Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ebrəə 10:22 - LAWA A BOO SONBORE

22 Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

အခန်းကိုကြည့်ပါ။ ကော်ပီ

LAWA A BOO SONBORE 2011

22 Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

အခန်းကိုကြည့်ပါ။ ကော်ပီ




Ebrəə 10:22
66 ပူးပေါင်းရင်းမြစ်များ  

Abiyamu ǹ di goã á sii baraan mɛnɛn zɛnaa a nyɛɛnɛ, a dɔ́ bɛn miãn zɛnaa. A na a Lawa, Dɛnaa Lawa lɛ narɛ ka a foo din tumaa nɛ, ka ǹ digolo Davida wɔ bɛ́ lɔn wa.


Isakaara tɔrɔn bii: nyɛɛnaandɛnaa biɛpaa (200) kɔnlɛ ka min mɛnɛn bɛ́ ǹ giulun. Izirayeli minin lɛn doamaa bɛ́ ǹ sii mɛn zɛnaa, bɛa nyɛɛnaandɛnan lɛn nə́ goã bɛ doɛ̃, ka a zɛnaa biikoo ne.


Aleluya, ka Dɛnaa Lawa tɔ bɔ. Ka ma foo din tumaa nɛ, man die barka diɛ Dɛnaa Lawa nɛ, zaman gole kɛ bii, kun ka gɔ́ɔ̃ fudɛnan kɛn nɛ.


Man giɛ li, máa ma n lɛ si ka ma foo tumaa nɛ. N baran toa ma wusoo n dí-pɛn kɛn kio wa.


Dɛnaa Lawa, man lɛ diɛ n la ka ma foo tumaa nɛ. N nyəə ma la, ma á re koe n foo sii boon kɛn lɛ.


Min mɛnɛn bɛ́ Dɛnaa Lawa a gɔn waa ma-n sii, ǹ nə́ giɛ a din li ka ǹ foo tumaa nɛ, bɛn foo á re kɔɔ̃n koe.


Yiri kɔ ma la, ma boo la ma kɔ n landa boon kɛn lɛ, ma boo la ma ǹ tamaa ka ma foo tumaa nɛ.


Man giɛ li ka ma foo tumaa nɛ, máa ma n foo kɔɔ̃n kɔ. Bǐɛ̃ kɔ ma ganaa, a kɔnpɛ ka n lɛ-kɔ kɛ nɛ.


Din gole-kɔlen nə́ ma tɔ ziziɛ̃ ka soɛ boon ne. Sɛnɛ, masɛ n koe n doree boon kɛn lɛ, ka ma foo tumaa nɛ.


Bɛ̀ ma á n darɛɛ n boon kɛn ganaa, n sii yɔrɔ bɔ ǹ boo peperen kɛn ganaa, ma á re barka diɛ n nɛ, ka ma foo tumaa nɛ.


N dɔ ma lɛ, ma kɔ n foo sii boon kɛn lɛ, ka ma foo tumaa nɛ, màn mɛn bɛ́ toɛ, sìi baran ma kũ wa.


Ka toa ka foo kɔɔ̃n kɔ Dɛnaa Lawa a lɛa, min peperen lɛn, ka n nyɛnyɛɛ. Ka min sonboren lɛn tumaa, ka foo kɔɔ̃nbaa ǹ lɛ dɛ!


Ma makara dɔ̃ ǹ boo da ma nɛ, ma foo á re kɔɔ̃n koe a la yii ni. N masɛ mɛn yɔyɔrɛ, toa ma foo kɔɔ̃n kɔ!


Lawa, masɛ goã kun ka n din ni, maa là n ka bɛ nɛ. Man má kaa n din yele, Dɛnaa Lawa. Man zoɛ̃ li máa ma n nya ǹ dín laakalaa.


Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.


LOE-saalin goledɛnaa a loe. A nə n siɛ da loe li ǹ màn kɔn tɔrɔ wuu li. Davida a loe.


Kiri we tá re pepere koe doo, gána lɛ gɔ́ɔ̃ nɛ, gɔ́ɔ̃ fudɛnan tumaa á re bɛ tamaɛ.


N da Aarɔn laanka a nɛgiĩn lɛn nɛ, kɔn yɛ ka Lawa nɛ ǹ Kion lɛ a kiɛnlɛ-a, n nə ǹ zoo mu li.


