Efɛɛzi minin 2:15 - LAWA A BOO SONBORE

¹⁵ Á Zuifun Landa ziziɛ̃ kɔnlɛ ka a dí-pɛn kɛn laanka ǹ zɛnaa ǹ gɔnɔn nɛ. Bɛ a zɛnaa miɛ̃ kɛ lɛ gɔ́ɔ̃ nɛ, a na á zɔɔ̃ li, mà a tɔrɔ paa kɛ lɛ baa zaman dii goon toto lɛa, kun ka a din ni. A na á baa miɛ̃ á là nyantoro koa.

LAWA A BOO SONBORE 2011

¹⁵ Á Zuifun Landa ziziɛ̃ kɔnlɛ ka a dí-pɛn kɛn laanka ǹ zɛnaa ǹ gɔnɔn nɛ. Bɛ a zɛnaa miɛ̃ kɛ lɛ gɔ́ɔ̃ nɛ, a na á zɔɔ̃ li, mà a tɔrɔ paa kɛ lɛ baa zaman dii goon toto lɛa, kun ka a din ni. A na á baa miɛ̃ á là nyantoro koa.

Efɛɛzi minin 2:15 ပူးပေါင်းရင်းမြစ်များ

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Korɛnti2 5:17

Bɛ̀ min golee Krita li, ǹ dɛnaa na á màn dii baa: a màn zizibaa nya, á ke, a n màn dii lɛa.

Galaasi minin 3:10

Sɛnɛ, min mɛnɛn bɛ́ n foo doɛ dí-pɛn ganaa, mà ǹsɛn nə pepere kɔ Lawa yɔrɔ-a, koe á re boe bɛn ganaa. A giala, á kiɛ̃-n Lawa a sɛ́wɔ nɛ: «Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ!»

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.

Galaasi minin 6:15

Kurii ni ka kuriibaã nɛ, bɛ kɔ́n ba màn lɛa wa. Lawa a wusoo a wɔ baa min dii lɛa ke, bɛ dinsɔɔ̃ n màn lɛa.

Efɛɛzi minin 2:10

A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

Efɛɛzi minin 2:14

A giala, Krita din na á là nyantoro kɔ wɔ la, á Zuifun laanka tɔrɔ kɔsɔn baa zaman goon toto lɛa. A bɛ́ á n gɔ̀nɔn kɔ, kungɔn mɛn goã wɔ niɛ̃ kɔn, a n wɔ biɛ kɔn a zɔ́ɔn lɛa, á bɛ wuru.

Efɛɛzi minin 2:16

Krita a gã gɔn la kɛ pàã nɛ tìĩ bɔ kɔn nyin ni nya. Á tɔrɔ màn paa kɛ baa goon, á ǹ kaa kun ka Lawa nɛ.

Efɛɛzi minin 4:16

A din nə toɛ, gù totoron mɛnɛn bɛ́ gɔ̀nɔn ganaa, ǹ nə́ doa-n kɔn ka kaka gɔ̀nɔn goon lɛa, didie tumaa tá a din a doa kɔn-a ǹ bǎã nɛ. Ka bɛ nɛ, bɛ̀ gù gogoon tumaa tá a dí nyɛɛ, ka a bɛ́ kɔnboe-n lɔn, gɔ̀nɔn lɛ tumumaa n gole koe, màn nə́ miɛ li ka kɔn-narɛɛ nɛ.

Kolɔɔsi minin 2:14

Sãn mɛnɛn tumaa goã giɔ̀mɔ lɛa wɔ bɔlɔ-a, Lawa bɛn tumaa saa kun ka dí-pɛ kɛ nɛ ǹ yɔrɔ diɛ wɔ la, á ǹ bɔ wɔ mìi ni, á ǹ tuturu ka Krita a dere gɔn ganaa nɛ.

Kolɔɔsi minin 2:20

Ka ǹ ká gã kun ka Krita nɛ, Krita ka bɔ kanaa a màn pàãdɛnan pàã giulun. Wàa na á baa ka á ka dinin diɛ kanaa a sii-zɛnaa ǹ gɔnɔn pàã giulun, ka ǹ pɛ mà ka ǹ tɔn kanaa wɔn lɛa doo? Wàa na á baa ka á toɛ, ǹ tá kɛn miãn diɛ ka mìi-n doo?

Kolɔɔsi minin 3:10

ká dùũ sii diin saa, Lawa din nə ǹ mɛnɛn zɛnaa. Bɛa dùũ sii diin kɛn lɛn, Lawa nə ǹ gialaa tetele miɛ̃, mà ǹ nə n baa ka a din wɔn bɛ́ lɔn, màn mɛn bɛ́ toɛ, ka asɛ Lawa dɔ̃ taãn-taãnɛ.

Kolɔɔsi minin 3:11

Bɛa yɔrɔ kɛ la, bɔkɔnlɛ banban doo Zuifu laanka tɔrɔ kɔsɔ bii ni wa, kurii wole banban ka kurii baãnaa-n wa; tii ni, sii-doɛ̃ baãnaa nɛ, bɛ̀rɛ nɛ, tá ma din gɔn wìi a lɛa wole ne, bɛ kɔ́n banban. Krita dinsɔɔ̃ na a tan, a din nə màn tumaa lɛa ka tumaa gɔ́ɔ̃ nɛ.

Kolɔɔsi minin 3:15

Krita dinsɔɔ̃ n boe la, a toa minin nə goã kun là nyantoro la. Ka n doa ka bɛa là nyantoro kɛ lɛ tamaa ka foo ne, a giala, a na á ka bíi bɛ lɛ a lɛa, ka goã kun ka gɔ̀nɔn goon toto bɛ́ lɔn. Ka toa ka bǐɛ̃ dɔ̃ Lawa nɛ.

Ebrəə 7:16

Asɛ a wúlu-bɔlebaa lɛ bie á n zɛnaa, á kɔnpɛ ka tɔrɔbaa sii-n wa, sɛnɛ, nyin nyabaã pàãdɛnaa mɛn bɛ́ a lon, a wɔ lɛ na á bɔ bɛ nɛ.

Ebrəə 8:13

Lawa bɛ́ lɛ kɔ kɔn la dii boo diɛ, wɔ dɔ̃ mà a n nyɛɛ, mà a bibinaa kɛ zizi kɔ. A da yaa, màn mɛn bɛ́ á zizi kɔ a biikoo kiɛ̃, bɛ n woe papaã ganaa.

Ebrəə 9:23

Bɛ̀ lon mànan kɛn nyínin tá yoreen koe, ka bɛa landa siin kɛn barka nɛ, a doamaa nɛ, lon mànan dininmaan lɛn dɔn nə yoreen kɔ, ka wúlu mànan kɔsɔn barka nɛ, wúlu mànan mɛnɛn bɛ́ soɛ gialakun kɛ tumaa nɛ.