Kolɔɔsi minin 3:10 - LAWA A BOO SONBORE

¹⁰ ká dùũ sii diin saa, Lawa din nə ǹ mɛnɛn zɛnaa. Bɛa dùũ sii diin kɛn lɛn, Lawa nə ǹ gialaa tetele miɛ̃, mà ǹ nə n baa ka a din wɔn bɛ́ lɔn, màn mɛn bɛ́ toɛ, ka asɛ Lawa dɔ̃ taãn-taãnɛ.

LAWA A BOO SONBORE 2011

¹⁰ ká dùũ sii diin saa, Lawa din nə ǹ mɛnɛn zɛnaa. Bɛa dùũ sii diin kɛn lɛn, Lawa nə ǹ gialaa tetele miɛ̃, mà ǹ nə n baa ka a din wɔn bɛ́ lɔn, màn mɛn bɛ́ toɛ, ka asɛ Lawa dɔ̃ taãn-taãnɛ.

Kolɔɔsi minin 3:10 ပူးပေါင်းရင်းမြစ်များ

Siin Giala 5:1

Aadã a kɛdɛnan sɛ́wɔ á ke: Lawa bɛ́ á minbuiin nɛ zɛnaa ǹ mɛn pinaa, a na á zɛnaa a din a kɔnboe lɛa.

Zɔbu 29:14

Man má goã peperebaa we ma din-a ka dɔnkɛ bɛ́ lɔn. Maa peperebaa kɛ na á goã dɔnkɛ gole lɛa ma ganaa, zín màn lɛa ma mìi-a.

Loen 51:10

Ma makara dɔ̃ ǹ boo da ma nɛ, ma foo á re kɔɔ̃n koe a la yii ni. N masɛ mɛn yɔyɔrɛ, toa ma foo kɔɔ̃n kɔ!

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Izayii 59:17

A na á peperebaa wɔ a din ganaa ziabaa ǹ dɔnkɛ lɛa. Á kirisibaa ǹ kòlo fu wɔ a mìi ganaa. Á gɛ̀ dòo bɔ ǹ dɔnkɛ wɔ a din ganaa. Mɔnaa mɛn bɛ́ a ganaa pipiãbaa ǹ mɔnaa nɛ.

Ezekieli 11:19

Ma á re foo dii koe ka la, ma yiri dii kɔ ka la. Foo kakabaa mɛn bɛ́ ka nɛ ka kɔlɔ bɛ́ lɔn, ma á re bɛ boe ma minbuiin nɛ baa ǹ foo basiɛ̃ kɔ ka la.

Ezekieli 18:31

Ka kaa zɛnaa ǹ sii babaraan lɛn na ka ǹ zũ sɔsɔɔ, ka toa ka foo dii saa, ka yiri dii ni. Izirayeli tɔrɔn lɛn, wàa na á baa, ka n die ka dinin koe gɛ̀ la?

Ezekieli 36:26

Ma á re foo dii koe ka la, ma taasiɛ dii kɔ ka la. Ka foo mɛn bɛ́ kaka ka kɔlɔ bɛ́ lɔn, ma á re bɛ boe ma bɔ ka nɛ, foo mɛn bɛ́ lɛ koe maa boo ganaa, ma bɛ kɔ ka la.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Rɔmu minin 12:2

Ka baran tɔ wɔ, a kɔnpɛ ka kanaa minin sii zɛnaan nɛ wa. Ka toa Lawa ka bɔyaa, a yiri dii kɔ ka la, màn mɛn bɛ́ toɛ, ka Lawa dùũ sii dɔ̃, bɛ giala mà sii bǐɛ̃, sii mɛn bɛ́ kɔɔ̃n a ganaa, sii mɛn lɛ piɛ̃ bɛ́ nɛ.

Rɔmu minin 13:12

Tèlò lɛ wɔlɔ lui, lɛ̀ a waa diri. Ka daa wɔ n na, wɔ n bɔ wɔlɔ tì siin ganaa, wɔ wɔlɔ fúlu sii zɛnaa a ziabaa ǹ mànan wɔ wɔ ganaa.

Rɔmu minin 13:14

Ka Dɛnaa Yezu *Krita pàã wɔ ka ganaa, ka baran ka dinin kɔ gɔ̀nɔn foo siin kɛn la, ka ǹ bɔlɔ sɛ̀-mui siin kɛn zɛnaa wa.

Rɔmu minin 6:4

Bɛa batɛmu kɛ lɛ barka nɛ, wɔ n wɔ́ gã kun ka Yezu ni, ǹ nə́ wɔ bĩ kun ka a din ni. Sɛnɛ, wɔ Di Lawa bɛ́ a ná a yii kaa á bɔ geren bii, ka a din pàã gole kɛ nɛ, wɔsɛn dɔn yii á boe la a kaa, wɔ tɔ wɔ ǹ gɔn dii saa.

