Ebrəə 2:17 - LAWA A BOO SONBORE

¹⁷ Bɛ lɛ na á toa, á n din baa ka n dɔɔ̃n minbuiin nɛn bɛ́ lɔn yɔrɔ tumaa la, màn mɛn bɛ́ toɛ, a n baa wúlu-bɔlen kiã lɛa, á n makara doɛ̃ a dí kɛ nɛ Lawa yɔrɔ-a, a minin sii baraa tuturu.

LAWA A BOO SONBORE 2011

¹⁷ Bɛ lɛ na á toa, á n din baa ka n dɔɔ̃n minbuiin nɛn bɛ́ lɔn yɔrɔ tumaa la, màn mɛn bɛ́ toɛ, a n baa wúlu-bɔlen kiã lɛa, á n makara doɛ̃ a dí kɛ nɛ Lawa yɔrɔ-a, a minin sii baraa tuturu.

Ebrəə 2:17 ပူးပေါင်းရင်းမြစ်များ

KZS2 29:24

Lawa a wúlu-bɔlen nə́ tɔn nə ǹ bɔlɔ kuru, ǹ nə́ ǹ mà kaa wúlu bɔ ǹ bǎã lɛ la, màn mɛn bɛ́ toɛ Izirayeli tumaa a sii baraan nə n toa nɛ. Bɛ lɛ nɛ kii lɛ pɛ mà ǹ *wúlu màn tiɛ̃ laanka sii baraa sawaa ǹ wúlu bɔ zaman lɛ tumaa wɔ lɛa.

Izayii 11:5

A n die n binbin kuĩ ka peperebaa nɛ a n binbin yii ka bɔlɔgoondɛnaabaa nɛ.

Ezekieli 45:15

Izirayeli tɔrɔn lɛn tɔɔn bii, sère hinlaa bòe biɛpaa (200) bii, ka goon bɔ, ka bɛ baa Lawa gɔ ǹ màn lɛa, hinlaa *wúlu màn tiɛ̃ lɛa, hinlaa zɔ́ɔ da Lawa nɛ ǹ wúlu màn lɛa, màn mɛn bɛ́ toɛ, Lawa zaman lɛ a sii baraan toa ǹ nɛ. Ma din Dɛnaa Lawa a da ǹ boo ne.

Ezekieli 45:17

Sonbore, wúlu màn tiɛ̃n kɛn nɛ, Lawa gɔ ǹ mànan laanka a gɔ ǹ duvɛ̃ kɛ nɛ, ǹ bɛ́ ǹ mɛnɛn koe la zɔ́nɔn biikoo li, mui dii zɔ́nɔn nɛ, *susu ǹ pii pinaan nɛ, Izirayeli tɔrɔn lɛn zɔ́nɔn tumaa a biikoo li. Goledɛnaa lɛ din doamaa nɛ a sii baraa sawaa ǹ wúlu kɛ a màn bɔ, Lawa gɔ ǹ wɔ nɛ, wúlu màn tiɛ̃ wɔ nɛ, zɔ́ɔ da Lawa nɛ ǹ wúlu wɔn nɛ, a Izirayeli tɔrɔn lɛn sii baraa sawaa ǹ wúlu bɔ ǹ nɛ.

Ezekieli 45:20

Bɛ̀ min mɛn sii baraa zɛnaa, sã lɛa a na a zɛnaa woon ma, hinlaa a na a dɔ̃ wa, mui lɛ a lɛawaa sɔbaabaa ǹ wɔ pinaa, ka zɛnaa miɛ̃ bɛ dɔ wɔ paǹ li. Bɛ̀ ka bɛ zɛnaa, ka á re gɔ̀ boe ka bɔ Lawa a kion lɛ dɔ ganaa.

Lawa a wúlu-bɔlen 14:18

Nyɔɔ lɛ a mɛn bɛ́ goɛ̃ a gɔn, a bɛ kaa gɔ̀ bɔ din ganaa wole lɛ mìi ni. Wúlu-bɔle lɛ doamaa nɛ a gɔ̀ bɔmaa ǹ wúlu lɛ bɔ a lɛa Dɛnaa Lawa yɔrɔ-a.

Lawa a wúlu-bɔlen 16:16

A *gɔ̀ bɔma-a ǹ landa zɛnaa bǎã sonbore sonbore kɛ a lɛa, a Izirayeli minin Lawa bɔlɔ tii siin kɛn gɔ̀ bɔ a bɔ ǹ ganaa. Bɛ giala, mà ǹ siin baraan lɛn tumaa. Kɔn yɛ ka Lawa nɛ ǹ kion mɛn bɛ́ bɛa gɔ̀dɛnan kɛn lɛn bii, ǹ na a din sii goon lɛ zɛnaa bɛ dɔ a lɛa.

