Busii pɛ 5:21 - LAWA A BOO SONBORE

²¹ Toa, wɔ wusoo wɔ da n li Dɛnaa Lawa! Sonbore, wɔ á n bɔyɛɛ wɔ daa. Yiikoonaabaa dii kɔ wɔ la, a n baa ka lɛlɛ ǹ wɔ bɛ́ lɔn!

LAWA A BOO SONBORE 2011

²¹ Toa, wɔ wusoo wɔ da n li Dɛnaa Lawa! Sonbore, wɔ á n bɔyɛɛ wɔ daa. Yiikoonaabaa dii kɔ wɔ la, a n baa ka lɛlɛ ǹ wɔ bɛ́ lɔn!

Busii pɛ 5:21 ပူးပေါင်းရင်းမြစ်များ

Kiin1 18:37

Dɛnaa Lawa, ma lɛ si. A toa zaman kɛ dɔ̃, mà n din Dɛnaa Lawa, n Lawa lɛa, mà n din nə toɛ n zaman foo tá n bɔyɛɛ, ǹ nə́ wusii die n ganaa.»

Loen 80:19

Bɛa yɔrɔ kɛ lɛ la, wɔ a re n wɔlɔ lui n din-a doo wa. N tá re toɛ wɔ yii goã koo, wɔ á re n din tɔ boe.

Loen 80:3

N pàã bɔ wɔ yɔrɔ-a, wɔa tɔrɔn kɛn yɔrɔ-a, Efrayimu ni, Bɛnzamɛn nɛ, ka Manaasee ne. N pàã bɔ n da wɔ kirisibaa.

Loen 80:7

Ma n wɔ biɛ wɔ miãkɛnɛn liere kɔ kɔn-a ǹ mànan lɛa, wɔa zɔ́ɔn nə́ yaa we wɔ ganaa.

Loen 85:4

Ń nə́ n yoo wɔ gialaa kɛ lɛ doa, ń nə́ n foo-yoo baraa kɛ lɛ goa.

Izayii 60:20

N wasa á re miɛ wa. N mui a re n yii siɛ̃ wa. Taãn nɛ, masɛ Dɛnaa Lawa n die goɛ̃ n tɛ fúlu lɛa dan ná a ba la wa. N gɛ̀ koa biikoo á re nyɛɛ.

Zeremii 30:20

Zakɔba tɔrɔn kɛn, ǹ tá re n biɛ ka lɛlɛ bɛ́ lɔn. A zaman lɛ gòã á re we tán ma yɔrɔ-a. Min woo min yoo ǹ ganaa, ma á re yui bɛa dɛnaa gialaa.

Zeremii 31:18

Má Efrayimu minin lɛ-dɛ ma taãn-taãnɛ, Maǹ pii: «Dɛnaa Lawa, ń wɔ doroo ka kakaarɛbaa nɛ, ka ǹ bɛ́ dii ten darɛɛ lɔn. Sɛnɛ, toa wɔ da n li, wɔ wusoo wɔ da n li taãn-taãnɛ. A giala, Dɛnaa Lawa n din ni wɔa Lawa lɛa.

Zeremii 31:4

Izirayeli zaman, ma á re n siɛ ma n da lon, ǹ wusoo ǹ nə n dɔ. N tá re wusii, n maà sonboren goa, n wo bɛ̀ baa kun ka zɔ́n zɛnaa wolen ne.

Zeremii 33:10

Dɛnaa Lawa n kɛ pii: – Kasɛn Zudaa minin, ka ǹ pii: «Gána lɛ n diə lɛa, minbuiin nɛn ba a-n wa, tɔɔn ba a-n wa. Sonbore ne, Zudaa laanka Zeruzalɛmu, kaa kiwin lɛn kooromaa nɛ. Min goon din ba kaa ziin la wa. Haalɛ tɔɔ din.

Zeremii 33:13

Kele yii kiwin kɛn nɛ ka *Sefelaa wɔn nɛ, Negɛvu kiwin ni, Bɛnzamɛn kiwin ni Zeruzalɛmu lɛkoro-a kiwin ni ka Zudaa kiwin ni, sèren laanka bòen tá re wusii ǹ kiɛ̃ ǹ nimii wole yɔrɔ-a.» Dɛnaa Lawa na á pɛ.

Ezekieli 36:37

Masɛ Dɛnaa Lawa n kɛ pii: – Ma bɛ́ re sii mɛn dɔ zɛnɛɛ, bɛ n ka kɛ nɛ: «Ma á re lɛ koe Izirayeli tɔrɔn lɛn nə ma nyankɔ, màn mɛn bɛ́ toɛ, man dɔ ǹ lɛ. Ma á re ǹ minin mɔnɛɛ ka sère kuru bɛ́ lɔn.

Abakuku 3:2

Dɛnaa Lawa, má n boo ma. Ma gɔ̀nɔn nə bìn diɛ ǹ nyɛɛnɛ, n sii dadaran zɛnaa a lɛa, Dɛnaa Lawa. Wɔa yiikoonaabaa gɔ́ɔ̃ nɛ, bɛa siin kɛn kɔnboe nyaa wɔ nɛ! Wɔa yiikoonaabaa gɔ́ɔ̃ nɛ, toa ǹ nə n dɔ̃! Ta n foo na á yoo, n yiri kɔ n din a makara doɛ̃ kɛ nɛ.

Malakii 3:4

Zudaa laanka Zeruzalɛmu minin wúlu mànan tá re kɔɔ̃n koe Dɛnaa Lawa ganaa, a ǹ si ka lɛlɛ bɛ́ lɔn ka lɛ̀ kɔsɔn kɛn bɛ́ lɔn ǹ nə́ kiɛ̃.