Efɛɛzi minin 3:5 - LAWA A BOO SONBORE

⁵ Lɛlɛ, Lawa bɛa sii-durii kɛ lɛ nyaa minbuiinin ni wa. Sɛnɛ kanna, a din na á nyaa, Yezu a dia dí-a wole sonboren laanka Lawa a boo gii-dali sonboren nə́ dɔ̃, a din a Yiri Fu pàã ganaa.

LAWA A BOO SONBORE 2011

⁵ Lɛlɛ, Lawa bɛa sii-durii kɛ lɛ nyaa minbuiinin ni wa. Sɛnɛ kanna, a din na á nyaa, Yezu a dia dí-a wole sonboren laanka Lawa a boo gii-dali sonboren nə́ dɔ̃, a din a Yiri Fu pàã ganaa.

Efɛɛzi minin 3:5 ပူးပေါင်းရင်းမြစ်များ

Izayii 52:15

Sisia kəni, tɔrɔ gigiã á re n kaã biɛ a ganaa. Boo ba kiin lɛ-n a yɔrɔ-a wa. A giala, ǹ bɛ́ ǹ màn mɛn pɛ ǹ nɛ wa, ǹ tá re bɛ yii, ǹ bin bɛ́ ǹ tɔn boo mɛn ma wa, ǹ tá re bɛ giala miɛ.

Matiə 13:17

Masɛ n pii ka nɛ, sonbore: Ka yii bɛ́ màn mɛn ganaa, Lawa a boo gii-dali gigiã laanka min pepere gigiã goã giɛ li mà ǹ bɛ yɛ ka ǹ yii ni, sɛnɛ, ǹ yɛ wa. Ka too bɛ́ á màn mɛn ma, ǹ nə́ goã giɛ li mà ǹ bɛ dɔ ma ka ǹ too ne, sɛnɛ, ǹ ma wa.

Matiə 20:7

Ǹ nə́ tɔ́n pɛ nɛ: «A giala min na a wɔsɛn goa dí-n wa.» Á tɔ́n pɛ ǹ nɛ: «Ka dɔn nə wo maa wuru-n.»

Matiə 23:34

Bɛ lɛ na á toa, ka n too kɔ: Man die Lawa a boo gii-dalin laanka yiridɛnan diɛ ka la ka Lawa a boo-dɔ̃lin ni. Ka tá re ǹ tɛn dii ǹ gã, ka ǹ tɛn dere gɔn ganaa, ka á re ǹ tɛn duduwii ka sɔsɔrɔ nɛ kaa lɛsɔkɔn kionən ne, ka ǹ tɛn loo ka kiwin kakaa kɔn la ǹ nɛ, ka fuu nyaa ǹ yii ni.

Luku 10:24

A giala masɛ n pii ka nɛ, máa ka yii bɛ́ màn mɛn-a, Lawa a boo gii-dali gigiã ka kii gigiã ga li mà ǹ yɛ, sɛnɛ, ǹ yɛ wa. Ka too bɛ́ màn mɛn miɛ, Lawa a boo gii-dalin lɛn laanka kiin lɛn nə́ ga li mà ǹ ma, sɛnɛ, ǹ ma wa.»

Luku 11:49

Bɛ lɛ nɛ, Lawa pɛ a boo ne: Ma á re maa boo gii-dalin laanka maa dia dí-a wolen diɛ ka la. Ka tá re ǹ tɛnɛn dii ǹ gã, ka tá re fuu nyɛɛ ǹ tɛnɛn manɛ.»

Zaã a sɛ́wɔ 14:26

Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.

Zaã a sɛ́wɔ 16:13

Bɛ̀ Yiri Fu sonbore-pɛle lɛ daa ǹ mɛn waáraa, á die ka yiri fúli, ka sonbore tumaa dɔ̃. A giala, a bie re boo diɛ a din gɔn wìi a lɛa wa, sɛnɛ, a bɛ́ re màn mɛn miɛ, a n die bɛ lɛ pii; sii mɛn dɔ bɛ́ re n zɛnɛɛ, á re bɛ dɔ pii ka nɛ.

Nya ǹ dín 10:28

Piɛrɛ pɛ: «Táa ka tá doɛ̃ mà Zuifu nə n mɔrɔ tɔrɔ kɔsɔ ganaa, hinlaa mà a wɔ a kion dinin, mà a doamaa bie wa. Sɛnɛ, masɛ mɛn nə́ ke, Lawa nyaa masɛ nɛ sisia, mà min kɔ́n doamaa bie a n bíi soɛ̃ min wa.

Rɔmu minin 16:25

Ka daa wɔ barka da Lawa nɛ! Á boe la a wɔ pàã gole kɔ golee a din li gɔ́ɔ̃ nɛ. Bɛ nə n zɛnɛɛ a Boo Tii Kɔɔ̃n kɛ barka nɛ man pii. Man bɛa Boo Tii Kɔɔ̃n kɛ lɛ pii, Yezu Krita wɔ gɔn la. Bɛa boo lɛ n sonbore durii kɔ́n nyɛɛ wɔ nɛ, sonbore mɛn bɛ́ á goã durii ni haalɛ lɛlɛ-lɛlɛ.

Korɛnti1 2:10

Sɛnɛ, Lawa bɛa sii-durii kɛ lɛ nyaa wɔsɛn nɛ Yiri Fu pàã ganaa. Taãn nɛ, Yiri Fu dinsɔɔ̃ n boe la a ga sii ganaa a dɔ̃, haalɛ Lawa a sii mɛn bɛ́ durii-n zuzulu, á bɛ tumaa doɛ̃.

Efɛɛzi minin 2:20

Ǹ bɛ́ kion mɛn doe, Yezu a dia dí-a wolen laanka Lawa a boo gii-dalin kion gòã-daa kɛ la, kasɛn dɔn man bɛ lɛa. Yezu Krita dinmaa na a gùrù koa ǹ kɔlɔ lɛa.

Efɛɛzi minin 3:9

Lawa na á bǐɛ̃ zɛnaa ma-n dɔn, mà ma n dɔ minin tumaa lɛ, ǹ Lawa a sii-durii kɛ a zɛnaa ǹ gɔn yɛ foaãnɛ. Lawa n màn tumaa zɛnaali lɛa. A din na á bɛa sii kɛ lɛ duru haalɛ lɛlɛ.

Piɛrɛ2 3:2

Man giɛ li, ka n yiri gisĩ boon kɛn nɛ, Lawa a boo gii-dali sonboren kɛn nə́ ǹ pɛ lɛlɛ, ka Dɛnaa Minin Nyin-sili a dí-pɛ kɛ nɛ, dia dí-a wolen nə́ ka daraa a ganaa.

Zude 1:17

Maa giaáran lɛn, wɔa Dɛnaa Yezu Krita a kialandɛnan lɛn nə wɔ daraa boon mɛnɛn ganaa lɛlɛ ke, ka n yiri gisĩ bɛn nɛ.