Lawa a wúlu-bɔlen 8:15

Muizu tɔ́n na a bɔlɔ kuru, a ná a mà si. Á n gòon sã bɛa mà lɛ li, karan mɛnɛn tumaa bɛ́ wúlu bɔ ǹ bǎã lɛ gùrùn ganaa, á lɔ bɛn ganaa, a wúlu bɔ ǹ bǎã lɛ baa Lawa wɔ lɛa. Á mà lɛ a gialakun kaa tán wúlu bɔ ǹ bǎã lɛ genli màn mɛn bɛ́ toɛ a Lawa wɔ baa, ǹ boo la, ǹ sii baraa sawaa ǹ wúlu bɔ la.

Minin nimi 15:25

Lawa a wúlu-bɔle die a sii baraa sawaa ǹ wúlu bɔ Izirayeli zaman lɛ tumaa a lɛa, ǹ sii baraa á re n toɛ ǹ nɛ. A giala ǹ bie ǹ nə́ sii baraa lɛ zɛnaa woon wa, ka bɛ dɔ nɛ, ǹ nə́ daa ka ǹ Lawa gɔ ǹ màn nɛ Dɛnaa Lawa yɔrɔ-a, ka wúlu màn tiɛ̃n laanka ǹ sii baraa sawaa ǹ wúlu màn nɛ, ǹ sã lɛ taman yii.

Rɔmu minin 15:17

Bɛ lɛ na á toa, masɛ á boe la ma n din gole kɔ, maa kaa-kun ka Yezu Krita-n lɛ gɔ́ɔ̃ nɛ, Lawa a dí kɛ lɛ wɔ gɔn la.

Rɔmu minin 5:10

Sonbore, wɔ n wɔ́ goã Lawa a zɔ́ɔn lɛa, sɛnɛ, a Nɛgiĩ a gɛ̀ lɛ taman yii, Lawa wɔa zɔ́ɔbaa lɛ nya. Sisia kəni, wɔ bɛ́ kun ka Lawa nɛ, wɔ á re kirisibiɛ a nɛgiĩ a yiikoonaabaa kɛ taman yii.

Efɛɛzi minin 2:16

Krita a gã gɔn la kɛ pàã nɛ tìĩ bɔ kɔn nyin ni nya. Á tɔrɔ màn paa kɛ baa goon, á ǹ kaa kun ka Lawa nɛ.

Kolɔɔsi minin 1:21

Bɛ na á n zɛnaa ka dɔn manɛ. Lɛlɛ ka goã Lawa doɛ̃ wa, ka bɛ dɔ-n doo, ka n ká goã a zɔ́ɔn lɛa, a giala, ka n ká goã sii baraan taasɛ, ka nə́ ǹ zɛnɛɛ dɔn.

Ebrəə 10:21

Wúlu-bɔlen kiã tá wɔ lon, a n giã-n lon, Lawa a kion mìi la.

Ebrəə 2:11

A giala, Yezu mɛn bɛ́ *gɔ̀ boe minin-a, ka minin mɛnɛn bɛ́ gɔ̀ nə́ n bɔ ǹ ganaa, bɛn tumaa n boe Díi goon ne. Bɛ lɛ na á toa, a ba sìi lɛa Yezu lɛ ganaa, a kɛn lɛn bíi mà asɛ dɔɔ̃nɔn wa.

Ebrəə 2:14

Bɛa yɔrɔ kɛ la, mà laanka gɔ̀nɔn siĩ bɛ́ minin kɛn lɛn lon lɔn, a na á n zɛnaa Yezu dɔ-n miɛ̃, á daa yɛ a din minbuiin nɛbaa kɛ lɛ nɛ. Yezu na á bɛ lɛ zɛnaa, màn mɛn bɛ́ toɛ, a gɛ̀ barka nɛ, *Sɛtaan mɛn bɛ́ gɛ̀ a pàã ná a gɔn, a bɛ pàã ziziɛ̃,

Ebrəə 2:16

Sonbore, Yezu lɛ bie á daa lon a di-a wolen lɛa wa, a na á daa n dɔ "Abrahamu a nɛnyaanan" kɛn lɛ, ka Lawa a boo bɛ́ á pɛ lɔn.

