Ebrəə 11:37 - LAWA A BOO SONBORE

³⁷ Ǹ nə́ ǹ dɛ kɔlɔn nɛ, ǹ nə́ ǹ wɔsɔ ka kàka nɛ, ǹ nə́ ǹ yayawaa ka gɔya nɛ ǹ nə́ gã. Maǹ nə́ goã bibiə̃ la, sère ki hinlaa bòe ki dɔnkɛn man nə́ goã ǹ ganaa, doobaabaa goã ǹ mìi ni, ǹ nə́ goã fuu yii, ǹ nə́ nɔmiɛ.

LAWA A BOO SONBORE 2011

³⁷ Ǹ nə́ ǹ dɛ kɔlɔn nɛ, ǹ nə́ ǹ wɔsɔ ka kàka nɛ, ǹ nə́ ǹ yayawaa ka gɔya nɛ ǹ nə́ gã. Maǹ nə́ goã bibiə̃ la, sère ki hinlaa bòe ki dɔnkɛn man nə́ goã ǹ ganaa, doobaabaa goã ǹ mìi ni, ǹ nə́ goã fuu yii, ǹ nə́ nɔmiɛ.

Ebrəə 11:37 ပူးပေါင်းရင်းမြစ်များ

Samayeli2 12:31

Kiwi minin kɛn, á bɛn kũ á woo ǹ kaa pàã dí ganaa: Gɔn wɔsiɛ nɛ, sukun wɔ nɛ, sɛ̀miɛ̃ wɔ nɛ, ka toopaabɔ nɛ. A na á goã Amɔn tɔrɔn lɛn kiwin tumaa a minin biɛ miɛ̃. Bɛ kio, Davida laanka zaman lɛ tumaa nə́ n bɔyaa, ǹ nə́ daa Zeruzalɛmu.

Kiin1 18:13

Zezabɛli bɛ́ Dɛnaa Lawa a boo gii-dalin lɛn dii, masɛ goã má sii mɛn zɛnaa bɛ gòã wuu li, ǹ bɛ pɛ maa dɛnaagiĩ-n wa? Man má Dɛnaa Lawa a boo gii-dalin lɛn paabiɛ duru kele yala paa gɔ́ɔ̃ nɛ, min poposooro. Man má goã màn-bii laanka mu koe ǹ la.

Kiin1 18:4

Zezaabeli bɛ́ Dɛnaa Lawa a boo gii-dalin lɛn dii ǹ mɛn wàaraa, Obadia lɛ na á goã á Lawa a boo gii-dali paabiɛ kũ á ǹ duru kele yala paa gɔ́ɔ̃ nɛ min poposooro. Á goã màn-bii laanka mu koe ǹ la.

Kiin1 19:1

Yilii bɛ́ á sii mɛn tumaa zɛnaa, a bɛ́ á *Baali a wúlu-bɔlen lɛn dɛ yɔrɔ mɛn nɛ, Akaabu bɛ yii boo da a lɔ Zezabɛli ni.

Kiin1 19:10

Yilii ná a lɛ si: «Ma la n paparɛ ka Lawa Pàãyiidɛnaa, Dɛnaa Lawa lɛ a sii ni. Izirayeli minin lɛn nə́ n lɛ kɔ kɔn la lɛ toa walan, ǹ nə́ n wúlu bɔ ǹ bǎãn ziziɛ̃, ǹ nə́ n boo gii-dalin dɛ. Masɛ dinsɔɔ̃ n má goã, maǹ giɛ li, ǹ ma dɔ dɛ.»

Kiin1 19:13

Yilii bɛ́ a ná a wuu ma, a ná a dɔnkɛ gole saa, á kɔ a yɔrɔ lɛ. Yilii soo á giã kele yala lɛ lɛ-a. Lɛn kɔn nə́ n toa Yilii ganaa kəni: «Yilii, wáa na á baa n tá kànaa?»

