Ebrəə 5:14 - LAWA A BOO SONBORE

¹⁴ Sɛnɛ, min golen sɛn, màn-bii kaka nə ǹsɛn wɔ lɛa. Baraabaraa a sii-zɛnaa nə́ ǹsɛn daraa, sii bǐɛ̃ laanka a baraa dɔ̃ a bɔkɔnlɛ ganaa.

LAWA A BOO SONBORE 2011

¹⁴ Sɛnɛ, min golen sɛn, màn-bii kaka nə ǹsɛn wɔ lɛa. Baraabaraa a sii-zɛnaa nə́ ǹsɛn daraa, sii bǐɛ̃ laanka a baraa dɔ̃ a bɔkɔnlɛ ganaa.

Ebrəə 5:14 ပူးပေါင်းရင်းမြစ်များ

Siin Giala 3:5

Sɛnɛ, Lawa á doɛ̃, mà bɛ̀ ka bii ǹ mɛn pinaa, ka yii á re toɛ̃, ka á re n biɛ ka Lawa din bɛ́ lɔn, ka sii bǐɛ̃ laanka a baraa dɔ̃.»

Samayeli2 14:17

Bɛ lɛ n ke má tɔ́n pɛ ma din gɔ́ɔ̃ nɛ: «Lawa die a toa maa dɛnaagiĩ kii a boo lɛ yii-nyɛɛ kɔ ma la. A giala, maa dɛnaagiĩ n goon ka Lawa a lon a dia dí-a wole bɛ́ lɔn.» A tá sii bǐɛ̃ laanka a baraa a bɔkɔnlɛ doɛ̃. Dɛnaa Lawa mɛn bɛ́ a Lawa lɛa, Bɛ die a n dɔ lɛ.

Kiin1 3:11

Lawa tɔ́n pɛ Salomɔn nɛ: «N bɛ́ nə bɛ lɛ nyankɔ, n nyín sasa nyan kɔ n din wɔ lɛa wa, n pàãmabaa hinlaa n zɔ́ɔn gɛ̀ nyan kɔ wa, yǎa yiridɛnaabaa ke, ń ná a nyankɔ, màn mɛn bɛ́ toɛ n zaman lɛ nyɛɛnaan bɔ doɛ̃.

Kiin1 3:9

Bɛ lɛ nɛ, sii giala ma ǹ yiri kɔ n dí-nyali lɛ la, màn mɛn bɛ́ toɛ a nə n zaman lɛ a sii yɔrɔ bɔ nɛ, a sii baraa laanka sii bǐɛ̃ bɔkɔnlɛ dɔ̃. Bɛ bie wa, die n boe la a n zaman lɛ nyɛɛnaan bɔ, bɛa zaman didi kɛ lɛ?»

Zɔbu 12:11

Maǹ pii mà too n boo a bɔkɔnlɛ doɛ̃, ka lɛwɔn bɛ́ màn-bii a bɔkɔnlɛ doɛ̃ lɔn.

Zɔbu 34:3

A giala, too n boo a kɔɔ̃nbaa doɛ̃, ka lɛwɔn dɔ á ke màn-bii a kɔɔ̃nbaa doɛ̃ lɔn.

Zɔbu 6:30

Soɛ soo ma lɛ-n ya? Ma lɛ a boo baraa bɔkɔnlɛ doɛ̃ wa?

Loen 119:103

N lɛ kɔ ǹ boon lɛn tá kɔɔ̃n ma lɛ-n parsiini. Ǹ tá paparɛ ma lɛ-n ǹ nə́ la zoo ne.

Loe kɔɔ̃n kɔɔ̃n 1:3

á soɛ n nyɔɔn kɛn gìĩ ni. N tɔ nə́ n da wɔlɔ la ka nyɔɔ gìĩ kɔɔ̃n bɛ́ lɔn. Bɛ lɛ din taãn nə ke toɛ, nɛnɛn yii á boe n li.

