Efɛɛzi minin 2:12 - LAWA A BOO SONBORE

¹² Ka dɔ̃ mà bɛa biikoo li, mà ka ǹ ká goã sɔsɔɔ kɔn ka Krita nɛ. Lawa zaman mɛn bɔ, ka goã kun ka bɛ-n wa, ka ǹ ká goã tiin lɛa. A lɛ kɔ a zaman la ka màn mɛn nɛ, á lɛ kɔ kɔn la wɔ la, kaa wɔ gii goã bɛ-n wa. Ka ǹ kanaa miɛ̃, ka yiri a doa-n màn kɔ́n ganaa wa, kaa Lawa banban.

LAWA A BOO SONBORE 2011

¹² Ka dɔ̃ mà bɛa biikoo li, mà ka ǹ ká goã sɔsɔɔ kɔn ka Krita nɛ. Lawa zaman mɛn bɔ, ka goã kun ka bɛ-n wa, ka ǹ ká goã tiin lɛa. A lɛ kɔ a zaman la ka màn mɛn nɛ, á lɛ kɔ kɔn la wɔ la, kaa wɔ gii goã bɛ-n wa. Ka ǹ kanaa miɛ̃, ka yiri a doa-n màn kɔ́n ganaa wa, kaa Lawa banban.

Efɛɛzi minin 2:12 ပူးပေါင်းရင်းမြစ်များ

Siin Giala 15:18

Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:

KZS2 15:3

Haalɛ bibi, wɔ digolo Izirayeli tɔrɔn lɛn man nə́ goã bii-a ǹ Lawa taãn na a banban wa. Lawa a wúlu-bɔle banban a tá ǹ darɛɛ wa, ǹ landa dɔ banban wa.

Ɛsidrasi 4:3

Sɛnɛ, Zorobabeli ni, Zozoe ne, ka Izirayeli a kɛdɛnan lɛn gialakunun ni, bɛn nə́ pɛ ǹ nɛ kɛnɛn: «A kɔnbɔ, ka laanka wɔsɛn nə kion dɔ kun wɔa Lawa wɔ lɛa wa. Wɔ dininsɔɔ̃nɔn doamaa nɛ wɔ kion dɔ Izirayeli a Lawa, Dɛnaa Lawa lɛ wɔ lɛa, ka Pɛrsi gána a kii Siirusu pɛ wɔsɛn man lɔn.»

Bɔ bɛ̀rɛbaa nɛ 12:45

- Tii mɛn bɛ́ giã nɛ ka bii, hinlaa min mɛn bɛ́ dí nyɛɛ giɛ wɔrɔ li, bɛn doamaa bie ka zɔ́n man-bii kɛ-n wa.

Izayii 14:1

Dɛnaa Lawa á re makara boe Zakɔba tɔrɔn ganaa. Sonbore, á re nyɛɛ mà asɛ din na á Izirayeli tɔrɔn yii gɔgɔɔ̃, á re woe ǹ ne ǹ tán la. Tiin tá re kiɛ kunun ǹ ni, ǹ dɔn nə Zakɔba tɔrɔn baa.

Izayii 44:6

Dɛnaa Lawa, Izirayeli a kii, Izirayeli a si sii la wole, Dɛnaa Lawa Pàãyiidɛnaa n kɛ pii: Ma din nə sii tumaa a giala-kɔ lɛa, ma din ni sii tumaa a giala-nyɔmɔɔ lɛa. Bɛ̀ á n bɔ ma din ni, Lawa kɔsɔ banban.

Izayii 45:20

Kasɛn mɛnɛn yii goã koo tɔrɔn bii, ka n sɔkɔn ka daa, ka n zɔ̃ ka dɔ. Min mɛnɛn bɛ́ dì nyín guĩ ǹ gɔn, gɔn sɛlɛɛ lɛa, ǹ nə́ ǹ guguru koe, dìn mɛnɛn bɛ́ ǹ ba boe la ǹ tá ǹ kirisibiɛ wa, bɛn man yiriwɛɛnaan lɛa.

