Kolɔɔsi minin 3:24 - LAWA A BOO SONBORE

²⁴ Bɛ̀ ka á zɛnɛɛ miɛ̃, ka dɔ̃ mà Dɛnaa din nə n lɛ kɔ a minin la ka màn mɛn nɛ, á re ka sarɛɛ ka bɛ nɛ. Krita n goledɛnaa taãn lɛ lɛa, ka n dí nyɛɛ a din lɛ nɛ.

LAWA A BOO SONBORE 2011

²⁴ Bɛ̀ ka á zɛnɛɛ miɛ̃, ka dɔ̃ mà Dɛnaa din nə n lɛ kɔ a minin la ka màn mɛn nɛ, á re ka sarɛɛ ka bɛ nɛ. Krita n goledɛnaa taãn lɛ lɛa, ka n dí nyɛɛ a din lɛ nɛ.

Kolɔɔsi minin 3:24 ပူးပေါင်းရင်းမြစ်များ

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Suusun 11:18

Min mɛnɛn bɛ́ sii baraa zɛnɛɛ, maǹ dí kooro nyɛɛ. Sàabaa ba la wa, bǐɛ̃-zɛnaalin man saraa sonbore yii.

Matiə 10:41

Bɛ̀ min mɛn nə́ Lawa a boo gii-dali kũ doɛ̃, a Lawa a boo gii diɛ lɛ a lɛa, bɛa dɛnaa á die Lawa a boo gii-dali a saraa yii. Bɛ̀ min mɛn nə́ min pepere kũ doɛ̃ a min peperebaa lɛ a lɛa, bɛa dɛnaa á die min pepere a saraa yii.

Matiə 5:12

Ka n nyɛnyɛɛ, ka foo goã kɔɔ̃nɛ, a giala, saraa gole tá ka duĩ lon, Lawa a piɛ. Lawa a boo gii-dalin mɛnɛn nə da ka nyɛɛnɛ, minin man nə́ bɛn dɔn nɔmaa miɛ̃.

Matiə 5:46

Bɛ̀ n tá n narɛɛ wolen dininsɔɔ̃nɔn narɛ, ma nə n yii diɛ wàa mɛn saraa la a bɔ Lawa li doo? Wusuru-silin mɛnɛn dinin bɛ́ ǹ tá baraabaa koe ǹ ganaa, bɛn dɔn man zɛnɛɛ miɛ̃ le!

Matiə 6:16

Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 6:5

Bɛ̀ ka á Lawa nyankoe, ka nyan nə n baa ka gɔ́ɔ̃ tì-an kɛn bɛ́ lɔn wa. Bɛ̀ ǹ tá lɛsɔkɔn kion hinlaa zii giala-a, golee lon a Lawa nyankɔ lɛ n kɔɔ̃nɛ ǹ ganaa. Maǹ giɛ li mà min din tumaa nə ǹsɛn yɛ. Masɛ n pii ka nɛ, sonbore ne, ǹ nə́ ǹ saraa yɛ á nya.

Luku 14:14

A laan màn kɔ́n ba bɛn lon ǹ tá re n bǐɛ̃ lɛ dòo sarɛɛ-n wa, barka tá bɛ nɛ, a giala, Lawa din nə die n bǐɛ̃ lɛ dòo sarɛɛ min peperen yii kaa pinaa.»

Luku 6:35

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Nya ǹ dín 20:32

Sisia kəni, masɛ n ka toɛ Lawa laanka a din a bǐɛ̃baa ǹ boo kɔɔ̃n kɛ gɔn. Pàã tá Lawa lon a ka gù we yii, pàã tá a lon dɔn, a din bɛ́ màn sonboren mɛnɛn koɛ a wɔn manɛ, a bɛn kɔ ka la.

Rɔmu minin 1:1

Masɛ Pooli mɛn bɛ́ Yezu *Krita a bɛ̀rɛ lɛa, masɛ n sɛ́wɔ kɛ kiɛ̃. Lawa na á ma bíi, mà ma dia dí-a wole baa. A na á ma bɔ, mà ma a din a Boo Tii Kɔɔ̃n kɛ pɛ.

Rɔmu minin 14:18

Min mɛn bɛ́ dí nyɛɛ Krita nɛ bɛa yɔrɔ kɛ lɛ la, bɛa dɛnaa n kɔɔ̃n Lawa ganaa, ka minbuiinin dɔn nɛ.

