Kolɔɔsi minin 1:23 - LAWA A BOO SONBORE

²³ Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

LAWA A BOO SONBORE 2011

²³ Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Kolɔɔsi minin 1:23 ပူးပေါင်းရင်းမြစ်များ

Loen 125:5

Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.

Busii pɛ 3:66

Ǹ kio loo ka foo-yoo gole ne, n nə ǹ loo n nə ǹ bɔ tán la.

Ezekieli 18:26

Bɛ̀ min pepere ná a peperebaa toa walan, bɛ̀ á sii kɔkɔrɔ zɛnaa yǎa a gã bɛ taman yii, a sii kɔkɔrɔ mɛn zɛnaa, bɛ lɛ din taãnɛ a lɛa nɛ á toa á gã.

Sofonii 1:6

Min mɛnɛn bɛ́ n dɔ̀ɔ̃ we masɛ Dɛnaa Lawa nɛ, ǹ laadoo ná a ba ma-a wa ǹ ba maa doreen li wa, ma á re bɛn dɔn bɔ̀n biɛ.

Marki 16:15

Bɛ kio, á tɔ́n pɛ ǹ nɛ: «Ka wo kanaa paǹ tumaa nɛ, ka Boo Tii Kɔɔ̃n pɛ min din tumaa nɛ.

Luku 22:32

Sɛnɛ, masɛ Lawa nyankɔ n lɛa, màn mɛn bɛ́ toɛ, n golee Lawa li baran papaã wa. Bɛ̀ n wusoo ń daa masɛ ganaa ǹ mɛn waáraa, n dɔ n dɔɔ̃nɔn lɛ ǹ pàã yɛ.»

Luku 6:48

Bɛa min lɛ n kɔnboe ka kion-dɔle goon ne. A ná a yala fɔ̃ á zuzulu kɔ yǎa tataã ganaa, á tɔ́n kion lɛ gòã daa. Mu tii wɔ, mu toɛ̃ á daa kion lɛ ganaa, sɛnɛ, a boo la á kion lɛ kaa wa, a giala kion lɛ a doe bǐɛ̃ kɔ.

Zaã a sɛ́wɔ 15:6

Bɛ̀ min mɛn ba doa-n kɔn ka masɛ-n wa, bɛa dɛnaa nə n zuĩ kanaa ka da gùrù bɛ́ lɔn, a laa. Bɛ kio, maǹ bɛa da gùrù geren lɛn goɛ ǹ nə ǹ kaa tɛ-n ǹ kũ.

Nya ǹ dín 1:17

Táa a dɔ na á goã kun ka wɔsɛn nɛ, a dɔ́ goã a dí gii nyɛɛ kun ka wɔ nɛ.

Nya ǹ dín 1:25

màn mɛn bɛ́ toɛ, Zudaasi bǎã mɛn toa walan á woo a din tɔ bǎã nɛ, bɛa dɛnaa bɛa dia dí-a wolebaa ǹ bǎã kɛ lɛ saa, a na a dí nya.»

Nya ǹ dín 1:8

Sɛnɛ, bɛ̀ Lawa a Yiri Fu gisĩ ka la ǹ mɛn waáraa, ka á re pàã yii. Bɛa biikoo li, ka á re maa siéren biɛ, ka masɛ boo da Zeruzalɛmu kiwi, Zudee gána din tumaa nɛ ka Samarii gána nɛ, yǎa ka woe doe kanaa paǹ din tumaa ganaa.»

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Nya ǹ dín 2:5

Á daa yaa, Zeruzalɛmu kiwi lɛ nɛ, Zuifu nyɛ́ɛbaa Lawa yii-n wolen tan, ǹ nə́ bɔ kanaa a gánan tumaa nɛ ǹ nə́ daa.

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Nya ǹ dín 26:16

Sɛnɛ, yoo n golee n gòãn la, a giala, maa din nyaa n nɛ ǹ mìi n ke: Man má n bɔ má n koa maa dí-nyali lɛa. N yii sii mɛn yɛ, ka a gigiã kɔsɔn mɛnɛn dɔn bɛ́ ma tá re ǹ nyɛɛ n nɛ, man má n bɔ má n koa máa n tá re bɛn siére biɛ.

Nya ǹ dín 4:12

Kirisibaa ba yii bǎã kɔn nɛ wa yǎa Yezu din ni. A giala, kanaa gɔ́ɔ̃ nɛ, bɛ̀ á n bɔ a din tɔ nɛ, Lawa tɔ kɔsɔ kɔ minbuiinin la, màn mɛn bɛ́ boe la a wɔ kirisibaa wa.

