Efɛɛzi minin 2:11 - LAWA A BOO SONBORE

¹¹ Ka bie ká yɛ Zuifun lɛa wa. Zuifun man nə́ goã ka bíi soroman, ǹ nə́ n dinin bíi kurii wolen. Bɛa kurii lɛ n sii a kɔnboe lɛa, ǹ nə́ goã zɛnɛɛ ǹ dinin gɔ̀nɔn ganaa. Ka goã lɔn lɛlɛ, ka n yiri koa ka bɛ nɛ.

LAWA A BOO SONBORE 2011

¹¹ Ka bie ká yɛ Zuifun lɛa wa. Zuifun man nə́ goã ka bíi soroman, ǹ nə́ n dinin bíi kurii wolen. Bɛa kurii lɛ n sii a kɔnboe lɛa, ǹ nə́ goã zɛnɛɛ ǹ dinin gɔ̀nɔn ganaa. Ka goã lɔn lɛlɛ, ka n yiri koa ka bɛ nɛ.

Efɛɛzi minin 2:11 ပူးပေါင်းရင်းမြစ်များ

Ezekieli 20:43

Kaa tɔ wɔ ǹ gɔn nɛ, kaa zɛnaa ǹ siin kɛn tumaa nɛ, ka ǹ mɛnɛn lɛn zɛnaa ká ka dinin gɔgɔrɛ kɔ nɛ, ka yiri á die gisĩ ka bɛn nɛ walan. Ka tìĩ á re boe ka dinin nyin ni, kaa sii baraan kɛn taman yii ká ǹ zɛnaa.

Ezekieli 36:31

Bɛa biikoo li, ka yiri á die gisĩ ka kaa giã ǹ gɔn baraa laanka kaa zɛnaa ǹ siin kɛn nɛ, ǹ mɛnɛn bɛ́ ǹ goã siĩn wa. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn lɛn taman yii.

Matiə 20:7

Ǹ nə́ tɔ́n pɛ nɛ: «A giala min na a wɔsɛn goa dí-n wa.» Á tɔ́n pɛ ǹ nɛ: «Ka dɔn nə wo maa wuru-n.»

Rɔmu minin 11:17

Izirayeli tɔrɔ lɛ n kɔnboe ka *olivie da kɔ́n nɛ min zumu, a ná a gùrùn tɛnɛn kuru. Nsɛ mɛn bɛ́, n ba Zuifu lɛa wa, man kɔnboe ka don a olivie da gùrù ni, ǹ nə́ kuru, ǹ nə́ daa wɔ gùrù taãnan lɛn bǎã nɛ. Ǹ olivie da mɛn zumu lɛn, bɛ lɛ gòonən manə n dɔ toe sisia.

Rɔmu minin 2:26

Tɔrɔ kɔsɔn soroman kɛn, bɛ̀ bɛn min tá koe dí-pɛn lɛ, a nə́ ǹ zɛnɛɛ, a soromabaa lɛ bie re goɛ̃ ka kurii bɛ́ lɔn Lawa yɔrɔ-a wa?

Rɔmu minin 2:27

Bɛa soroma kɛ lɛ gɔ̀nɔn siĩ wɔ gɔn la, bɛ lɛ n die kiri kuri nsɛ Zuifu lɛ la. A laanɛ n tá kurii ni, n nə́ Lawa a dí-pɛn doɛ̃, n bɛ́ n nə́ ǹ bɔlɔ tii. A da yaa soroma kɛ lɛ n koe ǹ lɛ a tá ǹ zɛnɛɛ.

Korɛnti1 12:2

Ka á doɛ̃ mà ka bɛ́ ká goã min kooron lɛa, ka n ká goã baa sii ka mìi gialaa dì lɛ tere-an ganaa.

Korɛnti1 6:11

Ka tɛnɛn man ka goã miɛ̃. Sɛnɛ, Lawa sii baraa pii á bɔ ka ganaa, á ka bɔ ka gɔrɔn a din wɔn lɛa, á lɛ kɔ ka ganaa min peperen lɛa a din yɔrɔ-a, ka Dɛnaa Yezu *Krita tɔ nɛ, wɔa Lawa a Yiri Fu kɛ dɔ pàã ganaa.

Galaasi minin 2:15

Wɔsɛn man wɔ́ yɛ Zuifun lɛa. Wɔ bie tɔrɔ kɔsɔ sii baraa-zɛnaalin lɛa, ka Zuifun dinin bɛ́ pii lɔn wa.

Galaasi minin 6:12

Min mɛnɛn bɛ́, minbuiinbaa a din nyaa sii nə́ ǹ ganaa, bɛn lɛn man ke mà yǎa ka n kuri. Sɛnɛ, a zɛnaa miɛ̃ giala n ka kɛ dinsɔɔ̃ nɛ: Zuifun baran bɔ ǹsɛn yii ni, Krita a dere ǹ gɔn kɛ a lɛa wa.