Korɛnti1 11:23

A giala, Dɛnaa ma daraa màn mɛn ganaa, má ka dɔn daraa a ganaa, bɛ á ke: Ǹ bɛ́ re Dɛnaa Yezu koe tèlò mɛn nɛ, á buuru saa,

Korɛnti1 3:8

Min mɛn bɛ́ zumi ka min mɛn bɛ́ mu kiɛ a ganaa, maǹ goon. Lawa din nə die ǹ didie a saraa koe la, a nya ǹ dí yii li.

Korɛnti1 7:22

A giala, Dɛnaa min mɛn bíi bɛ̀rɛbaa gɔ́ɔ̃ nɛ, bɛ n Dɛnaa a tá ma din gɔn wìi a lɛa wole lɛa. A din goon ne, Dɛnaa min mɛn bíi tá ma din gɔn wìi a lɛa wolebaa gɔ́ɔ̃ nɛ, bɛ n goɛ̃ *Krita a bɛ̀rɛ lɛa.

Galaasi minin 1:10

Maa boo kɛ á nyɛɛ, mà man giɛ li, man din sii kɔɔ̃n kɔ minbuiinin ganaa ya? Haayii, man giɛ li máa ma sii kɔɔ̃n kɔ Lawa ganaa. Man giɛ li, máa maa sii kaa minbuiinin foo la? Haayii, bɛ̀ man tɔn giɛ li, mà maa sii kaa minbuiinin dɔn foo la, bɛ̀ ma a Krita a dí-nyali lɛa doo wa.

Efɛɛzi minin 6:6

Ka baran zɛnaa miɛ̃, bɛ̀ ǹ tá ka genli biikoo mɛn dinsɔɔ̃ li, ń giɛ ka á kiɛ ǹ foo la wa. Sɛnɛ, ka Lawa foo sii zɛnaa ka ka foo tumaa nɛ, ka Krita a bɛ̀rɛn bɛ́ lɔn.

Efɛɛzi minin 6:8

Ka n yiri koa a nɛ, ta man bɛ̀rɛ lɛa hinlaa n din gɔn wìi a lɛa, didie sii bǐɛ̃ mɛn zɛnaa, á re bɛ yii Dɛnaa li.

Kolɔɔsi minin 2:18

Ka baran toa minin nə koɛ̃ɛn wɔ ka-n wa. Bɛa minin kɛn lɛn man taasɛ, mà ǹsɛn man min dadaran lɛa, ǹ yii wɔlɔ yɛ siin lɛa, maǹ soɛ bɔ ǹ din-gisiĩ narɛ, ka lon a dia dí-a wolen guguru kɔ nɛ. Bɛa minin kɛn tɔrɔ piɛ̃maa-n ka din gole kɔ nɛ, mìi dɔ ba la wa, bɛ̀ á n bɔ ǹ dinin minbuiin nɛbaa ǹ taasiɛ wɔ ǹ gɔn kɛ lɛ nɛ,

Ebrəə 10:35

Haya, ka baran toa ka n gɔn bɔ kaa foo-doa kɛ ganaa wa, a saraa ǹ màn tá gole.

Ebrəə 11:6

A da yaa, bɛ̀ golee Lawa li bie wa, min kɔ́n ba boe la, a kɔɔ̃n kɔ Lawa ganaa wa. Sonbore, bɛ̀ min mɛn tá n mɔrɛ Lawa ganaa, bɛ doamaa nɛ a dɔ̃, mà Lawa lɛ tan, mà a n toɛ a gamali wolen nə yɛ.

Ebrəə 9:15

Bɛ lɛ taman yii ni, Krita lɛ á lɛ kɔ kɔn la dii a zɛlɛ lɛa. Sii baraan mɛnɛn nə n zɛnaa lɛ kɔ kɔn la zizi a biikoo li, asɛ na á gã á minin si bɛn la, màn mɛn bɛ́ toɛ, Lawa din min mɛnɛn bíi, á n lɛ kɔ ǹ la ka bǐɛ̃ nyabaã wole ne, bɛn nə bɛ yɛ.

Piɛrɛ1 1:4

A n yii-n kɔn-a ka bǐɛ̃n kɛn dɔn nɛ, Lawa nə́ ǹ zɛnaa, á ǹ koa lon gɔrɔ a din a zaman kɛ nɛ, mà ǹ na a wɔn baa. Bɛa bǐɛ̃n kɛn lɛn ba boe la ǹ ziziɛ̃ wa, ǹ ba tii wa, ǹ siĩnbaa dɔ a nyɛɛ wa.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.

Uruti 2:12

N sii mɛn zɛnaa, Dɛnaa Lawa die n sarɛɛ nɛ. Dɛnaa Lawa lɛ, Izirayeli minin Lawa lɛa, n da kaa Lawa mɛn lɛ yele, bɛ die a n saraa lɛ piɛ̃ kɔ n la.»