Kolɔɔsi minin 1:6 - LAWA A BOO SONBORE

⁶ Ka dininsɔɔ̃nɔn bie bɛa Boo Tii Kɔɔ̃n kɛ lɛ doɛ̃ wa, sɛnɛ, kanaa paǹ din tumaa n doɛ̃. Bǎã din tumaa nɛ, bɛa boo lɛ n woe nyɛɛnɛ, á barka we minin ni. Boo lɛ na á bɛ zɛnaa ka dɔn manɛ, a kũ kaa wɔ a miɛ bibinaa pinaa lɛ ganaa, ǹ Lawa a bǐɛ̃baa lɛ boo da ka nɛ ǹ mɛn pinaa, ká ma, ká a sonbore kɛ dɔ̃.

LAWA A BOO SONBORE 2011

⁶ Ka dininsɔɔ̃nɔn bie bɛa Boo Tii Kɔɔ̃n kɛ lɛ doɛ̃ wa, sɛnɛ, kanaa paǹ din tumaa n doɛ̃. Bǎã din tumaa nɛ, bɛa boo lɛ n woe nyɛɛnɛ, á barka we minin ni. Boo lɛ na á bɛ zɛnaa ka dɔn manɛ, a kũ kaa wɔ a miɛ bibinaa pinaa lɛ ganaa, ǹ Lawa a bǐɛ̃baa lɛ boo da ka nɛ ǹ mɛn pinaa, ká ma, ká a sonbore kɛ dɔ̃.

Kolɔɔsi minin 1:6 ပူးပေါင်းရင်းမြစ်များ

Loen 110:3

N zaman lɛ á die n din koe ka foo kɔɔ̃n nɛ, n zia-baalin lɛ sɔkɔn pinaa kɛ nɛ. Tɔntɔraan tá die n li, kele sonboren kɛn la, ǹ tumaa n bɔlɔbɔlɔ ka buu buruu bɛ́ lɔn.

Loen 98:3

Á n yiri koa a din a kɔn-narɛɛ gole kɛ nɛ, ká a bǐɛ̃ duduu kɛ nɛ, Izirayeli tɔrɔ minin wɔ paǹ li. Á wo kanaa paǹ tumaa yaa, min tumaa yɛ, mà Lawa n wɔ kirisibaali lɛa.

Matiə 24:14

Boo Tii Kɔɔ̃n kɛ á die n pii kanaa paǹ tumaa nɛ, màn mɛn bɛ́ toɛ, Lawa bɛ́ a kanaa dii a wɔ ma nɛ ǹ lɛ-dia mɛn we, tɔrɔ tumaa bɛ ma. Bɛ kio kanaa tɔn nya.

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Marki 16:15

Bɛ kio, á tɔ́n pɛ ǹ nɛ: «Ka wo kanaa paǹ tumaa nɛ, ka Boo Tii Kɔɔ̃n pɛ min din tumaa nɛ.

Marki 4:8

Sɛnɛ, màn tɔrɔ lɛ tɛn mɛnaa tán sonbore ne, á bɔ, á gole kɔ, á nàn bɔ, ǹ tɛn nə́ nàn pɔsɔɔ bɔ, ǹ tɛn pɔsɔrɔ bɔ, ǹ tɛn dɔ́ paabiɛ bɔ.»

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Zaã a sɛ́wɔ 17:19

Ma dinmaa nə n din koe n la lenlen ǹ lɛa, màn mɛn bɛ́ toɛ, ǹ dɔn nə goã n wɔn lɛa lenlen ka n sonbore boo lɛ barka nɛ.

Zaã a sɛ́wɔ 4:23

Sɛnɛ, biikoo á die, á n giala kɔ dinin, minin tá re Díi Lawa guguru koe a yɔrɔ sonbore li, ka Yiri Fu bɛ́ nyɛɛ ǹ nɛ lɔn. Min mɛnɛn bɛ́ Lawa guguru koe miɛ̃, a n giɛ bɛ miã dɛnan lɛn li.

Nya ǹ dín 11:18

Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»

Nya ǹ dín 12:24

Lawa a boo lɛ sɛ na á goã n diɛ wɔlɔ la woe.

Nya ǹ dín 16:14

Ǹ goon ne, a tɔ n Lidi, a n mɔnaa tɔnaa tɔrɔ kɔn siɛ̃, Tiatiiri kiwi min ni, á nyɛ́ɛ biɛ Lawa nɛ. Asɛ na á goã n too koe parsiini, a giala, Dɛnaa na á ná a foo lɛ bũ, a ná a taasiɛ din tumaa doa Pooli a boon kɛn ganaa.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Rɔmu minin 1:13

Dɔɔ̃nɔn lɛn, masɛ n giɛ li ka dɔ̃, má a lɛn zɔɔ̃ gunyin damata, máa man die ka li, màn mɛn bɛ́ toɛ, mà maa dí bǎã kɔ́n yɛ ka bii, ka ma bɛ́ má yɛ tɔrɔ kɔsɔn bii lɔn. Sɛnɛ, ma tɔn boo la ka pelo yii-n wa.

