Kolɔɔsi minin 3:5 - LAWA A BOO SONBORE

⁵ Dùũ siin mɛnɛn bɛ́ ka nɛ, ǹ nə́ kanaa dùũ siin lɛa, ka bɛn kaa ka lenlen. Bɛa dùũ siin lɛn nə́ ke: Kɔrɔbaa nɛ, ka gɔgɔrɛbaa nɛ, ka sii baraa zɛnaa a bɔlɔ-sɛ̀-mui ni, ka dùũ sii babaraa nɛ, ka yii miminibaa nɛ bɛ mɛn bɛ́ goon ka dì wúlu bɔ nɛ.

LAWA A BOO SONBORE 2011

⁵ Dùũ siin mɛnɛn bɛ́ ka nɛ, ǹ nə́ kanaa dùũ siin lɛa, ka bɛn kaa ka lenlen. Bɛa dùũ siin lɛn nə́ ke: Kɔrɔbaa nɛ, ka gɔgɔrɛbaa nɛ, ka sii baraa zɛnaa a bɔlɔ-sɛ̀-mui ni, ka dùũ sii babaraa nɛ, ka yii miminibaa nɛ bɛ mɛn bɛ́ goon ka dì wúlu bɔ nɛ.

Kolɔɔsi minin 3:5 ပူးပေါင်းရင်းမြစ်များ

Bɔ bɛ̀rɛbaa nɛ 37:22

Kòròn lɛn laanka gùrùn lɛn tumaa n kɔn ka a dinmaa tumu lɛ nɛ, ǹ nə́ dɛ ǹ nə́ zɛnaa ka sana *yoreen ne.

Matiə 15:19

A giala, taasiɛ naarɛn lɛn man boe a foo ne, bɛn lɛn man diɛ gɛ̀ dɛ ganaa, ka naarɛbaa nɛ, ka kɔrɔbaa nɛ, ka wurumubaa nɛ, ka soɛ-bɔ nɛ, ka min kɔsɔ tɔ ziziɛ̃ nɛ.

Rɔmu minin 1:26

Bɛ lɛ taman yii, Lawa nə́ ǹ toa ǹ dinin sìi sii zɛnaan gɔn. Lawa giĩ laanka lɔ sii mɛn yɔrɔ bɔ, ǹ lɔn nə́ bɛ bɔyaa. Siin mɛnɛn bɛ́ ǹ ba kɔnboe ka zɛnaa-n wa, maǹ bɛn zɛnɛɛ.

Rɔmu minin 1:29

Ǹ piɛ̃maa-n ka kɔkɔrɔbaa laanka sii baraa tɔrɔ tumaa nɛ. Ǹ foo n wuu pii, ǹ dinin dɔn man baraa. Maǹ minin bebele, maǹ zia diɛ, maǹ gɛ̀ dii. Maǹ gɔn diɛ ǹ miãn ganaa. Maǹ boo baraa diɛ kɔn kio ganaa,

Rɔmu minin 6:13

Ka baran ka dinin kɔ sii baraa la doo, ka sii baraa zɛnaa ǹ mànan baa wa. Sɛnɛ, ka ka dinin kɔ Lawa la, ka min mɛnɛn bɛ́, ǹ yii kaa ǹ nə́ n bɔ geren bii. Ka ka gɔ̀nɔn paǹ din tumaa kɔ la, peperebaa sii zɛnaa ǹ mànan lɛa.

Rɔmu minin 6:6

Ka daa wɔ kɛ giala ma sɔnbɔraanɛ: Wɔa tɔ wɔ ǹ gɔn zizi lɛ na á gã kun ka Krita nɛ dere ǹ gɔn ganaa. Wɔa sii baraa zɛnaa ǹ dùũ lɛ gã. Bɛ lɛ nɛ, wɔ a boe la wɔ n baa sii baraa a bɛ̀rɛn lɛa doo wa.

Rɔmu minin 7:23

Sɛnɛ, man yii ma din ni, ma yiri bɛ́ dí-pɛn mɛnɛn li ke, pàã kɔsɔ na a tan, á n zia biɛ bɛa dí-pɛn kɛn lɛn ganaa. Bɛa pàã kɛ lɛ n ma biɛ sii baraa a bɛ̀rɛ lɛa, sii baraa mɛn bɛ́ ma gɔ̀nɔn nɛ.

Rɔmu minin 7:5

Sonbore, wɔ bɛ́ wɔ goã tɔ we, á n kɔnpii wɔ dinin dùũ ni ǹ mɛn waáraa, wɔ n wɔ́ goã dùũ sii babaraan pàã giulun, bɛn nə́ wɔ diɛ sii baraa zɛnaa ganaa. Dí-pɛn lɛn dinin man nə́ bɛa dùũ sii babaraan kɛn lɛn yii kaa. Haya kəni, siin mɛnɛn bɛ́ wɔ diɛ gɛ̀ nɛ, wɔ n wɔ́ goã bɛn zɛnɛɛ.

Rɔmu minin 8:13

Bɛ̀ ka á tɔ we á kɔnpii ka gɔ̀nɔn foo siin ni, ka á re giɛ̃. Sɛnɛ, Lawa Yiri barka nɛ, bɛ̀ ka gɔ̀nɔn foo siin kɛn zɛnaa toa walan ka lenlen, ka á re yiikoonaabaa yii.

Korɛnti1 5:1

Ǹ tá pii, mà din kũ doɛ̃baã sii-zɛnaali tá ka bii. Haalɛ min kooron dinin ba lɛ koe ǹ bɛ miã zɛnaa wa. Maǹ pii mà min goon tá ka bii, á n kun ka ǹ di a lɔ nɛ!