Rɔmu minin 10:18

Man nɔ̀n diɛ kəni: Zuifun lɛn nə bɛa boo lɛ ma wa? Ǹ nə́ ma. Lawa a boo n pii: «Ǹ lɛn bɔ kanaa bǎã din tumaa nɛ, ǹ boon lɛn dɔn nə́ woo yǎa kanaa paǹ tumaa ganaa.»

Rɔmu minin 15:16

A giala, Lawa na á ma bíi, mà ma Yezu Krita lɛ boo da tɔrɔ kɔsɔn bii. Mà ma Lawa a Boo Tii Kɔɔ̃n kɛ pɛ ǹ nɛ, màn mɛn bɛ́ toɛ, ma boo la ma ǹ kɔ Lawa la, ǹ nə́ kɔɔ̃n a ganaa. Man bɛa dí lɛ nyɛɛ ka wúlu-bɔle bɛ́ *wúlu màn koe Lawa la lɔn. Yiri Fu lɛ n toɛ, Lawa boo la a lɛ kɔ ǹ ganaa.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Rɔmu minin 5:5

Sàabaa ba bɛ la wa. Lawa ba wɔ daɛ wa. A tá wɔ narɛ. A na á kɔn-narɛɛ gole dɔ da wɔ foo ne, ka Yiri Fu kɛ barka nɛ, a din kɔ wɔ la.

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Korɛnti1 3:5

Kasɛn gɔ́ɔ̃ nɛ, mà Apolɔɔsi n wàa lɛa? Pooli dɔ n wàa lɛa? Wɔ ǹ dí-nyali kooron lɛa, wɔ́ ka kaa goleemali ni. Dɛnaa màn mɛn kɔ wɔ gogoonmaa la, didie na á bɛ lɛ nyaa ka nɛ.

Korɛnti2 10:1

Masɛ Pooli dinmaa n kɛ pii ka nɛ, masɛ mɛn bɛ́, ǹ nə pii mà bɛ̀ ma á ka li, mà man min basiɛ̃ lɛa, sɛnɛ, mà bɛ̀ ma a ka li wa, mà man kakaarɛ ka ganaa. Man ka nyankoe ka *Krita a foo basiɛ̃ laanka a sonborebaa nɛ.

Korɛnti2 11:23

Maǹ Krita a dí-nyalin lɛa? Bɛ̀ á bɛ baa dinin, masɛ á bɛ lɛa má la ǹ nɛ; man boo diɛ ka min mɛn bɛ́ a yiri papaã ka lenlen. Man pii: Nɔmaa gɔ́ɔ̃ nɛ, maa wɔ la ǹ wɔ nɛ, kòso wɔ gɔ́ɔ̃ nɛ, maa wɔ la ǹ wɔ nɛ, duwəə gɔ́ɔ̃ nɛ, maa wɔ la ǹ wɔ-n duduu, sii gɔgɔrɛ mɛn bɛ́ min nə́ boe la a gã a gɔ́ɔ̃ nɛ, bɛ́ ma yɛ gunyin damata.

Korɛnti2 3:6

A din na á pàã kɔ ma la, mà ma lɛ kɔ kɔn la dii kɛ lɛ nyaa minin ni ǹ dɔ̃. Bɛa lɛ kɔ kɔn la dii kɛ lɛ bie landa sɛ́wɔ wɔ lɛa wa, sɛnɛ, Yiri Fu wɔ nɛ. A giala, Landa á min dii, sɛnɛ, Yiri Fu sɛn yiikoonaabaa koe min la.

Korɛnti2 4:1

Lawa din na á bǐɛ̃ kɔ ma ganaa, á bɛa dí kɛ koa ma li. Bɛ lɛ n toɛ ma gù a basɛ̃ wa.

Korɛnti2 6:1

Ma bɛ́ dí nyɛɛ kun ka Lawa din ni, a bǐɛ̃ mɛn baa wɔ la, man ka nyankoe máa ka nyan toa, bɛ goã kooro wa.

Galaasi minin 4:11

Nyɛ́ɛ tá ma ganaa kaa wɔ paǹ li. Masɛ dí mɛn tumaa nya ka nɛ, bɛ n die goɛ̃ kooro?