Izayii 61:5

Tiin tá re goɛ̃ ǹ tan, ǹ kaa sèren laanka ka bòen lɛduə̃. Minin tá re boe bǎã kɔsɔn nɛ, ǹ da kaa wurun laanka kaa *rezɛ̃ da wurun kɔsɔ.

Zeremii 14:8

Nsɛ, Izirayeli a foo doa ǹ bǎã, nsɛ mɛn bɛ́ a kirisibiɛ koe biikoo li, kanna kəni, a n siɛ lɔn, n tá n din biɛ ká tii bɛ́ lɔn gána lɛ nɛ, ká kiɛ̃ wole bɛ́ lɔn tèlò zii goon gɔ́ɔ̃ nɛ.

Zeremii 17:13

Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

Ezekieli 13:9

Lawa a boo gii-dalin mɛnɛn bɛ́ sii-nyaa kooron yii, ǹ nə́ soɛ boon didiɛ, masɛ á re goɛ̃ kɔn ka bɛn nɛ. Ǹ ba re goɛ̃ kun ka maa zaman nɛ doo wa. Izirayeli tɔrɔn tɔ bɛ́ kiɛ̃-n sɛ́wɔ mɛn nɛ, ǹ tɔ dɔ a re n kiɛ̃ walan doo wa, ǹ ba re we Izirayeli gána-n doo wa. Ka á re doɛ̃ ka bɛ lɛ-n kəni, mà masɛ din nə Dɛnaa Lawa lɛa.

Ezekieli 37:26

Ma á re lɛ kɔ kɔn la we ka ka nɛ là nyantoro a paǹ li. Bɛ n die goɛ̃ lɛ kɔ kɔn la lɛa ka laanka masɛ bii yǎa duduu. Ma á re giã ǹ bǎã koe ka la, ma kaa zaman mɔnaa. Ma á re maa giã ǹ bǎã doe ka bii, yǎa duduu.

Ezekieli 47:22

Ka n pã bǎãn lɛn ganaa, ka tɔn nə ǹ gii kɔn ka dinin laanka tiin mɛnɛn bɛ́ giã-n ka bii, ǹ nə́ nɛnyaanan yɛ ka bii. Ka ǹ dɔn kũ Izirayeli minin lɛa, ǹ dɔn nə n pã ǹ bǎãn ganaa kun ka ka nɛ.

Ozee 3:4

A giala, Izirayeli minin lɛn tá re lɛawaa damata zɛnɛɛ, ǹ kii ná a banban, ǹ mìilandɛnaa ná a banban, wúlu-bɔ ná a banban, tíĩ ná a banban, ga Lawa dùũ li ǹ mànan nə́ ǹ banban.

Minin nimi 18:19

Izirayeli minin lɛn bɛ́ mànan mɛnɛn tumaa boe die koe masɛ Dɛnaa Lawa la, masɛ gɔ ǹ wɔn lɛa, man bɛ koe n din la, ka n nɛgiĩn laanka n nɛlɔn nɛ, a zɛnaa ń landa lɛa tán miɛ̃ duduu. Kɛ n lɛ kɔ kɔn la lɛa, n din laanka n tɔrɔn wɔ lɛa, a ná a ba ziziɛ̃ masɛ yii-n duduu wa.»

Luku 1:72

Mà asɛ n die dí nyɛɛ, a kɔnpɛ a din a lɛ-kɔ kɛ nɛ wɔ digolon ne, mà asɛ yiri a die boe ka bɛa lɛ kɔ kɛ lɛ-n wa.

Zaã a sɛ́wɔ 10:16

«Maa sère kɔsɔn dɔn tan, ǹ ba kion kɛ-n wa, ma doamaa nɛ, ma da ka bɛn dɔn nɛ ma ǹ kaa a nɛ. Ǹ tá re ma bɔlɔ miɛ, ǹ tumaa nə n baa tɔɔ kuru goon toto lɛa, ǹ lɛduə̃li goã goon toto.

