Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efɛɛzi minin 1:17 - LAWA A BOO SONBORE

17 Wɔa Dɛnaa Yezu Krita a Lawa, Díi mɛn bɛ́ gugurubaa ná a wɔ lɛa, bɛ die a Yiri Fu kɔ ka la, bɛ Lawa nyaa ka nɛ, ka boo la ka dɔ̃ taãnɛ.

အခန်းကိုကြည့်ပါ။ ကော်ပီ

LAWA A BOO SONBORE 2011

17 Wɔa Dɛnaa Yezu Krita a Lawa, Díi mɛn bɛ́ gugurubaa ná a wɔ lɛa, bɛ die a Yiri Fu kɔ ka la, bɛ Lawa nyaa ka nɛ, ka boo la ka dɔ̃ taãnɛ.

အခန်းကိုကြည့်ပါ။ ကော်ပီ




Efɛɛzi minin 1:17
56 ပူးပေါင်းရင်းမြစ်များ  

Man má goã n boo miɛ ka ma too ne. Sɛnɛ sisia, ma din yii nə́ n yɛ.


Die n ka bɛa kii gole kɛ lɛ nɛ? Dɛnaa Lawa Pàãyiidɛnaa kɛ lɛ nɛ, a din lɛ n kii gole lɛ lɛa.


Ka sumu a kiɛnlɛn lɛn bũ duduu! Ka kion a kiɛnlɛ taãnan lɛn dɔn bũ duduu, ń giɛ kii gole lɛ á die we a kion.


Dɛnaa Lawa lɛn tá boe mu la, Lawa guguru lɛ á gini mu la, Dɛnaa Lawa din nə kɔ̀ mu dadaran kɛn mìi la.


Ma din sii-doɛ̃ kɔ min mɛnɛn la, n dɔ boo da bɛa sii-dɔ̃len kɛn lɛn nɛ. N pɛ ǹ nɛ, ǹ Aarɔn a mɔnaan lɛn zɛnaa, màn mɛn bɛ́ toɛ, Aarɔn lɛ nə n koa a gɔrɔn, a masɛ a dí nya.


Min yiridɛnaa n giɛ doɛ̃ li, sii-dɔ̃li too n zoɛ̃ li.


Bɛ̀ n bɛ tumaa zɛnaa, n tá re nyɛɛbaa Lawa-n giala miɛ, n tá re Lawa doɛ̃.


Dɛnaa Lawa Yiri n die goɛ̃ la: Yiridɛnaabaa laanka sii bɔbɔ kɔn lɛ ǹ yiri n die goɛ̃ a lon, daraa ka foo tãbaa ǹ yiri ni, Dɛnaa Lawa doɛ̃ laanka a guguru kɔ ǹ yiri ni.


Tɔrɔ kɔn bin ná a dìn lon kɔ? A da yaa, ǹ bie Lawa taãn lɛa wa. Sɛnɛ, maa zaman lɛ ná a gugurubaa lɛ lon kɔ ka màn kooron ne.


Ma á re toɛ ǹ dɔ̃ mà ma din ni Dɛnaa Lawa lɛa. Ǹ tá re n bɔyɛɛ ǹ masɛ wɔ baa ka ǹ foo din tumaa nɛ. Ǹ tá re maa zaman biɛ, masɛ dɔ á re ǹ Lawa biɛ.»


Min kɔn ba re ǹ miã hinlaa ǹ dɔɔ̃n darɛɛ a pɛ-n kɛnɛn wa: «Ka n daraa Dɛnaa Lawa doɛ̃ ganaa!» A giala, min tumaa á re ma doɛ̃. A kũ nɛnyaanan ganaa, a wo min zizin yaa. Ma á re ǹ sãn toɛ ǹ nɛ, ma yiri bɔ ka ǹ sii baraan nɛ. Dɛnaa Lawa a da ǹ boo ne.