Galaasi minin 5:5

Wɔsɛn foo n doa nɛ wáa Lawa á re wɔ biɛ min peperen lɛa. Wɔ nə n yii diɛ bɛ lɛ la Yiri Fu barka nɛ, asɛ mɛn bɛ́ dí nyɛɛ wɔa goleemali gɔ́ɔ nɛ.

Galaasi minin 5:7

Ka a giala kɔ doɛ̃ sɔnbɔraanɛ! Sɛnɛ, die na á ka kurəə mà ka nyan sonbore boo lɛ si doo wa?

Galaasi minin 6:9

Wɔ nyan nɔmaa ka sii bǐɛ̃ zɛnaa-n wa. A giala, bɛ̀ wɔ n gù basã wa, wɔ á re màn sonbore kuri, bɛ̀ a biikoo dɔ.

Efɛɛzi minin 1:18

A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

Efɛɛzi minin 2:21

Kion lɛ tumumaa nə n tele a din li, á yoo lon á Dɛnaa guguru kɔ ǹ kion sonbore baa.

Efɛɛzi minin 3:17

A die a toa doo, Krita goã ka foo ne goleemali pàã ganaa. A die a toa dɔn ka gòã wɔ tán kaka kɔn-narɛɛ gɔ́ɔ̃ nɛ.

Efɛɛzi minin 4:16

A din nə toɛ, gù totoron mɛnɛn bɛ́ gɔ̀nɔn ganaa, ǹ nə́ doa-n kɔn ka kaka gɔ̀nɔn goon lɛa, didie tumaa tá a din a doa kɔn-a ǹ bǎã nɛ. Ka bɛ nɛ, bɛ̀ gù gogoon tumaa tá a dí nyɛɛ, ka a bɛ́ kɔnboe-n lɔn, gɔ̀nɔn lɛ tumumaa n gole koe, màn nə́ miɛ li ka kɔn-narɛɛ nɛ.

Timəə dí-pɛn 2:25

Pelo dinin, man die nyɛ́ɛ laanka foo biɛ na diɛ kanaa tumaa a tɔrɔn ganaa ka kaa sii ni. Bɛ̀ ǹ nə́ ka boo ma lɔn, nyɛ́ɛ á die ǹ kuĩ, ǹ gɔ̀nɔn tá re bìn diɛ ka nyɛɛnɛ.»

Timəə dí-pɛn 4:19

Lon gɔ̀nɔn ganaa ǹ mànan kɛn tumaa, wasa nɛ, mui ni ka leeren ne, ka baran n yii saa ka ga bɛ kɔn ganaa wa. Ka nyan toa ǹ ka yiri sã, ka yaa kiɛ tán-a ǹ giulun, mà ka nə ǹ guguru koe wa. A giala, kaa Lawa, Dɛnaa Lawa na á bɛa nya ǹ dín kɛn toa kanaa a tɔrɔ kɔsɔn kɛn tumaa gɔn.

Kolɔɔsi minin 1:25

Lawa din dí mɛn kɔ ma la, mà ma nya kaa lɛa, masɛ n má Lawa a sɔmɔ kɛ a dí-nyali baa bɛ lɛ taman yii. Lawa na á dí kɔ ma la, mà ma a din a boo kɛ pɛ, ma a lɛ pã.

Kolɔɔsi minin 2:7

Ka toa ka goã golee-n taãn-taãn a din li, ka kaa sii tumaa zɛnaa, ka doa a din ganaa. Ka toa ka wo nyɛɛnɛ, ka golee a din li taãn-taãnɛ, a kɔnpɛ daraa kɛ nɛ ǹ nə́ kɔ ka la. Ka toa ka bǐɛ̃ dɔ̃ Lawa nɛ parsiini.

Tesaloniki1 3:3

màn mɛn bɛ́ toɛ, ka kɔ́n gɔ̀nɔn baran bìn da sisia a fuun kɛn gɔ́ɔ̃-n wa. A giala, ka á doɛ̃ mà bɛ lɛ na á n da wɔ dɔn mìi ni.

Tesaloniki1 3:5

Bɛ lɛ na á toa ke, ma bɛ́ má giã má fɔ̃, má Timote dia máa a da kaa golee Lawa li lɛ konpa bɔ. Nyɛ́ɛ na á goã ma ganaa, máa *Sɛtaan tɔn nə n da ka gɔ́ɔ̃ li, a ka bebele, wɔa nɔmaa kɛ tɔn kiɛ̃ a kooro baa.

