Ebrəə 7:26 - LAWA A BOO SONBORE

²⁶ Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

LAWA A BOO SONBORE 2011

²⁶ Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Ebrəə 7:26 ပူးပေါင်းရင်းမြစ်များ

Loen 68:18

Lawa a ziabaa ǹ wotoron lɛn man duu gigiã. Dɛnaa Lawa na á yoo Sinayii kele la ka bɛn lɛn nɛ, á daa bǎã sonbore lɛ nɛ.

Bɔ bɛ̀rɛbaa nɛ 28:36

«Bɛ kio doo, n nyaǹ màn zɛnaa ka sana yoreen yoreen ne, ka da buu bɛ́ lɔn, ń kiɛ̃ a ganaa ka ǹ bɛ́ gòã-kurii diɛ màn ganaa lɔn, mà "Kɛ n Dɛnaa wɔ lɛa."

Izayii 53:9

Ǹ nə́ bĩ kun ka min baraan nɛ, a yala n kun ka pàãman nɛ. A da yaa dɔn, a kakaarɛbaa sii kɔ́n zɛnaa wa, boo kɔkɔrɔ kɔ́n bɔ a lɛ-n wa.

Ezekieli 44:27

A bɛ́ re we Lawa a kion lɛ a sumu gɔ́ɔ̃ kɛ nɛ ǹ mɛn pinaa mà a n dí nyɛɛ a nɛ, a màn dɛ sii baraa sawaa ǹ wúlu màn lɛa. Ma din Dɛnaa Lawa a da ǹ boo ne.

Matiə 27:18

A giala Pilati dɔ̃ parsiini, mà foo a wuu pɛ na á toa ǹ nə́ Yezu wɔ asɛ gɔn.

Marki 16:19

Wɔa Dɛnaa Yezu bɛ́ á boo da á nya ǹ mɛn waáraa, Lawa saa á woo-n lon ne, á woo giã a din gusin.

Luku 1:35

Lon a dia dí-a wole lɛ tɔ́n na a lɛ si á pɛ: «Lawa a Yiri Fu n die gisĩ n la, Lon a Lawa gole n die a din pàã gisĩ n la. Bɛ lɛ taman yii, n bɛ́ die nɛ mɛn yii, maǹ die bíi "Lawa wɔ", ka bɛ dɔ-n doo "Lawa a Nɛgiĩ".

Luku 23:22

Pilati wusoo a gunyin sɔɔbaa ǹ wɔ nɛ, á pɛ ǹ nɛ: «Giĩ kɛ lɛ na á wàa sii baraa zɛnaa? Masɛ sii yɛ a ganaa á n gɛ̀ dɔlɔ boe wa. Man die pii ǹ duwəə, ǹ nə n gɔn bɔ a ganaa.»

Luku 23:41

Wɔsɛn wɔ na a zii li le! Wɔsɛn man wɔa nya ǹ dí a mìi gɔ́ɔ̃ ǹ sii yii. Sɛnɛ, giĩ kɛ sii baraa kɔ́n zɛnaa wa.»

Luku 23:47

Sɔraasin goledɛnaa lɛ bɛ́ á bɛa sii kɛ lɛ yɛ, á Lawa guguru kɔ bɛ̀ á n pii: «Liere ba a-n wa, giĩ kɛ na á goã min pepere lɛa!»

Luku 24:26

Ka a doɛ̃, mà Nyin-sili lɛ doamaa nɛ, a bɛa fuu kɛ lɛ tumaa yɛ, a tɔn wo giã a din a gugurubaa ǹ bǎã kɛ-n wa?»

Luku 24:46

Á pɛ ǹ nɛ: «Màn mɛn nə n kiɛ̃ bɛ á ke: Minin Nyin-sili lɛ n die fuu yii, sɛnɛ, a gɛ̀ lɛawaa sɔɔbaa ǹ wɔ pinaa, a yii á re kiɛ a n bɔ geren bii.

Zaã a sɛ́wɔ 14:30

Ma a die boo gigiã diɛ ka nɛ kɛ kio doo wa, a giala, kanaa lɛ a mìilandɛnaa lɛ á die. A wɔlɔ yii masɛ wɔ ganaa wa,

Zaã a sɛ́wɔ 8:29

Min mɛn ma dia, a tá kun ka ma nɛ. A ma toa ma dinsɔɔ̃ wa, a giala, ma tá a foo sii zɛnɛɛ biikoo tumaa waáraa.»

Nya ǹ dín 3:14

Ka n piã ka Lawa din "wɔ" kɛ lɛ nɛ, min pepere kɛ lɛ, ká a nyankɔ mà ǹ gɛ̀-dɛle da ǹ bɔ kòso-n.

