Ebrəə 13:21 - LAWA A BOO SONBORE

²¹ máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

LAWA A BOO SONBORE 2011

²¹ máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Ebrəə 13:21 ပူးပေါင်းရင်းမြစ်များ

KZS2 30:12

Zudaa gána dɔ nɛ, Lawa sii zɛnaa a minin manɛ. Bɛ lɛ nɛ, ǹ nə́ lɛ kɔ, ǹ nə́ kii laanka a zaman nyɛɛnaandɛnan da ǹ boo kɛ sii bǎã goon ne, Dɛnaa Lawa nə ǹ mɛnɛn lɛn kɔ ǹ la.

Loen 138:8

Dɛnaa Lawa á re sii tumaa bǐɛ̃ koe, a kɔ ma la. Dɛnaa Lawa, n kɔn-narɛɛ gole kɛ a nyɛɛ duduu wa. N din gɔn na á wɔ zɛnaa, n nyan wɔ daa bii-a wa.

Matiə 12:50

A giala, min mɛn bɛ́ masɛ Di Lawa foo sii zɛnɛɛ, bɛ lɛ n masɛ dɔɔ̃ngiĩ lɛa, bɛ lɛ n masɛ miãnɛn lɛa, bɛ lɛ n masɛ dan lɛa.»

Matiə 21:31

Ǹ mɛn na á ǹ díi lɛ foo sii zɛnaa? Ǹ nə́ tɔ́n pɛ: «A bibinaa lɛ nɛ.» Yezu tɔ́n pɛ ǹ nɛ: – Masɛ n pii ka nɛ sonbore: Wusuru-silin laanka lɔ kɔrɔn tá re doe *Lawa a kiibaa ǹ bǎã nɛ ka nyɛɛnɛ.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Matiə 7:21

Min mɛn din tumaa bɛ́ masɛ bíi: «Dɛnaa, Dɛnaa,» bɛ tumaa bie re we lon a kiibaa-n wa. Ma Di Lawa foo sii zɛnaalin dininsɔɔ̃nɔn man die we.

Zaã a sɛ́wɔ 17:23

Man kunun ǹ ni, ka n bɛ́ kun ka masɛ-n lɔn, màn mɛn bɛ́ toɛ, ǹ goã goon toto, kanaa minin nə boo la, ǹ dɔ̃ ka bɛ nɛ mà n din ni ń masɛ dia, ma n nə́ ǹ narɛ dɔn, ka n bɛ́ n masɛ narɛ lɔn.

Zaã a sɛ́wɔ 7:17

Bɛ̀ min mɛn tá li a Lawa foo sii zɛnaa, bɛa dɛnaa á die doɛ̃ bɛ̀ maa doɛ̃ lɛ n boe Lawa li, hinlaa masɛ dinmaa li.

Rɔmu minin 11:36

A giala, màn tumaa n boe a din ni, a tumaa na a tan a din barka nɛ, a tumaa na a tan a din a lɛa. Lawa die a goã guguru miɛ̃ yǎa duduu. A n miɛ̃!

Rɔmu minin 16:27

Lawa goon toto mɛn dinsɔɔ̃ bɛ́ sii-dɔ̃li lɛa, gugurubaa n bɛ wɔ lɛa yǎa duuduu! A n miɛ̃.

Korɛnti2 9:8

Pàã tá Lawa lon, á boe la a toa ka bǐɛ̃ tɔrɔ gigiã yɛ, ń giɛ ka á boe la ka n laadoo màn tumaa yɛ, ka a laman yɛ, ka bǐɛ̃baa ǹ dí sonbore tumaa nya nɛ.

Galaasi minin 1:5

Tɔ golebaa die a goã a din wɔ lɛa yǎa duduu. A n miɛ̃.

Efɛɛzi minin 2:10

A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

Efɛɛzi minin 2:18

Sonbore ne, a din Yezu Krita lɛ pàã nɛ, wɔ Zuifun laanka tɔrɔ kɔsɔn tá boe la, wɔ golee Díi Lawa yɔrɔ-a, ka Yiri Fu goon toto a dɔmalɛ nɛ.

