Kolɔɔsi minin 3:11 - LAWA A BOO SONBORE

¹¹ Bɛa yɔrɔ kɛ la, bɔkɔnlɛ banban doo Zuifu laanka tɔrɔ kɔsɔ bii ni wa, kurii wole banban ka kurii baãnaa-n wa; tii ni, sii-doɛ̃ baãnaa nɛ, bɛ̀rɛ nɛ, tá ma din gɔn wìi a lɛa wole ne, bɛ kɔ́n banban. Krita dinsɔɔ̃ na a tan, a din nə màn tumaa lɛa ka tumaa gɔ́ɔ̃ nɛ.

LAWA A BOO SONBORE 2011

¹¹ Bɛa yɔrɔ kɛ la, bɔkɔnlɛ banban doo Zuifu laanka tɔrɔ kɔsɔ bii ni wa, kurii wole banban ka kurii baãnaa-n wa; tii ni, sii-doɛ̃ baãnaa nɛ, bɛ̀rɛ nɛ, tá ma din gɔn wìi a lɛa wole ne, bɛ kɔ́n banban. Krita dinsɔɔ̃ na a tan, a din nə màn tumaa lɛa ka tumaa gɔ́ɔ̃ nɛ.

Kolɔɔsi minin 3:11 ပူးပေါင်းရင်းမြစ်များ

Loen 117:2

A giala a kɔn-narɛɛ gole kɛ la wɔ lɛ nɛ. Dɛnaa Lawa a boo diɛ a sàabaa wa. Aleluya, ka Dɛnaa Lawa tɔ bɔ!

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Ezekieli 47:22

Ka n pã bǎãn lɛn ganaa, ka tɔn nə ǹ gii kɔn ka dinin laanka tiin mɛnɛn bɛ́ giã-n ka bii, ǹ nə́ nɛnyaanan yɛ ka bii. Ka ǹ dɔn kũ Izirayeli minin lɛa, ǹ dɔn nə n pã ǹ bǎãn ganaa kun ka ka nɛ.

Ozee 2:23

Dɛnaa Lawa a da ǹ boo ne: Bɛa pinaa kɛ lɛ nɛ, ma á re n nyii, ma á re n nyii lon la, lon tá re n nyii tán la.

Amɔɔsi 9:12

Bɛa biikoo li kəni, Edɔmu minin kɛn bǎãn mɛnɛn nə goã, tɔrɔ kɔsɔn mɛnɛn tumaa bɛ́ maa wɔ lɛa lɛlɛ, bɛn tá re Izirayeli tɔrɔn lɛn wɔ biɛ. Dɛnaa Lawa a da ǹ boo ne, a din dɔn die bɛ zɛnɛɛ.

Misee 4:2

Gána gigiã á die zii siɛ, bɛ̀ ǹ nə́ pii kɔn nɛ: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa kɛa kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, dí-pɛn boon lɛn man boe *Siɔn, Dɛnaa Lawa a boo lɛ n boe Zeruzalɛmu.

Zakarii 2:11

Ka soo, Zeruzalɛmu minin lɛn, kasɛn mɛnɛn bɛ́ giã-n *Baabilonii, ka soo ka wo fufuu!»

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Zaã a sɛ́wɔ 15:5

Masɛ n goon ka da kɔ́n nɛ, kasɛn man a gùrùn lɛa. Bɛ̀ min mɛn tá doa-n kɔn ka masɛ nɛ, masɛ dɔ́ n doa-n kɔn ka ǹ dɛnaa nɛ, bɛa dɛnaa á die sii gigiã zɛnɛɛ, a giala, ka a boe la ka sii kɔ́n zɛnaa, bɛ̀ masɛ sii ná a ba a-n wa.

Zaã a sɛ́wɔ 17:23

Man kunun ǹ ni, ka n bɛ́ kun ka masɛ-n lɔn, màn mɛn bɛ́ toɛ, ǹ goã goon toto, kanaa minin nə boo la, ǹ dɔ̃ ka bɛ nɛ mà n din ni ń masɛ dia, ma n nə́ ǹ narɛ dɔn, ka n bɛ́ n masɛ narɛ lɔn.

Nya ǹ dín 15:17

A kũ bɛ lɛ ganaa kəni, min gialakunun kɛn tá re giɛ ma li, tɔrɔ gialakunun mɛnɛn tumaa bɛ́ ma tɔ nə ǹ ganaa.

Nya ǹ dín 28:2

Gána lɛ a minin nə́ n da wɔ lɛ sɔnbɔraanɛ. La bɛ́ kiɛ, nyan nə́ boe, ǹ nə́ tɛ gole koa, ǹ nə́ wɔ kaa tán wɔ́ a lɛnpɛnɛ.

Nya ǹ dín 28:4

Gána lɛ a minin bɛ́ ǹ nə́ bɛa miɛ̃ kɛ yɛ, á lɛ n paraa-n Pooli gɔn ganaa, ǹ nə́ pɛ kɔn nɛ: «Giĩ kɛ n die goɛ̃ minin nyin-bɔle lɛa taãn-taãnɛ, a laanɛ a gã mu li ke wa, Sonbore a re toɛ a la wa.»

Rɔmu minin 1:14

Min din tumaa a giɔ̀mɔ n ma ganaa: Sii-doɛ̃ wolen ne woo ka sii-doɛ̃baã wolen ne, sɛ́wɔ-doɛ̃ wolen ne woo ka sɛ́wɔ-doɛ̃baã wolen ne.