Loe kɔɔ̃n kɔɔ̃n 2:3

Ka da bɛ́ lɔn, a nɛ n kɔɔ̃nɛ á la ǹ miãn wɔ nɛ, ma din foo dùũ wɔ lɛ dɔ n soɛ tɔntɔraa gialakunun kɛn man miɛ̃. A wúlu a giã á kɔɔ̃n ma ganaa, a nɛ kɔɔ̃n kɛ dɔ á kɔɔ̃n ma lɛ-n.

Izayii 7:15

Maǹ die toe ka nàari laanka zoo nyɔɔ nɛ, yǎa a sii baraa laanka sii sonbore bɔ kɔnlɛ doɛ̃.

Matiə 5:48

Bɛ lɛ taman yii, ka toa ka lɛ pã ka ka Di Lawa lɛ bɛ́ piɛ̃-n lɔn.

Rɔmu minin 14:1

Min mɛn pàã bɛ́ kiɛɛrɛ golee Lawa li gɔ́ɔ̃ nɛ, ka lɛ kɔ a ganaa, ka baran liere kɔ a taasiɛn wɔ gɔn la wa.

Korɛnti1 2:6

A laanka bɛ nɛ, kaa min mɛnɛn yii fulu Lawa a zii gɔ́ɔ̃ nɛ, man má goã sii-doɛ̃ sii nyɛɛ bɛn manɛ. Sɛnɛ, kanaa kɛ a sii-doɛ̃ sii bie wa, pàãdɛnan mɛnɛn dɔn bɛ́ kanaa kɛ gɔ́ɔ̃ nɛ, ǹ nə́ ǹ tan ziziɛ̃ a lɛa, bɛn yiri kɛ dɔ bie wa.

Efɛɛzi minin 1:18

A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

Efɛɛzi minin 4:13

Bɛa yɔrɔ kɛ lɛ la, wɔ tumaa á re goɛ̃ goon goleemali laanka Lawa a Nɛgiĩ doɛ̃ gɔ́ɔ̃ nɛ. Wɔ tumaa a min golebaa lɛ á re piɛ̃, wɔ n baa Krita din a kɔnboe taãnan lɛa.

Filipi minin 3:15

Wɔsɛn mɛnɛn tumaa bɛ́ wɔ́ woo nyɛɛn goleemali gɔ́ɔ̃ nɛ, ka toa wɔa taasiɛ goã bɛa yɔrɔ goon kɛ la. Sɛnɛ, ta min tɛnɛn tá ka bii, ǹ nə́ n taasɛ ka yɔrɔ kɔsɔ nɛ, Lawa á re wɔlɔ fúlu kiɛ ka ganaa bɛn sii taman yii.

Tesaloniki1 5:21

Sɛnɛ, ka ga sii tumaa ganaa doɛ̃, ka a bɔkɔnlɛ wɔ; ǹ mɛn bɛ́ siĩni ka lɛ kɔ bɛ ganaa.

Timote1 4:7

Sɛnɛ, yii wɔ Lawa la ǹ boo zizin kɛn, boo kooron lɛa, n piã ka bɛn nɛ. N daraa nyɛ́ɛ baa Lawa n ganaa, bɛ á soɛ.

Ebrəə 6:1

Haya, ka daa, daraa giala kɔ ǹ bǎã siin kɛn *Krita wɔ gɔn la, wɔ bɛn na wɔ wo nyɛɛnɛ, wɔ dɔ daraa ǹ sii dadaran ganaa. Ka daa wɔ baran golee giala wɔ ǹ siin kɛn daraa la doo wa: Wusoo zɛnaa ǹ sii kooron kio n golee Lawa li ni,

Zaaki 3:2

Wɔ tumaa á siɛ̃ yɔrɔ gigiã la. Min mɛn bɛ́ a siɛ̃ a da ǹ boo gɔ́ɔ̃-n wa, bɛa dɛnaa a minbuiinbaa lɛ na á pã, á boe la a n din kũ ka sii tumaa nɛ.