Efɛɛzi minin 3:6 - LAWA A BOO SONBORE

⁶ Bɛa sii-durii lɛ á ke: Boo Tii Kɔɔ̃n kɛ pàã ganaa, Lawa lɛ kɔ a zaman la ka bǐɛ̃n mɛnɛn nɛ, Zuifun laanka tɔrɔ kɔsɔn gii á re yii ǹ ni. Ǹ paanan man gùn lɛa gɔ̀nɔn goon ganaa. Lawa lɛ mɛn dɔ kɔ Yezu Krita wɔ gɔ́ɔ̃ nɛ, tɔrɔ kɔsɔn lɛn gii tá bɛ dɔ nɛ.

LAWA A BOO SONBORE 2011

⁶ Bɛa sii-durii lɛ á ke: Boo Tii Kɔɔ̃n kɛ pàã ganaa, Lawa lɛ kɔ a zaman la ka bǐɛ̃n mɛnɛn nɛ, Zuifun laanka tɔrɔ kɔsɔn gii á re yii ǹ ni. Ǹ paanan man gùn lɛa gɔ̀nɔn goon ganaa. Lawa lɛ mɛn dɔ kɔ Yezu Krita wɔ gɔ́ɔ̃ nɛ, tɔrɔ kɔsɔn lɛn gii tá bɛ dɔ nɛ.

Efɛɛzi minin 3:6 ပူးပေါင်းရင်းမြစ်များ

Ezekieli 47:22

Ka n pã bǎãn lɛn ganaa, ka tɔn nə ǹ gii kɔn ka dinin laanka tiin mɛnɛn bɛ́ giã-n ka bii, ǹ nə́ nɛnyaanan yɛ ka bii. Ka ǹ dɔn kũ Izirayeli minin lɛa, ǹ dɔn nə n pã ǹ bǎãn ganaa kun ka ka nɛ.

Korɛnti1 12:12

Taãn nɛ, *Krita n ka gɔ̀nɔn goon bɛ́ lɔn, gù gigiã ná a ganaa. Sɛnɛ, gù lɛ laanka a gigiãbaa nɛ, a n gɔ̀nɔn goon lɛa.

Korɛnti1 12:27

A da yaa ka tumaa n Krita gɔ̀nɔn lɛa, kaa didie dɔ na a gù kɔ́n lɛa.

Galaasi minin 3:14

Bɛ na á n zɛnaa, màn mɛn bɛ́ toɛ, Lawa barka mɛn da Abrahamu ganaa, bɛ dɔ tɔrɔ kɔsɔn kɛn tumaa ganaa Yezu Krita pàã ganaa. Bɛa yɔrɔ kɛ lɛ la, goleemali barka nɛ, wɔ n boe la, wɔ Lawa a lɛ-kɔ ǹ Yiri Fu kɛ yɛ.

Galaasi minin 5:24

Min mɛnɛn bɛ́ Yezu Krita wɔn lɛa, bɛn man nə́ ǹ gɔ̀nɔn foo sii kɛn dere gɔn ganaa, kun ka ǹ lɛ mui ǹ sii baraan nɛ.

Efɛɛzi minin 3:3

Lawa lɛ kɔ, á sii nyaa ma nɛ, mà ma boo la ma a din a sii-durii yɔrɔ bɔ kɛ dɔ̃. Ma boon mɛnɛn kiɛ̃ kio sisia, bɛn man bɛ giala pii ka nɛ.

Efɛɛzi minin 5:30

A giala, wɔ na a gɔ̀nɔn lɛ a gùn lɛa.

Efɛɛzi minin 5:7

Ka nyan toa, ka kaa sii kɔ́n kaa kun ka bɛa minin kɛn lɛn nɛ wa.

Kolɔɔsi minin 2:19

ǹ ba goɛ̃ doa-n Krita ganaa wa, Krita mɛn bɛ́ màn din tumaa mìi lɛa. A din mìi kɛ lɛ barka nɛ gɔ̀nɔn lɛ din tumaa lɛ, Lawa a sɔmɔ lɛa, bɛ n goɛ̃ doa-n kɔn, a nə́ n toe, màn mɛn bɛ́ toɛ a gole kɔ a kɔnpɛ ka Lawa din dùũ ni.

Zaã1 1:3

Wɔ màn mɛn ma, wɔ́ yɛ dɔn, wɔ ǹ bɛ lɛ pii ka dɔn nɛ, ń giɛ kaa-kun mɛn bɛ́ wɔ bii ni ka Díi Lawa nɛ, ka a Nɛgiĩ Yezu *Krita nɛ, ka dɔn nə goã kun ka wɔ nɛ bɛ gɔ́ɔ̃ nɛ.

Zaã1 2:25

Krita lɛ kɔ ka màn mɛn nɛ, mà asɛ á re koe wɔ la, bɛ n ka nyin nyabaã nɛ.