Kiin1 19:14

Yilii ná a lɛ si: «Masɛ la n paparɛ ka Lawa Pàãyiidɛnaa, Dɛnaa Lawa lɛ a sii ni. Izirayeli minin nə́ n lɛ kɔ kɔn la lɛ toa walan, ǹ nə́ n wúlu bɔ ǹ bǎãn ziziɛ̃, ǹ nə́ n boo gii-dalin dɛ. Masɛ dinsɔɔ̃ n n má goã, maǹ giɛ li, ǹ tá masɛ dɔ dii.»

Kiin1 19:19

Bɛ kio, Yilii kiɛ̃ á n bɔ walan, á woo Saafaati a nɛgiĩ Yiliizee yaa, bɛ̀ á ke diin buu kɔsɛ. Buu kɔsɔ ǹ dii fuəwensii na á goã a li. A din na á goã buu lɛ kɔsɛ ka dii lɛ a màn paa giala nyɔmɛɛn kɛn nɛ. Yilii kiɛ̃ Yiliizee genli, a ná a dɔnkɛ gole bɔ, á zũ Yiliizee la.

Kiin1 21:10

Ka min paa kaa tán a yɔrɔ-a, min mɛnɛn nə́ ke min kɔrɔn lɛa. Bɛa min kɔrɔn kɛn lɛn die ǹ nə n koa nɛ, ǹ pɛ mà a na á Lawa laanka kii piɛ̃ bɔ. Bɛ kio, ka kũ ka soo ne, ka dɛdɛ ka kɔlɔn nɛ, a gã.»

Kiin2 1:8

Dí-pɛlin lɛn ná a lɛ si mà mɔnaa kadɛnaa n bɛa giĩ lɛ-a, ka ki maabɛlɛ nɛ a binbin ni. Kii lɛ tɔ́n nə n toa: «Tisibu kiwi min Yilii ni.»

Kiin2 2:13

Dɔnkɛ gole mɛn bɔ Yilii ganaa á mɛnaa, Yiliizee bɛ saa, á n lɛ goa á daa golee Zurdɛ̃ tà lɛ-a.

Kiin2 2:8

Yilii tɔ́n na a dɔnkɛ bɔ, á timəə á tà mu lɛ dɛ nɛ, tà mu lɛ nə́ n na kɔn. Yilii laanka Yiliizee tɔ wɔ tán gere la ǹ dinin min paa ǹ nə́ soo.

KZS1 20:3

Davida kiwi minin lɛn goa á woo ǹ kaa pàã dín ganaa: Gɔn wɔsiɛ nɛ, sukun dí ni ka sɛmiɛ̃ dí ni. Davida na á zɛnaa miɛ̃ Amɔn tɔrɔn lɛn kiwin tumaa nɛ. Bɛ kio, Davida laanka zaman lɛ nə́ bɔyaa ǹ nə́ woo Zeruzalɛmu.

KZS2 24:21

Bɛ kio, zaman lɛ boo wɔ kɔn Zakarii ganaa, kii nə́ ǹ kaa a ganaa ǹ nə́ kɔlɔ kaã bɔ a ganaa Lawa a kion kɛa sumu-n á gã.

Zeremii 2:30

Ma kaa nɛnyaanan dɛ, sɛnɛ a là goon yɛ wa. Ka golee maa doroon li wa. Ka yàra basaã-kɔle bɛ́ lɔn, ka kaa Lawa a dia dí-a wolen yii dɛ.

Zeremii 26:23

Ǹ nə́ bɔ ka Uria nɛ Ezipti gána nɛ ǹ nə́ daa nɛ, ǹ nə́ woo-n kii lɛ li. Zozakimu nə ǹ da a dɛ ganaa, ǹ ná a gere zũ geren kaa ǹ nyankɔrɔ gole kɛ nɛ.

Zakarii 13:4

Bɛa waáraa, sìi á re Lawa a boo gii-dali soɛ-bɔlen kuĩ ǹ Lawa a boo gii-dalibaa laanka ǹ sii-yɛn kɛn laakalaa a lɛa. Ǹ yii á re we doo ǹ maa zaman sã ka Lawa a boo gii-dalin ki mɔnaa kɛa wɔ-n wa.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Matiə 21:35

Wuru-lɛduə̃lin lɛn ná a dí-nyalin lɛn kũ, ǹ nə́ goon məməə, ǹ nə́ goon dɛ á gã, ǹ nə́ goon dɛdɛ ka kɔlɔ nɛ.