Zaã a sɛ́wɔ 15:5

Masɛ n goon ka da kɔ́n nɛ, kasɛn man a gùrùn lɛa. Bɛ̀ min mɛn tá doa-n kɔn ka masɛ nɛ, masɛ dɔ́ n doa-n kɔn ka ǹ dɛnaa nɛ, bɛa dɛnaa á die sii gigiã zɛnɛɛ, a giala, ka a boe la ka sii kɔ́n zɛnaa, bɛ̀ masɛ sii ná a ba a-n wa.

Zaã a sɛ́wɔ 4:22

Ka bɛ́ ka a màn mɛn doɛ̃ wa, ka n bɛ guguru koe. Wɔsɛn Zuifun bɛ́ màn mɛn doɛ̃, wɔsɛn man bɛ guguru koe, a giala kirisibaa wole lɛ n Zuifu tɔrɔ lɛa.

Nya ǹ dín 2:39

A giala, Lawa din bɛ́ á n lɛ kɔ ka màn mɛn nɛ, bɛ ǹ ka dinin wɔ lɛa ka kaa nɛnyaanan nɛ, ka minin mɛnɛn tumaa wɔlɔ bɛ́ tɔn sɔsɔɔ, Lawa n die ǹ bíi.»

Nya ǹ dín 28:20

Bɛ lɛ a lɛa nɛ má lɛ dia ka la, ma tá a yɔrɔ pii ka nɛ, a giala, Izirayeli minin foo bɛ́ doa-n sii mɛn ganaa, fɔlɔ biɛn man masɛ ganaa bɛ lɛ a lɛa.»

Nya ǹ dín 3:25

Kaa wɔ nə́ n zɛnaa, a giala, ka dinin lɛn man Lawa a boo gii-dalin lɛn nɛnyaanan lɛa. Lawa na á lɛ kɔ kɔn la wɔ ka ka dinin lɛn digolon ne. Á pɛ Abrahamu-n dinin, mà asɛ Lawa n die barka diɛ kanaa minin tɔrɔ tumaa ganaa ka a din a nɛnyaanan barka nɛ.

Rɔmu minin 9:8

Bɛ giala, mà goã mà goon ka Abrahamu-n bie min biɛ Lawa a nɛnyaan lɛa wa. Sɛnɛ, bɛ̀ min mɛn a yɛ nə n giala wɔ Lawa a lɛ kɔ ǹ sii ganaa, bɛa dɛnaa n Lawa a nɛnyaan lɛa.

Galaasi minin 4:8

Lɛlɛ, ka bɛ́ ka goã Lawa doɛ̃ wa, ka ǹ ká goã màn kɔsɔn bɛ̀rɛn lɛa, màn mɛnɛn bɛ́ ǹ ba Lawa taãnan lɛa wa.

Efɛɛzi minin 2:19

Bɛ lɛ a lɛa, ka tɔrɔ kɔsɔn lɛn bie tiin lɛa doo wa, ka bie gùlin dɔn lɛa wa. Sɛnɛ ka ǹ kɛnaan lɛa, kun ka Lawa a zaman kɛ nɛ, ka ǹ Lawa a sɔmɔ wɔn lɛa.

Efɛɛzi minin 4:18

ǹ yiri n tiɛ̃ nɛ. Lawa bɛ́ nyin mɛn koe, ǹ gii kɔ́n ba bɛ-n wa. A giala mà yiri baãnaan manɛ, ǹ foo laa ka kaka.

Kolɔɔsi minin 1:21

Bɛ na á n zɛnaa ka dɔn manɛ. Lɛlɛ ka goã Lawa doɛ̃ wa, ka bɛ dɔ-n doo, ka n ká goã a zɔ́ɔn lɛa, a giala, ka n ká goã sii baraan taasɛ, ka nə́ ǹ zɛnɛɛ dɔn.

