Efɛɛzi minin 4:12 - LAWA A BOO SONBORE

¹² A na á zɛnaa miɛ̃, mà ǹ Lawa a zaman minin yɔrɔ bɔ, ǹ nə ǹ Lawa-nyankɔlebaa ǹ dí nya, Lawa a sɔmɔ mɛn bɛ́ Krita gɔ̀nɔn lɛa, ǹ bɛ gole kɔ nɛ goleemali gɔ́ɔ̃ nɛ.

LAWA A BOO SONBORE 2011

¹² A na á zɛnaa miɛ̃, mà ǹ Lawa a zaman minin yɔrɔ bɔ, ǹ nə ǹ Lawa-nyankɔlebaa ǹ dí nya, Lawa a sɔmɔ mɛn bɛ́ Krita gɔ̀nɔn lɛa, ǹ bɛ gole kɔ nɛ goleemali gɔ́ɔ̃ nɛ.

Efɛɛzi minin 4:12 ပူးပေါင်းရင်းမြစ်များ

Luku 22:32

Sɛnɛ, masɛ Lawa nyankɔ n lɛa, màn mɛn bɛ́ toɛ, n golee Lawa li baran papaã wa. Bɛ̀ n wusoo ń daa masɛ ganaa ǹ mɛn waáraa, n dɔ n dɔɔ̃nɔn lɛ ǹ pàã yɛ.»

Nya ǹ dín 1:17

Táa a dɔ na á goã kun ka wɔsɛn nɛ, a dɔ́ goã a dí gii nyɛɛ kun ka wɔ nɛ.

Nya ǹ dín 1:25

màn mɛn bɛ́ toɛ, Zudaasi bǎã mɛn toa walan á woo a din tɔ bǎã nɛ, bɛa dɛnaa bɛa dia dí-a wolebaa ǹ bǎã kɛ lɛ saa, a na a dí nya.»

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Rɔmu minin 12:5

Bɛa yɔrɔ kɛ lɛ la, wɔsɛn mɛnɛn bɛ́ gigiã, wɔa kaa kun ka Krita-n lɛ a lɛa nɛ, wɔ á gɔ̀nɔn goon lɛa. Wɔ tumaa n doa-n kɔn ganaa ka min gùn bɛ́ lɔn.

Rɔmu minin 12:7

Bɛ̀ dí yɔrɔ bɔ na á n kɔ min mɛn la, a dɔ dí yɔrɔ bɔ. Bɛ̀ minin daraa na á n kɔ min mɛn la, bɛ dɔ minin daraa.

Rɔmu minin 14:19

Sii mɛn bɛ́ toɛ, wɔ goã là nyantoro la kun, wɔ n dɔ kɔn lɛ, wɔ pàã yɛ kun golee Lawa li gɔ́ɔ̃ nɛ, ka daa wɔ n doa wɔ ga bɛ li.

Rɔmu minin 15:14

Masɛ dinmaa waa la, máa ka á sii sonbore zɛnɛɛ, haalɛ ta ma yiri kɔ ka la dinin wa. Ka á Lawa dùũ sii doɛ̃, bɛ lɛ taman yii ni, ka á boe la ka á yiri koe kɔn la.

Rɔmu minin 15:2

Min gogoonmaa n siĩni a ga li, mà a kɔɔ̃n kɔ ǹ miã kɔsɔ ganaa. Bɛ nə n baa sii bǐɛ̃ lɛa, a n dɔ ǹ miã lɛ lɛ, a wo nyɛɛnɛ golee Lawa li gɔ́ɔ̃ nɛ.

Rɔmu minin 15:29

Ma á doɛ̃ máa ma bɛ́ re doe ka li ǹ mɛn waáraa, man die doe ka Krita a barka lɛ piɛ̃maa-n ma lon kaa wɔ lɛa.

Korɛnti1 12:27

A da yaa ka tumaa n Krita gɔ̀nɔn lɛa, kaa didie dɔ na a gù kɔ́n lɛa.

Korɛnti1 12:7

Didie n bǐɛ̃baa ǹ màn lɛ yii, boe Yiri Fu ni, min tumaa a bǐɛ̃ kɔ a lɛa.

Korɛnti1 14:12

A din goon ne ka ka dɔn wɔ nɛ. Ka bɛ́ giɛ Yiri Fu a bǐɛ̃baa ǹ mànan li, ka ga ǹ li taãn-taãnɛ, sɛnɛ, ka zɛnaa Lawa a sɔmɔ kɛ a dɔmalɛ taman yii.