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

Filipi minin 1:11

Yezu Krita bɛ́ sii peperen mɛnɛn zɛnɛɛ wɔ nɛ, ka á re piɛ̃ ka bɛn nɛ, Lawa a gugurubaa laanka a tɔ bɔ a lɛa.

Filipi minin 2:11

Ǹ tumaa pɛ mà Yezu Krita n Dɛnaa lɛa, ǹ Díi Lawa tɔ guguru kɔ nɛ.

Filipi minin 2:13

A giala, Lawa á tɔn dí nyɛɛ ka nɛ, ka boo la ka pàã yɛ, ka lɛ kɔ ka sii zɛnaa, a kɔnpɛ ka a din a dí yɔrɔ bɔ kɛ nɛ.

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Filipi minin 4:18

Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.

Kolɔɔsi minin 3:17

Ka bɛ́ boe la ka á boo woo boo diɛ, ka á sii woo sii zɛnɛɛ, ka bɛ tumaa zɛnaa ka wɔa Dɛnaa Yezu tɔ nɛ, bɛ̀ ka n barka diɛ Díi Lawa nɛ, a din lɛ pàã ganaa.

Kolɔɔsi minin 3:20

Nɛnyaanan lɛn, ka kaa yɛ wolen bɔlɔ si ka sii din tumaa nɛ, Dɛnaa n giɛ bɛ lɛ li ka lon.

Kolɔɔsi minin 4:12

Epafrasi mɛn bɛ́ á bɔ ka dinin li, bɛ dɔ á fòo diɛ ka nɛ. A n Yezu Krita a bɛ̀rɛ lɛa; biikoo tumaa li, a n yɔ boe kaa lɛa ka Lawa-nyankɔ nɛ, màn mɛn bɛ́ toɛ, ka goã doa nɛ, kaa sii yii lɛ n piɛ̃ nɛ, ka n golee-n Lawa dùũ li, ka n koe lɛ.

Tesaloniki1 3:13

A die a ka foo taã, màn mɛn bɛ́ toɛ, wɔa Dɛnaa Yezu a daa pinaa kun ka a wɔn nɛ, ka boo la ka golee Díi Lawa yɔrɔ-a *yoreen ne, kaa sii lɛ n piɛ̃ nɛ.

Tesaloniki1 4:3

Lawa bɛ́ giɛ màn mɛn li bɛ ǹ ka kɛ nɛ, ka kɔrɔbaa lɛ da, ka goã *yoreen ne.

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Tesaloniki2 2:17

A din laanka wɔa Dɛnaa Yezu Krita die ǹ foo tãbaa kɔ ka la, ǹ pàã dɔ kɔ ka la ka sii sonbore zɛnaa, ka boo sonbore da biikoo tumaa li.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Timote1 5:10

Yǎa a tɔ goɛ̃ boe-n sii sonbore zɛnaa gɔ́ɔ̃ nɛ, a goã a ná a nɛnyaanan too sɔnbɔraanɛ. Min mɛnɛn bɛ́ die a piɛ a bɛn kũ doɛ̃, á n din gisĩ ǹ dí nyɛɛ Lawa a minin manɛ, a nə́ n doe nɔmaa-wɔlen lɛ, á n sii sonbore tɔrɔ tumaa zɛnɛɛ.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Timote2 3:17

Lawa a Boo lɛ n bɛ zɛnɛɛ, màn mɛn bɛ́ toɛ, Lawa a dí-nyali a sii lɛ pã, a boo la a dí sonbore tumaa nya.

Timote2 4:18

Dɛnaa din tá re ma sii sii baraa tumaa la, á re ma kirisibiɛ, a ma da a lon a kiibaa ǹ bǎã kɛ nɛ. Gugurubaa na a din wɔ lɛa biikoo tumaa li! A n miɛ̃.

Ebrəə 10:36

Sonbore, ka laadoo tá sii simaa ganaa, ka boo la ka Lawa dùũ lɛ zɛnaa ka a lɛ pã, ka tɔn a lɛ-kɔ ǹ sii lɛ a zɛnaa yɛ.