Korɛnti1 6:11

Ka tɛnɛn man ka goã miɛ̃. Sɛnɛ, Lawa sii baraa pii á bɔ ka ganaa, á ka bɔ ka gɔrɔn a din wɔn lɛa, á lɛ kɔ ka ganaa min peperen lɛa a din yɔrɔ-a, ka Dɛnaa Yezu *Krita tɔ nɛ, wɔa Lawa a Yiri Fu kɛ dɔ pàã ganaa.

Korɛnti1 6:13

Ka á pii doo: «Màn-bii n nɔ̀ wɔ lɛa, nɔ̀ dɔ n màn-bii wɔ lɛa.» Hiĩ, Lawa á re ǹ dinin paanan ziziɛ̃. Sɛnɛ, minbuiin gɔ̀nɔn bie á n zɛnaa din kũ doɛ̃baã siin lɛa wa. Gɔ̀nɔn nə Dɛnaa wɔ lɛa, Dɛnaa dɔ n gɔ̀nɔn wɔ lɛa.

Korɛnti1 6:18

Ka baa si din kũ doɛ̃baã nyɛɛnɛ! A giala, mà min bɛ́ sii baraa gialakun mɛn kɔsɔ zɛnɛɛ, mà bɛ n kanaa, a we a gɔ̀nɔn nɛ wa. Sɛnɛ, min mɛn bɛ́ n din koe din kũ doɛ̃baã sii la, bɛ n sii baraa zɛnɛɛ a din gɔ̀nɔn kɛ nɛ.

Korɛnti2 12:21

Ma bɛ́ re die boe ka li, nyɛ́ɛ tá ma ganaa, máa Lawa nyan ma kiɛɛrɛ kɔ ka yɔrɔ-a, ma wuu pɛ kaa min damata a sii ganaa wa. Ǹsɛn mɛnɛn nə sii baraa zɛnaa lɛlɛ, ma ba li ma wusoo ma da ǹ yaa miɛ̃ wa. Man zoɛ̃ máa ǹ nə n gɔ́ɔ̃ binyəə, ǹ nə́ n bɔ ǹ gɔgɔrɛbaa nɛ, ka ǹ din kũ doɛ̃baã nɛ, ka ǹ kɔrɔbaa ǹ sii kɔsɔn nɛ.

Galaasi minin 5:24

Min mɛnɛn bɛ́ Yezu Krita wɔn lɛa, bɛn man nə́ ǹ gɔ̀nɔn foo sii kɛn dere gɔn ganaa, kun ka ǹ lɛ mui ǹ sii baraan nɛ.

Efɛɛzi minin 4:19

Sìi kɔ ǹ yiri nə́ n si ǹ la ka lenlen. Ǹ nə́ n dinin kɔ min kɔrɔbaa ganaa, ǹ ba a lɛ diɛ wa. Maǹ *gɔ̀ sii tɔrɔ tumaa zɛnɛɛ.

Kolɔɔsi minin 2:11

Bɛa kaa-kun lɛ taman yii, kurii na á n zɛnaa ka ganaa, bɛa kurii lɛ, minbuiin nɛ bie á zɛnaa wa, bɛa kurii lɛ n boe Krita li, bɛ na á ka si gɔ̀nɔn siĩ siin kɛn la.

Tesaloniki1 4:3

Lawa bɛ́ giɛ màn mɛn li bɛ ǹ ka kɛ nɛ, ka kɔrɔbaa lɛ da, ka goã *yoreen ne.

Tesaloniki1 4:5

A nyan toa a n saa taasiɛ naarɛ li, ka tɔrɔ kɔsɔ Lawa doɛ̃baã wolen bɛ́ zɛnɛɛ lɔn wa.

Timote1 6:10

A giala, wɔrɔ-narɛɛ n sii baraa din tumaa a bɔ ǹ bǎã goon lɛa. Min tɛnɛn nə́ n dinin kɔ a gamali la, bɛn nə́ sã, ǹ nə́ woo sɔsɔɔ ǹ nə́ golee Lawa li toa walan, ǹ nə́ foo-busii gigiã da ǹ dinin ganaa.

Ebrəə 12:16

Ka n yiri kɔ, min kɔ́n baran naarɛbaali baa wa, hinlaa sàn kɔ Lawa-n wole, ka Ezawu bɛ́ lɔn wa. Asɛ mɛn bɛ́ a ná a kiãbaa sã bǎã goon màn-bii ganaa.

Ebrəə 13:4

Min tumaa zín wɔ kɔn-wɔ nɛ. Giĩ laanka lɔ goã bɔlɔgoondɛnan lɛa. A giala, mà Lawa á re kiri kuri naarɛbaalin laanka min kɔrɔn la.

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»

Zaaki 4:1

Wàa mɛn nə ka kiɛ kɔn, á n toɛ dɔn ka á kɔn lɛ babaɛ̃? Kaa bɔlɔ sɛ̀ mui siin mɛnɛn bɛ́ ka gialaa, táa bɛn lɛn manɛ!

Piɛrɛ1 2:11

Ma dɔɔ̃n narɛɛ wolen lɛn, kasɛn mɛnɛn bɛ́ gùlin laanka tiin lɛa kanaa kɛ nɛ, man ka nyankoe, ka ka dinin kũ dùũ sii babaraan kɛn ganaa, dùũ siin mɛnɛn bɛ́ zia biɛ biikoo tumaa li telenboen ganaa.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»

Sii-nyaan 22:15

Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.