Rɔmu minin 10:12

Min tumaa n bɛ gɔ́ɔ̃ nɛ, bɔkɔnlɛ banban doo Zuifun laanka tɔrɔ kɔsɔn bii ni wa, a din Dɛnaa goon lɛ nə ǹ tumaa wɔ lɛa, á n bǐɛ̃ zɛnɛɛ a nyankɔlen tumaa nɛ.

Rɔmu minin 3:22

Lawa n min biɛ pepere a din yɔrɔ-a, n golee Yezu Krita li barka nɛ. Bɛa goleemali lɛ bɛ́ min mɛn tumaa lon, a n zɛnɛɛ bɛn manɛ, a bɔkɔnlɛ we wa:

Rɔmu minin 3:29

Lawa lɛ din kánaa, Zuifun dininsɔɔ̃nɔn Lawa nɛ? Táa tɔrɔ kɔsɔn dɔn wɔ nɛ! Taãn-taãnɛ!

Korɛnti1 12:13

A giala, *batɛmu na á n da wɔ tumaa ganaa ka Yiri Fu goon ne. Bɛ na á toa wɔ́ tɔ́n gɔ̀nɔn goon baa, ta Zuifu ni, ta Grɛki ni, ta bɛ̀rɛ nɛ, ta tá ma din gɔn wìi a lɛa wole ne. Wɔ tumaa-n wɔ́ wɔa wɔ gii yɛ a din Yiri Fu goon kɛ lɛ nɛ.

Korɛnti1 14:11

Bɛ̀ min nə boo diɛ ma nɛ, má n má ba a boo lɛ giala miɛ wa, ǹ dɛnaa n goɛ̃ tii lɛa ma yɔrɔ-a, ma dɔ n goɛ̃ tii lɛa ǹ dɛnaa yɔrɔ-a.

Korɛnti1 7:19

Kurii a màn kɔn lɛa wa, kuriibaã dɔ a màn kɔn lɛa wa. Lawa a dí-pɛn lɛ si dinsɔɔ̃ n sii taãn lɛa.

Galaasi minin 2:20

Ma yii bɛ́ koo ke, masɛ din yii bie koo doo wa, Krita yii n koo ma nɛ. A giala, maa tá kanaa ke kanna, ma yii n koo golee Lawa a Nɛgiĩ li gɔ́ɔ̃ nɛ. Asɛ lɛ na á ma narɛ, á n din nyin kɔ maa lɛa.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Efɛɛzi minin 1:23

Lawa a sɔmɔ lɛ n Krita gɔ̀nɔn lɛa, Krita lɛ na á pã a din lɛ nɛ, a lɛ pã kanaa tumaa dɔ nɛ.

Efɛɛzi minin 2:14

A giala, Krita din na á là nyantoro kɔ wɔ la, á Zuifun laanka tɔrɔ kɔsɔn baa zaman goon toto lɛa. A bɛ́ á n gɔ̀nɔn kɔ, kungɔn mɛn goã wɔ niɛ̃ kɔn, a n wɔ biɛ kɔn a zɔ́ɔn lɛa, á bɛ wuru.

Efɛɛzi minin 2:15

Á Zuifun Landa ziziɛ̃ kɔnlɛ ka a dí-pɛn kɛn laanka ǹ zɛnaa ǹ gɔnɔn nɛ. Bɛ a zɛnaa miɛ̃ kɛ lɛ gɔ́ɔ̃ nɛ, a na á zɔɔ̃ li, mà a tɔrɔ paa kɛ lɛ baa zaman dii goon toto lɛa, kun ka a din ni. A na á baa miɛ̃ á là nyantoro koa.

Efɛɛzi minin 3:17

A die a toa doo, Krita goã ka foo ne goleemali pàã ganaa. A die a toa dɔn ka gòã wɔ tán kaka kɔn-narɛɛ gɔ́ɔ̃ nɛ.

Efɛɛzi minin 3:6

Bɛa sii-durii lɛ á ke: Boo Tii Kɔɔ̃n kɛ pàã ganaa, Lawa lɛ kɔ a zaman la ka bǐɛ̃n mɛnɛn nɛ, Zuifun laanka tɔrɔ kɔsɔn gii á re yii ǹ ni. Ǹ paanan man gùn lɛa gɔ̀nɔn goon ganaa. Lawa lɛ mɛn dɔ kɔ Yezu Krita wɔ gɔ́ɔ̃ nɛ, tɔrɔ kɔsɔn lɛn gii tá bɛ dɔ nɛ.

Efɛɛzi minin 6:8

Ka n yiri koa a nɛ, ta man bɛ̀rɛ lɛa hinlaa n din gɔn wìi a lɛa, didie sii bǐɛ̃ mɛn zɛnaa, á re bɛ yii Dɛnaa li.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.

Zaã2 1:9

Daraa mɛn bɛ́ n we Krita wɔ gɔn la, bɛ̀ min woo min soo á n bɔ bɛ nɛ, á woo para li, Lawa a kun ni wa. Min mɛn bɛ́ goɛ̃ bɛa daraa kɛ gɔ́ɔ̃ nɛ, Díi Lawa laanka a Nɛgiĩ tá kun ka bɛa dɛnaa nɛ.