Tesaloniki1 5:8

Sɛnɛ, wɔsɛn mɛnɛn bɛ́ tɔ we penleen ne, wɔ toa wɔ yii goã kɔɔ̃nɛ. Golee Lawa li laanka kɔn-narɛɛ doamaa nɛ a goã wɔ lon, bɛ wɔ tamaa ka zia-baali a dɔnkɛ bɛ́ tamaɛ lɔn; foo-doa mɛn bɛ́ wɔ lon wáa wɔ á die kirisibaa yii, bɛ dɔ́ goã wɔ lon ka zia-baali a bafolo bɛ́ goɛ̃ a mìi-a lɔn.

Tesaloniki2 2:16

Wɔ Di Lawa wɔ narɛ, á bǐɛ̃ kɔ wɔ ganaa á foo-doa kaka kɔ wɔ la, ka bɛ nɛ, á wɔ foo taã biɛ̃ ǹ taman yii.

Timote1 1:12

Ma á barka diɛ wɔa Dɛnaa Yezu Krita-n parsiini, asɛ mɛn bɛ́ á dí lɛ a nya ǹ pàã kɔ ma la. Ma á barka diɛ nɛ, a giala á ga ma ganaa foo doamaa wole lɛa, á tɔ́n ma saa a dí ni.

Timote1 2:7

Lawa na á masɛ koa bɛa boo lɛ a kalaali lɛa. Á ma dia, mà ma wo tɔrɔ kɔsɔn daraa goleemali laanka sonbore ganaa. Sonbore-n ma á pii, ma bie soɛ boe wa.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Tiitii 3:7

Bɛ na á n zɛnaa, màn mɛn bɛ́ toɛ, a bǐɛ̃ kɛ wɔ baa min peperen lɛa a din yɔrɔ-a. Wɔ bɛ́ n yiri koɛ nyin-nyabaã wole mɛn ganaa, wɔ boo la wɔ bɛ yɛ.

Ebrəə 10:38

Sɛnɛ, maa min mɛn bɛ́, ma din Lawa foo sii zɛnɛɛ ka goleemali ni, bɛ tá re nyin nyabaã yii. Sɛnɛ, bɛ̀ á kanaa á zii da, a sii a re kɔɔ̃n koe ma ganaa doo wa.»

Ebrəə 3:14

Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ.

Ebrəə 3:6

Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

Ebrəə 4:14

Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Ebrəə 6:19

Bɛa foo-doa kɛ lɛ n wɔ kuĩ, á golee wɔ-n sɔnbɔraanɛ. A na á Lawa a kion bii kuru kɔn-a ǹ mɔnaa kɛ bii wɔsɔ lon gɔ́ɔ̃ nɛ, á kiɛ̃ á wɔ kion nyɛɛnaan sonbore kɛ nɛ.

Piɛrɛ1 1:3

Ka daa wɔ barka da Lawa nɛ, wɔa Dɛnaa Yezu Krita n Di Lawa nɛ! Lawa din a bǐɛ̃baa gole kɛ taman yii, á yiikoonaabaa dii kɔ wɔ la, a n foo-doa sonbore dɔ koe wɔ la. Bɛa foo-doa kɛ lɛ giala n we-n Yezu Krita a yii kaa a bɔ geren bii kɛ ganaa.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.

Zaã1 2:27

Sɛnɛ, Krita na á ná a Yiri kaa kasɛn la. A Yiri bɛ́ ka nɛ, ka laadoo ba min a daraa ganaa wa. A Yiri lɛ din nə ka darɛɛ màn tumaa ganaa. A bɛ́ ka darɛɛ màn mɛn ganaa, sonbore ne, soɛ bie wa. Bɛ lɛ a lɛa, ka a daraa lɛ lɛ si, ka goã kun ka Krita nɛ.

Sii-nyaan 2:10

Boɛɛnɛ, Sɛtaan lɛ á re n diɛ ka gɔ́ɔ̃ li. A n die kaa min tɛnɛn kuĩ a ǹ zũ kòso-n. Ka á re fuu yii lɛawaa fù gɔ́ɔ̃ nɛ. Bɛa fuu kɛ lɛ nyan nyɛ́ɛ da n ganaa wa. Goã bɔlɔgoondɛnaa lɛa haalɛ ta a n doe n gɛ̀ ganaa. Ma á re nyin nyabaã koe n la, ka a gɔ̀lɔ̀baa ǹ kii bafolo lɛa.