Efɛɛzi minin 1:18 - LAWA A BOO SONBORE

¹⁸ A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

LAWA A BOO SONBORE 2011

¹⁸ A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

Efɛɛzi minin 1:18 ပူးပေါင်းရင်းမြစ်များ

Zɔbu 42:5

Man má goã n boo miɛ ka ma too ne. Sɛnɛ sisia, ma din yii nə́ n yɛ.

Loen 119:18

Ma yii bũ, a wɔlɔ yɛ sɔnbɔraanɛ. Sii dadaran mɛnɛn bɛ́ n landa boon kɛn nɛ, ma boo la ma bɛn yɛ.

Izayii 11:2

Dɛnaa Lawa Yiri n die goɛ̃ la: Yiridɛnaabaa laanka sii bɔbɔ kɔn lɛ ǹ yiri n die goɛ̃ a lon, daraa ka foo tãbaa ǹ yiri ni, Dɛnaa Lawa doɛ̃ laanka a guguru kɔ ǹ yiri ni.

Izayii 29:10

A giala, Dɛnaa Lawa ka yiri tã, á kaa Lawa a boo gii-dalin sàabaa sii-yɛn ganaa, á màn kɔ kaa gɔn-nɔɔlin yɔrɔ lɛ.

Izayii 29:18

Bɛa pinaa boo mɛn bɛ́ kiɛ̃-n sɛ́wɔ kɛ nɛ, too tere-an tá re bɛ miɛ. Yii tere-an tá re soe tèlò-n wɔlɔ tì li, ǹ yii n wɔlɔ yii foaã nɛ.

Izayii 32:3

Min mɛnɛn yii bɛ́ á kɔnbɔ ka wɔlɔ yɛ nɛ, bɛn yii á tiɛ̃ doo wa. Min mɛnɛn too bɛ́ á kɔnbɔ ka boo ma nɛ, bɛn tá re n too koe sɔnbɔraa nɛ.

Izayii 42:7

N tá re yii tere-an yii buĩ, n kòso nɛn kaa n nə ǹ bɔ kòso ne. Min mɛnɛn bɛ́ wɔlɔ tì li kòso kion, n tá re bɛn woɛ n soo ǹ ne.

Izayii 6:10

Ǹ yiri lɔlɔkɔn, n nə ǹ too tã, n nə ǹ yii tã màn mɛn bɛ́ toɛ, ǹ yii nyan wɔlɔ yɛ wa, ǹ too nyan boo ma wa, ǹ yiri tã. Ka bɛ-n kəni, ǹ ba re wusii ǹ da ma li wa, ǹ ba re kaka koe wa.

Matiə 13:15

A giala minin kɛn foo laa, ǹ nə́ n too tã, ǹ nə́ n yii tã, bɛ bie wa ǹ yii á die wɔlɔ yii, ǹ too á die boo miɛ, ǹ yiri á die a giala miɛ, ǹ wusoo ǹ da Lawa li, Lawa dɔ á die ǹ busu nyɛɛ ǹ foo ne, sɛnɛ, bɛ bɛ́ a bie ǹ yii li ǹ sii lɛa wa.»

Marki 10:17

Yezu bɛ́ á mɛ zii la á n woe, giĩ goon baa si á daa kaa tán a giulun á nɔ̀n da la kɛnɛn: «Mìinaa sonbore, masɛ doamaa-n ma wàa zɛnaa ma tɔn nyin nyabaã yɛ?»

Luku 24:45

Á tɔ́n nə ǹ yiri bũ, màn mɛn bɛ́ toɛ, ǹ Lawa a boo lɛ giala ma.

Nya ǹ dín 16:14

Ǹ goon ne, a tɔ n Lidi, a n mɔnaa tɔnaa tɔrɔ kɔn siɛ̃, Tiatiiri kiwi min ni, á nyɛ́ɛ biɛ Lawa nɛ. Asɛ na á goã n too koe parsiini, a giala, Dɛnaa na á ná a foo lɛ bũ, a ná a taasiɛ din tumaa doa Pooli a boon kɛn ganaa.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Rɔmu minin 11:29

A giala, bɛ̀ Lawa màn kɔ, a na á kɔ, bɛ̀ á min dɔ bíi, a na á bíi, a ba wusii a sii zɛnaa kio wa.