Ebrəə 3:1

Bɛ lɛ taman yii, ma dɔɔ̃nɔn lɛn, ka ǹ Lawa wɔn lɛa, a din na á ka dɔn bíi. Ka ga Yezu lɛ ganaa, Lawa min mɛn dia, á daa n baa wɔa goleemali lɛ a wúlu-bɔlen kiã lɛa, wɔ bɛ́ pii wáa wɔ́ lɛ kɔ goleemali mɛn ganaa ke lɛn.

Ebrəə 3:2

Lawa mɛn din bɔ á koa bɛa dí kɛ lɛ a lɛa, á bɔlɔgoondɛnaa baa bɛ li, ka Muizu bɛ́ lɔn «á bɔlɔgoondɛnaa baa a dí din tumaa nɛ, Lawa a tɔrɔ minin bii», ka Lawa a boo pɛ lɔn.

Ebrəə 3:5

Muizu sɛ na á dí-nyali bɔlɔgoondɛnaa baa, Lawa a tɔrɔ minin bii, Lawa bɛ́ re boo mɛn diɛ, á bɛ pɛ.

Ebrəə 4:14

Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.

Ebrəə 5:1

Sonbore, maǹ wúlu-bɔlen kiã tumaa boe minbuiin nɛn bii, ǹ koa mà a dí nya Lawa nɛ minbuiin nɛn bǐɛ̃ a lɛa. A dí n ka kɛ nɛ, a gɔ ǹ mànan laanka wúlu mànan kɔ Lawa la, sii baraan taman yii.

Ebrəə 5:10

Lawa na á pɛ, mà a n wúlu-bɔlen kiã lɛa, ka Mɛlkizedɛki wɔ bɛ́ lɔn.

Ebrəə 5:2

Minin mɛnɛn bɛ́ ǹ nə́ sii baraa zɛnaa, ǹ sii-doɛ̃baã gɔ́ɔ̃ nɛ, wúlu-bɔlen kiã lɛ á boe la, a bɛn sii lɛ giala ma, a giala, a dinmaa lɛ dɔ n pàã wɛɛnaa lɛa a paǹ din tumaa ganaa.

Ebrəə 5:5

A din goon ne, *Krita lɛ dɔ bie á wúlu-bɔlen kiãbaa ǹ gugurubaa kɛ lɛ wɔ a din ganaa wa. Lawa na á kɔ la, Lawa mɛn pɛ nɛ: «Ma n masɛ a Nɛgiĩ lɛa, a kũ pelo ganaa, masɛ nə n Díi lɛa.»

Ebrəə 6:20

Yezu na á woo walan, wɔ nyɛɛnɛ, wɔ dinin lɛa. A din na á wúlu-bɔlen kiã baa yǎa duduu, a ná a lɛa ka Mɛlkizedɛki bɛ́ lɔn.

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Ebrəə 7:28

Muizu a Dí-pɛn lɛn man minbuiin nɛn koɛ wúlu-bɔlen kiãn lɛa. Wɔ á doɛ̃ minbuiin nɛ n sã wole lɛa. Sɛnɛ, Lawa din na a liɛ ǹ boo mɛn da Dí-pɛn lɛn kɔ kio, bɛ na á ná a din a Nɛgiĩ koa wúlu-bɔlen kiã lɛa. Bɛa Nɛgiĩ lɛ na á sii din tumaa zɛnaa a lɛ-pã wole baa yǎa duduu.

Ebrəə 8:1

Ma bɛ́ boo mɛn diɛ, a gugurubaa ǹ bǎã n ka kɛ nɛ: Bɛa wúlu-bɔlen kiã kɛ lɛ tɔrɔ n wɔ lon, á n giã-n Lawa gole siĩn kɛ a kii dankan gusin lon gɔ́ɔ̃ nɛ.

Ebrəə 8:3

Wúlu-bɔlen kiã tumaa na á n koa, mà a gɔ ǹ mànan laanka wúlu mànan kɔ Lawa la. Bɛ lɛ nɛ, wɔ dɔn wúlu-bɔlen kiã lɛ doamaa nɛ, a màn kɔ́n yɛ a kɔ Lawa la.

Ebrəə 9:11

Sɛnɛ, sisia kəni, *Krita na á daa. Ǹ goã n yii diɛ bǐɛ̃n mɛnɛn la, asɛ n bɛn wúlu-bɔlen kiã lɛa. Asɛ a wúlu-bɔlebaa ǹ mɔnaa kion lɛ barka á gole, a lɛ-piɛ̃maa dɔ nɛ, á la lɛlɛ wɔ kɛ nɛ. Minbuiin nɛ gɔn bie á dɔ wa, a ba kanaa kɛ dɔ wɔ lɛa wa.