Korɛnti1 14:14

Bɛ̀ ma á Lawa nyankoe ka bɔlɔ soree ne, ma yiri n Lawa nyankoe. Sɛnɛ maa doɛ̃ n goɛ̃ kooro, a ná a màn kɔ́n giala miɛ a-n wa.

Korɛnti1 14:26

A nə n pii kɛ ganaa mà wàa, ma dɔɔ̃nɔn lɛn? Bɛ̀ ka n lɛ sɔkɔn ka á Lawa guguru koe, loe n min goon li, minin daraa n kɛ dɔ li. Lawa sii mɛn nyaa, bɛ n kɔsɔ li, kɔsɔ dɔ n boo diɛ ka bɔlɔ soree ne, kɛ dɔ n bɔlɔ soree lɛ giala pii. Sɛnɛ, ka toa bɛ tumaa boo la a n dɔ Lawa a sɔmɔ lɛ.

Korɛnti2 12:19

Kɔntan, ka ǹ taasɛ haalɛ bibi, mà ma nə n din biɛ min pepere lɛa kasɛn yɔrɔ-a. Haayii, maa giaáran lɛn, Krita bɛ́ giɛ màn mɛn li, wɔ ǹ bɛ pii ka nɛ Lawa yɔrɔ-a. Man bɛ tumaa zɛnɛɛ, ka dinin bǐɛ̃ kɔ a wo nyɛɛn a lɛa goleemali gɔ́ɔ̃ nɛ.

Korɛnti2 13:11

Ma dɔɔ̃nɔn lɛn, ka n nyanyaa. Ka toa ka lɛ-piɛ̃maa goã goleemali gɔ́ɔ̃ nɛ, ka kɔn foo taã, ka toa ka kɔn bɔlɔ ma, ka goã ka là nyantoro ne. Lawa mɛn bɛ́ minin narɛ, a n là nyantoro koe, bɛ á re goɛ̃ kun ka nɛ.

Korɛnti2 13:9

Bɛ̀ ma á pàãwɛɛnaa lɛa, kasɛn nə́ kaka, ma foo á kɔɔ̃nɛ. Maa Lawa nyankɔ ǹ mìi á ke: Man máa ka min lɛ-piɛ̃ wolen baa goleemali gɔ́ɔ̃ nɛ.

Korɛnti2 3:8

Siĩnbaa ba re yii Yiri Fu a nya ǹ dí ni a la bɛ-n wa? Hiĩ, á yii a nɛ a la nɛ!

Korɛnti2 4:1

Lawa din na á bǐɛ̃ kɔ ma ganaa, á bɛa dí kɛ koa ma li. Bɛ lɛ n toɛ ma gù a basɛ̃ wa.

Korɛnti2 5:18

Bɛa sii kɛ tumaa n boe Lawa li, asɛ mɛn bɛ́ á wɔ kaa kun ka a din ni Krita pàã ganaa, á dí kɔ wɔ la, mà wɔ wɔ miãn kɔsɔn dɔn kaa kun ka asɛ nɛ.

Korɛnti2 6:3

Ma ba li ma min kɔ́n mìi ziziɛ̃ ka yɔrɔ kɔ́n nɛ wa, ń giɛ, ǹ nyan maa dí kɛ pɔpɔsɛ wa.

Korɛnti2 7:1

Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

Efɛɛzi minin 1:23

Lawa a sɔmɔ lɛ n Krita gɔ̀nɔn lɛa, Krita lɛ na á pã a din lɛ nɛ, a lɛ pã kanaa tumaa dɔ nɛ.

Efɛɛzi minin 4:16

A din nə toɛ, gù totoron mɛnɛn bɛ́ gɔ̀nɔn ganaa, ǹ nə́ doa-n kɔn ka kaka gɔ̀nɔn goon lɛa, didie tumaa tá a din a doa kɔn-a ǹ bǎã nɛ. Ka bɛ nɛ, bɛ̀ gù gogoon tumaa tá a dí nyɛɛ, ka a bɛ́ kɔnboe-n lɔn, gɔ̀nɔn lɛ tumumaa n gole koe, màn nə́ miɛ li ka kɔn-narɛɛ nɛ.