Rɔmu minin 15:19

ka kaãbaa ǹ sii dadaran barka nɛ, ka Yiri Fu pàã barka nɛ. Bɛ lɛ na á toa, a kũ Zeruzalɛmu kiwi ganaa a wo Ilirii gána yaa, má Krita a Boo Tii Kɔɔ̃n lɛ pɛ paǹ din tumaa ganaa.

Rɔmu minin 15:28

Bɛ̀ má bɛa dí lɛ yɔrɔ bɔ má nya ka lenlen, bɛ̀ má bɛa màn boboe kɛ lɛ a kaa kun kɔ ǹ la ǹ mɛn waáraa, ma á die woe Espanyi, sɛnɛ, ma á re boe ka li ma tɔ́n kiɛ̃.

Rɔmu minin 16:26

Sɛnɛ sisia, bɛa sonbore lɛ bɔ kanaa. Lawa a boo gii-dalin sɛ́wɔn nə́ nyaa, kanna, Lawa nyabaã lɛ din dùũ barka nɛ, bɛa sonbore lɛ bɔ kanaa, tɔrɔ kɔsɔn kɛn dɔn tumaa dɔ̃, màn mɛn bɛ́ toɛ, ǹ lɛ kɔ Boo Tii Kɔɔ̃n lɛ ganaa, ǹ Lawa bɔlɔ si.

Korɛnti2 10:14

Ma bɛ́ má daa kaa piɛ, ma bie má kiɛ̃ maa lɛ doa ǹ bǎã la wa. A kɔnpɛ ka bɛ lɛ nɛ, ma din nə má daa Boo Tii Kɔɔ̃n pɛ ka-n bibinaanɛ Yezu Krita wɔ gɔn la.

Korɛnti2 6:1

Ma bɛ́ dí nyɛɛ kun ka Lawa din ni, a bǐɛ̃ mɛn baa wɔ la, man ka nyankoe máa ka nyan toa, bɛ goã kooro wa.

Efɛɛzi minin 3:2

Ma á doɛ̃, máa Lawa nə n toa a bǐɛ̃baa gɔ́ɔ̃ nɛ, á dí mɛn kɔ ma la, mà ma nya ka nɛ, ká a boo ma.

Efɛɛzi minin 4:21

Táa ǹ ná a boo da ká wa. Sonbore taãn mɛn bɛ́ Yezu wɔ gɔn la, táa ǹ nə́ ka daraa bɛ dɔ ganaa, kaa Krita a minbaa gɔ́ɔ̃ nɛ.

Efɛɛzi minin 4:23

Yǎa ka min diin biɛ ka foo ne, ka ka yiri ni.

Efɛɛzi minin 5:9

Wɔlɔ fúlu bɛ́ sii mɛn koe, bɛ n ka min bǐɛ̃baa nɛ, peperebaa nɛ, ka sonbore ne.

Filipi minin 1:11

Yezu Krita bɛ́ sii peperen mɛnɛn zɛnɛɛ wɔ nɛ, ka á re piɛ̃ ka bɛn nɛ, Lawa a gugurubaa laanka a tɔ bɔ a lɛa.

Filipi minin 4:17

Ma bie giɛ li, máa yǎa ka bǐɛ̃baa ǹ mànan diɛ ma la wa, sɛnɛ, man giɛ li máa Lawa màn gigiã koa ka nɛ.

Kolɔɔsi minin 1:10

Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Tesaloniki1 1:5

A giala, wɔ bɛ́ Boo Tii Kɔɔ̃n mɛn pii, a bie á n pɛ ka nɛ ka lɛ-a ǹ boo dinsɔɔ̃-n wa; sɛnɛ, pàã gole gole na á goã boo lɛ nɛ ka Yiri Fu barka nɛ, wɔ ǹ waa nɛ a sonborebaa dɔ la. Wɔ giã ǹ gɔn mɛn wɔ ka bii, ka dinin laadoo bǐɛ̃ kɔ taman yii, ka bɛ́ bɛ doɛ̃.

Tesaloniki1 2:13

Wɔ dɔn barka da Lawa-n baraabaraa mìi n ke doo. Wɔ bɛ́ wɔ́ Lawa a boo mɛn pɛ ka nɛ, ka n ká n too kɔ a ganaa, ká si, ka bie ká si minbuiinin boo lɛa wa, sɛnɛ, ka n ká si Lawa a boo lɛa. A n bɛ lɛ lɛa taãn-taãnɛ, a din lɛ n dí nyɛɛ kasɛn golee Lawa li wolen lɛn foo ne.

Tesaloniki2 2:13

Dɔɔ̃nɔn lɛn, Dɛnaa bɛ́ á kasɛn mɛnɛn narɛ, wɔsɛn kɛn doamaa nɛ, wɔ barka da Lawa-n biikoo tumaa li kaa lɛa. Lawa na á ka bɔ bibinaanɛ, á n die ka kirisibiɛ. A n die ka kirisibiɛ, a giala, ká a wɔn baa ka a Yiri barka nɛ, ká golee Lawa a sonbore dɔ li.

Piɛrɛ1 5:12

Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.