Nya ǹ dín 4:27

Sonbore, maǹ nə́ n lɛ kaa kun taãn-taãnɛ, Zeruzalɛmu kiwi kɛ lɛ nɛ, kii Erɔdi laanka kii gole Pɔnsi Pilati ni, kun ka tɔrɔ kɔsɔn laanka Izirayeli minin ni, ǹ nə́ n gòãn doa Yezu-a, Lawa din a dí-nyali sonbore ke, á bɔ a dí a lɛa.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 2:10

Sonbore, Lawa din na á màn tumaa zɛnaa, a din dɔ n màn tumaa tamaɛ. A na á goã giɛ li, mà a nɛnyaan gigiã dɔ a din a kiibaa guguru bǎã kɛ nɛ. Bɛ lɛ nɛ á zɛnaa, Yezu mɛn nə ǹ nyɛɛnaan bɔ kirisibaa ǹ zii lɛ la, bɛa sii tumaa lɛ pã fuu gɔ́ɔ̃ nɛ. Bɛ na á kɔnpɛ ka Lawa din sɔ̀n nɛ.

Ebrəə 2:17

Bɛ lɛ na á toa, á n din baa ka n dɔɔ̃n minbuiin nɛn bɛ́ lɔn yɔrɔ tumaa la, màn mɛn bɛ́ toɛ, a n baa wúlu-bɔlen kiã lɛa, á n makara doɛ̃ a dí kɛ nɛ Lawa yɔrɔ-a, a minin sii baraa tuturu.

Ebrəə 3:1

Bɛ lɛ taman yii, ma dɔɔ̃nɔn lɛn, ka ǹ Lawa wɔn lɛa, a din na á ka dɔn bíi. Ka ga Yezu lɛ ganaa, Lawa min mɛn dia, á daa n baa wɔa goleemali lɛ a wúlu-bɔlen kiã lɛa, wɔ bɛ́ pii wáa wɔ́ lɛ kɔ goleemali mɛn ganaa ke lɛn.

Ebrəə 7:11

Lawa na a dí-pɛn mɛnɛn kɔ Izirayeli tɔrɔ minin la, bɛn giala wɔ ǹ bǎã na á goã ka *Levii tɔrɔn wúlu-bɔlebaa nɛ. Sii mɛn doamaa bɛ́ nɛ a n zɛnaa, bɛ̀ Levii tɔrɔn wúlu bɔ lɛ na a boo la, á bɛ zɛnaa yǎa a lɛ pã wa. Bɛ̀ a na á baa miɛ̃, bɛ̀ mìi ba wúlu-bɔle tɔrɔ kɔsɔ a daa la wa. Wúlu-bɔle mɛn bɛ́ ka Mɛlkizedɛki bɛ́ lɔn, a ná a ba kɔnboe ka Aarɔn nɛ wa.

Ebrəə 8:1

Ma bɛ́ boo mɛn diɛ, a gugurubaa ǹ bǎã n ka kɛ nɛ: Bɛa wúlu-bɔlen kiã kɛ lɛ tɔrɔ n wɔ lon, á n giã-n Lawa gole siĩn kɛ a kii dankan gusin lon gɔ́ɔ̃ nɛ.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Piɛrɛ1 1:19

Sɛnɛ, Lawa na á ka bɔ bɛ nɛ ka Krita mà kɛ barka nɛ, mà mɛn bɛ́ soɛ màn tumaa nɛ. Bɛa Krita lɛ na á gã ka sère nɛ bɛ́ lɔn, wɔ̀lɔ̀ laanka gɔ̀ ná a ba-a wa, bɛ̀ ǹ dɛ *wúlu màn lɛa.

Piɛrɛ1 2:22

Asɛ sii baraa zɛnaa wa, boo kɔkɔrɔ kɔ́n bɔ a lɛ-n wa.

Piɛrɛ1 3:22

Yezu Krita lɛ woo lon dɔn, á giã-n Lawa gusin. Lon a dia dí-a wolen ne, ka lon màn goledɛnan laanka a pàãdɛnan tumaa na a din lɛ bɔlɔ sii.

Zaã1 2:2

A din na á n din baa *wúlu màn lɛa, ń giɛ, wɔsɛn sii baraan tá n toɛ wɔ nɛ. Wɔsɛn dininsɔɔ̃nɔn wɔn lɛa bie wa, sɛnɛ kanaa din tumaa wɔn lɛa nɛ.

Zaã1 3:5

Sɛnɛ, ka á doɛ̃, mà Krita na á daa minbuiinin sii baraan bɔ ǹ ganaa, sii baraa kɔ́n ná a ba a din li wa.

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: «Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke: