Ebrəə 7:19 - LAWA A BOO SONBORE

¹⁹ Sonbore, Muizu a Dí-pɛn lɛn nə pàã kɔ minin la, ǹ nə́ sii kɔ́n zɛnaa, ǹ ná a lɛ pã wa. Sɛnɛ, wɔa foo-doa yɔrɔ bɛ́ dia-n màn mɛn la kanna, bɛ á soɛ wɔa lɛlɛ a foo-doa ǹ wɔ kɛ nɛ. Wɔ ǹ boe la, wɔ n mɔrɔ Lawa ganaa ka bɛ barka nɛ.

LAWA A BOO SONBORE 2011

¹⁹ Sonbore, Muizu a Dí-pɛn lɛn nə pàã kɔ minin la, ǹ nə́ sii kɔ́n zɛnaa, ǹ ná a lɛ pã wa. Sɛnɛ, wɔa foo-doa yɔrɔ bɛ́ dia-n màn mɛn la kanna, bɛ á soɛ wɔa lɛlɛ a foo-doa ǹ wɔ kɛ nɛ. Wɔ ǹ boe la, wɔ n mɔrɔ Lawa ganaa ka bɛ barka nɛ.

Ebrəə 7:19 ပူးပေါင်းရင်းမြစ်များ

Loen 73:28

Lawa, masɛ goã kun ka n din ni, maa là n ka bɛ nɛ. Man má kaa n din yele, Dɛnaa Lawa. Man zoɛ̃ li máa ma n nya ǹ dín laakalaa.

Busii pɛ 3:57

Ma bɛ́ ma lɛ dia n la, n nə́ n zɔ̃ n dɔ, n pɛ ma nɛ: «Nyɛ́ɛ nyan nə n kũ wa.»

Zaã a sɛ́wɔ 1:17

Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

Zaã a sɛ́wɔ 14:6

Yezu pɛ nɛ: «Masɛ din nə zii lɛa, sonbore lɛa, yiikoonaabaa lɛa. Min kɔ́n ba woe Díi Lawa li, bɛ̀ a ná a kɔ masɛ lɛ wa.

Nya ǹ dín 13:39

Sɛnɛ, bɛ̀ ka golee Yezu li, Lawa á die kaa sii baraan tumaa toɛ ka nɛ.

Rɔmu minin 5:2

A giala, a na á zii bũ wɔ nɛ, wɔ́ boo la wɔ́ n mɔrɔ Lawa a bǐɛ̃baa lɛ ganaa. Wɔ n wɔ́ lɛ kɔ bɛa bǐɛ̃ lɛ ganaa, golee Yezu li barka nɛ, wɔ na a din bǐɛ̃ kɛ lɛ gɔ́ɔ̃ nɛ, haalɛ ka pelo yii ni. Sisia kəni, wɔ foo á kɔɔ̃nɛ, a giala, wɔ á waa-n la, wáa Lawa á re toɛ wɔ wɔa wɔ gii yɛ a din a gugurubaa kɛ nɛ.

Rɔmu minin 7:7

Wɔ ǹ die pii mà wàa kəni? Mà dí-pɛn man màn baraa lɛa? Haayii dɛ! Sɛnɛ, wɔ ǹ wɔ́ sii baraa dɔ̃ dí-pɛn barka nɛ. Bɛ̀ dí-pɛn bie ǹ nə́ pɛ mà «n yii baran bɔ min kɔsɔ gɔn màn kɔn li wa», bɛ̀ wɔ a yii bɔ min kɔsɔ gɔn màn li doɛ̃ sii baraa lɛa wa.

Rɔmu minin 8:3

Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.

Galaasi minin 2:16

Sɛnɛ, wɔ á doɛ̃ wáa Lawa n lɛ koe min ganaa min pepere lɛa, a golee Yezu Krita li barka nɛ. A bie lɛ koe min ganaa Muizu a dí-pɛn zɛnaan lɛa wa. Wɔsɛn dɔn man wɔ golee Yezu Krita li, màn mɛn bɛ́ toɛ, Lawa lɛ kɔ wɔ ganaa min peperen lɛa, wɔa golee Krita li taman yii. Sɛnɛ, wɔa dí-pɛn sii zɛnaan taman yii bie wa. A giala, Lawa a lɛ koe min kɔ́n ganaa min pepere lɛa, dí-pɛn sii zɛnaan lɛa wa.

Galaasi minin 3:21

Dí-pɛn lɛn man zia biɛ kɔn ka Lawa a lɛ-kɔ kɛ-n kəni? Haayii, ǹ ba zia biɛ kɔn wa! Sonbore, dí-pɛn nə́ n kɔ. Bɛ̀ pàã nə ǹ lon ǹ nə́ nyin nyabaã koe minbuiinin la, bɛ̀ min tá boe la, a pepere kɔ Lawa yɔrɔ-a ǹ pàã ganaa.

Galaasi minin 3:24

Bɛa yɔrɔ kɛ lɛ la kəni, dí-pɛn lɛn man nə́ goã wɔ lɛduə̃li lɛa. Wɔ n wɔ́ goã n yii diɛ Krita a daa la, ń giɛ wɔ á min peperen biɛ Lawa yɔrɔ-a wɔa goleemali a lɛa.

Efɛɛzi minin 3:12

Wɔ bɛ́ kun ka Krita nɛ, wɔ́ n golee-n a din li, nyɛ́ɛ baran wɔ kũ doo wa. Wɔ á boe la wɔ wo Lawa yɔrɔ-a ka foo tãbaa nɛ.

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Timote1 1:1

Masɛ Pooli n Yezu *Krita a dia dí-a wole lɛa. Bɛ na á kɔnpɛ ka wɔ Kirisibaali Lawa laanka wɔ foo doamaa wole Yezu Krita a dí-pɛ nɛ.

Ebrəə 10:1

Ǹ goã n yii diɛ bǐɛ̃n mɛnɛn la, di-pɛ lɛ n bɛa kɔnboe nuùnaà nyɛɛ, a bie bɛa sii lɛ din taãn kɛ lɛa wa. Lɛ̀ woo lɛ̀, wúlu mànan manə n boe. Min mɛnɛn bɛ́ n mɔrɛ Lawa ganaa, di-pɛ lɛ n boe la, a bɛn baa min lɛ-piɛ̃n lɛa lɔn ka wúlu mànan kɛn barka nɛ?

Ebrəə 11:40

A giala, Lawa na á màn sonbore kɔ́n yɔrɔ bɔ wɔsɛn wɔ lɛa. A goã giɛ li, mà bɛa minin kɛn lɛn nə min lɛ-piɛ̃n baa wɔsɛn baã wa.

Ebrəə 11:6

A da yaa, bɛ̀ golee Lawa li bie wa, min kɔ́n ba boe la, a kɔɔ̃n kɔ Lawa ganaa wa. Sonbore, bɛ̀ min mɛn tá n mɔrɛ Lawa ganaa, bɛ doamaa nɛ a dɔ̃, mà Lawa lɛ tan, mà a n toɛ a gamali wolen nə yɛ.

Ebrəə 3:6

Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

Ebrəə 4:16

Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.

Ebrəə 6:18

A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.

Ebrəə 7:11

Lawa na a dí-pɛn mɛnɛn kɔ Izirayeli tɔrɔ minin la, bɛn giala wɔ ǹ bǎã na á goã ka *Levii tɔrɔn wúlu-bɔlebaa nɛ. Sii mɛn doamaa bɛ́ nɛ a n zɛnaa, bɛ̀ Levii tɔrɔn wúlu bɔ lɛ na a boo la, á bɛ zɛnaa yǎa a lɛ pã wa. Bɛ̀ a na á baa miɛ̃, bɛ̀ mìi ba wúlu-bɔle tɔrɔ kɔsɔ a daa la wa. Wúlu-bɔle mɛn bɛ́ ka Mɛlkizedɛki bɛ́ lɔn, a ná a ba kɔnboe ka Aarɔn nɛ wa.

Ebrəə 7:20

Ka bɛ dɔ-n doo, Lawa din na á n liɛ, bɛa sii lɛ a zɛnaa gɔ́ɔ̃ nɛ. Gialakunun kɛn bɛ́ wúlu-bɔlen biɛ, bɛ miã liɛ kɛ yɛ wa.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Ebrəə 8:6

Sonbore, dí mɛn nə n kɔ Yezu lɛ sɛ la, bɛ á gole á la kɛ-n lenlen. A giala, a din na á lɛ kɔ kɔn la sonbore sonbore kɛ a zɛlɛ baa, wɔ laanka Lawa bii ni, lɛ kɔ kɔn la mɛn giala bɛ́ we-n Lawa a lɛ-kɔ ǹ boo sonbore sonboren la.

Ebrəə 9:9

Bɛ n sii a kɔnboe lɛa, á n boo diɛ sisia a biikoo kɛ wɔ gɔn la. Bɛ giala, mà ǹ bɛ́ Lawa gɔ ǹ mànan kɛn laanka wúlu mànan mɛnɛn dii, ǹ tá ǹ koe Lawa la, mà bɛn ba boe la, ǹ tá a zɛnaali foo wɛɛ ǹ tá a lɛ piɛ̃ wa.

Zaaki 4:8

Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!