Busii pɛ 5:7 - LAWA A BOO SONBORE

⁷ Wɔ digolon nə́ sii baraa zɛnaa. Sɛnɛ, ǹ banban doo wa. Ǹ sii baraan gugurubaa na á kũ wɔ dinin mìi ni.

LAWA A BOO SONBORE 2011

⁷ Wɔ digolon nə́ sii baraa zɛnaa. Sɛnɛ, ǹ banban doo wa. Ǹ sii baraan gugurubaa na á kũ wɔ dinin mìi ni.

Busii pɛ 5:7 ပူးပေါင်းရင်းမြစ်များ

Siin Giala 42:13

Ǹ nə́ tɔ́n pɛ: «Wɔ n wɔ́ goã min fulupaa wɔ di la. Wɔ ǹ Kanaan minin lɛa. Min mɛn bɛ́ wɔ diɛ̃ boɛɛn lɛa, bɛ tá wɔ di li piɛ pelo pelo. Goon ke, bɛ banban.»

Siin Giala 42:36

Zakɔba tɔ́n pɛ ǹ nɛ: «Táa ka n giɛ li, ka masɛ gɔn kooro toa! Zozɛfu bie a tan doo wa, Simiɔn banban, ka ǹ giɛ li, ka Bɛnzamɛn dɔ si ma la! Sii tumaa n masɛ mìi-n dɛ!»

Zɔbu 7:21

N ba boe la n maa sii baraa toa ma-n wa? N ba boe la n kiɛ̃ maa sã la wa? A giala, kànaa ka boɛɛn nɛ, ma á re wɛɛ tán tii li. N tá re giɛ ma li, sɛnɛ ma a re goɛ̃ ma tan wa.»

Zɔbu 7:8

Min yii á re ma yii doo wa. N tá re giɛ, sɛnɛ n ba re ma yii wa.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Zeremii 14:20

Dɛnaa Lawa, wɔ á doɛ̃ wáa wɔ́ sii baraa zɛnaa. Wɔ á wɔ digolon siɛ̃n doɛ̃. Wɔ́ sii baraa zɛnaa n nɛ.

Zeremii 16:11

N die n nə ǹ lɛ si kɛnɛn: – Dɛnaa Lawa a da ǹ boo á ke: «A giala, ka digolon man nə́ n la bɔ ma ganaa, ǹ nə́ kɔ lawa kɔsɔn lɛ, ǹ nə́ ǹ guguru kɔ, ǹ nə́ kaa tán-a ǹ yɔrɔ-a. Ǹ nə́ n la bɔ masɛ ganaa, ǹ maa dí-pɛn kɛn tamaa wa.

Zeremii 16:12

Kasɛn zɛnaa ǹ sii bɔnɛɛ kɔ á la ka digolon wɔ nɛ. Didie tumaa nə n parɛɛ a din a taasiɛ baraan ganaa, a ba n too koe maa da ǹ boo li wa.

Zeremii 31:15

Dɛnaa Lawa n kɛ pii: Ginii lɛ n boe Ramaa kiwi, lɛ-dɛ kɔsɛkɔsɛ nɛ. Raseli n wuu pii a nɛnyaanan la. A ba lɛ koe foo wɔraa ganaa wa, a giala, ǹ kɔn ba a yɔrɔ-a doo wa.

Zeremii 31:29

Ka bɛ-n kəni, min kɔn ba re kɛa suusu kɛ diɛ doo wa: «Díin man nə́ da nɛ burun sɔ̃, sɛnɛ, ǹ nɛnyaanan sɔ piã.»

Ezekieli 16:58

N sii baraan laanka sii bɔbɔnɛɛn mɛnɛn zɛnaa, bɛn dɔlɔ tá n mìi ni. Ma din Dɛnaa Lawa a da ǹ boo ne.

Ezekieli 18:2

– Wàa na á baa, ǹ tá suusu kɛ diɛ Izirayeli gána dɔ nɛ ǹ nə́ pii: «Díin nə́ rezɛ̃ burun bii, bɛ lɛ na á ǹ nɛnyaanan sɔ piã?»

Zakarii 1:5

Ka digolon banban, Lawa a boo gii-dalin lɛn dɔn nə́ gã.

Minin nimi 14:18

«Masɛ din nə Dɛnaa Lawa lɛa, ma foo a yui fufuu wa, maa bǐɛ̃ zɛnaa pàã ń gole. Masɛ n siɛ̃-wole a sii baraan laanka bɔlɔ-tii siin tɔɛ ǹ dɛnan manɛ. Sɛnɛ, ma a zɛ̀rɛdɛnaa bii zɛ̀rɛbaãnaa wa. Ma n díin dɔlɔ boe ǹ nɛnyaanan ganaa, yǎa ǹ nɔ̀ɔnɔn nɔ̀ɔnɔn ganaa.»