Lɛawaa á re doe, Dɛnaa Lawa a da ǹ boo ne, min mɛnɛn tumaa bɛ́ ǹ nə́ n kuru, ma á re yui bɛn gialaa.


A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.


Maa Díi Lawa na á màn din tumaa sii toa ma gɔn. Min kɔ́n ba Nɛgiĩ doɛ̃ wa, bɛ̀ á n bɔ Díi dinsɔɔ̃ nɛ, min kɔ́n ba Díi doɛ̃ wa, bɛ̀ á n bɔ a Nɛgiĩ lɛ dinsɔɔ̃ laanka Nɛgiĩ lɛ bɛ́ li a nyaa min mɛn nɛ.


Yezu tɔ́n pɛ a dɔ nɛ: – Zonaasi a nɛgiĩ Simɔn ganaa, n wɔ na á bǐɛ̃ kɔ. A giala minbuiin nɛ bie á kɛ nyaa n nɛ wa, ma Di Lawa na á nyaa n nɛ.


Ǹ nə́ tɔ́n pɛ Yezu ni: «Wɔ n giɛ li n wɔ yiin bũ.»


Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]


A giala ka doamaa bɛ́ nɛ, ka màn mɛn da bɛa biikoo kɛ lɛ li, Yiri Fu á die bɛ nyɛɛ ka nɛ.»


«Lon màn tumaa Lawa guguru kɔ! A na a là nyantoro koe kanaa minin la, a giala, a tá ǹ narɛ.»


A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.


Yiri Fu mɛn bɛ́ sonbore pii, bɛ lɛ nɛ. Kanaa minin ba boe la ǹ lɛ kɔ a ganaa wa, a giala, ǹ yii ba a ganaa wa, ǹ ba doɛ̃ dɔn wa. Sɛnɛ, kasɛn kɛn tá doɛ̃, a giala, á giã nɛ ka li, á kun ka nɛ.


Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.


Maǹ die zɛnɛɛ miɛ̃, a giala, ǹ masɛ a Díi dɔ̃ wa, ǹ masɛ din dɔ dɔ̃ wa.


Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.


Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»


Ǹ goã boe la ǹ tá Itian naɛ ka boo-n wa, a giala, a na á goã boo diɛ ka sii-doɛ̃ nɛ, Lawa a Yiri Fu bɛ́ sii-doɛ̃ mɛn koe la.


Itian pɛ: – Ma dɔɔ̃nɔn laanka maa díin ni ka n too kɔ ma lon. Lawa mɛn bɛ́ gugurubaa ná a wɔ lɛa, bɛ na á n din nyaa wɔsɛn digolo Abrahamu ni, bɛ̀ a bɛ́ Mezopotamii gána nɛ, a ná a tɔn da giã Aaran wa.


Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.


Màn mɛn bɛ́ toɛ, ka wɔa Dɛnaa Yezu Krita n Di Lawa lɛ guguru kɔ, ka gɔ́ɔ̃ goon ne, ka lɛn goon ne.


Yiri Fu lɛ n boo da ka sii-doɛ̃-n koe min la, a boo da ka màn doɛ̃-n kɔ min kɔsɔ la.


Ma dɔɔ̃nɔn lɛn, man nɔ̀n diɛ ka la: bɛ̀ má daa ka li, má n boo diɛ ka nɛ ka bɔlɔ soree ne, ma là n ka wàa-n ka ganaa? Bɛ̀ maa boo lɛ sii-durii nyaa ka nɛ, a màn-doɛ̃ kɔ ka la wa, bɛ̀ a Lawa a sii nyaa ka nɛ wa, a daraa kɔ́n dɔ kɔ ka la wa, ma là ba ka ganaa wa.


Sɛnɛ, Lawa bɛa sii-durii kɛ lɛ nyaa wɔsɛn nɛ Yiri Fu pàã ganaa. Taãn nɛ, Yiri Fu dinsɔɔ̃ n boe la a ga sii ganaa a dɔ̃, haalɛ Lawa a sii mɛn bɛ́ durii-n zuzulu, á bɛ tumaa doɛ̃.


