Efɛɛzi minin 3:20 - LAWA A BOO SONBORE

²⁰ Lawa din pàã n dí nyɛɛ wɔ nɛ. Á boe la a sii zɛnaa ka bɛ lɛ nɛ, a kiɛ̃ wɔa nyankɔ laanka wɔa taasiɛ la lenlen.

LAWA A BOO SONBORE 2011

²⁰ Lawa din pàã n dí nyɛɛ wɔ nɛ. Á boe la a sii zɛnaa ka bɛ lɛ nɛ, a kiɛ̃ wɔa nyankɔ laanka wɔa taasiɛ la lenlen.

Efɛɛzi minin 3:20 ပူးပေါင်းရင်းမြစ်များ

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Siin Giala 18:4

Ka toa ǹ da mu boɛɛn kɔ ka la, ka n gòãn pii, ka n susu da kɛ giulun.

Samayeli2 7:19

Dɛnaa Lawa ganaa, bɛ dɔ din na á goã tɔn kiɛɛrɛ taãn-taãnɛ n din yii li. Ń masɛ a kion dɔ a sii toa nyɛɛn sɔsɔɔ, ń ná a boo da ma nɛ. Dɛnaa Lawa, á ke ń bɛ dɔ nyaa masɛ din minbuiin nɛ kɛ nɛ.

Kiin1 3:13

Ń bɛ́ n màn mɛn nyankɔ wa, man die bɛ dɔ koe n la, pàãmabaa laanka gugurubaa nɛ, yǎa n miã ná a ba yii kiin bii wa, n yiikoonaabaa tumaa gɔ́ɔ̃ nɛ.

KZS2 25:9

Amasiya nɔ̀n da Lawa a min lɛ la: «Ma wɔrɔ mɛn yii kɔ Izirayeli sɔraasin la, bɛa là n die goɛ̃ ka wáa nɛ?» Lawa a min lɛ ná a lɛ si. Dɛnaa Lawa á boe la a na a miã gigiã kɔ n la.

KZS2 9:12

Salomɔn dɔ wɔ paǹ li, Sabaan kii lɔ lɛ bɛ́ giɛ màn mɛn li, ka a bɛ́ nɔ̀n diɛ màn mɛn nɛ, á bɛ tumaa kɔ la. Bɛ́ mɔnaa á la a din da ka mangɔ ǹ mànan mɛnɛn nɛ. Bɛ kio, kii lɔ lɛ laanka a dí-nyalin lɛn nə woo ǹ gána nɛ.

Bɔ bɛ̀rɛbaa nɛ 34:6

Dɛnaa kiɛ̃ a yɔrɔ-a, á pɛ: «Masɛ din nə Dɛnaa lɛ lɛa, man Lawa lɛa, man bǐɛ̃ zɛnɛɛ, man makara doɛ̃. Ma foo a yui fufuu wa, man bɔlɔgoondɛnaa lɛa, dama minin narɛɛ ganaa ǹ foo n ma nɛ.

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Izayii 35:2

Buũ kɔ! N nyɛnyɛɛ, n bɛ̀ baa n nə n lɛ dɛ ka foo kɔɔ̃n nɛ! Dɛnaa Lawa á re n siĩn koe ka Liban a kelen kɛn bɛ́ lɔn. Á re Karmɛli kele laanka Saron a bɔmɔn siĩnbaa kɛ koe n la. Bɛa biikoo li, min tumaa á re Dɛnaa Lawa a gugurubaa yii, a wɔa Lawa a siĩnbaa yɛ.

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Zeremii 32:17

«E! Dɛnaa Lawa, n din ni n tán laanka lon zɛnaa, ka n Pàã gole ne, ka n boo sii la nɛ! Sii kɔn ba kaka koe n ganaa wa.

Zeremii 32:27

– Masɛ Dɛnaa Lawa n màn yiikoonaa tumaa a Dɛnaa lɛa. Sii á boe la a kaka kɔ masɛ ganaa?

Matiə 3:9

Ka n taasɛ mà Abrahamu bɛ́ ka digolo lɛa, mà sii kɔ́n ba boe la a kasɛn yɛ wa. Ka baran n dinin bebele wa dɛ! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

Zaã a sɛ́wɔ 10:10

Wurumu n die wurumubaa tɔ-a, ka gɛ̀-dɛ nɛ, ka basaã kɔ nɛ. Sɛnɛ, masɛ n má daa, màn mɛn bɛ́ toɛ, minbuiinin nə nyin nyabaã yɛ, ǹ yɛ ka a bɛ́ lɔn.

Rɔmu minin 16:25

Ka daa wɔ barka da Lawa nɛ! Á boe la a wɔ pàã gole kɔ golee a din li gɔ́ɔ̃ nɛ. Bɛ nə n zɛnɛɛ a Boo Tii Kɔɔ̃n kɛ barka nɛ man pii. Man bɛa Boo Tii Kɔɔ̃n kɛ lɛ pii, Yezu Krita wɔ gɔn la. Bɛa boo lɛ n sonbore durii kɔ́n nyɛɛ wɔ nɛ, sonbore mɛn bɛ́ á goã durii ni haalɛ lɛlɛ-lɛlɛ.

Rɔmu minin 4:21

A na á n gòãn koa Lawa a lɛ kɔ ǹ boo kɛ lɛ la, á golee li taãn-taãnɛ, mà pàã tá Lawa lon a bɛ zɛnaa.

Korɛnti1 2:9

Sɛnɛ, a n ka Lawa a sɛ́wɔ bɛ́ á pɛ lɔn: «Min mɛnɛn bɛ́ Lawa narɛ, a màn mɛn zɛnaa á koa bɛn manɛ, min kɔ́n yii bin nə n miã yɛ wa, min kɔ́n too bin ma wa, min kɔ́n a taasiɛ tɔn dɔ a ganaa wa.»

Korɛnti2 9:8

Pàã tá Lawa lon, á boe la a toa ka bǐɛ̃ tɔrɔ gigiã yɛ, ń giɛ ka á boe la ka n laadoo màn tumaa yɛ, ka a laman yɛ, ka bǐɛ̃baa ǹ dí sonbore tumaa nya nɛ.

Efɛɛzi minin 1:19

Pàã gole mɛn bɛ́ a lon goleemali wolen wɔ lɛa, a die a toa ka bɛ dɔ̃. A na á n we bɔ ka bɛa pàã gole kɛ lɛ nɛ,

Efɛɛzi minin 3:7

Lawa na á dí nya ka a din pàã nɛ. Á bǐɛ̃ zɛnaa ma nɛ, á ma bɔ á ma baa Boo Tii Kɔɔ̃n kɛ a laakalaali lɛa.

Kolɔɔsi minin 1:29

Maa doa parsiini lɛ mìi n ka bɛ nɛ. Ma bɛ́ dí mɛn dɔ nyɛɛ ka Krita pàã kɛ nɛ, a nə́ n doe ma lɛ taãn-taãnɛ, bɛ lɛ dɔ mìi n ka bɛ nɛ.

Timote1 1:14

Sonbore ne, Dɛnaa bǐɛ̃ zɛnaa masɛ nɛ á la yii ni, á goleemali laanka kɔn-narɛɛ dɔ kɔ ma la á la yii ni, maa tá kun ka Yezu Krita-n lɛ taman yii.

Ebrəə 11:19

Abrahamu na á pɛ a din gɔ́ɔ̃ nɛ, mà pàã tá Lawa lon, a boo la a gere dɔ din yii kaa. Bɛ lɛ na á toa, a nɛ lɛ wusoo a ná a wɔ baa, ka n pɛ mà a yii na á kaa á n bɔ geren bii.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Zaaki 4:12

Lawa goon toto dinsɔɔ̃ na á dí-pɛn lɛn koa, a din nə kiri-kuruli lɛa. A din nə boe la a min kirisibaa, á boe la dɔn a na a bɔ̀n baa. Sɛnɛ, nsɛ mɛn bɛ́ zɛ̀rɛ koɛ n miã ganaa, nsɛ nə n din biɛ wàa lɛa?

Piɛrɛ2 1:11

Sonbore, wɔa Dɛnaa laanka wɔ Nyin-sili Yezu Krita a kiibaa ǹ bǎã kɛ a kiɛnlɛ á re n buĩ ka nɛ. Kiibaa ǹ bǎã mɛn bɛ́ a nyɛɛ duduu wa, ka á re we bɛ nɛ, a ka kũ doɛ̃ sɔnbɔraanɛ.

Zude 1:24

Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.