Maa nɛ, n foo doa ma ganaa. Kɔ maa giã ǹ gɔn lɛ ka foo kɔɔ̃n nɛ.


Dɛnaa n kɛ pii: «Tɔrɔ kɛ n mɔrɛ-n ma ganaa ka a lɛ gɔ́ɔ̃ ǹ boo dinsɔɔ̃ nɛ. Maǹ ma guguru koe ka ǹ lɛ nɛ, sɛnɛ, ǹ foo wɔlɔ á lui-n ma ganaa. Ǹ bɛ́ gugurubaa mɛn koe ma la, a n minbuiin nɛn daraan boon dininsɔɔ̃nɔn lɛa.


Sisia kəni, tɔrɔ gigiã á re n kaã biɛ a ganaa. Boo ba kiin lɛ-n a yɔrɔ-a wa. A giala, ǹ bɛ́ ǹ màn mɛn pɛ ǹ nɛ wa, ǹ tá re bɛ yii, ǹ bin bɛ́ ǹ tɔn boo mɛn ma wa, ǹ tá re bɛ giala miɛ.


Ma á re toɛ ǹ dɔ̃ mà ma din ni Dɛnaa Lawa lɛa. Ǹ tá re n bɔyɛɛ ǹ masɛ wɔ baa ka ǹ foo din tumaa nɛ. Ǹ tá re maa zaman biɛ, masɛ dɔ á re ǹ Lawa biɛ.»


Ka bɛ din tumaa nɛ, ǹ miãnɛn Zudaa bɔlɔgoonbaãdɛnaa kɛ wusoo á n bɔyaa á daa masɛ li ka a foo tumaa-n wa. A parsii bie wa.» Dɛnaa Lawa a da ǹ boo ne.


Dɛnaa Lawa a da ǹ boo á ke: Ǹ dinin min goon nə die ǹ kiã biɛ. Min mɛn bɛ́ re ǹ nyɛɛnaan boe, ǹ dɛnaa n die yii ǹ dinin bii. Ma á re toɛ a n mɔrɔ ma ganaa. Die yii n we dinin a n mɔrɔ masɛ gana a din li?


Má n zoo mu li, má n mà kɛ pii ka mu gigiã nɛ, ma tɔ́n nyɔɔ gìĩ kɔɔ̃n lɔ n ganaa.


Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.


Min mɛn lɛ á ke gɔ̀nɔn ki busu babaraa lɛ a gɔ̀ boe a din ganaa, a bàan mà lɛ pɛsɛ̃ bɛa dɛnaa ganaa gunyin sɔbaa, a tɔn pɛ mà á yoreene. Bɛ kio, a n gɔn bɔ bàan yiikoonaa lɛ sɛ ganaa, bɛ piɛ̃ a wo don.


Dɔnkɛ mɛn bɛ́ ǹ nə́ zɛnaa ka mɔnaa guguru sonbore ne, Lawa a dí nya ǹ wɔ lɛa, a bɛ wɔ, a mɔnaa guguru sonbore bɛ̀rɛ̀ wɔ, a n binbin yii ka a maabɛlɛ nɛ, a na a mɔnaa gɔn yii a mìi ganaa. Lawa a dí nya ǹ mɔnaan manɛ. Bɛ lɛ taman yii, a n zoo, a tɔn nə ǹ wɔ.


Bɛ kio, Muizu lɛ dia Aarɔn laanka a nɛgiĩn la, á landa a zoo kɛ wɔ ǹ ganaa.


Bɛa waáraa, mu pìã n die baa sii, a Davida a sumu minin laanka Zeruzalɛmu minin yoreen kɔ, a ǹ sii baraa laanka *gɔ̀ bɔ a bɔ ǹ ganaa.»


N die n gɔ̀ lɛ bɔ ǹ ganaa ka yɔrɔ kɛ nɛ: n die n gɔ̀ bɔmaa ǹ mu kɛ pɛsɛ̃ ǹ ganaa, ǹ die ǹ nə n gɔ̀nɔn ka tumaa kɔɔ̃, ǹ nə ǹ mɔnaan pii. Bɛ kio, ǹ tá re *yoreen koe.


Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.