Rɔmu minin 2:4

Lawa bɛ́ a ba dɔlɔ boe ka ganaa fufuu wa, á n kaa sii sii a ganaa, bɛ lɛ nɛ, n tá a bǐɛ̃baa gole kɛ puusə koe? N ba doɛ̃ mà Lawa a bǐɛ̃baa kɛ lɛ nə n nyanɛɛ, mà n wusoo n sii baraan kio wa?

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Galaasi minin 5:5

Wɔsɛn foo n doa nɛ wáa Lawa á re wɔ biɛ min peperen lɛa. Wɔ nə n yii diɛ bɛ lɛ la Yiri Fu barka nɛ, asɛ mɛn bɛ́ dí nyɛɛ wɔa goleemali gɔ́ɔ nɛ.

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Efɛɛzi minin 2:12

Ka dɔ̃ mà bɛa biikoo li, mà ka ǹ ká goã sɔsɔɔ kɔn ka Krita nɛ. Lawa zaman mɛn bɔ, ka goã kun ka bɛ-n wa, ka ǹ ká goã tiin lɛa. A lɛ kɔ a zaman la ka màn mɛn nɛ, á lɛ kɔ kɔn la wɔ la, kaa wɔ gii goã bɛ-n wa. Ka ǹ kanaa miɛ̃, ka yiri a doa-n màn kɔ́n ganaa wa, kaa Lawa banban.

Efɛɛzi minin 3:16

Lawa a min bǐɛ̃baa á gole. Bɛ lɛ nɛ, ma tá a nyankoe máa a pàã kɔ ka la ka Yiri Fu barka nɛ, ń giɛ pàã á we kaa goleemali ni.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Efɛɛzi minin 4:1

Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.

Efɛɛzi minin 4:4

Wɔ tumaa n gɔ̀nɔn goon lɛa. Yiri Fu goon toto n wɔ tumaa nɛ. Wɔ tumaa foo n doa-n màn goon ganaa, ka Lawa bɛ́ wɔ bíi mà wɔ zɛnaa lɔn.

Efɛɛzi minin 5:8

Ka ǹ ka goã wɔlɔ tì li lɛlɛ, sɛnɛ, ka ǹ wɔlɔ fúlu li kanna kaa kaa kun ka Dɛnaa-n pàã ganaa. Bɛ lɛ taman yii, ka toa ka goã wɔlɔ fúlu minin lɛa.

Filipi minin 3:14

Bɛ lɛ nɛ, ma á baa sii maa dí mìi ganaa, ń giɛ ma á baa si ǹ saraa yii, Lawa bɛ́ wɔ bíi, mà wɔ da ǹ mɛn lɛ si lon, Yezu Krita pàã ganaa.

Kolɔɔsi minin 1:12

ka boo la ka barka da Díi Lawa nɛ ka foo kɔɔ̃n nɛ. Lawa mɛn bɛ́ á zii bũ ka nɛ, a bɛ́ màn mɛn koɛ a minin manɛ, a din a wɔlɔ fúlu kɛ nɛ, a die a toa ka kaa wɔ gii yɛ bɛ nɛ.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Kolɔɔsi minin 1:5

Ka foo bɛ́ doa-n màn mɛn ganaa lon, ka n ka bɛa foo-doa lɛ yɛ ka Boo Tii Kɔɔ̃n barka nɛ, ǹ mɛn bɛ́ sonbore boo lɛa. Ka n ka saa lɛlɛ ka bɛ lɛ ma.

Kolɔɔsi minin 2:2

Man giɛ li máa ka foo tãbaa yɛ, ka kaa kun taãn-taãnɛ kɔn-narɛɛ gɔ́ɔ̃ nɛ. Man giɛ li máa ka sii-doɛ̃ sonbore yɛ parsiini, là bɛ́ sii-doɛ̃ mɛn nɛ, Lawa din duru á daa dɔ pelo ganaa, bɛ giala, mà *Krita din.

Kolɔɔsi minin 3:15

Krita dinsɔɔ̃ n boe la, a toa minin nə goã kun là nyantoro la. Ka n doa ka bɛa là nyantoro kɛ lɛ tamaa ka foo ne, a giala, a na á ka bíi bɛ lɛ a lɛa, ka goã kun ka gɔ̀nɔn goon toto bɛ́ lɔn. Ka toa ka bǐɛ̃ dɔ̃ Lawa nɛ.