Ebrəə 12:23

Ka n ká n mɔrɔ zaman kɛ ganaa zɔ́n zɛnɛɛ, bɛn man ka Lawa a nɛgiĩ bibinaan bɛ́ lɔn, ǹ tɔn nə́ kiɛ̃ nɛ lon gɔ́ɔ̃ nɛ. Ká n mɔrɔ Lawa ganaa, a din mɛn bɛ́ min tumaa a kiri-kuruli lɛa. Ká n mɔrɔ min sonboren telenboenən ganaa, min mɛnɛn lɛn lɛ bɛ́ piɛ̃ nɛ.

Ebrəə 12:28

Wɔ dinin man wɔ gána yɛ, a kiɛ̃ duduu wa. Ka daa wɔ barka da Lawa nɛ. Ka daa wɔ dí nya nɛ ka yɔrɔ kɛ nɛ, kɔɔ̃n a ganaa, bɛ n ka a guguru kɔ nɛ, ka a nyɛ́ɛ baaman nɛ.

Ebrəə 13:16

Ka yiri baran bɔ bǐɛ̃ zɛnaa kɔn nɛ laanka dɔkɔnlɛ-n wa. A giala, bɛ miã siin lɛn zɛnaa á kɔɔ̃n Lawa ganaa, maǹ ka wúlu mànan bɛ́ lɔn.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Piɛrɛ1 4:2

Biikoo gialakun mɛn bɛ́ ka gɔn, ka n die zɛnɛɛ kanaa, ka baran bɛ zɛnaa doo a kɔnpɛ ka minbuiinin dùũ sii babaraan kɛn nɛ wa, sɛnɛ, ka zɛnaa a kɔnpɛ ka Lawa dùũ ni.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Zaã1 2:17

A da yaa, kanaa kɛ n kiɛ̃ ka a yii bɔ màn li kɛ nɛ. Sɛnɛ, bɛ̀ min mɛn tá Lawa foo sii zɛnɛɛ, bɛ n goɛ̃ yǎa duduu.

Zaã1 3:22

Wɔ bɛ́ màn mɛn nyankoe la, wɔ n bɛ yii. A giala, mà wɔ tá a dí-pɛn lɛ sii, wɔ ná a foo kɔɔ̃n kɔ ǹ sii zɛnɛɛ.

Zude 1:25

Lawa goon toto mɛn wɔ nyin si ka wɔa Dɛnaa Yezu Krita barka nɛ, gugurubaa laanka golebaa nɛ, pàãyiidɛnaabaa laanka màn tumaa mìilandɛnaabaa goã bɛ wɔ lɛa haalɛ lɛlɛ-lɛlɛ, ka kanna nɛ, yǎa duduu. A n miɛ̃.

Sii-nyaan 4:6

Dankan lɛ yɔrɔ-a, màn na á goã tán, pəmə ka yìsi mu bɛ́ lɔn, yii n wɔlɔ yii a nɛ ka damalon bɛ́ lɔn. Dankan lɛ genli foɛɛ̃nɛ, a paǹan paanan li, màn yiikoonaa pàãdɛnaa sii goã bii-a, ǹ paǹ tumaa n yii nàn lɛa, ǹ yɔrɔ-a nɛ ka ǹ kio ne.

Sii-nyaan 5:13

Bɛ lɛ nɛ, màn-zɛnaa mɛn tumaa bɛ́ lon, ka tán nɛ, ka tán giulun ni, ka yìsi mu gole ne, ǹ nə́ piɛ̃-silin lɛa kanaa paǹ din tumaa ganaa, má ǹ lɛn ma, ǹ nə́ loe loe ǹ nə́ pii: «Min mɛn bɛ́ giã-n kii dankan nɛ, ka Sère Nɛ kɛ nɛ, tɔ bɔ n kaa wɔ lɛa, tɔ golebaa n kaa wɔ lɛa, gugurubaa n kaa wɔ lɛa, pàãyiidɛnaabaa n kaa wɔ lɛa, baraabaraa yǎa duduu.»

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.