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Kolɔɔsi minin 1:5

Ka foo bɛ́ doa-n màn mɛn ganaa lon, ka n ka bɛa foo-doa lɛ yɛ ka Boo Tii Kɔɔ̃n barka nɛ, ǹ mɛn bɛ́ sonbore boo lɛa. Ka n ka saa lɛlɛ ka bɛ lɛ ma.

Tesaloniki1 4:13

Dɔɔ̃nɔn lɛn, min mɛnɛn bɛ́ ǹ nə́ gã, wɔ ba li wɔ ka yii toa tì bɛn sii gɔ́ɔ̃-n wa. A giala, wɔ ba li ka goã yɔrɔ-kɔsiɛ gɔ́ɔ̃ nɛ, ka min gialakunun mɛnɛn bɛ́, foo-doa ǹ bǎã ná a ba ǹ lon wa.

Tesaloniki1 4:5

A nyan toa a n saa taasiɛ naarɛ li, ka tɔrɔ kɔsɔ Lawa doɛ̃baã wolen bɛ́ zɛnɛɛ lɔn wa.

Tesaloniki2 2:16

Wɔ Di Lawa wɔ narɛ, á bǐɛ̃ kɔ wɔ ganaa á foo-doa kaka kɔ wɔ la, ka bɛ nɛ, á wɔ foo taã biɛ̃ ǹ taman yii.

Timote1 1:1

Masɛ Pooli n Yezu *Krita a dia dí-a wole lɛa. Bɛ na á kɔnpɛ ka wɔ Kirisibaali Lawa laanka wɔ foo doamaa wole Yezu Krita a dí-pɛ nɛ.

Ebrəə 11:34

ǹ nə́ tɛ dadaran pàã nya, ǹ nə́ kirisibaa gɔya gɛ̀ ganaa. Ǹ nə́ goã pàã wɛɛnaan lɛa, ǹ pàã gole kɔ. Ǹ nə́ giĩbaa nyaa zia la, ǹ nə́ gána kɔsɔn zia-baalin loo.

Ebrəə 6:18

A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.

Ebrəə 8:6

Sonbore, dí mɛn nə n kɔ Yezu lɛ sɛ la, bɛ á gole á la kɛ-n lenlen. A giala, a din na á lɛ kɔ kɔn la sonbore sonbore kɛ a zɛlɛ baa, wɔ laanka Lawa bii ni, lɛ kɔ kɔn la mɛn giala bɛ́ we-n Lawa a lɛ-kɔ ǹ boo sonbore sonboren la.

Piɛrɛ1 1:21

Asɛ lɛ barka nɛ ka á golee-n Lawa li, Lawa mɛn bɛ́ a ná a yii kaa á bɔ geren bii, á gugurubaa kɔ la. Bɛa yɔrɔ kɛ la, kaa goleemali laanka kaa foo-doa giala n doa-n Lawa ganaa.

Piɛrɛ1 1:3

Ka daa wɔ barka da Lawa nɛ, wɔa Dɛnaa Yezu Krita n Di Lawa nɛ! Lawa din a bǐɛ̃baa gole kɛ taman yii, á yiikoonaabaa dii kɔ wɔ la, a n foo-doa sonbore dɔ koe wɔ la. Bɛa foo-doa kɛ lɛ giala n we-n Yezu Krita a yii kaa a bɔ geren bii kɛ ganaa.

Piɛrɛ1 3:15

Sɛnɛ, ka toa *Krita goã kaa Dɛnaa lɛa, ka bǎã kɔ a dinsɔɔ̃ la ka foo ne. Ka n yɔrɔ bɔ biikoo tumaa li ka koa, foo-doa mɛn bɛ́ ka lon, bɛ̀ minin tá nɔ̀n diɛ ka la bɛ wɔ gɔn la, ka toa ka a yɔrɔ sonbore nyaa ǹ nɛ.

Zaã1 3:3

Bɛa foo-doa kɛ miã bɛ́ min mɛn nɛ Krita a lɛa, bɛ nə n din *yoreen koe, ka Krita bɛ́ yoreen lɔn.