Efɛɛzi minin 2:2

Ka ǹ ká goã bɛ lɛ gɔ́ɔ̃-n lɛlɛ, bɛ̀ ka bɛ́ tɔn koe kanaa kɛ a zɛnaa ǹ siin lɛ. Kanaa lɛ a goledɛnaa mɛn bɛ́ kii lɛa lon laanka tán biin ni, yiri lɛa dí nyɛɛ Lawa bɔlɔ-tiilin bii, ka ǹ ká goã bɛ bɔlɔ sii.

Efɛɛzi minin 5:8

Ka ǹ ka goã wɔlɔ tì li lɛlɛ, sɛnɛ, ka ǹ wɔlɔ fúlu li kanna kaa kaa kun ka Dɛnaa-n pàã ganaa. Bɛ lɛ taman yii, ka toa ka goã wɔlɔ fúlu minin lɛa.

Timəə dí-pɛn 15:15

Ka n yiri koa li, mà ka n ká goã bɛ̀rɛ lɛa Ezipti gána nɛ, mà kaa Lawa, Dɛnaa Lawa lɛ na á ka bɔ a nɛ. Bɛ lɛ na á toa, ma á n gɔn wɛɛ ka nɛ ka bɛa sii lɛ-n pelo.

Timəə dí-pɛn 16:12

Ka dɔn nə n yiri koa a nɛ, mà ka n ká goã bɛ̀rɛn lɛa Ezipti gána nɛ. Ka landa boon kɛn tamaa, ka kɔ ǹ lɛ.

Timəə dí-pɛn 5:15

Ka n yiri koa a nɛ, mà ka n ká goã bɛ̀rɛn lɛa Ezipti gána nɛ. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ á soo ka nɛ. Bɛ lɛ na á toa masɛ Dɛnaa, kaa Lawa lɛ laa ka ganaa, máa yǎa ka susu ǹ pii koɛ.

Timəə dí-pɛn 8:2

Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.

Timəə dí-pɛn 9:7

Ka sii mɛn zɛnaa, ká kaa Lawa, Dɛnaa Lawa lɛ foo yoo ne don, ka n yiri kɔ bɛ li, ka nyan toa ka yiri bɔ ka bɛ-n wa. A saa kaa soo Ezipti gána-n ganaa, a da kaa kaa dɔ kànaa kɛ lɛ, ka gòãn man dii-n kɔn ka Dɛnaa Lawa-n miɛ̃.

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Kolɔɔsi minin 1:21

Bɛ na á n zɛnaa ka dɔn manɛ. Lɛlɛ ka goã Lawa doɛ̃ wa, ka bɛ dɔ-n doo, ka n ká goã a zɔ́ɔn lɛa, a giala, ka n ká goã sii baraan taasɛ, ka nə́ ǹ zɛnɛɛ dɔn.

Kolɔɔsi minin 2:11

Bɛa kaa-kun lɛ taman yii, kurii na á n zɛnaa ka ganaa, bɛa kurii lɛ, minbuiin nɛ bie á zɛnaa wa, bɛa kurii lɛ n boe Krita li, bɛ na á ka si gɔ̀nɔn siĩ siin kɛn la.

Kolɔɔsi minin 2:13

Kasɛn mɛnɛn bɛ́ ká goã goon ka geren ne, kaa sii baraan laanka kaa soromabaa a lɛa, Lawa na á wusoo á ka yii kaa kun ka Krita lɛ din ni. Lawa lɛ na á wɔa sii baraan tumaa toa wɔ nɛ.

Kolɔɔsi minin 3:11

Bɛa yɔrɔ kɛ la, bɔkɔnlɛ banban doo Zuifu laanka tɔrɔ kɔsɔ bii ni wa, kurii wole banban ka kurii baãnaa-n wa; tii ni, sii-doɛ̃ baãnaa nɛ, bɛ̀rɛ nɛ, tá ma din gɔn wìi a lɛa wole ne, bɛ kɔ́n banban. Krita dinsɔɔ̃ na a tan, a din nə màn tumaa lɛa ka tumaa gɔ́ɔ̃ nɛ.

Samayeli1 17:26

Min mɛnɛn nə goã Davida genli, á nɔ̀n da ǹ la. «Min mɛn bɛ́ re Filisiti min kɛ dii, a sìi saa a bɔ Izirayeli minin la, maǹ die wàa zɛnɛɛ bɛa dɛnaa nɛ? Asɛ n die lɛa, bɛa Filisiti min *soroma kɛ lɛ, a tɔn yoo a sɔ kɔ Lawa yiikoonaa a sɔraasin ganaa?»

Samayeli1 17:36

Ma bin yàra dɛ, ká don màn babaraa kɔn nɛ. Kɛa Filisiti min soroma lɛ dɔ n die n biɛ ka bɛn goon bɛ́ lɔn, a giala, a na á sɔ kɔ Lawa Yiikoonaa a sɔraasin ganaa.»