Ebrəə 10:38 - LAWA A BOO SONBORE

³⁸ Sɛnɛ, maa min mɛn bɛ́, ma din Lawa foo sii zɛnɛɛ ka goleemali ni, bɛ tá re nyin nyabaã yii. Sɛnɛ, bɛ̀ á kanaa á zii da, a sii a re kɔɔ̃n koe ma ganaa doo wa.»

LAWA A BOO SONBORE 2011

³⁸ Sɛnɛ, maa min mɛn bɛ́, ma din Lawa foo sii zɛnɛɛ ka goleemali ni, bɛ tá re nyin nyabaã yii. Sɛnɛ, bɛ̀ á kanaa á zii da, a sii a re kɔɔ̃n koe ma ganaa doo wa.»

Ebrəə 10:38 ပူးပေါင်းရင်းမြစ်များ

Samayeli2 22:22

A giala, má kɔ Dɛnaa Lawa a zii lɛ, má kɔ lɛ ka bɔlɔgoondɛnaabaa nɛ, man piã ka maa Lawa lɛ-n wa.

Loen 147:11

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, min mɛnɛn bɛ́ n foo doɛ a kɔn-narɛɛ gole kɛ ganaa, bɛn lɛn sii n kɔɔ̃n a ganaa.

Loen 149:4

A giala, Dɛnaa Lawa a minin lɛn sii tá kɔɔ̃n a ganaa. A din nə gɔ̀lɔ̀baa ǹ gɛ̀lɛ koe din-gisiĩ wole la.

Loen 5:4

Dɛnaa Lawa, bɛ̀ lɛ̀ waa lɔn, n bɛ́ ma lɛ miɛ̃, man maa sii tumaa pii n din ni baayɛlɛ, bɛ̀ man yii da.

Loen 85:8

Dɛnaa Lawa, n kɔn-narɛɛ gole kɛ nyaa wɔ nɛ, wɔ yɛ, n din nə wɔ kirisibaa.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Ezekieli 18:24

Sɛnɛ, bɛ̀ min pepere ná a peperebaa toa walan, a n kɔkɔrɔbaa ǹ sii zɛnɛɛ, a n sii bɔbɔnɛɛ zɛnɛɛ ka min baraan kɛn bɛ́ zɛnɛɛ lɔn, bɛa dɛnaa lɛ yii á boe la a goã koo sonbore? Haayii dɛ! A sii sonbore mɛn tumaa zɛnaa, bɛ kɔn a taasiɛ ba re die min yiri-n wa. A n die giɛ̃, a giala, á bɔlɔ tii sii zɛnaa, á sii baraa zɛnaa.

Ezekieli 3:20

A din yii goon ne, bɛ̀ min pepere dɔ ná a peperebaa kaa, á n sii kɔkɔrɔ zɛnɛɛ, a giala mà má n da a gɔ̀ɔ̃ li, ma á re dii a sã lɛ taman yii a gã. Bɛ̀ n nə n gɔn waa-n sɛn wa, a n die giɛ̃ a sii baraan lɛn taman yii. A sii peperen mɛnɛn zɛnaa lɛlɛ, ma bie re giɛ bɛn ganaa wa. Sɛnɛ, man die a gɛ̀ lɛ a sii diɛ n din mìi ni.

Ezekieli 33:13

Sɛnɛ, bɛ̀ má pɛ min pepere ne, máa sàabaa ba la wa, máa a yii á re goɛ̃ koo, bɛ̀ á n foo doa a lɛlɛ a peperebaa kɛ la yǎa a sii baraa zɛnaa, a sii peperen kɛn lɛn á ǹ zɛnaa, ǹ goon din là banban. A sii baraa mɛn zɛnaa, a n die giɛ̃ bɛ lɛ taman yii.

Abakuku 2:4

Á ke: Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.