Efɛɛzi minin 4:29

A kɔnboe boo baraa kɔ́n bɔ ka lɛ-n wa. Sɛnɛ, bɛ̀ ka á boo diɛ, a goã boo sonbore lɛa, á n boe la á n doe min kɔsɔ lɛ, á n bǐɛ̃ zɛnɛɛ a ma wolen ne.

Efɛɛzi minin 4:4

Wɔ tumaa n gɔ̀nɔn goon lɛa. Yiri Fu goon toto n wɔ tumaa nɛ. Wɔ tumaa foo n doa-n màn goon ganaa, ka Lawa bɛ́ wɔ bíi mà wɔ zɛnaa lɔn.

Kolɔɔsi minin 1:24

Sisia kəni, ma bɛ́ fuun mɛnɛn yii ka a lɛa, ma nə n nyɛnyɛɛ bɛn gɔ́ɔ̃ nɛ. A giala, bɛa yɔrɔ kɛ lɛ la, man fuu yii ma din gɔ̀nɔn nɛ Krita gɔ̀nɔn kɛ a lɛa, bɛ giala, mà Lawa a sɔmɔ a lɛa. Wɔ doamaa bɛ́-n wɔ nɔmaan mɛnɛn wɔ kun ka Krita nɛ, ma dɔ nə n doɛ, ma á bɛn sii ma ganaa ma tá ǹ lɛ piɛ̃.

Kolɔɔsi minin 1:28

Bɛ lɛ nɛ, wɔ á Krita lɛ boo diɛ min din tumaa nɛ. Min bɛ́ boe la a sii mɛn tumaa dɔ̃, wɔ nə n gɔn wɛɛ min gogoonmaa nɛ, wɔ n darɛɛ bɛ ganaa, màn mɛn bɛ́ toɛ, min gogoonmaa boo la, a n din nyaa Lawa yɔrɔ-a min lɛ piɛ̃ lɛa, a kaa-kun ka Krita-n kɛ a lɛa.

Kolɔɔsi minin 4:17

Ka pɛ Arsipu dɔ nɛ mà «Dɛnaa dí mɛn kɔ la mà a nya, mà a yiri bɔ bɛ li, a toa a nya sɔnbɔraanɛ a na a lɛ pã.»

Timote1 1:12

Ma á barka diɛ wɔa Dɛnaa Yezu Krita-n parsiini, asɛ mɛn bɛ́ á dí lɛ a nya ǹ pàã kɔ ma la. Ma á barka diɛ nɛ, a giala á ga ma ganaa foo doamaa wole lɛa, á tɔ́n ma saa a dí ni.

Timote2 4:11

Luku dinsɔɔ̃ n kun ma nɛ. Bɛ̀ n tá die, n Marki kũ ka da kun. A giala, á boe la a n dɔ ma lɛ maa dí gɔ́ɔ̃ nɛ.

Timote2 4:5

Sɛnɛ, nsɛ toa n boo n din la sii tumaa gɔ́ɔ̃ nɛ, n nɔmaa si n ganaa, n Boo Tii Kɔɔ̃n kɛ pɛ, n nə n Lawa a dí nya a yɔrɔ li sɔnbɔraanɛ.

Ebrəə 13:17

Ka kaa nyɛɛnaandɛnan bɔlɔ si, ka goã doroo ne ǹ ne. Sonbore, maǹ giɛ ka telenboenən walan, a giala, ǹ tá re n bɔlɔ pii Lawa yɔrɔ-a bɛa lɛa. Bɛ̀ ka á ǹ bɔlɔ sii, ǹ tá re dí nyɛɛ ka nyɛnyɛɛ nɛ. Bɛ̀ ka a ǹ bɔlɔ sii wa, ǹ tá re nyɛɛ ka yɔrɔ-kɔsiɛ nɛ. Bɛ̀ á yɔrɔ-kɔsiɛ baa, ka dɔn dinin là ba a-n wa.

Ebrəə 6:1

Haya, ka daa, daraa giala kɔ ǹ bǎã siin kɛn *Krita wɔ gɔn la, wɔ bɛn na wɔ wo nyɛɛnɛ, wɔ dɔ daraa ǹ sii dadaran ganaa. Ka daa wɔ baran golee giala wɔ ǹ siin kɛn daraa la doo wa: Wusoo zɛnaa ǹ sii kooron kio n golee Lawa li ni,