Ebrəə 11:12 - LAWA A BOO SONBORE

¹² Bɛ lɛ na á toa, Abrahamu goon toto mɛn bɛ́ gɛ̀ dɔ a ganaa á nya, tɔrɔ gigiã bɔ a nɛ, gigiã ka lon a leeren bɛ́ lɔn, lɛ ná a ba la wa, ka yìsi mu lɛ-a ǹ nyɔɔsɔ̃ bɛ́ lɔn.

LAWA A BOO SONBORE 2011

¹² Bɛ lɛ na á toa, Abrahamu goon toto mɛn bɛ́ gɛ̀ dɔ a ganaa á nya, tɔrɔ gigiã bɔ a nɛ, gigiã ka lon a leeren bɛ́ lɔn, lɛ ná a ba la wa, ka yìsi mu lɛ-a ǹ nyɔɔsɔ̃ bɛ́ lɔn.

Ebrəə 11:12 ပူးပေါင်းရင်းမြစ်များ

Siin Giala 15:5

Bɛ kio, á Abramu kũ á soo-n kanaa, á pɛ nɛ: «Ga lon, bɛ̀ ń tá boe la n leeren kɛn nimi, n nə ǹ nimi. N dɔ tɔrɔn man die mɔnɛɛ miɛ̃, min ba re boe la, a ǹ nimi a ǹ lɛ yɛ wa.»

Siin Giala 22:17

ma á re barka we n ne, ma n tɔrɔn mɔnaa, ka lon a leeren laanka kɔ̀ mu lɛ-a ǹ nyɔɔsɔ̃ bɛ́ lɔn. N tɔrɔn tá re ǹ zɔ́ɔn giã ǹ bǎã sii ǹ la.

Siin Giala 26:4

Ma á die a tɔrɔn mɔnɛɛ, ka lon a leeren bɛ́ lɔn, ma bǎãn kɛn lɛn tumaa kɔ ǹ la. Kanaa a tɔrɔn tumaa á die lɛn bǐɛ̃ bíi kɔn li, ǹ pɛ: «Lawa die a barka wɔ n nɛ, ka Abrahamu tɔrɔn wɔ bɛ́ lɔn.»

Siin Giala 32:12

Bǐɛ̃ kɔ, n masɛ kanbaa ma gologiĩ Ezawu ganaa, a giala, ma á nyɛ́ɛ biɛ nɛ. Nyɛ́ɛ tá ma ganaa, a tɔn da wɔ dɛ, ma laanka maa lɔn nɛ, ka maa nɛnyaanan nɛ.

Samayeli2 17:11

Sɛnɛ, ma bɛ́ yiri mɛn koe n la, bɛ n ka kɛ nɛ: Izirayeli minin lɛn, gigiã ka kɔ̀ mu lɛ-a ǹ nyɔɔsɔ̃ bɛ́ lɔn, a saa Dan kiwi ganaa gɔsɛ a lɛ̀gɔn la a wo Bɛɛr-Sebaa yaa, gusin a lɛ̀gɔn la, ǹ tumaa da n sɔkɔn n din li, n dinmaa tɔ wɔ ǹ nyɛɛnɛ, n wo zia lɛ la.

Kiin1 4:20

Zudaa gána minin laanka Izirayeli minin lɛn nə́ goã mɔnaa nɛ parsiini ka kɔ̀ mu lɛ-a ǹ nyɔɔsɔ̃ nɛ. Ǹ nə́ goã màn bii, màn mii ǹ foo yii n kɔɔ̃nɛ.

Nehemii 9:23

Ń nə́ ǹ nɛnyaanan mɔnaa ka lon a leeren bɛ́ lɔn. N goã ń pɛ ǹ digolon manɛ, mà ǹ wo gána mɛn lɛ si, ǹ baa ǹ wɔ lɛa, ń wɔ ǹ nɛ walan.

Bɔ bɛ̀rɛbaa nɛ 32:13

Dɛnaa, n yiri gisĩ Abrahamu ni, Izaaki ni ka Zakɔba nɛ. N yiri gisĩ n din a liɛ kɛ nɛ, ń wɔ ǹ nɛ ka n din tɔ nɛ. Táa ma nə́ n pɛ ǹ nɛ kɛnɛn: «Ma á re ka tɔrɔn mɔnɛɛ ka lon a leeren bɛ́ lɔn, ma gána tumu mɛn boo da ke, ma á re bɛ koe kaa nɛnyaanan la, a ǹ wɔ baa yǎa duduu.»