Rɔmu minin 8:29

A giala, Lawa din bɛ́ á saa lɛlɛ á min mɛnɛn bɔ, a din na á bɛn kaa ǹ gɔrɔn. A na á ǹ baa a Nɛgiĩ a kɔnboen lɛa, ǹ nə́ ǹ diɛ̃n lɛa, màn mɛn bɛ́ toɛ, Nɛgiĩ lɛ goã gole ǹ bii.

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.

Korɛnti2 4:16

Bɛ lɛ n toɛ, maa foo tãbaa a nyɛɛ pin kɔ́n-a wa. Haalɛ ta ma gɔ̀nɔn siĩ n ziziɛ̃ boɛboɛ woe, ma telenboen nə màn dii biɛ lɛawaa gogoonmaa li.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Korɛnti2 5:17

Bɛ̀ min golee Krita li, ǹ dɛnaa na á màn dii baa: a màn zizibaa nya, á ke, a n màn dii lɛa.

Galaasi minin 3:27

Hiĩ, ka mɛnɛn tumaa bɛ́ ka *batɛmu yɛ Krita wɔ gɔ́ɔ̃ nɛ, ka n ká Krita wɔ ka dinin ganaa.

Galaasi minin 6:15

Kurii ni ka kuriibaã nɛ, bɛ kɔ́n ba màn lɛa wa. Lawa a wusoo a wɔ baa min dii lɛa ke, bɛ dinsɔɔ̃ n màn lɛa.

Efɛɛzi minin 2:10

A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

Efɛɛzi minin 2:15

Á Zuifun Landa ziziɛ̃ kɔnlɛ ka a dí-pɛn kɛn laanka ǹ zɛnaa ǹ gɔnɔn nɛ. Bɛ a zɛnaa miɛ̃ kɛ lɛ gɔ́ɔ̃ nɛ, a na á zɔɔ̃ li, mà a tɔrɔ paa kɛ lɛ baa zaman dii goon toto lɛa, kun ka a din ni. A na á baa miɛ̃ á là nyantoro koa.

Kolɔɔsi minin 3:12

Lawa din na á ka bɔ, ka na a din a tɔrɔ lɛa, a tá ka narɛ. Bɛ lɛ tɔ ganaa, ka toa makara-doɛ̃ laanka bǐɛ̃baa goã ka foo ne, ka din-gisiĩ ni, ka sabarɛbaa nɛ, ka sii simaa nɛ.

Kolɔɔsi minin 3:14

Bɛ din tumaa kio, ka toa kɔn-narɛɛ goã ka foo ne, a giala, kɔn-narɛɛ lɛ n toɛ, Lawa a bǐɛ̃ màn gialakun kɛ lɛ yii lɛ pã sɔnbɔraanɛ.

Filemɔn 1:6

Man Lawa nyankoe, golee Lawa li mɛn bɛ́ n laanka Lawa-nyankɔlen tumaa lon, bɛ pàã yɛ n foo ne, màn mɛn bɛ́ toɛ, wɔ bɛ́ boe la wɔ bǐɛ̃ mɛn tumaa zɛnaa, wɔ Krita tɔ bɔ nɛ, n bɛ dɔ̃ n zɛnaa.

Ebrəə 6:6

Bɛ̀ ǹ nə́ ǹ goleemali daa kanna, ǹ ba boe la ǹ yɛ doo wa. A n ka maǹ Lawa a Nɛgiĩ lɛ dere gɔn ganaa doo, ǹ nə́ sìi diɛ a ganaa zaman tumaa yɔrɔ-a.

Zaã1 2:3

Bɛ̀ wɔ á Lawa a dí-pɛn lɛ sii, wɔ ǹ doɛ̃ ka bɛ nɛ, wáa wɔ á Lawa doɛ̃.

Zaã1 2:5

Sɛnɛ, min mɛn bɛ́ a boo sii, bɛa dɛnaa n Lawa narɛ taãn-taãnɛ, a giala yii li. Wɔ ǹ wɔa doa-kɔn ka Lawa-n doɛ̃ ka bɛa yɔrɔ kɛ nɛ.

Sii-nyaan 21:5

Min mɛn bɛ́ kii dankan nɛ, bɛ́ tɔ́n pɛ: «Kanna, má màn tumaa zɛnaa dii lɛa.» Á tɔ́n pɛ ma nɛ: «Kɛ kiɛ̃, a giala, masɛ a boon man taãn lɛa, ǹ nə́ kɔnboe ka foo doamaa nɛ.»