, Zuifun gigiã yiri tã, ǹ ba boe la ǹ tá màn kɔ́n giala miɛ wa. Sɛnɛ, bɛa re beleboe wa. A n die goɛ̃ miɛ̃, yǎa Lawa din a bíi wolen kɛn tumaa tɔrɔn kɔsɔn bii, bɛn nə die a ganaa ǹ nyɛɛ.

Rɔmu minin 11:7

Wɔ n die pii mà wàa kəni? Izirayeli tɔrɔ lɛ bɛ́ á goã giɛ màn mɛn li, a bɛ yɛ wa. Lawa din boɛɛn mɛn bɔ, bɛn nə́ yɛ, gialakunun kɛn sɛn nə boo la, ǹ ná a giala ma wa.

Rɔmu minin 2:19

Nsɛ n pii, mà nsɛ n yii tere-an nyɛɛnaan sabɔle lɛa, mà nsɛ n wɔlɔ tìdɛnan wɔlɔ fúlu lɛa,

Korɛnti1 1:21

Sonbore, kanaa minin nə boo la, ka ǹ dinin sii-doɛ̃ kɛ barka nɛ, ǹ nə́ Lawa a sii-doɛ̃ kɛ giala ma wa. Wɔ bɛ́ dí mɛn pii ka nɛ Yezu a gɛ̀ wɔ gɔn la, a n gàãnaabaa lɛa kanaa minin yii li, a da yaa Lawa golee la, mà min mɛnɛn bɛ́ golee bɛa gàãnaabaa ǹ dí kɛ lɛ li, mà á re bɛn kirisibiɛ.

Korɛnti1 2:8

Kanaa kɛ a pàãdɛnaa kɔ́n bɛa yiri kɛ dɔ̃ wa. Bɛ̀ maǹ nə́ bɛ dɔ̃, wɔa Dɛnaa mɛn bɛ́ tɔ golebaa na a wɔ lɛa, bɛ̀ ǹ ba re bɛ dere gɔn ganaa wa.

Korɛnti2 3:14

Sɛnɛ, ǹ màn-doɛ̃ boo la a ná a giala ma wa. Haalɛ pelo, bɛ̀ ǹ tá lɛlɛ a lɛ kɔ kɔn la ǹ sɛ́wɔn kɛn pii, a n ka bɛa tapara kɛ lɛ n tɔn koe ne ǹ siã, ǹ ba ǹ giala miɛ wa. Tapara lɛ tɔn nə n bɔ ǹ siã wa, a giala, a nə n boe golee Krita li wole dinsɔɔ̃ siã.

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Galaasi minin 4:8

Lɛlɛ, ka bɛ́ ka goã Lawa doɛ̃ wa, ka ǹ ká goã màn kɔsɔn bɛ̀rɛn lɛa, màn mɛnɛn bɛ́ ǹ ba Lawa taãnan lɛa wa.

Efɛɛzi minin 2:1

Lɛlɛ, ka ǹ ká goã geren lɛa Lawa wɔ paǹ li, kaa sã ǹ siin lɛa, ka kaa sii baraan nɛ.

Efɛɛzi minin 2:12

Ka dɔ̃ mà bɛa biikoo li, mà ka ǹ ká goã sɔsɔɔ kɔn ka Krita nɛ. Lawa zaman mɛn bɔ, ka goã kun ka bɛ-n wa, ka ǹ ká goã tiin lɛa. A lɛ kɔ a zaman la ka màn mɛn nɛ, á lɛ kɔ kɔn la wɔ la, kaa wɔ gii goã bɛ-n wa. Ka ǹ kanaa miɛ̃, ka yiri a doa-n màn kɔ́n ganaa wa, kaa Lawa banban.

Kolɔɔsi minin 1:21

Bɛ na á n zɛnaa ka dɔn manɛ. Lɛlɛ ka goã Lawa doɛ̃ wa, ka bɛ dɔ-n doo, ka n ká goã a zɔ́ɔn lɛa, a giala, ka n ká goã sii baraan taasɛ, ka nə́ ǹ zɛnɛɛ dɔn.

Tesaloniki1 4:5

A nyan toa a n saa taasiɛ naarɛ li, ka tɔrɔ kɔsɔ Lawa doɛ̃baã wolen bɛ́ zɛnɛɛ lɔn wa.

Ebrəə 5:2

Minin mɛnɛn bɛ́ ǹ nə́ sii baraa zɛnaa, ǹ sii-doɛ̃baã gɔ́ɔ̃ nɛ, wúlu-bɔlen kiã lɛ á boe la, a bɛn sii lɛ giala ma, a giala, a dinmaa lɛ dɔ n pàã wɛɛnaa lɛa a paǹ din tumaa ganaa.

Ebrəə 9:7

Sɛnɛ, wúlu-bɔlen kiã kɛ dinsɔɔ̃ n we kion lɛ a gɔ́ɔ̃ paabaa ǹ wɔ kɛ nɛ, a n bɛ zɛnɛɛ gunyin goon dinsɔɔ̃ lɛ̀ goon gɔ́ɔ̃ nɛ. A doamaa nɛ a wɔ ka tɔɔ mà nɛ, a kɔ Lawa la *wúlu màn lɛa, a dinmaa a sã ǹ siin lɛa, ka zaman lɛ dɔ wɔn nɛ.

Zaaki 4:4

Ka min naarɛn kɛn! Ka a doɛ̃ mà bɛ̀ min kanaa baa giaára lɛa, mà a na á Lawa baa zɔ́ɔ wa? Min mɛn bɛ́ giɛ li mà a kanaa a giaára baa sɛn, bɛa dɛnaa nə n din biɛ Lawa a zɔ́ɔ lɛa.

Piɛrɛ1 1:14

Ka goã Lawa bɔlɔ-silin lɛa, ka baran ka dinin kɔ kaa lɛlɛ a dùũ sii babaraan kɛn la wa, ka bɛ́ ká goã dùũ siin mɛnɛn zɛnɛɛ kaa Lawa doɛ̃baã biikoo li.

Zaã1 2:11

Sɛnɛ, bɛ̀ min mɛn dɔɔ̃n tìĩ á boe-n a nyin ni, bɛ n tɔn wɔlɔ tì li, a n tɔ we wɔlɔ tì li. A bɛ́ woe bǎã mɛn nɛ, a bɛ doɛ̃ wa, a giala, wɔlɔ tì na á baa yii tere-a lɛa.