Ma dɔɔ̃n Tofili ganaa: Lawa bɛ́ á siin mɛnɛn zɛnaa wɔ bii, man bɛn kiɛ̃ ǹ koe n la. Min tɛnɛn nə́ bɛa siin kɛn lɛn yɛ ǹ yii ni, a kũ a giala-koe li, ka bɛ dɔ nɛ, ǹ bɛ́ ǹ nə́ n baa boo kɛ lɛ a dalin lɛa, ǹ ná a laakalaa wɔ nɛ. Min gigiã nə́ n doa ǹ nə́ bɛa boon kɛn lɛn goa, ǹ nə́ ǹ kaa kun ǹ nə́ ǹ kiɛ̃.


Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ Lawa wɔ baa-n ka mu laanka Yiri Fu pàã-n wa, ǹ dɛnaa a boe la a wɔ Lawa a kiibaa-n wa.


Ǹ bɛa boon lɛn ma lɔn, ǹ nə́ n moɛ gogoon, a saa ǹ yii fulii-an ganaa a wo ǹ kiodɛnan yaa. Yezu dinsɔɔ̃ goã bǎã-n bii-a, kun ka lɔ lɛ-n tɔn golee-n a yɔrɔ-a.


Ma nə n yii diɛ wàa la doo? Yoo n Yezu nyankɔ, masɛ *batɛmu da n ganaa, Lawa nə n sii baraan toa n nɛ.»


Màn mɛn bɛ́ n zɛnɛɛ kànaa, n wɔ gii kɔ́n ba bɛ-n wa, a giala n foo a tele-n Lawa yɔrɔ-a wa.


Ka tɛnɛn man ka goã miɛ̃. Sɛnɛ, Lawa sii baraa pii á bɔ ka ganaa, á ka bɔ ka gɔrɔn a din wɔn lɛa, á lɛ kɔ ka ganaa min peperen lɛa a din yɔrɔ-a, ka Dɛnaa Yezu *Krita tɔ nɛ, wɔa Lawa a Yiri Fu kɛ dɔ pàã ganaa.


Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.


Wɔ bɛ́ kun ka Krita nɛ, wɔ́ n golee-n a din li, nyɛ́ɛ baran wɔ kũ doo wa. Wɔ á boe la wɔ wo Lawa yɔrɔ-a ka foo tãbaa nɛ.


a ná a *yoreen kɔ ka *batɛmu da ǹ mu ni, ka boo-n kun ni, ń giɛ á boe la a tá Lawa wɔ biɛ.


Bɛ̀rɛn lɛn, ka kaa tán a mìinaan kɛn lɛ si, ka nyɛ́ɛ baa ǹ nɛ, ka ǹ guguru kɔ ka foo sonbore ne, ka n pɛ mà ka n dí nyɛɛ *Krita nɛ.


Soɛ-bɔlen mɛnɛn bɛ́, ǹ yiri ná a ba ǹ goe sii-n doo wa, maǹ die n siɛ bɛn lɛn minin yiri sã ǹ boo li ǹ papaã.


a na á wɔ kirisibaa ka bɛ nɛ. A bie á zɛnaa mà wɔ ǹ wɔ́ dí peperen nya wa, sɛnɛ, a na á zɛnaa a giala, mà wɔ makara na á bɔ a ganaa. Wɔ bɛ́ wɔ́ *batɛmu mɛn yɛ, Lawa a Yiri Fu bɛ́ n toɛ bɛ gɔ́ɔ̃ nɛ, a wusoo a yɛ ka nyin dii-n mɛn kɔ wɔ la, a na á wɔ kirisibaa bɛa lɛa.


Ǹ goã n yii diɛ bǐɛ̃n mɛnɛn la, di-pɛ lɛ n bɛa kɔnboe nuùnaà nyɛɛ, a bie bɛa sii lɛ din taãn kɛ lɛa wa. Lɛ̀ woo lɛ̀, wúlu mànan manə n boe. Min mɛnɛn bɛ́ n mɔrɛ Lawa ganaa, di-pɛ lɛ n boe la, a bɛn baa min lɛ-piɛ̃n lɛa lɔn ka wúlu mànan kɛn barka nɛ?


Bɛ lɛ taman yii, dɔɔ̃nɔn lɛn, foo-doa tá wɔ lon, wɔ wɔ Bǎã Sonbore Sonbore kɛ nɛ ka Yezu mà kɛ barka nɛ, mà ke á kaa wúlu màn lɛa.