Matiə 3:4

ZAÃ na á goã nyɔɔmaa ka dɔnkɛ we, a bii yii ǹ maabɛlɛ na á goã ki lɛa, a màn-bii na á goã ka bisin laanka zoo nyɔɔ nɛ.

Matiə 8:20

Yezu tɔ́n pɛ nɛ: «Tolokan yalan tan, bàanan kii tan, sɛnɛ, bǎã kɔ́n ba Min a Nɛgiĩ lon á n mìi susui a-n wa.»

Luku 13:34

Yezu pɛ: – Zeruzalɛmu kiwi, nsɛ lɛ n Lawa a boo gii-dalin dii ǹ nə́ giɛ̃. Lawa bɛ́ min mɛnɛn diɛ n nɛ dí ganaa, ma n bɛn dii ka kɔlɔn nɛ. Masɛ gunyin damata ke man giɛ li, ma tá minin lɛ soekɔn, ka koo dan bɛ́ a nɛn soekɔn a nyàa kan giulun lɔn. Ǹ bɛ́ ǹ lɛ kɔ wa.

Nya ǹ dín 14:19

Sɛnɛ, Zuifun kɔnɔn nə́ bɔ Antiɔsi kiwi Pisidii gána nɛ ka Ikoniɔmu kiwi ni, ǹ nə́ zaman lɛ baã, ǹ nə́ kaa kunun ǹ dinin ni. Ǹ nə́ Pooli dɛ ka kɔlɔ nɛ mà a gã, bɛ kio, ǹ nə́ giɛraa ǹ nə́ woo daa kiwi lɛ lɛkoro-a, a giala maǹ nə́ goã taasɛ mà á gã.

Nya ǹ dín 7:52

Lawa a boo gii-dali kɛ mɛn nɛ, mà ka digolon manə ǹ fuu nyaa-n wa? Minin mɛnɛn nə goã Min Pepere kɛ a daa boo diɛ, táa ka digolon lɛn nə́ bɛn dɛ ǹ nə́ gã. Sisia, ka dininmaan dɔn nə́ bɛa Min Pepere kɛ lɛ kɔ a zɔ́ɔn la ǹ ná a nyin bɔ.

Korɛnti2 12:10

Bɛ lɛ-n ma á n nyɛnyɛɛ maa pàãwɛɛnaabaa ǹ siin kɛn lɛa, ka sɔ kaa ma la nɛ, ka sii kakan ma yɛ nɛ, ka bɔ ma yii-n ni, ka taasiɛn nɛ, Krita a lɛa. A giala, bɛ̀ pàã wɛɛ̃ tá ma ganaa biikoo mɛn li, bɛ lɛ n maa kakabaa biikoo lɛa kəni.

Ebrəə 11:25

A din na á bɔ, mà asɛ fuu yɛ kun ka Lawa a zaman kɛ nɛ, mà bɛ á soɛ asɛ nə n nyɛnyɛɛ sii baraa nɛ, biikoo boɛɛn gɔ́ɔ̃ nɛ.

Ebrəə 13:3

Ka n yiri kɔ ka kòso nɛn nɛ, ka n pɛ mà ka dɔn man kòso-n kunun ǹ ni. Ka n yiri kɔ nɔmaa-wɔlen kɛn dɔn nɛ, a giala, ka tá ǹ sii giala miɛ.

Sii-nyaan 11:3

Bɛa biikoo li ma á re a Siére màn paa diɛ, ǹ wɔ ǹ mɔnaan yii n kokoro ka boroo bɛ́ lɔn, ǹ da Lawa a boo gii da yǎa lɛawaa duu goon biɛpaa ka pɔsɔrɔ (1 260) kɛ lɛ piɛ̃.»