Ebrəə 12:27 - LAWA A BOO SONBORE

²⁷ Bɛa «gunyin goon doo» kɛ lɛ n nyɛɛ, mà kanaa diɛ kɛ lɛ a màn bìn-dali tumaa á re papaɛ̃, mà a bìn-dali baãnaa n die goɛ̃.

LAWA A BOO SONBORE 2011

²⁷ Bɛa «gunyin goon doo» kɛ lɛ n nyɛɛ, mà kanaa diɛ kɛ lɛ a màn bìn-dali tumaa á re papaɛ̃, mà a bìn-dali baãnaa n die goɛ̃.

Ebrəə 12:27 ပူးပေါင်းရင်းမြစ်များ

Izayii 34:4

Leere kurun kɛn man pɔpɔsɛ kiɛ. Lon nə n muni ka sɛ́wɔ bɛ́ lɔn. Lon màn tɛ-pɛle dadaran kɛn man mɛnɛɛ, ka luu gere bɛ́ boe lon mɛnɛɛ lɔn hinlaa ka da nɛ mərə bɛ́ niɛ̃ mɛnɛɛ lɔn.

Izayii 54:10

Kelen tá boe la ǹ bìn da, tentenen tá boe la ǹ nə n zɔ̃. Sɛnɛ, kɔn-narɛɛ mɛn bɛ́ ma foo ne n wɔ paǹ li, bɛa re n bɔyɛɛ duduu wa. Ma lɛ kɔ kɔn la mɛn wɔ ka n nɛ, là nyantoro a paǹ li bɛa re bìn diɛ wa. Ma din Dɛnaa Lawa n kɛ pii n ni, maa foo basiɛ̃ gɔ́ɔ̃ nɛ.

Izayii 65:17

A giala, á ke, man die lon dii laanka tán dii zɛnɛɛ. Min kɔn yiri a re goɛ̃ ka lɛlɛ ǹ nɛ duduu wa, haalɛ kɛnɛn dinin wa.

Izayii 66:22

Lon dii laanka tán dii ke má ǹ zɛnaa, maǹ die goɛ̃ kaka ma yɔrɔ-a, Dɛnaa Lawa a da ǹ boo ne. A din goon ne: Ka tɔ nɛ, ka min mɛn tumaa bɛ́ re yii ka la, ǹ ba re papaɛ̃ ǹ nə n bɔ ma yɔrɔ-a duduu wa.

Ezekieli 21:27

Kiɛ lɛ na á mɛnaa a gusin, á nyaa mà Zeruzalɛmu ni. Kii lɛ maǹ ziabaa ǹ lɛ-dɛ wɔ kɔsɛkɔsɛ, ǹ minin dɛ lɛ a gú da ǹ ziabaa ǹ màn dadaran doa kiwi lɛ a kiɛnlɛ-a, ǹ bèlèn dɔ, ǹ nyankɔrɔ fɔ̃!

Azee 2:21

– A pɛ Zudaan gánadɛnaa Zorobabeli ni: «Ma á re bìn diɛ lon ganaa, ma á re bìn diɛ tán ganaa.

Matiə 24:35

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.

Rɔmu minin 8:19

Kanaa màn din tumaa la n kakaɛ̃, mà Lawa na a nɛnyaanan lɛn nyaa fufuu bɛa gugurubaa kɛ lɛ nɛ.

Rɔmu minin 8:21

Mà asɛ á re nɔmaa kɛ siɛ a bɔ a mìi ni ǹ kɔ́n pinaa, ziziɛ̃ ná a ba re doe a ganaa doo wa. Mà á re a wɔ gii yii Lawa a nɛnyaanan yii-nyɛɛ sonbore kɛ nɛ.

Korɛnti1 7:31

Min mɛnɛn bɛ́ dí nyɛɛ kanaa kɛ gɔ́ɔ̃ nɛ, ǹ ná a là yii, ǹ goã ka manə ǹ tɔn dí kɔ́n nya ǹ ná a là yɛ wa. A giala, kanaa kɛ bɛ́ yɔrɔ mɛn la, a re beleboe doo wa.

Ebrəə 1:10

«Dɛnaa, n din lɛ nə́ n kanaa da lɛlɛ-lɛlɛ. Lon dɔ nə́ n din gɔn a màn zɛnaa lɛa.

Ebrəə 13:14

A giala, kiwi ba wɔ lon kanaa kɛ nɛ, wɔ n die giɛ̃ a nɛ duduu wa, wɔ n giɛ biɛ̃ ǹ wɔ kɛ li.

Ebrəə 9:11

Sɛnɛ, sisia kəni, *Krita na á daa. Ǹ goã n yii diɛ bǐɛ̃n mɛnɛn la, asɛ n bɛn wúlu-bɔlen kiã lɛa. Asɛ a wúlu-bɔlebaa ǹ mɔnaa kion lɛ barka á gole, a lɛ-piɛ̃maa dɔ nɛ, á la lɛlɛ wɔ kɛ nɛ. Minbuiin nɛ gɔn bie á dɔ wa, a ba kanaa kɛ dɔ wɔ lɛa wa.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 21:1

Má tɔ́n lon dii laanka tán dii yɛ. Lon zizi kɛ laanka tán zizi kɛ papaã, yìsi mu gole dɔ din banban doo wa.

Sii-nyaan 21:4

Á re ǹ yii mu tumaa tuturi a bɔ ǹ yɔrɔ nɛ, gɛ̀ ná a banban doo wa, gɛ̀-koa banban doo wa, duwəə ka là-paparɛɛ banban doo wa. Màn zizin kɛn nə́ papaã ǹ nə́ nya.»

Sii-nyaan 21:5

Min mɛn bɛ́ kii dankan nɛ, bɛ́ tɔ́n pɛ: «Kanna, má màn tumaa zɛnaa dii lɛa.» Á tɔ́n pɛ ma nɛ: «Kɛ kiɛ̃, a giala, masɛ a boon man taãn lɛa, ǹ nə́ kɔnboe ka foo doamaa nɛ.»