Golee Lawa li na á toa, á *kiɛ̃mala ǹ zɔ́n kɛ a zɛnaa giala kɔ. Á pɛ mà ǹ mà pɛpɛsɛ̃ kiɛnlɛn ganaa, màn mɛn bɛ́ toɛ, Lawa a bɔ̀n-dali kɛ baran n gɔn da Izirayeli minin nɛgiĩ bibinaa kɔ́n ganaa wa.


Ká n mɔrɔ Yezu ganaa, asɛ mɛn bɛ́ á lɛ kɔ kɔn la dii lɛ a zɛlɛ baa. Ka ǹ ká n mɔrɔ a mà kɛ ganaa min pii, mà mɛn bɛ́ dí gole nyɛɛ á la Abeli wɔ nɛ.


Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.


Sɛnɛ, wɔ bɛ́ giɛ màn mɛn li, bɛ ǹ ka kɛ nɛ, wáa ka gogoonmaa nə n doa, ka wo nyɛɛnɛ ka bɛa gù we yii kɛ lɛ nɛ, yǎa giala-nyɔmiɛ ganaa, màn mɛn bɛ́ toɛ, kaa foo-doa ǹ sii lɛ nə n zɛnaa.


Sonbore, Muizu a Dí-pɛn lɛn nə pàã kɔ minin la, ǹ nə́ sii kɔ́n zɛnaa, ǹ ná a lɛ pã wa. Sɛnɛ, wɔa foo-doa yɔrɔ bɛ́ dia-n màn mɛn la kanna, bɛ á soɛ wɔa lɛlɛ a foo-doa ǹ wɔ kɛ nɛ. Wɔ ǹ boe la, wɔ n mɔrɔ Lawa ganaa ka bɛ barka nɛ.


Bɛa Lawa guguru kɔ ǹ siin kɛn lɛn man doa-n màn-biin ganaa, ka màn-miin ni, ka zoo a *gɔ̀ bɔmaganaa tɔrɔ gigiã nɛ, Landa wɔ paǹ li. Bɛn man nə́ goã minin yɔrɔ-a siin lɛa, ǹ nə́ goã n zɛnɛɛ, yǎa Lawa din a wusoo a sii tumaa giala kɔ dii lɛa kɛ a biikoo dɔ.


Muizu bɛ́ á Dí-pɛn lɛn gogoonmaa pɛ minin lɛn manɛ ǹ mɛn waáraa, a na á diin nɛn laanka butumun mà saa, á mu kaa li, *izopi luu mɛn bɛ́ yii-n ka gɛ̀sɛ tã nɛ, á bɛ sã li, á pɛpɛsɛ̃ Lawa a Boo Sɛ́wɔ lɛ laanka zaman lɛ ganaa.


Sɛnɛ, ǹ dɛnaa na a nyankɔ ka goleemali ni, a baran n gɔ́ɔ̃ baa paa wa. A giala, bɛ̀ min mɛn tá n gɔ́ɔ̃ biɛ paa, bɛa dɛnaa yiri nə n penpelen diɛ, ka piɛ̃ bɛ́ kɔ̀ mu siɛ, bɛ̀ a na a penpelen da lɔn.


Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!


Díi Lawa din na á ka bɔ, á kɔnpɛ ka a din a saa lɛlɛ a sii yɔrɔ bɔ nɛ, á ka bɔ á ka koa ka gɔrɔn, a Yiri barka nɛ, màn mɛn bɛ́ toɛ, ka Yezu Krita bɔlɔ si, a mà lɛ *gɔ̀ bɔ ka ganaa. Lawa die a bǐɛ̃ gigiã zɛnaa ka nɛ, a là nyantoro gigiã dɔ kɔ ka la.


Bɛa sii lɛ na á goã *batɛmu kɛ a kɔnboe lɛa. Bɛa batɛmu kɛ lɛ bie gɔ̀nɔn ganaa ǹ *gɔ̀ boe min-a wa, a n din kɔ Lawa la ka foo sonbore-n sii nyɛɛ. Lawa bɛ́ á Yezu Krita yii kaa á bɔ geren bii ke, a na á barka wɔ batɛmu kɛ nɛ, á n ka kirisibiɛ nɛ kanna.


Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