Tesaloniki1 2:12

Wɔ́ ka gù kaa, wɔ́ ka foo taã. Wɔ́ ka nyankɔ parsiini, wáa ka tɔ wɔ a kɔnpɛ ka Lawa foo sii ni, asɛ mɛn bɛ́ lɛ diɛ ka la, mà ka gii yɛ a kiibaa ǹ bǎã laanka a gugurubaa kɛ nɛ.

Tesaloniki1 5:8

Sɛnɛ, wɔsɛn mɛnɛn bɛ́ tɔ we penleen ne, wɔ toa wɔ yii goã kɔɔ̃nɛ. Golee Lawa li laanka kɔn-narɛɛ doamaa nɛ a goã wɔ lon, bɛ wɔ tamaa ka zia-baali a dɔnkɛ bɛ́ tamaɛ lɔn; foo-doa mɛn bɛ́ wɔ lon wáa wɔ á die kirisibaa yii, bɛ dɔ́ goã wɔ lon ka zia-baali a bafolo bɛ́ goɛ̃ a mìi-a lɔn.

Tesaloniki2 1:11

Bɛ lɛ na á toa, wɔ á Lawa nyankoe kaa lɛa baraabaraa, màn mɛn bɛ́ toɛ, wɔa Lawa lɛ mɛn dia ka la, a ka yɛ ǹ dɛnan lɛa. Ka bɛ́ li mà ka sii sonbore mɛn tumaa zɛnaa, wɔ na a nyankoe wáa a din na a zɛnaa ǹ pàã kɔ ka la, a toa kaa goleemali na a nya ǹ dí nya ka a din pàã nɛ.

Tesaloniki2 2:16

Wɔ Di Lawa wɔ narɛ, á bǐɛ̃ kɔ wɔ ganaa á foo-doa kaka kɔ wɔ la, ka bɛ nɛ, á wɔ foo taã biɛ̃ ǹ taman yii.

Timote1 6:12

N doa n yɔ bɔ sɔnbɔraanɛ goleemali lɛ a lɛa, n nyin nyabaã yɛ. A giala, Lawa na á n bíi bɛ lɛ taman yii, ka n din bɛ́ n nyaa, n goleemali boo pɛ sonbore lɛ-n lɔn, siére gigiã yɔrɔ-a.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Tiitii 3:7

Bɛ na á n zɛnaa, màn mɛn bɛ́ toɛ, a bǐɛ̃ kɛ wɔ baa min peperen lɛa a din yɔrɔ-a. Wɔ bɛ́ n yiri koɛ nyin-nyabaã wole mɛn ganaa, wɔ boo la wɔ bɛ yɛ.

Ebrəə 10:32

Ka n yiri gisĩ kaa giala-kɔ nɛ. Bɛa biikoon li, kaa Lawa a wɔlɔ fúlu yɛ lɛ kio, ka fuu gigiã yɛ, ka sii si ka ganaa.

Ebrəə 6:4

Min mɛnɛn nə goleemali wɔ, ǹ nə́ wusoo ǹ nə́ n piã ka goleemali ni, bɛn ba boe la, ǹ wusoo ǹ sii baraan kio doo wa. Ǹ nə́ goã ǹ nə́ wɔ wɔlɔ fúlu li, ǹ nə́ Lawa a lon a bǐɛ̃baa ǹ màn kɛ nɛ̀n da, ǹ nə́ Yiri Fu yɛ.

Piɛrɛ1 1:3

Ka daa wɔ barka da Lawa nɛ, wɔa Dɛnaa Yezu Krita n Di Lawa nɛ! Lawa din a bǐɛ̃baa gole kɛ taman yii, á yiikoonaabaa dii kɔ wɔ la, a n foo-doa sonbore dɔ koe wɔ la. Bɛa foo-doa kɛ lɛ giala n we-n Yezu Krita a yii kaa a bɔ geren bii kɛ ganaa.

Piɛrɛ1 3:9

Bɛ̀ min sii baraa zɛnaa ka nɛ ka baran a dòo saraa ka baraa-n wa. Bɛ̀ min sɔ kɔ ka ganaa, ka baran a dòo saraa ka sɔ-n wa. Sɛnɛ, Lawa na á ka bíi, mà ka Lawa bǐɛ̃ bíi ǹ li, bɛ kio kəni, a din tá re bǐɛ̃ zɛnɛɛ ka nɛ.

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.