Kanaa kɛ a pàãdɛnaa kɔ́n bɛa yiri kɛ dɔ̃ wa. Bɛ̀ maǹ nə́ bɛ dɔ̃, wɔa Dɛnaa mɛn bɛ́ tɔ golebaa na a wɔ lɛa, bɛ̀ ǹ ba re bɛ dere gɔn ganaa wa.


Á kɔnboe man din kalaa, a laanɛ a siĩn wa. Sɛnɛ, Dɛnaa toa ma siin mɛnɛn yɛ, man die bɛn boo diɛ kanna.


Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.


Lɛlɛ, Lawa bɛa sii-durii kɛ lɛ nyaa minbuiinin ni wa. Sɛnɛ kanna, a din na á nyaa, Yezu a dia dí-a wole sonboren laanka Lawa a boo gii-dali sonboren nə́ dɔ̃, a din a Yiri Fu pàã ganaa.


Bɛa yɔrɔ kɛ lɛ la, wɔ tumaa á re goɛ̃ goon goleemali laanka Lawa a Nɛgiĩ doɛ̃ gɔ́ɔ̃ nɛ. Wɔ tumaa a min golebaa lɛ á re piɛ̃, wɔ n baa Krita din a kɔnboe taãnan lɛa.


Wɔsɛn mɛnɛn tumaa bɛ́ wɔ́ woo nyɛɛn goleemali gɔ́ɔ̃ nɛ, ka toa wɔa taasiɛ goã bɛa yɔrɔ goon kɛ la. Sɛnɛ, ta min tɛnɛn tá ka bii, ǹ nə́ n taasɛ ka yɔrɔ kɔsɔ nɛ, Lawa á re wɔlɔ fúlu kiɛ ka ganaa bɛn sii taman yii.


Min mɛnɛn bɛ́ a boo liere koe, a doamaa nɛ, a bɛn doroo ka sabarabaa nɛ. Kɔntan, Lawa á die n doe ǹ lɛ, ǹ wusoo ǹ zɛnaa ǹ siin kio, ǹ sonbore dɔ̃.


Masɛ Pooli n Lawa a bɛ̀rɛ lɛa, Yezu *Krita a dia dí-a wole lɛa. Dí na á n kɔ ma la, mà Lawa min mɛnɛn bɔ, mà man dɔ bɛn lɛ ǹ goleemali yɛ. Wɔa Lawa a zii bɛ́ minin darɛɛ sonbore mɛn ganaa, mà ma bɛ nyaa ǹ nɛ,


Ma dɔɔ̃nɔn lɛn, goleemali mɛn bɛ́ ka lon wɔa Dɛnaa Yezu *Krita nɛ, gugurubaa bɛ́ asɛ mɛn nɛ, ka baran n toa bɛ gɔ́ɔ̃ nɛ, ka minin bɔkɔnlɛ wɔ wa.


Sonbore ne, wɔ laadoo bɛ́ màn mɛn tumaa ganaa, wɔ boo la wɔ tɔ wɔ ka nyɛ́ɛbaa Lawa yii-n ni, Dɛnaa na á bɛ kɔ wɔ la ka a din pàã nɛ. Wɔ n bɛ tumaa yii, bɛ̀ wɔ á Dɛnaa doɛ̃, asɛ mɛn bɛ́ á wɔ bíi, wɔ́ daa a ganaa, ka a din a gugurubaa laanka a sonborebaa barka nɛ.


Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.


Ǹ nə́ goã pii: «Taarɛ! A n miɛ̃! Tɔ-bɔ nɛ, ka guguru-kɔ nɛ, sii-doɛ̃ nɛ, ka bǐɛ̃-doɛ̃ nɛ, tɔ gole kɔ nɛ, pàãdɛnaabaa nɛ, ka kakabaa nɛ, bɛn man wɔa Lawa wɔn lɛa baraabaraa yǎa duduu! A n miɛ̃.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