Sofonii 1:6

Min mɛnɛn bɛ́ n dɔ̀ɔ̃ we masɛ Dɛnaa Lawa nɛ, ǹ laadoo ná a ba ma-a wa ǹ ba maa doreen li wa, ma á re bɛn dɔn bɔ̀n biɛ.

Malakii 1:10

Bɛ̀ kaa min goon na á woo Lawa a kion kɛa kiɛnlɛn tã á soɛ. Ka a re woe tɛ koɛ wúlu bɔ ǹ bǎã kɛ-n kooro wa. A bɛ miɛ̃ kaa yɛ ka ma yiin din ba foo kɔɔ̃n goon din lɛa ma ganaa wa, ka bɛ́ wúlu bɔ ǹ mànan mɛnɛn dɔn koe ma la, man pii ka nɛ, ma ba ǹ li wa, masɛ Dɛnaa Lawa Pàãyiidɛnaa mà miɛ̃.

Matiə 12:18

«Masɛ din Lawa a dí-nyali n ka kɛ nɛ, má bɔ. Man bɛ lɛ narɛ, a sii á kɔɔ̃n ma ganaa. Man die ma din a Yiri Fu koe la. Á die ma foo sii boo diɛ tɔrɔn tumaa nɛ.

Matiə 13:21

Sɛnɛ, ǹ ba toɛ a gòon bɔ ǹ nɛ wa, a ba goɛ̃ ǹ foo ne a belebɔ wa. Bɛ lɛ nɛ, bɛ̀ foo ziziɛ̃ daa, hinlaa bɛ̀ minin man fuu nyɛɛ ǹ nɛ Lawa a boo lɛ taman yii, maǹ nə n piɛ̃ ka Lawa-n gɔrɔ.

Rɔmu minin 1:17

A giala Boo Tii Kɔɔ̃n nə nyɛɛ Lawa bɛ́ min biɛ min pepere lɛa a din yɔrɔ-a lɔn goleemali dinsɔɔ̃ barka nɛ, ka a bɛ́ kiɛ̃-n Lawa a boo sɛ́wɔ-n lɔn: «Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.»

Galaasi minin 3:11

A n foaã dinin, Lawa a lɛ koe min kɔ́n ganaa min pepere lɛa, dí-pɛn lɛ-sii taman yii wa. A giala a tá kiɛ̃ nɛ: «Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.»

Tesaloniki1 2:15

ǹsɛn Zuifun kɛn lɛn, maǹ nə́ wɔa Dɛnaa Yezu laanka Lawa a boo gii-dalin dɛ ǹ nə́ gã. Ǹ dinin lɛn man nə́ fuu nyaa wɔ dɔn manɛ. Ǹ sii a kɔɔ̃n Lawa ganaa wa! Maǹ min tumaa a zɔ́ɔn lɛa!

Ebrəə 10:39

Min mɛnɛn bɛ́ kanɛɛ bɛ̀ ǹ papaã, wɔsɛn ba bɛn kɔnɔn lɛa doo wa. Sɛnɛ, wɔsɛn man golee Lawa li, wɔ á kirisibiɛ bɛa yɔrɔ kɛ lɛ la.

Zaaki 5:6

Min mɛnɛn bɛ́ ǹ sii la wa, ka dɔlɔ da bɛn mìi ni, ka ǹ dɛ ǹ nə́ gã, ǹ zia dɔ baa ka ganaa wa.

Zaã1 2:19

Bɛa minin kɛn lɛn man nə́ soo wɔ dinin li, sɛnɛ ǹ bie ǹ nə́ goã wɔa wɔn lɛa wa. Taãn nɛ, bɛ̀ maǹ nə́ goã wɔa wɔn lɛa, bɛ̀ ǹ nə́ goã kun ka wɔ nɛ. Sɛnɛ, ǹ na a bɔ wɔ ganaa kɛ lɛ na á nyaa foaãnɛ, mà ǹ kɔ́n ba wɔa wɔ lɛa sonbore wa.