Efɛɛzi minin 1:8 - LAWA A BOO SONBORE

⁸ Lawa din na á bɛa bǐɛ̃ lɛ zɛnaa wɔ nɛ. Á yiri tumaa kɔ wɔ la, màn mɛn bɛ́ toɛ, a din sii mɛn yɔrɔ bɔ, mà wɔ bɛ dɔ̃.

LAWA A BOO SONBORE 2011

⁸ Lawa din na á bɛa bǐɛ̃ lɛ zɛnaa wɔ nɛ. Á yiri tumaa kɔ wɔ la, màn mɛn bɛ́ toɛ, a din sii mɛn yɔrɔ bɔ, mà wɔ bɛ dɔ̃.

Efɛɛzi minin 1:8 ပူးပေါင်းရင်းမြစ်များ

Loen 104:24

Dɛnaa Lawa, n nya ǹ dín tá mɔnaa-n dɛ! Ń yiridɛnaabaa ǹ dí nya koe! Tán nə́ pã ka n màn-zɛnaan nɛ.

Suusun 8:12

Masɛ sii-doɛ̃, ma ba n niɛ̃ taasiɛ sonbore ganaa wa. Man taasiɛ we ma tɔn sii zɛnaa.

Izayii 52:13

Dɛnaa Lawa pɛ: Á ke, maa dí-nyali n die bǐɛ̃ koe. Ǹ tá re a guguru koe, ǹ na a laakalaa gugurubaa n die n koe la.

Matiə 11:19

Min a Nɛgiĩ dɔ na á daa, asɛ n màn bii, a n màn mii, minin man a gialaa pii: «Ka ga, giĩ kɛ-a, nàndɛnaa nɛ, a ba kiɛ̃ ka duvɛ̃ dɔ-n wa, wusuru-silin man a giaáran lɛa ka sii baraa-zɛnaali kɔsɔn dɔn nɛ!» Sii bǐɛ̃ mɛn nə yɛ wɔsɛn nya ǹ dín gɔ́ɔ̃ nɛ, bɛ lɛ n Lawa a yiridɛnaabaa nyɛɛ.

Rɔmu minin 11:33

Lawa a bǐɛ̃ lɛ á gole á la yii ni! A sii-doɛ̃ dɔ á zuzulu á la yii ni! Min kɔ́n ba boe la a na a kiri kɛ giala ma wa, min kɔ́n ba boe la a na a makara kɛ dɔ giala ma wa.

Rɔmu minin 5:15

Sɛnɛ, Aadã laanka bɛa min kɛ lɛ ba goon yɔrɔ tumaa la wa. A giala, Lawa bǐɛ̃baa ǹ màn mɛn kɔ wɔ la kooro ke, bɛ á tɔtɔ ka Aadã a sii baraa kɛ nɛ. Aadã goon toto kɛ a Lawa bɔlɔ-tii a lɛa nɛ, minbuiin tumaa á giɛ̃. Sɛnɛ, Yezu Krita goon toto kɛ dɔ barka nɛ, Lawa bǐɛ̃ zɛnaa wɔsɛn tumaa nɛ á la yii ni.

Korɛnti1 2:7

Haayii, Lawa a sii-doɛ̃ mɛn bɛ́ durii-n minbuiinin la, man bɛ yɔrɔ pii ka nɛ. Kanaa bɛ́ a tɔn nə n giala kɔ wa, Lawa din sii-doɛ̃ mɛn yɔrɔ bɔ, a n zoɛ̃ mà a na a tɔ golebaa gii kɔn ka wɔ nɛ, bɛ nɛ. Sɛnɛ, a na á toa durii ni.

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Efɛɛzi minin 1:9

Lawa dinmaa na á saa lɛlɛ á bɛa sii lɛ yɔrɔ bɔ á koa, á n die zɛnɛɛ ka Krita nɛ. A din foo sii ni, á goã durii-n lɛlɛ. Sɛnɛ kanna, á nyaa wɔ nɛ.

Efɛɛzi minin 3:10

A na á bɛ zɛnaa, màn mɛn bɛ́ toɛ, lon màn pàãdɛnan laanka ǹ goledɛnan na a sii-doɛ̃ gole kɛ dɔ̃ kanna, ka a sɔmɔ kɛ barka nɛ.

Kolɔɔsi minin 2:3

Minbuiin nɛ bɛ́ boe la, a sii mɛn tumaa dɔ̃ Lawa wɔ gɔn la, Krita din nə́ bɛ tumaa nyɛɛ.

Zude 1:25

Lawa goon toto mɛn wɔ nyin si ka wɔa Dɛnaa Yezu Krita barka nɛ, gugurubaa laanka golebaa nɛ, pàãyiidɛnaabaa laanka màn tumaa mìilandɛnaabaa goã bɛ wɔ lɛa haalɛ lɛlɛ-lɛlɛ, ka kanna nɛ, yǎa duduu. A n miɛ̃.

Sii-nyaan 5:12

ǹ nə́ goã loe loe ka ǹ lɛn gole ne, ǹ nə́ pii: «Nsɛ Sère Nɛ mɛn bɛ́ ǹ nə́ Lawa a wúlu bɔ n nɛ lɛlɛ, ń kɔnbɔ ka pàãyiidɛnaabaa nɛ, ka pàãmabaa nɛ, ka sii-doɛ̃ nɛ, ka kakabaa nɛ, ka tɔ golebaa nɛ, ka guguru-kɔ nɛ, ka tɔ-bɔ nɛ.»