Izayii 10:22

Sɛnɛ Izirayeli, ta n zaman nə mɔnaa-n lɔn, ta a n mɔnaa-n ka yìsi mu lɛ-a ǹ nyɔɔsɔ̃ bɛ́ lɔn, a gialakun boɛɛn dinsɔɔ̃ n die wusii ǹ nə n bɔyaa ǹ da Dɛnaa Lawa li. Bɔ̀n na á n yɔrɔ bɔ. Peperebaa n koe a zii lɛ.

Izayii 48:19

bɛ̀ n tɔrɔ n die mɔnɛɛ ka yìsi mu lɛ-a ǹ nyɔɔsɔ̃ bɛ́ lɔn, bɛ̀ n nɔ̀ɔnɔn tá re mɔnɛɛ ka nyɔɔsɔ̃ bɛ́ lɔn, bɛ̀ n tɔ á re n tuturi a n bɔ ma yɔrɔ-a duduu wa.»

Zeremii 33:22

Min bɛ́ a boe la a lon a leeren nimi lɔn wa, min bɛ́ a boe la a yìsi mu gole lɛ-a ǹ nyɔɔsɔ̃ dɔ nimi lɔn wa ǹ mɔnaabaa taman yii, ma dɔ n die Davida a sumu lɛ minin mɔnɛɛ miɛ̃ ka Levii a sumu lɛ minin ni dí nyɛɛ ma nɛ.»

Abakuku 1:9

Ǹ tumaa n die màn kokoo a lɛa. Maǹ giɛ ǹ nyɛɛnɛ sɔnsɔn. Maǹ kòso nɛn soekɔn, mɔnaa nɛ ka nyɔɔsɔ̃ bɛ́ lɔn.

Rɔmu minin 9:27

Izayii dɔ́ pɛ Izirayeli wɔ gɔn la kɛnɛn: «Ta Izirayeli nɛnyaanan lɛn man mɔnaa-n ka mu lɛ-a ǹ nyɔɔsɔ̃ bɛ́ lɔn, ǹ gialakun boɛɛn dininsɔɔ̃nɔn man die kirisibiɛ.

Timəə dí-pɛn 1:10

A giala, Dɛnaa Lawa, kaa Lawa lɛ ka bulubɔ, ka á ke mɔnaa-n pelo, ka lon a leeren bɛ́ lɔn.

Timəə dí-pɛn 28:62

A laanɛ ka á mɔnaa nɛ ka lon a leeren bɛ́ lɔn, bɛ̀ ká kaa Lawa, Dɛnaa Lawa bɔlɔ tii, kaa min mɛnɛn bɛ́ goɛ̃, ǹ ba re tɛ koe wa.

Zozoe 11:4

Ǹ dinin nə́ soo ka ǹ zia-baalin tumaa-n kunun ǹ ni, zaman damata, mɔnaa-n ka kɔ̀ mu lɛ-a ǹ nyɔɔsɔ̃ bɛ́ lɔn. Ǹ nə́ soo ka sùin laanka ziabaa ǹ wotoron ne giãgiã.

Sii-nyaan 20:8

Á re woe minin yiri siɛ̃ kanaa gùrù sii din tumaa nɛ, Gɔgə ne ka Magɔgə ne. Á re ǹ lɛ soekɔn ziabaa yii li, ǹ tá re mɔnɛɛ ka yìsi mu lɛkoro lɛ-a ǹ nyɔɔsɔ̃ bɛ́ lɔn.

Sii yɔrɔ-bɔlen 7:12

Á ke, Madiã minin ni, Amalɛki tɔrɔn laanka lɛ̀giala gána minin kɛn tumaa na á goã nyɔmaa-n tán diə fúlu lɛ nɛ, gigiã ka bisinin manɛ. Ǹ nyɔɔmaan kɛn, min ba boe la á bɛn nimii wa. Maǹ gigiã ka nyɔɔsɔ bɛ́ lɔn yìsi mu lɛ-a.

Samayeli1 12:5

Á pɛ ǹ nɛ doo: «Dɛnaa Lawa n kaa siére lɛa. Lawa kii mɛn bɔ, a dɔ n siére lɛa pelo kɛ lɛ nɛ, ka màn kɔn yɛ ma gɔn wa.» Ǹ ná a lɛ si: «A n miɛ̃ lɛn.»